ارحمو من فى الأرض يرحمكم من في السماء

[ZoO_LoVeR]

خبر مش تمام ....اليوم كنت عند احد المسؤوليين بالثروة الحيوانية وقالي ان قرار جديد توه صادر بمنع استيراد انواع من الكلاب ومنها الروت وايلر
والبت بول .طبعا انا اللى اعرفه القرار طلع بسبب ضغوطات من الخارج علينا ...والسبب ان الأجانب امسويين حمله تصويير على سوق الجمعة طبعا انتو
عارفين حال الحيوانات وطريقة عرضها اهناك انا شفت جزء من هالصور عند واحد منهم طبعا واللى ما اتعرفونه ان الBBC الجمعة اللي طافت امصورين السوق
وعلى فكرة ترى مو بس احنا بالكويت ترى الجملة طايلة دول ثانية ... واقولكم بعض الأسباب اللى عرفتها منهم وسبب هالحمله

مصيبه الشباب اللى ما في قلوبهم رحمه حسبي الله عليهم ونعم الوكيل اللى بدال
ما يسوون خير سوو شر وابقوات عين يعنى الأخ مع ربعه مستانسين واهم يحرقون جلب طبعا رابطينه ويا الأخ وكت البانزين عليه وشب النار فيه ما خاف من
عقاب ربه ....وبعد الأخوان اللى مارين على تكرمون اخمام وشافو قطوة مالها شغل الا انها اتدور رزقها والله مافى رحمه بقلوبهم اللى تحجرت قوم وارميها بالشوزن والله انى شفتها واهى اتفلب واتنازع ادمعت عينى
على حالها ..... البلوتوثات هذى اوصلت بره لمنظمات حقوق الحيوان وكل هذا ويبون العالم يحترمونا ولا يقدرون ان احنا ناس انخاف على الحيوانات اللى عندنا احنا بيئتنا مارحمناها ولا حيواناتها بالله اشخلو ..ويقولون انتو المسلمين ما ترحمون حيوان ولا انسان ...خلوهم حتى بهذي يعتبرونا ارهابيين ماخلصنا من ارهاب الفكر والدين
يينا حق ارهاب الحيوانات ..والله حاله غريبه اللى انعيشها .اقول ملينا وزهقنا ترى من هالشغلات اللى يسوونها ناس تافهين مايعرفون شى عن حقوق ابسط شي بالدنيا ويأثرون على سمعة بلد ولا دين ولا فكر ...ارحمو من فى الأرض يرحمكم من في السماء
:angry: :angry: :angry: :angry: :angry: :angry: :angry: :angry: :angry: :angry:

[لحن الخلود]

يعطيك العافيه عزيزي ZoO_LoVeR على الموضوع
الصراحه صحيح إنه شيئ محزن وشيئ يحز بالخاطر لما نشوف أو نسمع عن تعذيب الحيوان
بس ترا الشخص الي سوى فعلته ماهو أول ولا آخر واحد بيسوي هكذا
وأمور تعذيب الحيوان موجوده منذ قرون مضت وعلى وجه الارض ككل
وبنفس الوقت ياجماعه كل دوله فيها الشيئ الزين والشين
مثل مافي ناس عندنا قاسية القلوب هناك ناس رحيمة القلوب وتكرم الحيوان وتحبه
وهم كما يقولون ناس واعين وفاهمين لازم يفهمون إنه في ناس تقدر الحيوانات
شافو مقاطع الفيديو وراحو سوق الحمام ، وباس....
ليش ماراحو حق المستشفيات وطلبو زيارة المربين
ماشاء الله كل بيطري بالكويت مايخلا من المربين والبريدرز عناوينهم وارقامهم
ومن ظمنهم أنا وناس قبلي وبعدي ماينعدون ولا شسالفه يعني ..؟؟
والثروه اشفيهم ما عرفو يردون عليهم بالله ..!!
وحتى اهما اخاف مقصرين يعني ثلاث ارباع فايتات الكلاب منهم وماحد كلا الكلاب والقطط
غيرهم ، ياين الحين يعاقبون ألاف الهواة بفعل شخص سفيه
هذا مو كلام وماعندهم سالفه واهم الخسرانين يدرون الدول العربيه اشكثر تشتري منهم
خل تجارتهم تطيح ابكبدهم واحنا لا بغينا كلب انعرف اشلون انطلعه من عقر داره

وسلامتكم

حريتني والله آخ لو طايح عليهم ابسوق الحمام كان هديت عليهم رامبو يعرمشهم
ويبرد كبدي فيهم هاللي ياين يتصيدون علينا :boxing:

[nevada]

انا مع لحن الخلود...
بس يا أخي شوف احنا شقاعد انسوي بالكلاب ترى في ناس ماترحم الكلب او القط او الحيوانات بشكل عام
فا لازم يبيلهم قرصة عشان يتعلمون شوي...
مشكور zoolover على المعلومة...

