بخصوص وضع طائرين في نفس القفص

[كاسكوي صميم]

يا شباب عندي استفسار بسيط :

هل يمكن وضع طير كناري مع طير كاسكو في قفص كبير مع بعض ؟؟

وما هي الطيور التي يمكن ان توضع في نفس القفص ؟؟

[النزال12]

الاكيد لا يا اخي الان الكاسكو طائر ذكي جداا وذكائه يمكن ان يسمح له بالهجوم علي الطائر الاصغر...

فا نصيحتي لا تضعهم يا اخي وان شاء الله الاخوان يفيدون تحياتي

[انا المجروح]

يا خويه
حجم الكاسكو اضعاف حجم الكناري
و غير هذا الكاسكو منقاره كبير ف طبيعي بقتله

[عبدالعزيز1]

ذكرتني مره دخلت محل
واثناء دخولي اسمع ببغاء يجعر كل شوي ... بعدين قام يجعر لمدة 5 ثواني تقريبا متواصله ..قلت شفيه هذا

وبما ان المحل كبير ماشاء الله رحت ادوره

ولقيت قفص فيه كاسكو متسيد الموقف وواقف على العصا وبأرضية القفص ببغاء مدري وش نوعه

وكل ماتحرك اللي تحت زعق عليه الكاسكو هههههههه

قعدت اراقب

وجا اللي تحت بيسوي فيها قوي .. وقام يبي يتعلق بجانب القفص ويصكه الكاسكو بمنقاره ويعطيه ذيك الجعره خلاّه يثبت مكانه لدرجة انه لصّق وجهه بارضية القفص هههههههه

يمكن لو يمديه يوصل اصابعه كان قفل اذانه

والله اخذت لفه بالمحل ويوم جيت اطلع حبيت امر اشوف وش صارعليه لقيت الوضع زي ماهو واللي تحت مازال لازق بارضية القفص


شيخ يالكاسكو

وتبي تحطه مع كناري !! يلعب فيه تنس

[ابو يمن]

لا ياخي انت كذا بتجيب العيد ههههههههههههه
من نفس الفصيله تتأقلم الطيور

مثل ماقال المثل
الطيور على اشكالها تقع

[طير جديد]

اخوي من الافضل انك تخلي كل طير لحاله حتى لو كان نفس النوع الا لحالة وحده هي الانتاج
...
يعني لو عندك 2 كاسيكو المفترض تحط كل واحد بقفص وبعاد عن بعض الا وقت التدريب
او 2 كروان كل واحد بقفص
...
من فوائد التفريق
اداء الطير يكون احسن من تصفير لعب داخل القفص التجاوب
سلامة الطير سواء من مرض معدي او هوشه مع الطير الثاني


نصيحة لا تفكر تحط الكناري مع الكاسيكو الا اذا فيه حكم لان بتقوم مصارعة

بالتوفيق يالغالي

[كاسكوي صميم]

ههههههههههههه

والله ردوودكم ولا احلى

خلاص بطلت اجيب كناري