قـطـــك مـــات ؟ شـاركـنـا تـجـربتـك

[booshka]

السلام عليكم
:(



اكيد اكثر من شخض بينكم كان عنده قط او قطة ومات بعد عشره عمر
ابيكم تشاركوني قصصكم:

كم الفترة اللي عاشها معكم القط؟
وكيف مات؟
وهل جبتو بعده قط اخر؟ وبعد كم من موت القط الاول؟
وهل القط الاخر يذكركم بالاول؟
وهل حبيتوه نفس محبتكم للاول؟





اللي خلاني اكتب الموضوع هو وفاة قطي اللي ربيته اربع سنين معي وكنت جدا متعلقة فيه

مات متسمم لانه اكل كمية كبيرة من شعره وجاه امساك وجفاف ومانفع معاه كريم طرد الهيربولز لانه كان بمرحلة متقدمة وماكنت اعرف وين اوديه اسويله جراحة وكانو البيطريين يطلبو اشعه صوتية لبطنه خلال ثلاث ايام فقدته

اللي معذبني انه طول ثلاث ايام وهو يتالم وتعذب قبل ما يموت وضميري للان يانبني
له ثلاث شهور تقريبا ولان مفتقدته مرة

وافكر اجيب واحد ثاني يشغلني بس مترددة
وماني عارفة هل انا مستعدة او لا



اتمنى تشاركوني

[هارب من الحكومه]

الله يعوظك بقط يملى حياتك فرح
انا كان عندي اثنين ماتو وهم صغار بس
ما اقدر اصف موتهم لأنى فراقهم صعب

[دلوعةقطوتي]

الله يصبرك ويعوضك خير انا كانت عندي وحده في حديقة البيت مو جوا وقبل 10 شهور ماتت وللحين اتذكرها مع انها مو قطوة اصيله كانت امها والدتها وتركتها في الحديقه وانا ربيتها للحين مو رايحه من بالي اتذكر لماشفتها كنت احسبها نايمه واناديها وماردت علي بالاخير اكتشفت انها ميته وللحين صرت اخاف اذا ناديت اي احد ومارد علي

[لوسي 99]

الله يعوضك ب احسن منه انا عارف انك ماراح تنسه لو انت تبي تنسه والله ماتنسه لانك تحبه من قلبك

والله احس فيك لاني مجرب ومجرب الفراق الى الابد

والله يعوضط في وحده تخليك تنسه غصب عنك

[booshka]

شاكرة عزائكم لي جميعا
وربي يخليلكم اللي عندكم


اكيد مارح انساه لكن هل انا مستعدة اجيب غيره؟
احد منكم مر بهالشي.. جاب ثاني بعد ما فقد صحبه؟

[دلوعةقطوتي]

جيبي لك وحده صغيررره وربيها مع الوقت راح تحبينها وتعتبريها بنتك الجديده

[الخبيرة ناديا]

دائما فقدان قط عزيز على صاحبه امر جدا محزن وانا مريت

بهاذي التجربه.

لاكن الله يصبر قلبك ويعوضك ان شاء الله

[animal-planet]

الله يصبرك ان شاء الله يبيلج قطوه صغيره صدقيني راح تتعلقين فيها والله يرزقك ان شاء الله ويرزقني قطوه تنسينّا
آمين

[Abby]

كم الفترة اللي عاشها معكم القط؟
10 شهور ..انا اخذتها وعمرها شهر تقريبا..وماتت وعمرها 11 شهر..حتى ماكملت سنة


وكيف مات؟
بداية المشكلة كانت انها بلعت خيط وهي تلعب....لكن السبب المباشر للوفاة كان العملية الي سواها لها الدكتور المجرم حسبي الله ونعم الوكيل

وهل جبتو بعده قط اخر؟ وبعد كم من موت القط الاول؟
لا.. لسا ماني مستعدة اتبنى قطة

الله يكون في عونك ويصربك..والله اني حاسة فيكي لأن بستي ماتت قبل شهر..
وزي حالة قطك برضو تعذبت كثيـــــــــر قبل ماتموت
واكثر شي ابكي من قلبي لمن افتكره.. انها في اخر ايامها بعد العملية,راحت اللتر بوكس حقها عشان تسويها الله يكرمك..ومن شدة تعبها ماقدرت تطلع منه نامت فيه!!..انا جيت لقيتها نايمة في اللتر بوكس حقها فوق فضلاتها الله يكرمك,,شلتها انظفها وانا ابكي من الالم والشفقة والقهر في نفس الوقت..

