خبرااء الفلاور هورن .. مناقشة %%

[انجل مان]

السلام عليكم :)

كيفكم يا اعضااء تو زوو .. ويا خبرااء الفلاور هورن :88::12:


خلونا ندخل بالموضوع على طوول .. :D

ونبي نتناقش في تربيه الفلاور وكل ما يخصها من تجربه للاعضاء ووخبرتهم ..

ومثل ما يقولون .. اسأل مجرب ولا تسأل طبيب خخخخ :D

راح ابدأ بطرح مسأله صايره لي ولي اسببوعين احاول اخلصها مو قادر ههههههههههههه


عندي ذكر وانثى فلاور هورن ..

بحوض واحد وبينهم فاصل شفااف .. طبعا الانثى بعد كم يوم بتدا يتغيير لونها وتخطط جسمها بخطوط سوداء ( طبعا كلنا عارفين انها بهالحاله تكون جاهزة للتزاوج ) وخصوصا بروز انبوبه البيض :12:

واما الذكر ما بين فيه شي .. شلت الفاصل عنهم وصار شجار عنيف ما فكو بعض .. :wao:

وارجع احط الفاصل واخليهم يومين .. واشيله .. وبرضوا يتشاجرون .. والى الان مش راضيه الانثى تتروض ابدا :mad:

فبرايكم ايش الحل وخلونا ننتناقش بالموضوع هذاا ..

[الحوت الأزرق]

السلام عليكم
بعد التحيـــــة
أخي العزيز أنجل مان
ذكرت أن الأنثى تظهر عليها خطوط سوداء وهذا دليـــل على عدم أرتياح الأنثى
وأيضاً ذكرت أنك فصلت الحاجز فقاموا بالعراك الشديد
عندي سؤال أخي أنجل هل قام الذكر أو الأنثى بالحفر أو نقل الجرش من مكان الى آخر ؟
وهل قام الذكر بالأستعراض وليس الأقبال ( يقوم الذكر بفرش كامل الزعانف والدوران في مكانه) ؟
إليك بعض الطرق ليتكيف الزوج معاً:
# لا تضع لهم الأكل في نفس الوقت ( على حدى)
# لا تشعل الأنارة إلا وقت قصير ( أعتمد على أنارة الغرفة)
# عند فتح العازل الزجاجي بدون أشعال نور الحوض وراقبهم جيداً إذا كان الذكر يفرش نفسة بكثرة
والأنثى تحاول الأبتعاد فحاول تركهم فترة أكثر ( وتحمل وأنت تنظر لهم ههههه)
أتمنى لك التوفيق أخي م هـ ؟ د
تحياتي / الحوت
(تميز ولو كنت في وسط الزحام)

[oO مشــعل Oo]

شكرا على هذا الموضوع الرائع

اريد تهجين الفلاور مع انثى الباروت حمراء طبعن

هل لديكم نصائح

حتى لو كنت اعرفها او كانت بسيطه

ارجوا من كل شخص لديه خبره في تهجين الفلاور مع الباروت ان يقول رايه

في تجهيز الحوض وكمية الملح ومدة الفصل
وكل صغيره وكبيره


فرايه سيكون مفيد لي و للجميع

ويكفي ان الموضوع سيكون موثق

وكذالك لدي ذكر فلاور اخر اريد تهجينه مع ريد تكسس

ارجوا ان تدلوا بدلوكم

وكذالك لدي فلاور ثالث اريد تهجينه باي نوع تنصحوني .؟

اما عن سؤالك اخي انجل سوف اقول لك كذا طريقه ولكن بعد سماع اراء الخبراء في الفلاور في هذا المنتدى



وتقبلوا تقديري واحترامي

[الحوت الأزرق]

حياك أخي العزيز مشعل
بنسبة الى تزوج المجموعة الي ذكرتها هي من نفس الفصيلة
فالطريقة هي نفسها

