عطوني حل اخاف يموت قطوي؟؟؟؟

[طلال سعود]

السلام عليكم ورحمة الله

قطوي عمره شهرين ونص واول ماجا يلعب وفله صح انه ينام

بس مو مثل الان...له يومين مااكل امس اكل من الدجاج اللي معلب الرطب مو الدراي

وجبه وحده فقط

واليوم اكل من دجاج مسلوق بالبيت شي بسيط

وديته الطبيب وعطاه فيتامين حقنه بفمه

وحقنه بالعضل ابره مدري ايش اسمها

وقطره بالانف نفس اللي نستخدمها لللبشر اسمها نيوزكم

والحين مايبغا يلعب ولاشي تعبان بس وده ينام

الدكتور يقول عنده احتقان من البرد عشان المكيف

بالله عليكم طمنوني وعطوووووووووووووووني حل:(:(:(

[طلال سعود]

ياليت تدلوني علي عيادات بيطريه متخصصه بالرياض

[الخبيرة ناديا]

اوف اوف ليه نقط بالانف هو مو بقره؟؟ لاحول ولاقوه الابالله صدق ماعندنا بياطره يعتمد عليهم

اخوي انا اقولك ايش تسوي معاه وامشي معاي خطوه خطوه.

اولا: جيب مضاد بيتاموكس من الصيدليه البيطريه او من محل حيوانات وحله بماء

واعطيه نصف القطاره مرتين في اليوم لمده خمس ايام

واعطيه زبادي دافي مو بارد ...!! بالسرنجه مرتين باليوم حتى تتطهر معدته

وشوف عليه حراره او لا..قيسها من فتحه الشرج بمقياس الالكتروني وادخل فقط الطرف فيها

واذا ماتعرف خلاص شوف اذنها والمسها من الداخل اذا هي دافيه مرره معناته عليها حراره

واذا هي مرتفعه حرارتها اعطيها 1 سم من شراب فيفادول للاطفال مره في اليوم بالسرنجه الصغيره

ولاتعطيها منه بعد كذا حتى تتاكد ان حرارتها خفت.

والاكل سوي لها دجاج مسلوق وفتت عليه الدراي فود حتى ترضى تاكله القطه

وخليها بمكان جاف بارد حتى تخف .

والله يطمنك عليها..

ولو تحب تروح بيطري ممتاز ارسلك الرقم على الخاص

[دلوعةقطوتي]

وديها لواحة الحيوان في الملز اسم الدكتور قاسم مرررره كويس والله يشفيها طمني عنها

[طلال سعود]

ياليت ترسلين لي رقم العياده

بكره من الصبح وانا عندهم باذن الله

لو تشوفون شكله يحزن:(

[طلال سعود]

طيب انا بالغرفه مشغل المروحه اطفيها؟؟

والا اخليها؟؟

لان اذا طفيتها حر عليه

[دلوعةقطوتي]

الرقم 4780081
ولاتطفي المروحه الجو حارررواقرا عليها قران وامسح على راسها ولاتخاف ان شاءالله الله بيشيفيها

[الخبيرة ناديا]

لا لاتطفيها خليها بس مو على العالي ..

لاكن حاول انك تسوي اللي قولتلك عليه لانه صغير خطر عليه تتركه.

ابشر اللحين ارسلك الرقم

[طلال سعود]

الحين بروح الصيدليه شكل عليه حراره لان اذا قام من المكان اللي نايم عليه القي مكانه حااار

ويزحف علي بطنه الظاهر بطنه يعوره بعد

الله يجزاكم خير

[طلال سعود]

طيب مالقيت المضاد بس لقيت الخافض حق الاطفال بطعم الفواكه اعطيه؟؟

مكتوب علي السرنجه نص مل

؟؟؟

بسرعه بعطيه الحين

[دلوعةقطوتي]

المضاد تلاقيه في محل الحيوانات مو الصديليه العاديه
عموما لازم تطمنا عليه كل شوي لانك ضيقت صدري لما قلت انه تعبان

[طلال سعود]

السرنجه اللي عندي بالمل مو بالسم

وشلون اعطيه؟

[دلوعةقطوتي]

