قصه مريعه وابقى منكم النصح

[يانكا]

السلام عليكم

من خمسه ايام قبل ماانام كالعاده شيكت على طيوري العشره واحد واحد وبعدين رحت انام

وللمعلوميه انا حاطتهم بغرفه خاصه لهم في البيت يطيرون فيها مثل مايبقون وقافلتها عليهم ولما صحيت من النوم

كالعاده اول شيء اسويه بعد الصلاه اروح اشيك عليهم وللاسف وبطريقه عجيبه اختفت عندي انثى

البادجي بحثت عنها في كل مكان ماحصلتها حتى والله في وسط الدروج بحثت عنها وداخل فتحت

المكيف الصقيره جدا بحثت ماخليت مكان وضليت 3 ايام ادور عنها ووصلت الى حد يأست فيه من

ايجادها والعياذ بالله من شيطان الرجيم وشتريت انثى جديده من يومين

لكن الشيء الغريب بعد خمسه ايام من اختفاءها وانا رايحه اشيك عليهم قبل النوم تفاجأت بوجودها

وجالسه جنب الانثى الجديده وماخفيكم انا ارتعت وصرت ارتجف لما شفتها حتى اني شكيت انها من اهل بسم الله :shy:

لكن الحمدلله قرأت قرآن ولازلت موجوده وصرت ادخل الغرفه واطلع اتاكد من انها موجوده ماختفت او اني حلمانه :D

المهم انها الحمدلله ظهرت بس حسيت انها تعبانه مو مثل قبل نافشه ريشها ومسكره عيونها معظم الوقت

اخذتها وحطيتها بقفص لحالها وحبستها وحطيت لها بالمشربيه مضاد حيوي ( فيتانار ) وحاولت ادفيها وغطي القفص بفوطه

وابقى نصائحكم حول الموضوع وكيف ممكن اعتني فيها الله يجزيكم الف خير

وعندي سؤال شو افضل شيء ممكن اغطي ارضيه الغرفه فيه ؟ انتوا عارفين اكرمكم الله فضلات الطيور كلها على الارض

واضطر احيانا اغسل السيرميك :64:بسبب هذا الشيء فبقى نصائحكم حول تغطيه الارضيه

[يـوســـف 2020]

صار لي نفس حاله الاختفاء قبل 5 سنين والمختفي طائر سمان وبعد 3 ايام رجع وحصلته مع الباقين

وللعلم كانوا في صندقه مسكره من كل الجهات ودورت عليه كل الثلاث ايام وما حصلته وبعدين رجع

سبحان الله

[7mamah]

هههههههههه


هذي جنيه بسم الله هههههه


الحمدلله انها رجعت وان شااء الله تصير احسن مع الايام


وبالنسبة للارضيه احس صعبه في ارضية غرفة كامله

افرشيها فراش نايلون او قرطاس وكل ما يخيس تغيرينه هذي فكره خخخخ وما بتتعبين نفسك انك كل يوم تغسلي الارضيه :88:


ان شااء الله اللي عنده خبره وافكار يفيدك ^_^

[عاشق الرضا]

هههههههه

يمكن طلعت بره الغرفة
انا صارتلي قبل شهرين اختف البلبول حقي ودورتة مالقيتة والبوم الثانيطلع وكان جوعان وعطشان على حدة


عاشق الرضا

[جزيرة الحب]

لا يوجد تعليق

بسم الله الرحمن الرحيم

[بادجي 2009]

الله اعلم اتوقع اختي انها كانت عالقه بمكان او انها كانت بالبياضه ااذا عندك عشان البادجي اذا مرض يختبى بالبياضه

المهم اختي من وجهه نظري جيبي اقفاص لكل زو وحطي كل زوج لحاله افضل وكذا انتاج ونظافه اكثر وبالتوفيق

[the master2010]

ههههههههههههه


ممكن دخلت وخرجت من الباب دون ما تنتبهي

او ممكن ماقدرتي تميزي لونها بين الباقيين

الحمدالله على كل حال

وكلام الاخ بادجي 2009 منطقي جدا

[يانكا]

