سويت العاب ال (لولو) من قراشيع عيالي .. بالصور

[ام ليان]

السلام عليكم

جيتكم اليوم بعد ماشفت ريش لولو منتف ياحرام :(

مدري وش صاير وتفاجأت اكثر لما روشته اليوم وفرد جحانه لقيت بعض الفراغات بريشه مدري طبيعي ولا لا؟؟؟

سويت له العاب بعد ماقريت هنا ان العاب الببغاء غير متوفرة وبرضو فرصه انه يلتهي فيها بدل من تنتيف ريشه
وخطر في بالي اخذ من بعض العاب اطفالي واسوي له العاب والحمدلله طلع شكلها حلو وانتظر ارائكم بخصوص الريش والحل مه وهل تنصحوني بفيتامين او شي ثاني لانه للاسف مايتقبل ياكل غير الفول السوداني والحب الشمسي

وارئكم بالالعاب وهل هي مسويه زحمه ولا عددها كفايه


برضو حبيت اسالكم هل بعد الترويش هل يخمل الطير وتقل حركته لان من روشته خمل شوي شكله جاه النوم:12:


http://twaryat.com/up//uploads/images/twaryat.com-df7e228809.jpg (http://twaryat.com/up//uploads/images/twaryat.com-df7e228809.jpg)


http://twaryat.com/up//uploads/images/twaryat.com-3909cd7eb0.jpg (http://twaryat.com/up//uploads/images/twaryat.com-3909cd7eb0.jpg)


http://twaryat.com/up//uploads/images/twaryat.com-f999606f81.jpg (http://twaryat.com/up//uploads/images/twaryat.com-f999606f81.jpg)


http://twaryat.com/up//uploads/images/twaryat.com-e9174db158.jpg (http://twaryat.com/up//uploads/images/twaryat.com-e9174db158.jpg)



وهنا قراشيع عيالي جبتهم وبديت الصق فيهم بصمغ مسدس

http://twaryat.com/up//uploads/images/twaryat.com-f97ab39f3e.jpg (http://twaryat.com/up//uploads/images/twaryat.com-f97ab39f3e.jpg)


http://twaryat.com/up//uploads/images/twaryat.com-95f5b4c28a.jpg (http://twaryat.com/up//uploads/images/twaryat.com-95f5b4c28a.jpg)

http://twaryat.com/up//uploads/images/twaryat.com-0ba1e5e1e4.jpg (http://twaryat.com/up//uploads/images/twaryat.com-0ba1e5e1e4.jpg)

http://twaryat.com/up//uploads/images/twaryat.com-b7512aaa16.jpg (http://twaryat.com/up//uploads/images/twaryat.com-b7512aaa16.jpg)



وهنا عينه حبيت اعرف عمره التقريبي هل من الممكن تعدى 2 سنه او 3 سنه


http://twaryat.com/up//uploads/images/twaryat.com-bdcfdec590.jpg (http://twaryat.com/up//uploads/images/twaryat.com-bdcfdec590.jpg)

[sunset]

السلام عليكم

انا اقدر انصحك بل العاب حاولي تقليلي شوي عشانهم مسوين زحمه عليه مره

والشي الثاني الصمغ الي حاطيته اتوقع انه خطير عشانه يتفتت بسرعه وممكن انو الطير ياكله او ياكله بل غلط

احسن شي احفري لعبه ومرري فيها حبل احسن

ونشاءالله اهل الخبره رح يفيدوكي اكثر مني

[يوفاوي الكويت]

انا اوافق اخوي sunest

الالعاب كثير بالقفص

خلي وحده بس ويفضل الي فيها خشب

انا اشوف ان فيها فتحات بالنص

انا افضل انج تحطين الخيط بالفتحه

ويفضل انج تدبلين الخيط لان شكله مو قوي

يعني اطبقي الخيط اكثر من مره علي شان يصير قوي

بالنسبه للفتحات ما تبين الا بعد الترويش هالشي طبيعي

انا طيري نفس الطريقه موجوده فيه

وهالشي ما يمنع انج ما تعطينه فيتامينات

[ام ليان]

هلا فيكم يااخوان شكرا لكم
الخيط قوي وحتى لو انفك راح ارجع اصمغه الفتحات هذي للاسف مسكرة مو مفتوحه مع الجهه الثانيه
وودي احط هذي الخش والبلاستيك اللي فيها العاب كثيره واستغني عن اللي بالنص
بس ليتك تذكر لي اسم الفيتامين واشكركم

[يوفاوي الكويت]

اي فيتامينات كلهم واحد

ويوجد فيتامينات خاصه للريش

موجوده علي البيطري

حاولي تفتحين الفتحات الي باللعبه الخشب

افتحيهم بمسمار علي شان يكون الخيط داخل

[ام ليان]

طيب بسالك يوفاوي الله يسعدك هو كمل عندي شهر وماله صفير ولاحتى طقطقه .. حتى وهو لحاله
ان طلع حس... اجعر بس؟
هل هالشي طبيعي وكم عادة ياخذ وقت
وهل في ببغاوات ممكن ماتتكلم ولاتطلع صفير ولاطقطقه
الحين انا ودي بس انه يطقطق ويصفر
شكله عجاز ولا له خلق لو لتصفير؟

