الله لا يهينكم ممكن مساعده للي عندهم خبره

[بونـــي]

مرحبا الساع يميـــعـ ،،،
شخباركمـ وش علومكمـ ،،،
يزاكم الله خير على هالمنتدى الراقي ..
أنا عضوه يديده بينكم .. وهذه اولى مشاركاتي وباذن الله ماراح تكون الأخيره
.. وأتمنى من الله أكون خفيفة ظل عليكم ،،



لو ما عليكم أمر عندي ببغاء الدره "ذكر" واسمه "بوني"
واااايد حبوب وبعد ما شاء الله عليه ذكي يفهم بسرعه يفتح القفص بروحه واذا طلبت منه يدخل
القفص يدخل صار له عندي سنتين تقريبا وصاير وليف حليو ما شاء الله..


http://www.gulfup.com/file3/12750798833.gif (http://www.gulfup.com/info.htm)


بس المشكله الوحيده أني حاولت أدربه وايد على الكلام بس معصي كل يالي
يسويه "يصفر وخاصه اذا شاف بنات يلبسون عبايا " هههههههه طالع مغازلجي
هم بعد يصفر ويصير مربوش حده اذا شاف أطفال ..
ويتضايق اذا قرب منه رجال يعني مايطيق شئ اسمه رجال خير شر تلاقيه يصدر صوت
يبين عليه انه غضبان اذا قرب منه رجال ويعضه بقوه ..
وبعد بس يقول كلمه "متو" وهالكلمه تقريبا يقولونها أغلب الببغاوات ...

حاولت أدربه على كلمات بس كل ما اقوله كلمه يرد عليه
بكلمة متوو أو يصفر ..


وأحيان يطلع الأكل من فمه ويوضعه على يدي أو خدي
بصراحه اتضايق من هالحركه بس أحاول دايم ما أبين له أني مضايقه من هالشئ لنه
أحس هالحركه مقززه أخاف من ردة فعله تكون عكسيه

http://www.gulfup.com/file3/12750798834.gif (http://www.gulfup.com/info.htm)



وبعد الله لا يهينكم أريد أعرف كم عمره لني بإذن الله أبشتري له
أنثى ؟ وهل الأنثى يالي بشتريها له لزوم تكون بنفس عمره أو عادي تكون أصغر منه ؟



وبعد أريد أعرف هالببغاء الصغير يالي اسمه "سكر" كم عمره ؟ وهل
هو ذكر ام أنثى؟ وشو نوعه؟ لنه هديه وصار له عندي تقريبا ثلاث أسابيع وللحين أعاني منه ما
يرضى ياكل اذا شافني موجوده واذا حاولت أمسكه أحس بصعوبه ويعد ماني عارف اشقايل اتعامل وياه ..


http://www.gulfup.com/file3/12750798832.gif (http://www.gulfup.com/info.htm)


أفيدوني يأهل الخبره ربي يجزاكم الخير
أدري طولت عليكم
العذر والسموحه مطلوبه منكم

أختكم

[عاشـ الكوكاتو ــق]

هلا والله فيكي اختي بين اهلك واخوانك

بالنسبه لخبرتي في الدره مو كبيرهـ

لكن انا اعرف بصفه عامه ان الببغان اللي يرجع الاكل اذا شافك

هذا معناته انه يحبك ووالف عليكي حيل :)

وبالنسبه للدرهـ والكلام

فهذي يقولو انها صعبه الدرهـ تتكلم

وان اتكلمت ما تقول الا كلمات معدودهـ

صعب تعليمها للكلام

اما بخصوص الطير الجديد هذا اول مره اشوفه P:

ياليت يردو عليكي اصحاب الخبرهـ

اعتذر عن معلوماتي القليله

[بونـــي]

مرحبا الساع
يا خوي عاشـ الكوكاتو ــق
يالله حيك بمتصفحي المتواضع
هلا بك زود والله تسلم و الله و أنا أختك هذه من طيب أصلك


هذا معناته انه يحبك ووالف عليكي حيل :)

ههههههه عاد مو محبه جذيه يرجع فيه الأكل والله حركه مقززه بس يالله الله
يعيني عليه وعلى القزز

يعني ما فيه أمل يناديني بإسمي وانا يالي دايم أقول حق هلي خاطري يكون
ضايق
حده مني ويصرخ عليه ويناديني بإسمي ..."احلمي بس ترا الحلم بلاااش"


يالله عسى خير والله المهم عندي انه بوني حبوب وايد وحليو
مو مهم انه يرمس المهم انه متوالف ويايه



والله وأنا بعد أول مره اشوف هالطير أشك انه ريشه مصبوغ بعد
خبرك عاد الصبغات مو صارت بس حق البشر حتى الحيوانات والطيور وانتم بكرامه
صار يصبغون لهم ..


وانا انتظر أصحاب الخبره وعسى خير بإذن الله


بالحل طال عمرك ما عليك قصور و يزاك الله خير
وربي يديمك لهلك وناسك

احترامي لك : أختك

[بونـــي]

مرحبااا

بكل أمانه خاطري ضايج :(

معقوله عدد يالي شافوا موضوعي لحينه 30 زائر :confused:

ولا لقيت جواب على تسؤلاتي الا من أخويه عاشـ الكوكاتو ــق :(

ربي يزجاه الجنه .. وين أهل الخبره .. وين المهتمين بالردود على تساؤلات الأعضاء بالمنتدى ؟؟

حسافه والله ما هجيتها مول منكم

على كل حال يزاكم الله خير ماقصرتوا والله

احترامي لكم : أختكم

[S7R]

اهلن اهلن حبيبتي .. وياااهلا بأهل الأمارات حبايبي

اعذي تأخرنا بالرد

بالنسبه للدرهـ .. انا اللي اعرفه انه مستحيل يتكلم .. وان تكلم فهي كلمه .. بالكثير كلمتين

ولما يرجع على يدك ،، هاذا من شدة حبه لك

///

بالنسبه للطير الثاني .. ماطلعت صورته عندي

... بس اذا تقصدي .. الطير اللي جنب الدره .. هاذا مو ببغاء .. اتوقع انه روز

تقبلي مروري