ومن مقومات التزاوج بين الزوجين
أن لا يكون هناك إي مرض بهم
ولا يكونوا بأحجام مختلفة (يجب تقارب الأحجام)
تهيأت الحوض من الجرش السهل في التحريك بنسبة الى الأسماك
أطعام السمك على عدة فترات من 3 الى 4 مرات
تقليل الأنارة
التأكد من أن الموجود ذكر وأنثى
وتحياتي لكم

[انجل مان]

أخي العزيز أنجل مان
ذكرت أن الأنثى تظهر عليها خطوط سوداء وهذا دليـــل على عدم أرتياح الأنثى
وأيضاً ذكرت أنك فصلت الحاجز فقاموا بالعراك الشديد[/COLOR]

بالنسبه للخطوط .؟؟ انا مفرخ فلاور سابقا مع انثى شورت بودي وكان بارز عليها الخطوط

وهذا دليل على ان الانثى مستعده على ما اعتقد ؟؟؟


عندي سؤال أخي أنجل هل قام الذكر أو الأنثى بالحفر أو نقل الجرش من مكان الى آخر ؟


نعم .. حاسوا لي الارضيه .. وحافرين من جهه الفاصل يعني منطقه الالتقاء بين الذكر والانثى

وهل قام الذكر بالأستعراض وليس الأقبال ( يقوم الذكر بفرش كامل الزعانف والدوران في مكانه) ؟[/COLOR][/COLOR]


نعم .


إليك بعض الطرق ليتكيف الزوج معاً:
# لا تضع لهم الأكل في نفس الوقت ( على حدى)
# لا تشعل الأنارة إلا وقت قصير ( أعتمد على أنارة الغرفة)
# عند فتح العازل الزجاجي بدون أشعال نور الحوض وراقبهم جيداً إذا كان الذكر يفرش نفسة بكثرة
والأنثى تحاول الأبتعاد فحاول تركهم فترة أكثر ( وتحمل وأنت تنظر لهم ههههه)
أتمنى لك التوفيق أخي م هـ ؟ د
تحياتي / الحوت
(تميز ولو كنت في وسط الزحام)

يسلموو على النصايح ..

والاضاءه انا معتمد على اضائه الغرفه دائما

اما العازل المشكله اول ما اشيله .. يدورون حول بعض ثم يبدأ المعركه عن طريق الفم يعني كل منهم

يمسك فم الاخر وتنتفش ذويلهم ويدورون يمين ويسار وفيه اثار العض على فم الذكر والأنثى ؟؟

وهذا اللي خوفني .؟ :confused:

[انجل مان]

مشعل خيوو ..

الباروت اسهل تفريخ من الفلاور الانثى .!؟ ؟ لانها تتروض بسرعه

لكن الفلاور الانثى عصبيه وقت التزاوج.. ويجب ان يكون اذكر يفوقها حجما ليسهل عليه الترويض

فأنت اعزلهم بفاصل وانتظر حتى ترى انبوبه التزاوج في الانثى وبعدها اطلق الذكر ليكمل المهمه ..

[oO مشــعل Oo]

يعطيك العافيه اخي الحوت الازرق

نعم هي من نفس الفصيله والباروت من اهل الاسماك تكاثر

والافضل ان يكون الحوض بدون جرش ولا اشجار ولا اكسسورات والحراره المناسبه هي 28

لكن سؤالك كيف ستكون شكل الصغار هل ستأخذ شكل الاب ولون الام ان سياخذ شكل الاب وحجم الام يعني يكون فلاور هاف بدي يعني قصير

اقصد هل سينتج عنه مايسمى killin parrot

[oO مشــعل Oo]

مثل هذه الصورة


http://www.flowerhornusa.com/forums/upload/monthly_05_2009/post-2081-1242074028.jpg

[oO مشــعل Oo]

او هذه


http://www.flowerhornusa.com/forums/upload/monthly_05_2009/post-2081-1242074676.jpg



http://www.flowerhornusa.com/forums/upload/monthly_05_2009/post-2081-1242074288.jpg

