ساعدوني بأفكاركم الحلوه ياحلوين للانتاج

[لوتيه]

السلام عليكم و رحمة الله و بركاته .
قررت اسوي غرفة للانتاج و ابا افكاركم :D ابا صور قفاصه
و صور البيت ماعرف شو اسمه :D لي يبيضون فيه الصندوق لي من خشب
كم لازم يكون قياسه ابا حق زوج ميني مكاو و زوج كاسكو
و زوج ماعرف اسمه :p المهم ابا افكار لاتبخلون عليه .

[لوتيه]

معقوله محد عنده افكار افاااااااااااااااااااااا

[حب استطلاع]

وعليكم السلام
أقفاص الأفريقي والميني مكاو تكون بالأبعاد التالية:
1م عرض × 1م إرتفاع × 2م عمق
والهدف من العمق حتى الطيور تقدر تطير براحتها

وهذه صورة لأقفاصي للتوضيح

http://www9.0zz0.com/2010/05/26/23/507769315.jpg (http://www.0zz0.com)

وبرج التعشيش يكون بالأطوال التالية:

61سم إرتفاع
وداخل الغرفة ( الطول والعرض ) 33سم
وفتحة الدخول للبرج تكون بطول: 11سم × 11سم
وممكن تكون دائرية مثل الصورة أو مربعة
ويضاف سلم من الداخل ليسهل على الطيور الدخول والخروج من البرج

ويكون فيه باب من الخلف بنفس فتحة الدخول
ويستخدم لإخراج الفروخ بإذن الله

وهذه صورة للتوضيح

http://www6.0zz0.com/2010/05/26/23/482762834.jpg (http://www.0zz0.com)

إن شاء الله إني أفدتك

بالتوفيق لك في مشروعك

[سكر]

لت لت نزلي صورة الطير اللي مدري شسمه :D

[عاشـ الكوكاتو ــق]

سكر بسألك سؤال لو سمحت :)

انا الحين معاي زوج درهـ لهم معاي يمكن 7 شهور ولا انتجو شي

مع العلم اني ماني مسويلهم صندوق خشبي !!

يعني اذا مافي الصندوق الخشبي اللي يبيضون فيه ما ينتجوو ؟؟

[سكر]

سكر بسألك سؤال لو سمحت :)

انا الحين معاي زوج درهـ لهم معاي يمكن 7 شهور ولا انتجو شي

مع العلم اني ماني مسويلهم صندوق خشبي !!

يعني اذا مافي الصندوق الخشبي اللي يبيضون فيه ما ينتجوو ؟؟

هلا فيك يا قمر,, ممكن ينتجو بنسبة أقل ,, وأعرف ناس أنتجو درة في قفص عادي

لكن هذي ليست قاعدة تعتمد عليها

المفروض تجهز لهم قفص كبير أو غرفة,, ويكون موفر فيها كل التجهيزات

ووقت التزاوج والتآلف تقدر توفر لهم صندوق حتى تحفزهم على التناسل يا قمر

وربي يوفقك

[abdelrazak]

اخي القفص واضح لكن صندوق التعشيش يا ريت توضيخ اكثر انا شابف فتحت صهدوق التعشيش خارج القفص

[الكاسيكو]

السلام عليكم

اخونا العزيز لوتيه معلوماتك تحت الصفر مع احترامي لك حتى اسم الطيور ماتعرفها وتريد تنتج؟؟

[سكر]

السلام عليكم

اخونا العزيز لوتيه معلوماتك تحت الصفر مع احترامي لك حتى اسم الطيور ماتعرفها وتريد تنتج؟؟

عليكم السلام ورحمة الله وبركاته

أشكرك يا الكاسيكو على تعليقك اللطيف,,

أختنا لوتيه مثلي ومثل أغلب الأعضاء,, ثقتنا في المنتدى تخلينا نجازف ونجرب ندخل في أي مجال طالما انه فيه أعضاء مثلك ومثل أعضاء المنتدى خبرة يفيدوننا ونستعين بخبراتهم ومساعدتهم,,

وصدقني انا عن نفسي لو تسألني عن كثير من الأنواع ما أفهم فيها ولا أعرف أساميها

لكن لو تجيب لي حتى كوبرا,, تلاقيني أعرف أتعامل معاها, وعندي مقاطع في اليو تيوب مع كوبرا ومع عقربه,,

والعلم بالتعلم والحلم بالتحلم,, كما أرشدنا الرسول صلى الله عليه وسلم,,

وسامحني اني تدخلت بس حبيت أوضح هذي الشغلة يا قمر,,

تحياتي

[abdelrazak]

اخواني اريد توضيح اكثر عن برج التعشيش بو سمحتم

[abdelrazak]

لا مجيب شكرا

[سكر]

اخي القفص واضح لكن صندوق التعشيش يا ريت توضيخ اكثر انا شابف فتحت صهدوق التعشيش خارج القفص

هلا فيك يا عبد الرزاق

الفتحة اللي انت شايفها هذي للمربي وليست للببغاء

وفايدتها عشان نقدر نفتح القفص وناخذ الفروخ أو نصورهم أو نشيك عليهم لأي سبب بدون ما ندخل جوى القفص ونزعج الببغاوات,, أو نخوفهم

أما الببغاء فيكون داخل القفص وبابه من الداخل الى العش

وربي يوفقك يا قمر

[abdelrazak]

شكرا اخي بارك الله فيك