افرشيها فراش نايلون او قرطاس وكل ما يخيس تغيرينه هذي فكره خخخخ وما بتتعبين نفسك انك كل يوم تغسلي الارضيه :88:

هذا اللي قاعده اسويه مؤخرا بس طيوري مايلتزمون بمكان واحد مره على اشجار زينه ومره على الاقفاص ومره على الطوله :64:


الله اعلم اتوقع اختي انها كانت عالقه بمكان او انها كانت بالبياضه ااذا عندك عشان البادجي اذا مرض يختبى بالبياضه
المهم اختي من وجهه نظري جيبي اقفاص لكل زو وحطي كل زوج لحاله افضل وكذا انتاج ونظافه اكثر وبالتوفيق

ماعندي بياضه :(

وماقدر احبسهم حرام من زمان وهم ماخذين راحتهم , ماقدر اقهرهم هم حياتي كلها

وسمعت ان الطير لما يطير يصلي فما قدر :(


ممكن دخلت وخرجت من الباب دون ما تنتبهي

او ممكن ماقدرتي تميزي لونها بين الباقيين

الحمدالله على كل حال

مستحيل انا اقفل الباب لما ادخل اوطلع وحتى لو مانتبهت وهي تطلع مو معقوله مانتبهت وهي تدخل

ولا مستحييييييل اكون ما قدرت اميز بينهم انا عندي 2 بادجي فقط والحين صاروا 3 لما ختفت وشتريت الجديده

اما الباقي واحد كاسكو و2 كروان و3 بلابل و2 عصافير عاديه من الشارع واحد لقيته وهو صقير ضايع وربيته والثاني

حصله اخوي بشارع لاصق بصمغ للفيران وساعدته وماقدرت اعطيه حريته لانه مايطير بعد تعرضه لصمغ .

[zikas10]

شئ غريب ..المهم الحمد لله على سلامة الطير...
بالنسبة للفرشة فأعتقد أن رمل الشاطئ الخالي من الشوائب
هو المناسب لاحتواء الفضلات كما يسهل عملية التنظيف ..
وبالتوفيق..

[غريق الشوق]

ههههههههه والله تخوف هذي بسم الله ههههه

مادمتي اخترتي هالطريقه للتربيه فالله يعينك على التنظيف كل شوي ..

انا انصحك تحطين سلاكه كبيره داخل الغرفه وتحطين ارضيتها سفره والا اي شي يتغير ..
احسها صعبه تكون فالغرفه بهالطريقه..

والحمد لله على سلامة طيرك..

وبالتوفيق..

[ميلودي85]

والله يااختي انا اتبع نفس اسلوبك ايضا طيوري اتطير بالغرفة بحرية وايضا صار عندي مرة اختفاء للذكر دورت عليه الغرفة كلها طلع متخبي ورة الستارة :wao: ومرة الانثى وطلعت متخبية واقفة على الثريا اما بالنسبة للتنظيف فانا انظف بالمكنسة الكهربائية كل 3 الى اربع ايام لكن الحلو انه طيوري ما يوسخون الا في القفص اما خارج القفص فالريش وقشور الحبوب هي الي اضطر انظفها بس حاليا اضطريت انه اضعهم في قفص لان صار عندهم فروخ وبعد الفطام صارو يؤذون الصغار لذلك عزلتهم في اقفاص بس اطير كل مجموعة وحدها لساعة معينة كل يوم لان مااتحمل اشوفهم محبوسين وبارك الله فيك وفي طيورك يااختي تعتنين حتى بالطيور الي بالشارع ماشاء الله عليكي ,بالنسبة للانثى المتعبة اعطيها فيتامينات ووجبة بيض وبقسماط وقمح منقوع يعني ركزي عليها بالتغذية ان شاء الله يكون بس اجهاد من قلة التغذية نظرا لاختفائها اما اذا ظهرت عليها اعراض مرض معين (لاسمح الله) فاستشيري الاخوة والخبراء وان شاء الله خير.