والله مادري بس لاتكثر لانه صغير ماقد جربت اعطي قطوتي من دواء الاطفال بس اكيد انه كميه جدا بسيطه

[دلوعةقطوتي]

طيب اتصل عالصيدلي واساله

[طلال سعود]

صعب اعطيه علاج من عندي وهو صغيره حسبي الله ونعم الوكيل علي السوداني اللي رحت له عطاه ابره وبعدها مدري ايش صار واللي يشوفه وهو يتكلم ياخذ فيه مقلب كبير ماكأن هذي روح والله لااروح له بكره انتف شعره

بصبر لصبح واروح للعياده البيطريه اللي قالت عليها الاخت دام فيها اطباء متخصصين

استودعته الله الذي لاتضيع ودائعه يارب تشفيه وتخفف عنه

[دلوعةقطوتي]

امييييييييييييييييين يارب الله يحفظه لك بس لازم تكتب وتطمنا عليه اوكي لاني انشغلت عليه ماحب احد يتعب

[طلال سعود]

رحت للعياده اللي قالت عليها الاخت من الصبح والحمدالله اني ماضيعت وعنوانها كان واضح مره

بكتب لكم كل اللي صار بموضوع مستقل عشان الكل يستفيد

[دلوعةقطوتي]

طيب كيفها الحين وممكن اسم العياده والعنوان احتياط بخليه عندي

[طلال سعود]

طيب كيفها الحين وممكن اسم العياده والعنوان احتياط بخليه عندي


هو طيب واحسن من امس انخفضت الحراره وعطاه الدكتور مضاد بس يقول ان الفيفادول قاتل للقطط( الحمدالله اني ماعطيته ) وسالته عن امور كثيره وباذن الله بكتبها لكم بالتفصيل

انا عدد مشاركاتي قليله عشان كذا مقدر ارسل رسايل خاصه عشان اعطيك عنوانهم او رقمهم

لكن اذا يسمحون لنا المشرفين اكتبه لكم بالعام عشان الكل يستفيد:rolleyes:

[دلوعةقطوتي]

الحمدلله على سلامتها ودايم استودعها الله الذي لاتضيع ودائعه والحمدلله انك ماعطيتها الدواء وماتشوووف شر
الله يحفظها لك

[HaiDy]

الحمدلله على سلامتها


ارسل الرقم عشان نستفيد

[الخبيرة ناديا]

هو طيب واحسن من امس انخفضت الحراره وعطاه الدكتور مضاد بس يقول ان الفيفادول قاتل للقطط( الحمدالله اني ماعطيته ) وسالته عن امور كثيره وباذن الله بكتبها لكم بالتفصيل

انا عدد مشاركاتي قليله عشان كذا مقدر ارسل رسايل خاصه عشان اعطيك عنوانهم او رقمهم

لكن اذا يسمحون لنا المشرفين اكتبه لكم بالعام عشان الكل يستفيد:rolleyes:

الحمدلله على سلامته يارب

وبالنسبه للفيفادول هو مايقتل القط انما فيه من مكوناته ماده لاتصلح للقطط

لاكن هاذا اللي يعطي القط منه كل يوم وبجرعات كبيره.

اما في حاله قطك كان لازم تتخفض حرارته والجرعه اللي وصفتها لك قليله جدا

وقلت لك مره واحده فقط ولاتعطيها اكثر من كذا .

لان الحراره العاليه لازم تنخفض والا يموت القط ..

والفيفادول انا استخدمه لطوارئ فقط وبجرعه قليله فقط وماهو اكثر من يوم واحد.

والعياده ممتازه جدا وكل العاملين فيها ممتازين وذوو كفائه عاليه جدا.

واللي يبغى الرقم يقولي وانا ارسله لكم على الخاص.

[دلوعةقطوتي]

انا ابي العنووووان لو سمحتي

[الخبيرة ناديا]

طيب يالغلا لك رساله ع الخاص بالرقم واسم العياده

[دلوعةقطوتي]

ثنكيووووووو ماقصرتي الله يعطيك كل ماتتمنين