او هذه

http://www.flowerhornusa.com/forums/upload/monthly_04_2009/post-10715-1240610138.jpg




احببت ان اضيف هذه المعلومات ونتحاور حولها




وكذالك اخي العزيز لم تختار معي انثى للذكر الثالث فبماذا تنصحني


وتقبل تقديري واحترامي

[oO مشــعل Oo]

اهلين اخي انجل

انا اطرح الموضوع للنقاش وليس لجهلي بالمعلومه فالهدف ان يستفيد الجميع وانا اولهم

كي يتوثق النقاش عن الفلاور لأنها كما نعلم جميعنا سمكه هجين وجديده والمعلومات عنها قليله

فنريد ان نوثق تجاربنا الشخصيه كي يستفيد منها الجميع

اخي الغالي انا اضع الباروت مع الفلاور بدون وضع شبك او حاجز

ولكني اقوم بمتابعتهم بشكل دقيق ولله الحمد لم يحصل ان تشاجروا لان وضع الزوج مع بعض لابد ان يكون في وقت محدد وهي تجاوز الذكر مرحلة البلوغ بمده شهرين او اكثر

والانثى تكون جاهزه ومستعده للتزاوج ويتدلى منها الانبوب وانا طبعن اتكلم عن الفلاور مع الباروت

اتمنى من الجميع مناقشة هذا الموضوع الجميل والممتع

[انجل مان]

او هذه


http://www.flowerhornusa.com/forums/upload/monthly_05_2009/post-2081-1242074676.jpg



http://www.flowerhornusa.com/forums/upload/monthly_05_2009/post-2081-1242074288.jpg

او هذه

http://www.flowerhornusa.com/forums/upload/monthly_04_2009/post-10715-1240610138.jpg




احببت ان اضيف هذه المعلومات ونتحاور حولها




وكذالك اخي العزيز لم تختار معي انثى للذكر الثالث فبماذا تنصحني


وتقبل تقديري واحترامي



طيب انا راح اقولك تجربتي ..

انا زاوجت فلاور هورن عادي .. مع انثى فلاور شورت بودي .. نفس اللي بالصور ..

وش تتوقع الانتااج اللي طلع معاي .ّ؟؟؟؟

فلاور هورن عادي :88: لاني كنت خايف يجيني شورت بودي فأبشرك طلعوا جميعهم طبيعيين

لكن لو تجرب مع البارووت .. راح يجونك اشكال .!! منهم الشورت بودي ومنهم العادي

الشورت بودي بيصير نوعيين ؟؟

الاول : جسم باروت وفم باروت ايضا ولون فلاور هورن.. اما الثاني : جسم باروت وفم فلاور عادي ولون فلاور هورن

والنوع الثاني برضوا نوعين ؟؟

الاول : فلاور هورن كامل وعادي واللوان مثل الاب اما الثاني : فلاور هورن عادي واللوان مثل الام ( وهذا المطلوب ) على ما اعتقد :12:

[انجل مان]

اهلين اخي انجل

انا اطرح الموضوع للنقاش وليس لجهلي بالمعلومه فالهدف ان يستفيد الجميع وانا اولهم

كي يتوثق النقاش عن الفلاور لأنها كما نعلم جميعنا سمكه هجين وجديده والمعلومات عنها قليله

فنريد ان نوثق تجاربنا الشخصيه كي يستفيد منها الجميع

اخي الغالي انا اضع الباروت مع الفلاور بدون وضع شبك او حاجز

ولكني اقوم بمتابعتهم بشكل دقيق ولله الحمد لم يحصل ان تشاجروا لان وضع الزوج مع بعض لابد ان يكون في وقت محدد وهي تجاوز الذكر مرحلة البلوغ بمده شهرين او اكثر

والانثى تكون جاهزه ومستعده للتزاوج ويتدلى منها الانبوب وانا طبعن اتكلم عن الفلاور مع الباروت

اتمنى من الجميع مناقشة هذا الموضوع الجميل والممتع




سلااااااااااااااااااااااااااااااااااااااام عليك ..