[فوق السحاب]

انا عندي تجربه مع القطط بس التجربه هذي هي الغريبه بصراحه...

كان عندنا قط كبير شوي وكان فوق سطح البيت نط من فوق دورين الى الارض...

وما صار له شي خخخخخخخخخ....

والقصه هذي صدق...

[booshka]

يا الله يا abby
تقريبا نفس مشكلتي مع بسي ونفس شبب الوفاة بس انا مالحقت عليه اسوي له العملية :(
ونفس الشي اتعذب كل ما اتذكر كيف كان اخر ايامه مو قادر يوقف
وكيف يطول وهو بالليتر بوكس ويطلع وهو مو مسوي شي :(
ويئن من الالم
الله يعين بس

وخبريني اذا صار وجبتي وحده ثانية او تفكرين بالموضوع

[booshka]

فوق السحاب


الجلد واللحم اللي يبطن اقدام القطط تعمل زي اللباده
لما يطيح ما يصير له شي اذا طاح البس وهو واقف عليها




تحياتي لجميع اللي شاركون بالموضوع

[c h e r r y]

آنـآ مَـآ ربيتْ قِطوَة عشآ’ن آإفارقهـآ للأبَد :(

آإدعوٍا لِي آإربّي وحده :(

ممرّآإ آإمنيتِي آإربّي قطوَه . . بَس الأهِل مو موافقينْ :(:(:(:(




الله يصصبركٌم فرآق صديق غالِي مُو هيّن :(

[كيتي كات]

شاكرة عزائكم لي جميعا
وربي يخليلكم اللي عندكم
امين يارب

اكيد مارح انساه لكن هل انا مستعدة اجيب غيره؟ انتي ماراح تنسينها بس لما تجيبين غيرهاا
بتتأقلمين مع الوضع واناا مجربه :freind: قعدت ابكي ولما اتذكرها يضيق صدري بس الحين الله عوضني بدالها والحمد الله صحيح مو مثلها لآنها كااااااااانت مرا مؤدبه وتحس فيني لما اكون تعبااانه اه بس مااقدر اكتب عنها اكثر والي يضيق الصدر انو ماتت وهي تولد <<تعسر في الولاده:(
احد منكم مر بهالشي.. جاب ثاني بعد ما فقد صحبه؟ اناااااا:(

[أحمد سمير 88]

كنت بأول خبرتي اشتريت أنجورا أبيض(تيمون) كان عمره شهرين وأول ما جبته حميته وكان المكيف مفتوح 24 ساعه
جاتله حمى وكان لا ياكل ولا يشرب ويرجع(يزوع) وديته الطبيب كتبلي ادويه بس صحتني أختي الصغيره يوم وهي تبكي قالتلي القطه دايخه وتصدم راسها وهي ماشية لحد ما ماتت......
حزنت عليها .....وبعد سنتين كنت أصور ورق في مكتبه لقيت عيال متجمعين حولين شي رحت أشوف لقيت كيتي صغيره من نوع (إيجيبشن ماو) سميتها(شوقية)تلحس قطعة لحم معطيها لها الجزار لأنها مو جادره تمضغها وأول ما شفتها طحت بغرامها وخدتها وياي البيت ....والحمد لله الحين ولادها جنبي من شيرازي أبيض(2 بيض تماما واوحد لون سيلفر نادر) وعماله ترضعهم....