تنفس الكاسكو.!

[Sarab]

السلام عليكم

إخواني الكاسكو ما أدري وش فيه كأني أحس أن تغير في طريقة التنفس والله أعلم ,, ما أطول عليكم المشكلة هي أنه أشوف تحت منقاره يعني ينتفخ وينزل !! ما أدري هل هدي عادية ولا عنده مشكلة في الجهاز التنفسي ؟؟

طبعاً ماعليه آثار المرض وكلشي أوكي.

أنتظر ردودكم.

[hnoo]

يحرك تحت منقاره احيانا هو الي يحركه بنفسه لكن مو كل الوقت

مثلا اذا بغى يتكلم او يصفر .. او يبلع شي.. او يحكك منقاره اذا بغى ينام ..

والله اعلم .. وان شاء الله مافيه الا العافيه ..

[جوسلين]

فيه العافية انشالله

[حــبــوب]

والله انا جيت اشتري ببغاء قبل كم يوم وخلعني مع ان الطير حلو مره بس عيب

صوت تنفسه غريب عالي شويه ويعمل نفس الحركه تنفخ تحت منقاره وماتمت البيعه ولله الحمد انا اشوف تووديه بيطري افضل على شان التأكد

[ابو يمن]

يؤسفني يالغالي اقولك ان طيرك تغير عليه الجو

ممكن يعاني من التهاب في الرئه

او مرض ميكو بلازما

لذالك ابدا في علاجه بأسرع وقت

استخدم التايلان وشربه بنفسك مقدار نصف ملي

مره في اليوم لمده خمسه ايام..

المشكله في الجو الحار الان مسعود صار احسن

بعد الكورس حق التايلان ..

لاتنسى نضافه القفص والاوعيه يوميا..

[Sarab]

مرحبآ.!

أشكر جميع من ساهم بالرد ..

ولكن تعقيباً على كلام أخي .. أبو أيمن .. ,, وأنا كمان توقعت بأنه مريض ,, والله يرحم والديك تعلمني التفاصيل بالكامل مثل اسم الدواء وغيره ما عليك أمر ,, لأن عشان نبدأ بحل المشكلة قبل أن تكبر وتصبح مستحيلة العلاج .

[ابو يمن]

شرف لي اخدمك يالغالي

اولا: تغير مكان الطير للاحسن يكون في الجو معتدل لاحار رطب ولا بارد
مكان تكون في التهويه متجدده يعني غرفه افتح الطاقه شويه وابعده منها..

ثانيا: تقطع عنه الفيتامينات وقت الدوا لانه فيتامين وبكتيريا ماتجي..

ثالثا : في المنتدى موضوع(عالج ببغائك بنفسك) موجود فيه صوره لدوا خاص بالجهاز التنفسي
اسمه (تايلان) تشتريه من الصيدليه البيطريه وتاخذ معاه ابرتين وحده تسحبها الدوا والثانيه تشربها الطير

تستخدمه كالتالي:
تسحب بالأبره الاولى مقدار نصف ملي وتصبها للابره الثاني الي بيشربها
واتمنى ان طيرك اليف حتى ولو مش اليف تكتفه بمنشفه في الارض
وتحط الابره في فمه وتضغط شويه شويه بحيث يشرب الدوا وترفع راسه للاعلى عشان تتاكد انه شربه
وتسوي كذا لمده خمسه ايام .. انا سويتها 8 ايام والحين الحمد لله ..

ولا تنسى تنضف القفص والاوعيه يوميا ديتول ومويه برشاش وتشطفها زين..

اتمنى لطيرك الشفاء ..