هذا هدفي بالضبط .. يلوموني بالفريند يا نااس :freind:

[الحوت الأزرق]

ماشالله
كلامك أخي العزيز أنجل مان ممتاز
بنسبة الى الأنتاج الفلاور بالشورت
وأما عن محاولتك في التزاوج أنا أقترح أنك تخليهم شوي بدون
الحاجز كم يوم حتى لو قاموا بالعراك
الفلاور معروفة بسمكة مزاجية
ف من ضمن محاولاتي في التزاوج بعض الأحيان يتفق الزوج و بعد
فترة يقوم الزوج بالعراك من جديد فهذا شيء طبيعي بنسبة لي
وأن أشتد العراك بينهم أقوم بالفصل من جديد
نحياتي لكم

راجع لك أخ مشعل في أقتراح لتزاوج الفلاور الثالث

[oO مشــعل Oo]

صحيح اخوي انجل هذا هو المطلوب

طيب اذا كان احد من الاخوان هجن ذكر فلاور مع انثى Red Devil وليس العكس


ماهو ناتج هذا التهجين هل يسحب فلاور اصفر اورنج بابيض بشكل خريطه على الجسم

ام اصفر فقط ببقع الفلاور الاصلي على الجنب.؟

الاكيد ان الصغار ستاخذ شكل الفلاور لانهم جميعهم يمتلكون الكوك جبهة الراس

ولكن سؤالي عن سحب الالوان

[انجل مان]

الالوان .. بيكونون مثل ما ذكر لك مع الباروت ..؟؟؟

شي منهم على الاب وشي منهم على الام .؟؟ وبيكونون برضوا سمكات بالمنتصف يعني ماخذين من الاب والام سوا ..

[الحوت الأزرق]

عدا فروخ التهجين ليس لهم شكل محدد ف بعض الأحيان بل معطم الأحيان
يكونوا على درجة الأجداد
لو أفترضنا أن الباروت الأنثى مع الفلاور الذكر أحتمال الناتج غالب بالباروت
والفلاور مع الباروت الذكر الناتج أحتمال أكيد فلاور آيس كريم

تحياتي

[bu_mohd]

انا عندي زوج فلاور الانثى اصغر من الذكر وانا واضعنهم مع بعض نادرا اذكر احاول يضرب الانثى في حال انه حاول يضربها تختتبى في تحفه موجوده في الحوض ومن ثم تخرج ولا كأن صاير شي بس الي ابي اعرفه


1- متى اعزل الذكر عنها هل بعد ما اتبيض او اول ما يطلع انبوب البيض


2- وملاحظ ان الانثى تظهر الخطوط السوده وترد تختفي فما هو السبب

[bu_mohd]

3- هلا يجب ان تكون الانثى اصغر حجما من الذكر

[انجل مان]

اكيد طبعا لازم تكون اصغر لتفريخ الانثى وترويضها اسهل

طبعا اذا عندك حوض افصلهم بحاجز شفاف .. وخليهم يشوفون بعض ولا يقدرون يوصلون لبعض ..

وغذيهم وانتظر يبن الخطوط بالانثى وبروز الانبوبه من الانثى بعدها شيل الفاصل وخليهم يتزاوجون

[bu_mohd]

انا عندي انثتين وذكر واحد واحده اصغر حجما من الذكر والاخرى نفس حجم الذكر



1- الانثى الي نفس الحجم دوما في عراك مع الذكر وحتى من خلف الحاجز ولم ارى اي خطوط سوده عليها حتى الان فما هي المشكله وما هو الحل


2- الانثى الاصغر حجما من الذكر باضة مره او مرتين واللحين تتخطط ورد يختفي الخطوط فما هي المشكله وما هو الحل






افيدوني يا اخوتي الخبراء

[انجل مان]

خلي الانثى اللي باضت واللي اصغر حجما .. تشوف الذكر وراح ترجع الخطوط لكن اهم شي التغذيه الجيده