[بوعزوز]

والله اخوي كلامك الصراحه هذا الصج الماشي في الكويت والله اني مره دخلت مره مع احد في نجار كان راح يوصل للمخفر بسبب قطه وضعها في تكرم زباله الشارع و يقذف داخلها الشراقي ((الألعاب الناريه)) بس شوف كلامهم صحيح وليس واحد او اثنين في الكويت بل ممكن الألاف من الناس يعني اخواني الناس الذين يحبون هذي الشغلات أكثر من الهاوين للحيوانات يعني هذي مشكله و الصراحه لازم ما تسكت عنها الثروه الحيوانيه و يجب ان يطبق القانون الأوروبي لدولنا العربيه ولكن هذا مستحيل اكيد لأننا مسلمون بس شنسوي تخلف والله وعلى العموم اخواني الحل الوحيد مثل ماقال اخوي نيفادا قرصه وحده اتعلمه يعني طراق و بكس من الضابط و حبس ست اشهر اتخليه ريال عدل مو يستقوي على روح لا تتكلم ولا تفهم و اذا يبي يتفيخر خلهم ايمرون المزرعه علشان مسكين اهو الي بينحط بالزباله و مو مني من الكلاب ههههههههههه.
وشكراا

[abbaswcw]

ششششكراً على هذه الموضوع و الى الامام اخويييييي

[قناص]

والله أشكرك أخوي ZoO_LoVeR لنقلك لهذا الخبر المحزن . .

وللأسف أن لدينا مثل هؤلاء الناس الذين لا يملكون الرحمة في قلوبهم . .

ما السبب الذي جعلهم يقومون بحرق الكلب ؟
السبب : من أجل يضحكون قليلا . .

ما السبب الذي جعلهم يرمون القط بالشوزن ؟
السبب : كي يجرب الشوزن لأن شاري جديد . .

عذر أقبح من ذنب . . يقتلون المخلوقات الجميلة وبطريقة شنيعة من أجل اسباب واهية. .

اعجبني كاريكاتير شاهدته منذ فترة في احدى الصحف . .

الكاريكاتير :

هو عبارة عن رسمة فيها أب له منصب كبير وبالطبع له واسطاته . .
الأب ذاهب للمخفر يريد أن يخرج ابنه من المخفر . . فيقول للضابط . .

الأب : من صجك حابس ولدي لأن قتل شخص . . :eek: :eek: :eek:

يااااااااااااااااااااااااااااا سلام على الأب الرحيم . .

طبعا الكاريكاتير بعيد عن الموضوع ولكنه يرتبط بأمر مهم وهو عدم المبالاة بأي شيء . .

وهذا الشيء الذي دفع هؤلاء لعمل ذلك . .




شاكر لك عزيزي وأتمنى لك التوفيق باذن الله تعالى . .

[ZoO_LoVeR]

اشكركم اخوانى على التفاعل مع الموضوع ولا انا هم تظايقت وايد من الساالفة هذى لأن الخير يخص والشر يعم وهذى البلوة والطامة الكبرى المشكله ان اهم مثل ما قلتو يركزون على الشين وهذا دورنا انه انشيل الفكرة هذى من بالهم بالهمه والعزيمة اللى عندنا ومثل مافيه شين فى الف زين اتمنى انتكاتف من اجل الهواية اللى انحبها عشان تظهر للنور بالشكل السليم

[الاربش]

اصبح الان قتل انسان للانسان امر عادي بال لا يعاقب عليه القانون
ما بالك الحيوان انا والله كرهت المنظر عندما اشعل النار بالكلب حتي انني تمنيت اني لم اشاهده
كذلك منظر القط وهو يتقلب حتي زهق كم اتمني ان اشاهد هؤلاء السفله وهو في غبضه الشرطه ....بسببهم عم الشر على ناس ليس لهم ذنب الله يكون بعونكم يا مربي الحيوانات بعد هذا القرار

