سلفر صديقي الجديد

[رحماك ربي]

السلام عليكم ورحمة الله وبركاته.

اشحالكم اخواني واخواتي؟

اقدم لكم صديقي الجديد :12: سلفر :freind:

http://up1.pc4up.com/2010/04/hkd12644.jpg (http://www.pc4up.com/)

طبعن اثار السيريلاك واضحه عليه :D

وهذا الستاند خطير يقص الاضافر ويرتبها بمجرد ما يوقف عليه البغبغاء واكيد مر عليكم!!

http://up1.pc4up.com/2010/04/J9g12644.jpg (http://www.pc4up.com/)

بس في مشكله وحده ويا سلفر ما قام يحب السيريلاك ما ادري شو فيه السيريلاك البلجيكي علبته خضرا وصفرا :( اعطيه بالغصب :confused:

http://up1.pc4up.com/2010/04/gqc12132.jpg (http://www.pc4up.com/)

ابي اراكم ومساعداتكم لاني اول مره اربي فرخ. :88:

لكم مني وافر الاحترام والتقدير.

[جوسلين]

يتربى بعزك و انشالله الاخوان يفيدوك

[رحماك ربي]

شكرا اختي جسولين عالرد

وننتظر الرد من اهل الخبرا

[ابو يمن]

ياكل من نفسه ولا تاكله انت

لاني اشوفه ضعيف

[lll_o]

والله حتى انا اشوفة ضعيف و بقوة كمان

وديه لبيطيري احتمال كبير يكون دود

و استمر معاه بالفتمينات

لفتره و بعدها حول على الاكل الطبيعي من بيض و خس و فاكه

[ابو يمن]

كم عمره ؟؟
انا اشوف تغيرله الاكل مثل البطاطس المهروسه والذره والبيض
وشوف الفرق وحبه حبه تفطمه..

[رحماك ربي]

اخوي بو ايمن ما ياكل بنفسه انا ااكله وغصب ما يحب السيريلاك اخر كم يوم شو تنصحني اعطيه؟

اخوي lll_o تضن اوديه البيطري؟ نفسيته فالاكل تعبانه! شو تنصحني فيه؟

مشكورين على ردودكم اخواني

[رحماك ربي]

عمره 5 شهور تقريبن

[abo abass]

حاول تحفزه على الاكل وتغريه و حاول تسوي ليه سيرلاك منزلي من الخبز و القمح و الهريس و البطاطس المهروس احسن من السيرلاك الجاهز و خد له فايتمين من البيطري و اتبع ارشادات الفايتمين

[بيتر وهيدي]

مشاء الله تبارك الرحمن الله لا يظره ليتي اطيح بواحد زيه

[أبو أواب]

اولا مبروك على الصديق الجديد ويتربى بعزك ان شاء الله
تربية الفروخ مهمة صعبة جدا ، لكن ليس من المستحيل والله يكون بعونك
اعطيه فيتامينات مع الماء لمدة 3/5 ايام لفتح شهيته للاكل ، اعطيه اشياء طرية مثل بطاطس مسلوق ومهروس ، حمص (البليلة) مسلوق ، جزر وكوسة وقرنبيط وثوم ... مسلوق ، خبز منقوع ، عدس مسلوق ... الخ ، الفواكه مثل التفاح قطع صغيرة ... الخ طبعا كل ذلك بكميات قليلة.
لا تعرضه لتيار هواء ابدا.
اعطه وقت كافي للنوم.
يجب ان يكون مكان القفص دافئ.

[يوفاوي الكويت]

ما شالله تبارك الحرمن

فرخ صغير

انا انصحك انك تحطه بمكان بعيد عن تيرات الهواء

وممكن تعطيه مضاد حيوي يمكن يكون فيه امراض

لان الكاسكو ما يبين عليه المرض

[merit-55]

ماشالله تبارك الله

[ملك المكاو]

شوف هالببغاء مثل الطفل عطه الي يبي انشاء الله لو بطاطس مقلي عطه تراه فرخ عمره5شهور مايتحمل طلعه بره لاتحبسه لانه صغير قولي 8 او9شهور ذيك الساعه ياكل غصب

وغير في السيرلاك شوي

[الشفق الأحمر]

ما شاء الله ، يتربى بعزك إن شاء الله .
عندي كم ملاحظة .
1- من ما قرأته في المنتدى موضوع لأحد الأخوان أن الاستاند البلاستيكي أو الاستاند الي الرملي أو الشبيه الي واقف عليه بغبغائك يكون غير مريح للبغبغاء ولا يحرك الدورة الدموية في رجل البغبغاء على عكس الخشب ، وكلن بودي أنك تحط له قطعة خشب يوقف عليها بالقفص لكن القفص صغير ، البغبغاء فرخ وأظافره صغار ، وممكن تستعمل بنفسك مبرد الأظافر أذا أصبحت أظافره حاده .
2- من ناحية تقبله للأكل ، عمر بغبغائك 5 شهور وهو يعتبر بهذا العمر قادر على أن ياكل بنفسه أو بداية العمر الي ممكن يعتمد على نفسه فلا يمنع ذلك أن تضع له بعض المكسرات والفواكه إضافة إلى السيرلاك الي تأكله .
3- اغتنم عمر بغبغائك أنه فرخ واكثر من الجلوس معاه وتكلم معاه وكون له بمثابة الأب له هههه ، لا بس جد هذا العمر أحلى عمر .