[يوسف ابل]

السلام عليكم

انا عندي ذكر شورت بدي اليوم يبت له نثيه شورت وهديته معاه على طول
فالبدايه الذكر يرقص للنثيه ويدورون على بعض وبعد مده رجعت لهم ولا النثي مطقوقه من الذكر
والحين حاط عازل بينهم والنثيه اصغر من الفحل

هذي صورت الذكر

[URL=http://www.2zoo.org][IMG]http://www.2zoo.org/get-6-2010-2zoo_org_f9mv8ksn.jpg

وان شاءالله تفيدوني بطريقه تفريخ الفلور لاني اول مره اجرب الفلور

[bu_mohd]

الانثى الي باضة على طول وي الذكر بدون فاصل

[انجل مان]

السلام عليكم

انا عندي ذكر شورت بدي اليوم يبت له نثيه شورت وهديته معاه على طول
فالبدايه الذكر يرقص للنثيه ويدورون على بعض وبعد مده رجعت لهم ولا النثي مطقوقه من الذكر
والحين حاط عازل بينهم والنثيه اصغر من الفحل

هذي صورت الذكر

[URL=http://www.2zoo.org][IMG]http://www.2zoo.org/get-6-2010-2zoo_org_f9mv8ksn.jpg

وان شاءالله تفيدوني بطريقه تفريخ الفلور لاني اول مره اجرب الفلور



هلا فيك اخوي يوسف ..

ما شاء الله الذكر وايد حلو ..

شوف عزيزي .. انت خلي الفاصل بينهم وغذهم زين بالبروتينات اهم شي ..

وانتظر حتى تشوف ان الانثى بدت تتخطط ومستعده للتزاوج بعدها هد الذكر عليها

لكن الحين ما تقدر تزاوجهم لان الانثى مو مستعده وهذا سبب ضربها من الذكر .!!

[انجل مان]

الانثى الي باضة على طول وي الذكر بدون فاصل

لا يكون متوالفين وانت ما تدري .؟

[bu_mohd]

99 % OK TO GATHER
1% NOT OK TO GATHER SHOTTING

[يوسف ابل]

مشكور اخوي انجل وان شاءالله بعد مده اقولكم شصار

[انجل مان]

العفوو ..

وننتظرك بالنتايج

[bu_mohd]

كما سمعت من الاعضاء ان يجب ان تكون الانثى اصغر حجما من الذكر انا عندي انثتين وحده حجمها صغير بالنسبه للذكر ووحده نفس حجم الذكر فما هو اقترحكم عليي بالنسبه للانثى الي نفس حجم الذكر

[انجل مان]

شوف انا عندي انثى نفس حجم الذكر تماما ..

ومطلعه الشيب براسي .. مو راضيه تتروض .. ومع اني مفرخ فلاور مع انثى اصغر منه بـ 3 مرات ..

ولا واجهت اي مشاكل او خلافات ..

فأنصحك بذكر كبير او توديها عند صاحبك وتخليه يزاوجها وتقاسموا الفرووخ ههههههههه

[انجل مان]

شوف انا عندي انثى نفس حجم الذكر تماما ..

ومطلعه الشيب براسي .. مو راضيه تتروض .. ومع اني مفرخ فلاور مع انثى اصغر منه بـ 3 مرات ..

ولا واجهت اي مشاكل او خلافات ..

فأنصحك بذكر كبير او توديها عند صاحبك وتخليه يزاوجها وتقاسموا الفرووخ ههههههههه

[bu_mohd]

لدي استفسار وهو متى بالضبط افصل الذكر عن الانثى هل اول ما الاحض وجود كيس البيض او متى بالضبط افصلهم




ولكم جزيل الشكر

[انجل مان]

من الان ابدأ الفصل ..

عشان الذكر يشتاق للانثى !.. واذا تقدر اول 6 ايام تخلي الذكر ما يشوف النثى تماما عشان يشتاق لها . واهي ايضا تشتاق للذكر ..

