كوكاتو

[بنت شايفة حالها]

حبايبي عندنا كوكاتو اول ماجبناة عمرة شهرين وللحين ماتكلم الان تقريبا 3 او 4 شهور

متى يبدا الكلام لازم لين يكمل سنة
وكيف تعلموة جننا واحنا نردد ولامن كلمة الا الان

[طير جارح]

توه صغير مرررة على الكلام
لا تتعبين نفسك بالترديد عليه
اول شي خليه يصفر و يطقطق وبعدين اذا كبر فوق 9 شهور يتكلم
لأنه 4 شهور صغير مره مره على الكلام
عشان كذا طولي بالك عليه و الكلام جاي بإذن الله

[عاشق الببغاوات2]

مثل ماقال اخوي أهم شي تبدين بالكلامات اليسيرة سهلة النطق

[بندولة حب]

الكوكاتو ببغاء قليل الكلام كلماته محدوده جدا

اذا كمل 4شهور ابتدي معه التلقين بكلمه سهله مثل ماما او بابا

[بنت شايفة حالها]

هو يطقق ويصارخ ويصفر

والحين اعلمة كلمة ماما من الصبح للحين

[عاشق الببغاوات2]

طيب كرري لين مايبدى يقولها وتحملي
ويفضل يكون بمكان هادئ وإذا جييت تعطينه ماء رددي ماما
لكن لو إشتريتي كاسكو افضل يعني الكاسكو يمكن يقرأ لك سورة الأاخلاص لو علمتيه..أقصد عنده قابيلة لحفظ الكلامات أكثر من أي نوع آخر

[بنت شايفة حالها]

باحاول وبارد عليكم

[عاشق الببغاوات2]

لاتسعجلين يعني خلي عندك صبر ولاتغيرين الكلمة وإن شاء الله يحقق لك آمالك
بالتوفيق

[ابو يمن]

اذا مستعجلين حطوه عند شيبان وعجيز ..
تقبلي مزحتي ومروري ..

[بنت شايفة حالها]

ههههههههههه

[badrooo]

انا بخذة منك وارجعة لك فل اوبشن يعني فل كلام بشرط ما يكون شايف حالة

والرد احسن من التطنيش حتى ولو كان لا يعني افهم احسن من الانتظار

[بنت شايفة حالها]

هلا اخوي هو لزوجي ماقدر اتلقف فية
وسالفة شايف حالة لاتخاف مو شايف حالة

والكل مستغرب من اسمي انا من كثر مادخل منتديات يطلع غير الاسم المستخدم موجود مسبقا فكرت احط اسم موموجود طلع وياي ذا واعتمدتة لكل المنتديات لكي لاانسى اسماءي لكل المنتديات
وشكر ا لكم جميعا وان شاء الله وضحت لكم الصورة

[عاشق الببغاوات2]

أتمنى تكون لغة الحوار أرقى من كذا
لو أحد طلب مني أعطيه الطير ويرجعه لي يتكلم مو مجبر إني أرد عليه سواء بكلمة لا أو نعم ولا هو مجبر بعد يتدخل بإسم معرفي كل إنسان وذوقه
وأعتقد من العيب إن الشخص يتدخل بكل صغيرة وكبيرة
مع تمنياتي لكم بالتوفيق

[بنت شايفة حالها]

شكرا اخوي هاذي الناس الفاهمة
تصدق من اول ماسجلت بالمنتدى ومجننيني عشان اسمي
ولاوي والبعض تعارف ويعطوني ايميل
على الخاص
وهنا رديت ليش بالعام للتوضيح للشخص الي يقول شايفة حالي

وهذا يدل على جهالتهم والله يهدي الجميع.

[badrooo]

لك حق تردين كذا لان اسمك غريب وكل غريب جذاب

والخاص حط للخاص والعام للعام

نتمنى التوفيق للجميع

[عاشق الببغاوات2]

إختي بنت شايفه حالها اللي يرسل لك الأيميل أو تعارف على طول سوي له شكوى ويقفونه عند حده ويقفون عضويته بعد..لأن مثل هالأشكال ماينغع معها اخذ وعطا
وبخصوص الاسم مو غريب ولايحزنون لكن حركات الشباب معروفه ترى وأخذ عليها الزمن وشرب..
الله يصلح الحال بس