بخصوص عزل الام عن الكيتنز

[HaiDy]

قطتي انثى شيرازي 12 شهر تتعاطى حالياً علاج للاسهال وللديدان (الديدان مو متأكدة اذا عندها

لكن لاحظت شعرها يتساقط بالارض بشكل غير طبيعي وصرت اعطيها 1 مل من شراب الديدان

بالاضافة لعلاج الاسهال) اكتشفت فيها فطريات حول اذنها لاحظت

على شعرها خلف الاذن عليه قشور ومن فترة لاحظت ان المنطقة هذي طايح شعرها بس ماتأكدت الا لما طلعت القشور وانا سبق

قريت عن الفطريات فقمت شلتها روشتها بنيزورال وشامبو فافو وعقمته بيتادين وحطيت عليه لاميزيل

وحطيتها بغرفة لحالها والكيتنز

بغرفتي انا والمشكلة وين في فصلها عنهم هي ماتبي تقعد لحالها وهم يبونها بس هي فيها

فطريات ماودي تعديهم وابتلش فيهم :64:


ولان الغرفة الي حطيتها فيها مافيها مكيف ماقدرت تحملها شغلت المروحة عندها بس مافاد تماوي تماوي

قطعت قلبي :( ورحت وديتها السطح انفه لها بس قعدت تماوي من فوق الجدار اخاف تنقهر وتطيح

او شي :(

ارجعها عند الكيتنز مافيه خوف عليهم ولا اخليها على حالها ؟؟

[آنـــــو]

::

بسيطه آن شاءالله

بس ماقلتي كم عمر عيالها الحين ؟!

هو الكتينز مناعتهم ضعيفه ولاقط سريع للفطريات لكن بما آنك قلتي قشور هالمرحله من الفطريات آستسهلها

وتروح من ترويشتين وثلاث حتى ينظف جسمها من هالقشور والعلاج الموضعي حطيلها مرتين باليوم

ونقطه مهمه آنك تحافظين على نظافة المكان اللي هي فيه الحين وعيالها لو فيه مفارش تحتهم غيريها يومياً

ونظفي الغرفه كلها حتى مايروح تعبك هدر وترجع لها الفطريات آو تجي بعيالها

والعزل لو كانوا تقريباً متعمدين على نفسهم مثلاً شهر وشوي آو شهرين بالتمام وعندك غرفه بديله آمنه وتهويتها حلوه

كان قلت لك آعزليها فـ شوفي آنسب الحلول لك ولها وسويه

وبالتوفيق

::

[HaiDy]

الكيتنز عمرهم تقريباً ست اسابيع وانا من يوم جاها اسهال وانا ارضعهم وهي اخليها تضمهم بس وينامون جمبها

انا عقمت غرفتها بخل وماء وبعده بكلوركس وبشوف بكرى اذا هي نشيطة باروشها الظهر بعز الحر عشان مايجيها شي

انا احاول اقوي قلبي بس صوتها وهي تناديهم يقطع القلب

[الخبيرة ناديا]

الفطريات مشكلتها تعدي وصعب علاجها طوويل جدا ومتعب

افضل حل هو العزل مدام هم كبار ويرضعون صناعي

والام عالجيها بسرعه قبل لاينتشر بجسمها