وغذيهم كويس .. وانتظر حتى تكون جاهزة ..

[bu_mohd]

الانثى ظهر كيس البيض بس عندي سمكة ثانيه معتمد على انها انثى بس الحضظ تصرفها الان غير حتى انه ضهر انبوب غير عن كيس البض فهل هذا يدل على انها ذكر

[انجل مان]

ما فهمت عليك !؟

[*حامي الحيوان*]

شووف يا الغالي

أنا ما أبي أتعمق بالموضوع وأتفلسف

الاخواان ما قصروا

أنا بنقل لك تجربة واحد من الاسرة

وهو ألي ححبني بالسمك من بعدك


بالبداية كان عندة ذكر وأنثى فلور هورن

بحوض خاص فيهم من غير جرش

وفصل بينهم بعازل بلون أسود

لمدة 3 الى 4 أياام وبعدين أستبدل الحاجز الاسود

بأخر شفااف وتركهم على هذا الحاال

مدة بسيطة وهو يرااقب تصرفاتهم

بعد كم يووم بدأ يلاحظ تصرفات غريبة عليهم

وهي تصرفات التزاوج ألي هي

أنهم يسبحون عند بعض بجانب الفاصل الشفااف

وأنه يستعرض بالماء ببعض الحركات الغير مألوفة

بعدها أطفى نور الحوض فقط لـ15 دقيقة

ثم رفع الفاصل الشفاف وحدث التزااوج

ولله الحمد أكبروا وباااعهم ونساااني !!! ههههه

المهم أذا أنت متأكد أنهم ذكر وأنثى

فا أتبع معاهم نفس الاسلووب

ومع التغذية السليمة

ومراقبة التصرفات والصبر


بيكون عندك أنتاج أنشاء الله ولا تنسااني

وبصرااحة الموضوع يحمس مثل المونديال

أبي كم سؤال بعد



تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

والله طريقه ممتازة اخوي حامي ..

وانا راح اطبقها ..

[bu_mohd]

سؤال هاااااااااااااااااااااااااااااااااااااااام متى يتم تلقيح البيض وكيف ومتى يجب فصل الذكر هل اول ما اتبيض الانثى

[انجل مان]

سؤال هاااااااااااااااااااااااااااااااااااااااام متى يتم تلقيح البيض وكيف ومتى يجب فصل الذكر هل اول ما اتبيض الانثى



يتم تلقيح البيض فورا .. بعد ما تبيض الانثى !!

بعد ما يخلص الذكر من التلقيح شيله واترك الانثى تعتني بالصغار ..

[bu_mohd]

اشلون اعرف انه انتهى التلقيح ويجب عليي اني اشيله

[*حامي الحيوان*]

بعد ما تضع الانثى البيض

الذكر بيلقح البيض برش سائل عليهم

فا متى ما رش السائل وأبتعد عن البيض

يعني لقح البيض



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[bu_mohd]

بعد ما تضع الانثى البيض

الذكر بيلقح البيض برش سائل عليهم

فا متى ما رش السائل وأبتعد عن البيض

يعني لقح البيض



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي


اشلون اعرف انه انتهى من رش السائل

[*حامي الحيوان*]

تقدر تعرف بحالتين

أما صدفة تكون مار وشفته

أو تلاحظ أنه الماء مضبب شوي



تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[bu_mohd]

اولا مشكووووووووورين


ثانيا اليوم تفاجئت ان البيض اختفى من الرغم ان الزوج منفصل


افيدوني شنو المشكله وشنهو الحل هذي المره الثانية الي اتبضي وما انتجت منه شي

[انجل مان]

احكي لنا شنو عملت بالضبط !!

[bu_mohd]

من بعد ما باضة الانثى فصلت الذكر لا مزيد

[انجل مان]

اكيد الانثى خافت على الصغار .. واكلت البيض !!