[sunset]

اختي حاولي جيبي صيخ الي تشون في اللحم وحطيه على النار الين يصير لونه احمر

وفتحي البلاستك مثل ما تبين وحنا خوفنا انه ياكل الغراء مو انه يقطع اللعب

تقبلي مروري

[يوفاوي الكويت]

هالشي طبيعي

انتي صفري له وطقطقي له

علي شان يصفر ويطقق

حاولي ترفعينه عن الارض لو متر

وكل ما تقربين من عنده صفري له وخلي تصفيرتج وحده لا تغيرينها

وان شالله راح تشوفينه يصفر ويطقق

الي عندي انا علمته علي تصفيره وحده

والحين ما يصفر الا الي انا علمته

[ام ليان]

انا رافعته متر تقريبا
واطق طق له لكن الصفير للاسف ماعرف ؟ وهنا المشكلة

[ام ليان]

الله يجزاكم خير
الخشب هذا مسدود بخشب يعني مستحيل ولادريل يفتحه بشوف له دباره

[يوفاوي الكويت]

انا رافعته متر تقريبا
واطق طق له لكن الصفير للاسف ماعرف ؟ وهنا المشكلة


زين الارتفاع

خلي واحد من العيال يصفر له

وانتي حاولي تصفرين له

واذا ما قدرتي اشتري صفاره بس حاولي تخلين التصفير لحن

[ام ليان]

هههههههههههههههههه وين العيال كلهم صغار مايعرف يصفر الا ابونا بس مو دايم موجود

والصفاره بتخرق اذنه؟
طيب كم عمره تقدرر تحدد التقريبي من العين احيان احسه كبير ومافيه رجا واحيان احس انه اقل من سنتين او سنتين وشهر واقول باقي فيه رجا

[يوفاوي الكويت]

الله يخليهم لج يارب

انا اقول لج صفري بلحن عاد لا تصفرين بقوه

بالضبط ما اقدر اقول لج

تقريبا من سنه ونص الي الستنين او اقل

[ام ليان]

الله يجزاكم خير

[ابو يمن]

الله يهني طيرك بيكي ويهنيكي لطيرك

عندي ملاحضه مهمه:

الالعاب البلاستيكيه القابله للكسر
والوانها تجذب الطير بحيث انها تكون
سهله الاكل للببغاء وممكن تنزل الحويصله
وبعدها تتورم الحويصله لاقدر الله..

انصح انك تشيليها باسرع وقت
وتحطي بدلها قطع صلبه شويه
بحيث مايقدر يكسرها بمنقاره..

بالنسبه للعمر تعدى السنتين والله اعلم

وفي امل واااااااااااااجد بالتدريبات والكلام..

وبالنسبه للخمول الطيور تكون مستبرده شوي

ويستحسن بل ضروري تتشمس بعد الترويش من دون مايجيها رياح..

[0030879]

الطير من الصور هذي مو ظاهر انه ينتف الريش

والقفص صغير على فكرة

واذا ودك تريحي راسك الطير مامنه رجا على قولتك يبدو لي كبير شوي فوق السنتين

لأنه إذا دخل في موضوع النتف صعب تنحل المشكلة

اتمنى لك التوفيق

[جوسلين]

انا اعرف انه هالايام فترة تبديل الريش و ما اظن في ببغاء ما فيه منه رجا بدو بس وقت انا كوكو اول ما جبتو كان زي المجنون و عمره بين السنة و النصف للسنتين للحين بعد شهر و اسبوع صار يصفر و يلعب و يطقطق و يقول الو بس وقت اللي نفسو يقولها اصبري عليه و اللعب الكتيرة ممكن تلهيه عن التصفير و الاستماع للكلام

[elwhash]

انا اقيم ايضا راى اخى SUNSET

[هاااايز]

حركات الالعاب بس واجد والصمغ مضر زي ما ذكروا الاخوان روحي سوق الحمام عندكم واشتري الالعاب تحصلينها من خمسه ريال الى 50 ريال خذي شي خفيف واشتري للبغبغاء فيتامين ينحط بالماء وكل اسبوع مره ولا مرتين وشمسيه وحطي البغبغاء دايم قربك ولا وتعطينه وجه ولمى تغيرين الاكل والماء تكلمي معه ولا تتاخرين عليه بوجبته يعني ماهو اذا جاع ومات جوع غيرتي الاكل وشجيعه قولي شاطر حبيبي حب ماي واعتقد الحين فترة تغيير ريش لان حتى بغبغائي يطيح ريشه بس ماهو زي بغبغائك واهم شي تكونين دايم قريبه منه ولا تعطينه وجه ولا تصرخين عليه ابد ادري اوقات يرفع الضغط ودك يتكلم ويصير اليف ولا يجعر بس مالك الا الصبر انا بغبغائي ما روضه الا الحركه هذي اجيب قفصه واحط جنبي بعد متر عني واجل اتابع التلفزيون على النت شوي شوي بدا يصفر ويتحرك يبيني اعطيه وجه وانا ملاحظ بغبغائي ما يجن جنونه الا قدام المرايه يووووه يسوي صجه حتى امي تقول لا يكون فيه جني المهم موفقه اختي وان شاء الله الامور تضبط معك وتقضي ايام حلوه مع بغبغائك واسف على الاطاله

