لاهل الخبره وشرايكم

[الجرح]

:88:السلام عليكم ورحمة الله وبركاته
اخواني في هذا المنتدى الرائع ارجو منكم المساعده فلقد دلني عليكم بعض الاخوان والزملاء وقالو تجد ضالتك في هذا المنتدى
ياجماعه انا عندي ببغا من نوع امزوني اعتقد اسمه زي كذا ( اورنج وينجد )لاني شفت صوره نفس ببغاي ومكتوب عليه هذا الاسم الي ارجوه منكم ان تساعدوني كيفية معرفة عمره ومالذي يحب ومالذي يكره او اي معلومات عنه وهل هو نوع جيد ام انه نوع رديئ وهل صحيح الذي سمعته من بعض الزملاء يقولون اذا تعدا عمره 3 سنوات مستحيل يتعلم الكلام لازم ينطق كلمه قبل 3 سنوات ولا خلاص اشويه وكله لاني الصراحه غشيم شوي بالببغاوات وشتريته ونا ماعرف شي يعني مع الخيل ياشقرا وكنت اعتقد انه يتكلم اذا علمته بس يوم تصفحة الموقع قريت اشياء عن الببغاوات الصراحه حسيت اني بتعذب ونا اربيه ياليت تعلمونن او احد يكتبلي شي عن هذا الببغا فيه بعض الكتابات عنه لاكنها غيير شافيه ولا تكفي ودمتم سالمين وكم سعره اذا صار مايتكلم

[الجرح]

وش دعوه محد رد علي وشلون اسئل ونحن نجاوب ما اضن الى هالدرجه سؤلي صعب يعني ماحد عنده خبره في نوعية هالببغاء

[الجرح]

28 واحد دخلو للموضوع ولا واحد يعرف الجواب؟؟؟؟؟:D الى هالدرجه اسئلتى صعبه

[الجرح]

ياعالم ردووووووووووووووو على سؤلي هذا قسم الاسئله والمشرفين او احد الزوار الي عندهم خبره يرد علي

[hnoo]

وعليكم السلام ورحمة الله وبركاته

ورنا صورته؟ عشان يعرفون يحددون العمر ..

وانا صراحه مااعرف لهالنوع .. مافيه شيء مستحيل ان شاء الله يتكلم ..

وتدريب الببغاوات يبي له صبر ..

وان شاء الله الاعضاء يفيدونك اكثر

[كاسكووووو]

صوره للعين ونعلمك العمر

[الجرح]

ان شالله راح انزل صور بكرا ومقطع فديو عشان فيه شي يسويه ماعرف وشفيه شكله فيه شي لانه كل يوم بس فتره بسيطه تقل يبي يستفرغ يبغا يطلع الي في معدته ويطلع يده من الشبك كأنه يبغا يمسك شي وحط اصبعي بيده ويمسكه ثم يدخل يده ويطلع الثانيه وتقل ينتفض وهو يسوي الحركه هذي بس انا اشوف انه يعني يلعب اوقات وياكل طبيعي ويصفر ويلعب بس الي يسويه هذا ضيق صدري يارب تعلمونن لو بس شي مبدئي:(:(:(

[الجرح]

وهذا الصور ومقطعين فديو شوف وش يسوي ووش معنا هالي يسويه وياليت تعطونن عمره ونوعه بالضبط وهل هو نوعيه زينه ولا شينه

http://www.2zoo.org/get-5-2010-2zoo_org_h3olttqc.jpg (http://www.2zoo.org)
التحميل من هنا (http://www.2zoo.org/get-5-2010-2zoo_org_h3olttqc.jpg)

[الجرح]

الفديو ياجماعه عجزت احمله يقولي مركز التحميل هذا الامتداد غير مسموح وش السوات الفزعه يالربع الفزعه يالربعات

[الجرح]

والله يا انتم ياخي تجيبون الاحباط للواحد مافيه تفاعل ولا شي لي يومين رازن صورة ببغاي ولا احد عبرن شكلي ابقصدره واكله ولا اوجع مخي

[طير جارح]

شوف حبيبي
الامزوني اللي عندك لا يعتبر من الطيور الجيده من انواع الامزوني
لأنه فيه ثلاث انواع احسن منه اليلوناب والدبل هد و البلوفرنتد
و بالنسبه للكلام للأسف صحيح اذا ما تكلم اول سنيتين او ثلاث سنين
راح تقل امكانية انه يتكلم لكن مو مستحيل
و بالنسبة للعمر الامزوني صعب تحديد العمر
و اذا كنت توك بادي انصحك تشتري طير فرخ و اليف و تربيه على يدك أحسن

والله يوفقك اخوي

[الجرح]

الله يعطيك العافيه اخوي بسسسس؟؟ شكلي بقوم اذبحه واكله اقل شي استفيد من اكله:(

:( يعني لعب علي الي باعه طيب ياجماعه ماتعرفون كم عمره لاني سئلته وقلي ماعرف كم عمره وشتريته انا 1300 ريال ياخساااااره ولا انا وشجابني لطيور من اول مره يلعب علي هذا اوله ينعاف تاليه:( طيب ياليت تقولون لي كم عمره مو يقولون يوضح من عيونه:(:(

[ابو يمن]

استهدي بالله ياخي مو شرط يردو عليك بيوم وليله ..
انا اشوف تعامله زي اي ببغاء مثله مثل اليلو ناب تنوع في الاكل وتعلمه كلمه كلمه وما اعتقد ان فيه طيور بعد 3 سنوات تنقطع عن الكلام ..
ولو تبحث في المنتدى زين بتعرف اشياء كثير عنه ..

[OUT]

وش تاكله

بيعه بأقل الخساير

واشتري بداله فرخ

[الجرح]

الله يجزاكم خير ومشكووووووووووور على تجاوبكم معي