[bu_mohd]

اشلون وهي ابروحه وهل اصير تاكل البيض

[انجل مان]

ايه لما الانثى تخاف على الصغار ..

من خوفهم تاكلهم .. انا صارت عندي مرة واكلت الصغار وما كانوا بيض كان اسماك صغيره تسبح ..

[bu_mohd]

طيب شنو الحل

[انجل مان]

انت ما غطيت الحوض .. وقت التفريخ ! صح !

[*حامي الحيوان*]

بما أنه الموضوع للمناقشة

وأنا ما عندي شغل فا حبيت أستفيد منكم


دائما ما ترتبط صفة العدوانية بالفلور هورن

فا سؤالي هل الفلور بصفته عدواني

يلزم الهواي بأنواع محدده من السمك ؟؟

يعني ما أقدر أربي أوسكار مع الفلور أو الانواع ألي تعيش مع الاوسكاار

أذا كااان كلااامي غلط فا أرجووا التوضيح

لاني أسمع كثير من الهواة أنه الفلور عدواني والاوسكااار ضعيف بالنسبة له




تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

بما أنه الموضوع للمناقشة

وأنا ما عندي شغل فا حبيت أستفيد منكم


دائما ما ترتبط صفة العدوانية بالفلور هورن

فا سؤالي هل الفلور بصفته عدواني

يلزم الهواي بأنواع محدده من السمك ؟؟

يعني ما أقدر أربي أوسكار مع الفلور أو الانواع ألي تعيش مع الاوسكاار

أذا كااان كلااامي غلط فا أرجووا التوضيح

لاني أسمع كثير من الهواة أنه الفلور عدواني والاوسكااار ضعيف بالنسبة له




تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااتي





اخوي حامي .. امر طبيعي في تربيه السيكلد الامريكي خاصة ..

العدوانيه بين بعض بسبب سياده الحوض .. او سياده المكان ..

يعني لو راح تربي فلاور .. ممكن تربي معها اسماك اخرى مثل ما ربيت انا .!!

طبعا الحوض يجب ان يكون من 120 سم وما فوق ..

ثانيا يجب ان يكون السيكلد الموجود اهو القائد او الملك .. مثل :

( الاوسكار .. الفلاور هورن .. الجاكوار .. الريد ديفل ..الخ )

بعدها تجي السكان او الشعب وتكون اسماك سريعه ونشيطه وكبيره بالحجم مثل :

( التنفويل بارب .. سلفر دولار حجم كبير .. نايف فيش .. وانواع الـ Eel ..الخ )

بعدها تجي الخدم او الرمامه بالحوض .. مثل :

( البلاكستوماكس .. كلاريس كات فيش .. البنجاسيوس .. وايضا اللوبستر الحجم الكبير ..الخ )


وبكذا تكون كونت قائد وشعب وخدم .. واسماك متوافقه ومسالمه ..


وهذي القاعده دائما استخدمها في السيكلد الامريكي فقط ! لانه كبير بالحجم ومنظره الوحيد يكون بارز وجميل

وبس .. :88::12:

[*حامي الحيوان*]

يعني أفهم من كلاامك

أقدر أربي فلور مع أوسكااار

عمووما أنا لو ربيتهم بجيبهم بأحجاام صغيرة من 10 الى 15 سم

بس خااايف من الفلور على باقي السمك




تحيااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[oO مشــعل Oo]

ياسلام عليك يا انجل ايش الشرح هذا :88:

بجد مبدع والشرح يدخل المخ بسرعه :D


لا خلا ولا عدم

[*حامي الحيوان*]

أي مشاااء الله علية

أستااذ مبدع



تحيااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

يعني أفهم من كلاامك

أقدر أربي فلور مع أوسكااار

عمووما أنا لو ربيتهم بجيبهم بأحجاام صغيرة من 10 الى 15 سم

بس خااايف من الفلور على باقي السمك




تحيااااااااااااااااااااااااااااااااااااااااااااااااااااااااااااااااااااااااااااااااااااااااااااتي


لا لا اوسكار لا ..