[ام ليان]

الله يجزاكم خير
انا مالاحظت عليه انه ينتف ريشه؟
ايضا اليوم ابشركم كنا نتغدا وفجأه سمتع صفيره حاده جدا تشق الاذن وطلعت منه الحمدلله
وكنت امس في اللي قبل وحنا نايمين سمعتها مرتين بس ماتوقعت ان الصوت منه واظن السبب ان عندي كناري او مدري عصفورين .. مدري و تشمونها يصفرون ويغردون وهم بجمب قفصه واخليهم سوى وشكله تاثر منهم لانه لما جبته عندي بالصالة وهم بغرفه ثانيه وسمع اصواتهم طلع صوت الصفير اللي قلت لكم عليه
الحمدلله بدايه زينه ووبالعكس ماحسيت انه كان متوحش مره وبدا يتغير الان للاحسن
بس لاحظت عنفه بعد ماروشته لانه اول مشاف الماء هرب
ومن بعدها لما اقرب منه يجعر ويحاول يعضني زعلان وحاولات اراضيه اليوم واعطيته اكل من ايدي وكلى ولله الحمد

[يوفاوي الكويت]

ان شالله مع الايام راح يتحسن وراح يصفر ويتكلم

اهم شي الاهتمام فيه

[أحبك توتو]

آمييييييين بدايه طيبه انه صفر

[sunset]

مبروك ونشاءالله عقبال لما تقوليلنا انو تكلم

تحياتي

[طير الهوى]

،،

هلا ام ليان

انتبهي له من هالالعاب البلاستيك .. ذولي يكسرهن علطووول .. ويمكن يجيه بلاء والا شي لا قدر الله ..

انا صراحه اروح للنجار .. واخذ لي مربوعه .. واخليه يقصقصها لي مربعات .. ويسوي بكل قطعه فتحة دائرية بالنص .. ثم عاد انا اربطها بحبل واعلقها بالقفص .. لأن الالعاب بالسوق مره غاليه على غير سنع .. ماتاخذ يومين الا وهي متكسره وراحت الـ 60 ريال !! غير كذا كلها ملونة بألوان صناعية يمكن تضر الطير .. بينما الخشب اللي انا اجيبه طبيعي .. وارتاح له أكثر ..!! والطير برضو مرتاح له ويمزمز عليه ومبسوط ^.^

انتي ماشاء الله عليك يا ام ليان تهتمين بالطير ومعطيته وقتك .. لكن احرصي تكون كل خطوة مدروسة .. وانا متفائل ان طيرك ان شاء الله بيكون من احلى الطيور دامك قريبه منه ^.^

بالتوفيق

،،

[ام ليان]

الله يجزاكم خير
وهو صفر تصفيره وماعاد صفر عقبها
شكله تحسف؟

[طير الهوى]

،،

لا ماتحسف ولا شي .. يمكن يكون الهدوء اللي يسبق العاصفه .. وهذي دايم تصير بالطيور ..

يسكت فتره لين تقولين أكيد انه أطرم .. همن سبحان الله ينفتح .. وتنفرط السبحه وتبدأ الكلمات تطلع وحده وحده ..

بس انتي خليك مثل ماتعودنا عليك .. طويلة بال عليه .. وتعايشي معه وخليه يحس أنكم توأم روح .. خليك معه طول الوقت وهو معك .. خلي بينكم رابط وعلاقة قوية .. وبتشوفين شي يسرّ ويشرح الخاطر بإذن الله ..

،،

[يوفاوي الكويت]

الله يجزاكم خير
وهو صفر تصفيره وماعاد صفر عقبها
شكله تحسف؟


لا عادي ان شالله يصفر وراح يزعجكم بالبيت

حاولي انكي ما تعطينه وجبه الغدا وتكون شوي متاخر

يعني خليه يجوع شوي وراح تسمعين تصفيراته

[ام ليان]

شكرا لكم
ان لاحظت انه يصفر لما يكون بالمطبخ يعني مره تصفرتين ومره ثلاث لما كلنا نطلع ونخليه ينام ويككون البيت ساكن
مره وحده فقط هو اللي يصفر قدامنا اليوم سمعت صوت بحلقه غريب الصوت مدري هو بيتكلم ولا شي ثاني لانه له فقط شهر عندي
وهو مازال يعض ومايحبني اشيله ومازلت استخدم الجونتي
لكن ياخ1 الاورام لما اقوله عيب وخله
احاول الان ادربه على انه يطلع على يدي وهي بها جونتي لاني ماثق فيه وبتعب يطلع ويطير لمكانه

شكرا جزيلا لكم على متابعتكم