[in my dream]

كم عمره ؟؟
انا اشوف تغيرله الاكل مثل البطاطس المهروسه والذره والبيض
وشوف الفرق وحبه حبه تفطمه..

كلام ابوايمن سليم:D

[رحماك ربي]

اخوي abo abass هل اخلطهم مع بعض ولا كل نوع لحاله؟ ومشكور عالرد.

اخوي بيتر وهيدي مشكور عالرد وان شاء الله تحصل احسن من طيري.

[ابو يمن]

تقدر تخلطهم بس لاتزيد كميه المويه عشان الاسهال

عتدك المكسرات بدون ملح مفيده جدا للفرخ مطحونه طبعا بمويه ..

تقدر تحط الاكل مثل نص حبه بيضه او بطاطسه صغيره ياكلها من نفسه ..

اما اذا غصبته عالسيرلاك بيطلعه من الحويصله ..

زي ماتفضل الشفق المجثم يتغير علطول خشبه عريضه..

[طير شلووى]

جربت تعطيه غير السيريلاك

[رحماك ربي]

اخوي أبو أواب الله يبارك فيك مشكور عالمعلومات الطيبه بس اعطيه عن طريق الابره ولا يدوي؟

[رحماك ربي]

اخوي يوفاوي الكويت مشكور عالمعلومه بس شو اسم احسن مضاد؟ ولمدة كم يوم؟

[رحماك ربي]

اخوي ملك المكاو ان شاء الله بغير له بس مش بطاطا مقليه هاهاهاها

اخوي in my dream كلام منطقي من اخونا ابو ايمن ومشكور عالمشاركه

اخوي merit-55 الله يبارك فيك

اخوي طير شلووى جربت اعطيه حبوب مشكله بس ما كل

[رحماك ربي]

اخوي الشفق الاحمر مشكور عالمعلومات الرائعه وان شاء الله بغير له الستاند

جربت وحطيت له حبوب مشكله ما ياكل.

لا ما اقدر اعتبره نفس ولدي مهاري بنتي راح تزعل هاهاهاها

[رحماك ربي]

اخوي بو ايمن جزاك الله خير ما قصرت عالردود الطيبه والقيمه.

[ريكووو]

ااااااااااالف مبروووووووك

يااخووي

يترررررربى بعززك يااارب

تقبل مروري

[سنودي]

خليك اخوي بصحة الطير لانه باين جسمه ضعيف
حاول تعطيه حمص ذره وتكون لينه بس ماتكثر له منها بس تعطيه بكمية بسيطه عشان ماتتخم الطير
وحاول لو تهتم فيه اكثر وتبعده عن التيارات الهوائية
وبالتوفيق ...

[رحماك ربي]

اخوي ريكوووو الله يبارك فيك حياك الله

سنووودي ان شاء الله تسلم عالمرور

[أحبك توتو]

يحليله صغير و مثل ما قالوو البطاط المهروس و البيض المهروس و شكرا

[البحتري]

يتربى في عزك ههههه

[ابو سفر]

اخوي انصحك اعطيه بطاطس وجزر مسلوقه لمدة 10 دقائق على النار

وبعد ذلك بردها وعطيه وباذن الله صدره يصير مليااااااااااان

[بوجواد]

انتبه نصيحة اخووووووووي ابعده عن المكيف

[فديت الكاسكو لو يدري]

اولا وقبل كل شي .~.. مبروووووووووووك عليك الكاسكوو ويتربى فعزك ..~.؟

طبعااا تربية الكاسكووو الفرخ صعبااا جدا جدا ...~ وسأل مجرب وبالاخص اذا كان مب مفطوووم من السيريلاك ..~ يعني يباله معابل .. قم أكل .. وسالفه ..~

أنا بعطييييييييك من خلال تجربتي .~.
لازم تنتبه أول شي له من من البراز << اذا شفته اسهال ع طووول عطااااه موووز .. ~
ولازم تحمييييه من التيارات الهوائية .. يعني الشمس والمكيف والجوا الحار ماينفع له ..~ لازم تحطييييه فمكان ثابت ومرتفع ويكون دافي .. ولا تنقله من مكان لمكان ..~
وأنا انصحك مثل ماتكرموا الاخوان : بالبطاطس المسلوقه والجزر بس لازم تهرسهم له .. وعطه التفاح والكمثره بس هرسه .. وحاوول تعطييييييه بيدك .. بس لا تقطع عنه السيريلاك لحد مايتعود ياكل روووحه .. ولا تكثر له من الفواكه والخضار .. لانه يسبب اسهال .. واغسل له الخضار قبل لا تعطيييهم له الف مره :) .. لان في طفيييل ينتقل عن طريق الخضار << اذا كانت مب مغسووله عدل ..~
وقرب له الحب الشمسي والحبوب المشكله ..~ عسب يتعوود ويجرب يفتح الحبه .~.

