نداء للمحترفين وبالاخص د.احتراف سكر غسان ابو محمد

[آلتحيه]

السلام عليكم ورحمة الله وبركاته

الحمد لله والصلاة والسلام على اشرف الانبياء والمرسلين سيدنا وحبيبنا محمد عليه افضل الصلاة واتم التسليم

اما بعد

الطير عندي كاسكو افريقي ابو ذيل احمر

يخاف مني

مايجعر بس لمن اجي بغيرله المويه

ينزل تحت بالقفص

لمن المس راسه ينزل منقاره لين تحت

على اني اعامله معامله زينه اتكلم معه ابتسم بوجهه اغنيله

نجي للنقطه الثانيه
احط القفص على البوفيه اللي بين الصاله والمطبخ يعني

مايصفر قدامي ولا يشكل

الا اذا نزلت القفص من فوق البوفيه وحطيته بالمطبخ

بعد ساعه يجلس يشكل خمس دقايق ويرجع يصير اطرم

الطير مايجعر الا لين احط وجهي قدامه بالقفص

على اني تعبت احاول ادربه على الصعود ع يدي مو راضي

انا اللي مروضه سابقا كان يجعر

بس وش السر انه ينحاش.؟

شريته قبل 4 شهوريوم اشتريه كان عمره سنه واربع شهور يعني عمره الحين سنه وثمان شهور والله اعلم يمكن اقل

تكفون يااخوان ثالث طير اشتريه

تعبت نفسيآ صبرة حيل

معامله حلوه اكل حلو ماادري وش مقصرفيه انا
اقابله باليوم سبع ساعات

الله يوفقكم ويوفقنا

[ابو يمن]

لا تستعجل اخوي على الطير خلك طبيعي انت ماشريته عشان الصياح انت شريته من اجل الزينه
كان معي كاسكو جلس 6 شهور اعجم ابكم الحين صارله سنتين ادور اسكته ماشالله عليه ..
انت خلك طبيعي تعامل معاه بكل طفوله ومع الايام بتشوف الفروقات ..

[المحب للدرة]

لا تستعجل اخوي وخلي قاعدتك الصبر وان شاء الله بتشوف نتائج مرضية

[د. إحتـراف]

الطير عندي كاسكو افريقي ابو ذيل احمر

يخاف مني

مايجعر بس لمن اجي بغيرله المويه

ينزل تحت بالقفص

لمن المس راسه ينزل منقاره لين تحت

على اني اعامله معامله زينه اتكلم معه ابتسم بوجهه اغنيله
نجي للنقطه الثانيه
احط القفص على البوفيه اللي بين الصاله والمطبخ يعني

مايصفر قدامي ولا يشكل

الا اذا نزلت القفص من فوق البوفيه وحطيته بالمطبخ

بعد ساعه يجلس يشكل خمس دقايق ويرجع يصير اطرم

الطير مايجعر الا لين احط وجهي قدامه بالقفص

على اني تعبت احاول ادربه على الصعود ع يدي مو راضي

انا اللي مروضه سابقا كان يجعر

بس وش السر انه ينحاش.؟

شريته قبل 4 شهوريوم اشتريه كان عمره سنه واربع شهور يعني عمره الحين سنه وثمان شهور والله اعلم يمكن اقل

تكفون يااخوان ثالث طير اشتريه

تعبت نفسيآ صبرة حيل

معامله حلوه اكل حلو ماادري وش مقصرفيه انا
اقابله باليوم سبع ساعات

الله يوفقكم ويوفقنا



بسم الله الرحمن الرحيم

وعليكم السلام ورحمه الله وبركاته

مشكلتك اخي العزيز سهله ولكن تحتاج الى صبر بعض الوقت

اولا الطير الخواف علاجه سهل , افتح القفص من فوق بيحث ان الطير يدخل ويطلع وقت مايبغى

وتغير له الاكل والمويه بنفسك بس يكون الطير في غرفه مايدخل عليه الا انت وتجلس انت وياه ساعات طويله بدون ماتتكلم معااه ويكون قريب منك . ومشكله انك اذا حكيت راسه ينول منقاره تحت شوف اخوي كل ماحكيت راسه ونزل منقاره شيل يدك لحد مايرفع منقاره وارجع حك راسه اول ماينزل منقاره قوله لا , عبر له ان هذا التصرف انت ماتحبه لا تعاقبه فقط وضح له ان هذا التصرف انت لا ترغب فيه .

وحل المشكله الثانيه هو حبس الطير في القفص , يعني لازم اول شي انك تشيل الخوف من الطير بأنك تخليه مطلوق في البيت وفوق القفص بس يكون جناحه مقصوص , بعد مايروح الخوف منه احبس الطير في القفص اسبوعين وراح تشوفه يبدأ يصفر ويشكل لكن ارفعه عن االارض خله متعلق في الجدار تقريبا متر ونص .

اي شي يحتاج التوضيح انا حاضر

[ريكووو]

يمكنانه غريب على الماكن يااخوي وان شاء الله انه يتعوود عليك

تقبل مروري:)

[سكر]

هلا فيك يا غالي

بالنسبة لطيرك لما ينزل منقاره على الأرض هذا أمر طبيعي لأنه يثبت منقاره عشان لما تلمس راسه ما يهتز

خصوصاً ان الطيور تكره الهز وتسبب لها نوع من المضايقة

وتقدر تمسك منقاره وتحك راسه بحيث انك تثبته وما يهتز,,

أما التصفير في البوفيه,, فهذا لأن الوضع تغير عليه وصار عنده مجال مكشوف ومريح له انه يتفاعل مع البيئة

حاول تغير له الأماكن بانتظام وتخليه يتعرف على البيئة المحيطة أكثر


بالنسبة لهروبه من يدك.,, اذا طلعته على يدك امسك اصابعه بين اصابعك وهو على يدك عشان تجبره ما يطير أو يهرب

وهذي بعض المواضيع اللي ممكن تساعدك في التدريب

http://www.2zoo.com/vb/showthread.php?t=152164

http://www.2zoo.com/vb/showthread.php?t=146429

http://www.2zoo.com/vb/showthread.php?t=95875

http://www.2zoo.com/vb/showthread.php?t=100354


تحياتي

[آلتحيه]

الله يجزاكم الجنه يارب العالمين

راح امشي على كلامكم

وكلامكم واحد كله نفس الحل

يطولي بااعماركم

السؤال اقدر اسوي الحركه بحيث اني اخلي اصابع الطير بين اصابعي

والا اصبر لين يروح الخوف منه بتاتا البته ..؟

اسف على الاطاله

[nizarg]

أخي من ناحية التصفير تريد صبر أما من ناحية الوقف عاليد فأنا صارت معي قصة و ما أعرف اذا كل الببغاوات هيك بعد أن حاولت معه و فقدت الأمل من هذا الموضوع كنت حاطه مرة قدام مراية و جيت أطعميه لقيته مد رجله و طلع على أيدي ... أذا نجحت معك العملية خلي يتنقل من يد ليد لحين يتعود