اشكرك عزيزي على الموضوع

[بوفهد]

يعطيك العافيه اخوي زوو لفر

بصراحه فعلا موضوع مؤلم ويؤثر بالواحد ان في ناس يقومون بهالحركات لأغراض الترفيه والوناسه

لاحول ولاقوة الا بالله

لكن صدقني مع المثابره والمطالبه المستمره راح يكون هناك حل اخر وطريق مفتوح لايستطيع اغلاقه احد

بالتوفيق

[NONO]

والله أخوي أحزنتني بهذا الكلام ماكنت أعتقد ان في ناس بهذا القلوب القاسيه الي ماعندها رحمه
حتى لوكانوا مايحبون هذا الحيوان ليش يسون فيهم جذي مايخافون من عقاب ربهم يوم القيامه
استغفر الله في قصه وحده كافره شافت كلب عطشان عطته ماي دخلت الجنه سبحان الله.
والله اني شفت كلب خارج بيتنا قاعد تحت الشجر في الشمس كسر خاطر رحت ونديته ويبت له ماي ودجاج
علشان ياكل وعليه استانس وقعد عند باب بيتنا لما بنت عمي الصغير بغت تدخل البيت شافت الكلب عند الباب ركضت بيتهم وبعدين رجعت مره ثانيه وتقول هذا كلبكم الي عند الباب فقلت له لا، بس الوالد لما شافه عند الباب طرده وراح الكلب يمكن راح عند صاحبه، بس مومعناته انا اي واحد مايحب الكلب اوالقط يعذبهم الحيوانات لها أحساس تحس مثل البشر .

والله هذا مو في الكويت بس فكل أنحاء العالم، اذكر وانا كنت صغير كان الشباب ياخذون القطاوه ويشنقونهم والله حرام وش هذا القلب الي عندهم خلهم يفكرون لو كانوا هم ماكان هذا الحيوان وش راح يكون احساسهم بهذا التعذيب ولاعلشان حيوان خلاص.

مافكروا ان في يوم راح يعاقبون على هذا الفعل الشنيع، الله يهديهم.

[ابو حسن-فلسطين]

مشكوررررررررررر
شى جميل

[r3odi]

الصراحه وانا متأكد منها


انه في كل مجتمع فيه الطيب والبطال


واكيد في الخارج بيحصل نفس الشي


اذا كانت نسبة الجرائم في الخارج للانسان نفسه كبيرة جدا

اجل كيف مع الحيوانات

بيكفي الفايتات المنتشره عندهم والمراهنات عليها وبعد الفايت يقتلو الكلب

وما خفي كان اعظم

[ولد بوجعفر]

لانملك الا ان نقول لاحول ولاقوه الابالله العلي العضيم

[attack]

والله كلام اخونا لحن الخلود صحيح وانا اوافقوا

[ThuGGY]

شنو تعدلون وشنو تخلوون من اسباب هذي المشاكل اهيا الجهل ومافي توعيه وفي ناس ماخذه المجاول انه وسيله حق زياده الفلوس ناس تدفع بالالاف رهن

[عزوز]

جسبي الله ونعم الوكيل

[merit1987]

مشكووووووووووووووور اخوي

[رامبو]

مشكوروالله

[الغسالة]

بسم الله الرحمن الرحيم الرحيم


اولا انا راح اشكر اخوي زوو لوفر على الموضوع الحلو

ثانيا الحين الاميركان ما لقوا الا سوق الجمعة ؟! هم يدورون اي شيء عشان يقولون اننا ارهابيين...

بس الغلط مو غلط الامريكان غلطنا حنا مفروض نعاقب معذب الحيوان ونجعل تعذيبها جريمه!

بس حنا الناس العاديين مانقدر نحد قوانين في البلد.. عشان كذا انا اقترح اننا نغير مفهوم الاميركان و نسوي فيديو او نرسل ايميل او اي شيء نبين للاميركان ان حنا مو كلنا كذا صح في عندنا الشين بس مو يعني مافي عندنا الزين ؟ّ!

وحبيت اختم كلامي بحديث عن الرسول صلى الله عليه وسلم ((عن عبد الله بن عمر "ان رسول الله صلى الله عليه وسلم لعن من اتخذ شيئا فيه الروح غرضا"))
معنى الحديث انه لعن وطرد من رحمه الله كل معذب للحيوان وهي من كبائر الذنوب....