واذا شفته تعبان او شي من هالقبيل ع طوووووول وده البيطري لا تتريا ..~ واذا قال بيعطيك مضااد ..~ أنصحك تاخذ مضاد (( ترامسين )) وهذا مضاااد شامل ووايد ينفع لكاسكوو .~

وعطه فيتامييييييينات بالماااااااااااي ..~

وبالنسبه للكلام .. : كرر له الكلمات اللي من ثلاث حروووف واربع وبينطق لك والكاسكو دامه صغير مايتعب فالرمسه بس عوده يركب ع ايدك ..~<< هالشي الوحيد اللي اعاني منه لحد اليوم من الكاسسسسسسسسسسسكو .~.


وبس
وأن شالله الاخوان ماراح يقصرووون

والسمووحة اذا طولت عليك بالرمسه .. وأن شالله ماكوون نسيت شي :p

[رحماك ربي]

احبك توتو وابوسفر مشكورين عالرد وان شاء الله بمشي عالنصيحه بس كيف اهرس البطاطا والجزر لانه حاولت اهرسها بيدي بس ما انهرس زين وما قدرت اسحبه بالابره لان ما ياكل الا منها.

[رحماك ربي]

ابو جواد ان شاء الله مشكور عالنصيحه بس انا اخليه عندي فالغرفه والجو حار جدا اذا ما شغلت المكيف؟

[رحماك ربي]

اخوي فديت الكاسكو لو يدري مشكور عالنصايح وما شاء الله كفيت ووفيت والله يبارك فيك

بس انا اخليه ينام فالقفص ويوم ارد من الدوام اخليه فالغرفه بس المكيف بعيد عنه ما يضره صح ولا شو رايك؟ عندي مضار اسمه اورال زين ولا اخذ اللي انت ذكرته؟

[لوفي ا]

روووووعه

[فديت الكاسكو لو يدري]

اخوي فديت الكاسكو لو يدري مشكور عالنصايح وما شاء الله كفيت ووفيت والله يبارك فيك

بس انا اخليه ينام فالقفص ويوم ارد من الدوام اخليه فالغرفه بس المكيف بعيد عنه ما يضره صح ولا شو رايك؟ عندي مضار اسمه اورال زين ولا اخذ اللي انت ذكرته؟

العفووو الغالي .~.

وافا عليييييييييييييييييييييييييييييك .~.
اذا المكيف بعيييييييد عنه مب مشكله .~. بس المهم ماتكووون بارده يعني يكووون جوها منااااااااااسب بس اهم شي بالليل .. ~ اذا الغرفه فيها مكيف ضروري تغطي القفص

والغالي بالنسبه لمضااد " اورال . .ماعندي خلفيه عنه ..~
بس انا جربت الترامسيييين .. ووايد احسه اوكي. . ~ وان شالله بحطييييلك صوورته .~

بس انتبه لو حبيت تأخذ منه عن يكوون البيطري غبي .. ~ ويصير لك مثل ماصار فيني .~
لان اول ماخذيته عن البيطري قال لي عطاه ابرتين و مرتين باليوم فشكيييت وسألت عن المضاد فقالوا لي ابرتين وايد وقالوا لي بس عطاه نص ابره ومرة باليوم ...~

يعني بالمختصر الجرعه تكووون نص ابره بمشرب المااي ومرة فاليوم لمدة خمس اياام .. وأن شالله انا بحطيي لك صورة الدوا والابرة ..~

[فديت الكاسكو لو يدري]

العذر من اخواني احبك توتو و ابوسفر ؟؟~

بس بالنسبه للبطاطس والجزر ..~
اغليهم له بمااااي ع النار . .~ لحد مايصييير لييييييييييين ..~

وعقب اهرسهم له وبصير سهله الهرس ولو ماقدرت حطه بالخلاط شووي .~
ومب لازم تحطي له بالابره ..
حاول تعطيييه من ايدك مباشره حتى لو مارضى ..~ ادفش له الاكل شوي شوي .. وراح ياكل . .~


وضروري بعد الاكل تنظف له منقارة ولا تخلي اي اثاار للاكل .~.
وبالنسبه عن طريقة التنظيف .. ~
بلل قطعة قماش بماااي دافي ونظفه له ..~

لا تخلييييه شرات ماهو بالصور ..~ ^^


واهم شي الصبر ..~

[رحماك ربي]

اخوي فديت الكاسكو لو يدري تسلم يا اخوي ما شاء الله ما قصرت
جزاك الله خير.

وشكر لجميع اللي شاركو بنصايحهم وافكارهم

[فديت الكاسكو لو يدري]

العفوووووووووو وانا فخدمتك ..~

وهذا صووورة للمضاد ..~

http://www.m5zn.com/uploads/2010/6/12/photo/061210090623ayeiw27enextlf.jpg (http://www.m5zn.com)

عطه نص الابره بس ..~
واذا واجهتك اي صعوووووووبه نحن بالخدمة ..~
وربي يحفظه عن كل شر ويخلي لك مهااري:D ..~