الببغاء باضت في القفص ..ما الحل وكيف التصرف؟؟؟

[هدف]

السلام عليكم

اخواني عندنا جوز ببغاء اخضر صغار وديلهم قصير والبائع قال لزوجي انهم ببغاء هولندي طبعا ما عندنا خبره .. شريناهم من كم شهر تقريبا 6 شهور .. وانا ما حابتهم كل يوم ابغي اطيرهم لانهم وايد يوسخون المكان واحنا حاطينهم في داخل البيت ومخصصين ليهم حمام الله يكرمكم وكل يوم ننظف قفصهم .. بس بنتي ترفض فكره تطيرهم لانها تحبهم ... المهم من يومين شفت بيضه في قفصهم شالها زوجي وحطها في سله من خوص.. بماذا تنصحوني وهل اتركهم ولا نجيب ليهم قفص اكبر ونحطهم علي السطح مثلا وشكرا لكم

[الشفق الأحمر]

عليكم السلام ورحمة الله ، بداية الله يحفظ لكم طيوركم ، وأنا برايي الشخصي أن يبقون داخل البيت لأن فوق السطح ممكن يكون حر عليهم ، فالحل تاخذون قفص كبير وتحطونه بأحد زوايا البيت ، وتنقلونهم في القفص الجديد مع عش يناسبهم وتكون البيضة في العش .

[فديت الكاسكو لو يدري]

وفرووا لهم قفص كبير شوي ~..
وحطوو لهم الصندوق الخشبي اللي يستعمل للتعشيش ...

وأن شالله الخبرا ماراح يقصرون

[فديت الكاسكو لو يدري]

اخووي الشفق الاحمر .~

اللي اعرفه ان الطيور ماتحب احد يلمس بيوضها واذا تم اللمس من قبل اي شخص يرفضون يعتنون بالبيضه ؟؟!!

ومن كلامها تقول ان زوجها لمسها ..~ ؟!!!!

[هدف]

شكرا لكم علي الرد وما قصرتوا

عند نقل البيضه مسكناها بقفاز من القماش ..

وشكرا

[سكر]

أختي غالباً البيض بهذا الشكل يكون غير مخصب ولا ينفع للإنتاج

خصوصاً ان الزوج ما بنى عش ولا هيئ مكان للتفريخ,,

وفي كل الأحوال القرار يعتمد عليك انتي

اذا انتي تبغي تنتجي ,, تقدري تحطي لهم قفص أكبر أو صندوق عش في الحمام وتخليهم مفلوتين فيه

أما اذا ما تبغي إنتاج,, خليهم في نفس قفصهم ومكانهم بدون أي تغيير

وربي يوفقك

تحياتي

[هدف]

شكرا يا سكر

انا الصراحه ما ابغيهم كلهم مو بس الانتاج ... بس كسروا خاطري لما شفت البيضه مرميه في ارض القفص علي الحديد ... ولما شفت بنتي فرحانه .. قلت خلني اسال واستفسر واحاول .. بس يا خوي افلتهم في الحمام هذي كبيره ... قفصهم زين شوي كبير بنحط ليهم بيت شو رايكم

وبعدين كيف يبني ليهم عش والقفص ما فيه الا صحن الاكل والماي مسكين ما عنده شي .. ما عندهم الا ستاره الحمام يوم اصير القفص ملاصق لها انتفونها ... يمكن كان محاوله لبناء عش

وشكرا

[فديت الكاسكو لو يدري]

اختي هذا نمووذج للقفص بشكل عام

http://files02.arb-up.com/i/00032/yz6pdf4x09pk_t.jpg (http://arb-up.com/yz6pdf4x09pk/1.jpg.html)


وهذا صندوق الانتاج " البياضة " ..~

http://files02.arb-up.com/i/00032/hfttk3rawmdk_t.jpg (http://arb-up.com/hfttk3rawmdk/2.jpg.html)


وماعليج الا تحطيلهم في البياضه " نشارة خشب "

وخليهم .. ~

بس لازم تجميع معلومات حوول موضوع التفريخ . .~؟
عسب تعرفين شوو اسوين .. ~
<< اذا حبيتي طبعا ~ .

[هدف]

السلام عليكم

شكرا اخوي فديت الكاسكو لو يدري

القفص في الصوره نفسه عندنا

وجبنا ليهم بيت مثل الموجود في الصوره

وبشرك بعد اليوم باضت بيضه ثانيه
صارت الشغله ممتعه .. وبنتي تركت الدراسه وكل شوي تراقبهم
راعبتهم كثر ما تفتحت عليهم الباب وتصورهم بعد

مع السلامه

[هدف]

السلام عليكم

البيض صار اربع بيضات كل يوم تبيض بيضه واليوم اشوفها للحين ما باضت
وبعد ما شوفها تقعد كل الوقت عليهم .. اوقات اشوفها تتمشي علي العصامع الذكر
هذه اخر التطورات حبيت اخبركم بها

مع السلامه

[ابو يمن]

اسمحيلي اقول ان ماعندك حب او هوايه لتربيه الطيور
وحسب علمي الطيور الي عندك طيور البادجي
وطيور البادجي سهله التربيه انتي اكتفي بتربيتها فقط
وبالنسبه للبيض مافي مشكله اذا مالك في التكاثر
البيضه ياكلوها الزوجين او يتركوها ..

[هدف]

السلام عليكم

شخباركم

البيض وصلوا خمس ... من يومين فقست وحده وامس فقست الثانيه
اليوم الصبح شفنا واحد من لفروخ علي ارض القفص والثاني في صحن القفص لمعلق
وتفاجئنا من نقلهم .. المهم رجعنا الموجود علي الارض مكانه .. اما الثاني الي بصحن
الاكل مات..
السوال كيف نتقلوا من عشهم وليش؟؟؟؟

وشكرا لكم