راح يتضاربون ...

لازم وحده من الانواع تقود الحوض كامل ... ملكين في حوض واحد ماينفع راح يسقط الحكم :D

[الحوت الأزرق]

ماشالله تبادل في الخبرة ممتاز
تحياتي

[*حامي الحيوان*]

تدري شنو المشكلة

أنه أجمل الاسماك هم ملووك الحووض

يعني الهاوي يحتااار

بدليل بسألك الحين سؤال ومن أجابتك بقولك ليش

هل أستطيع تربية الكلاون نايف أو البلاك جوست مع الاوسكار ؟؟




تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

تدري شنو المشكلة

أنه أجمل الاسماك هم ملووك الحووض

يعني الهاوي يحتااار

بدليل بسألك الحين سؤال ومن أجابتك بقولك ليش

هل أستطيع تربية الكلاون نايف أو البلاك جوست مع الاوسكار ؟؟




تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي


الكلاون نايف .. ممكن وانا ربيتها مع الاوسكار شخصيا !! ولا واجهت ايه مشاكل .. لان النايف ما يسعى لسياده الحوض اطلاقا ..

اما البلاك قوست ! ما جربت لكن اذا بأحجاب كبيره .. راح يكون مثله مثل النايف

[*حامي الحيوان*]

شوووف نفس هذا السؤال تناقشت فيه

مع مجموعة هوااة بتربية الاسمااك بعضهم كبير وبعضهم شبااب

المهم أجاباتهم ماكانت متفقة ألي يقوول لا ما يصير وألي يقوول عادي ممكن تربيهم

فا أنا أهني غسلت أيدي وطلعت هههههههههههههههههههههههههه

وتدري شنوو المشكلة أنه فيه البعض رباهم وما واجه مشكلة

والبعض لا رباهم وواجه مشكلة يعني مسألة حظك نصيبك

غير هذا تتذكر موضوعي ألي كنت أبي فيه مجموعة من السيكلد

وأنت عطيتني مجموعة بناء على الاوسكاار ألي هي

( أوسكار \ جرين تيرور \ جاك ديمبسي \ أروانا \ بلو اكار \ كات فيش )

بصرااحة أعجبتني المجموعة بس واجهت أعتراضات كثيرة

بأنهم ما يتوافقووون نهائيا

وأعتقد أنه أول 3 أسمااك تعتبر ملووك يعني ... !!


والله مدري شقوول ناطر ردك

<<<<<<<<< يوووه اليوم شاد حيله الاخ




تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[*حامي الحيوان*]

أدري طلعت عن مجااال الموضوع

بس هالمرة ساامحني شااد حيلي



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

كلامك سليم ..

لكن انا ربيت هالمجموعه اللي كتبتها لك مع بعض ..

طبعا كان سيد الحوض عندي الاوسكار .. لانه كان اكبرهم بالحجم بأربع مرات .. والباقين كانو صغار وتابعين للسيد يعني لسا ما بعد توجو كملوك .. هههههههههاااي

لكن كانت عندي مناوشات بين القرين والجاك . . بس كانت خفيفه مو هذيك الاصابات لاني كنت حاط مخابئ وهيك

وايضا الحوض كان 150 .. يعني ما كانت مناوشات قويه ..


وفعلا لو ربيت مثلا كل الثلاثه مع بعض وبنفس الحجم .. يمكن اخسر 2 منهم .. من اول يوم !!


وما شاء الله عليك .. فعلا شااد حيلك !

لكن تعجبني ! احب النقاشات اللي مثل كذاا ..

[*حامي الحيوان*]

خلاصة الموضوع

ألي فهمته منك لو نوفر الجو المناسب للسمك

من حوض كبير الى مخابى ألخ

فا ممكن نجمعهم بحوووض لان

بهالطريقة بيكوون كل ملك له مملكة خاصة

بجزء من الحوووض

غير هذا أبيك تشوور علي بشيء

أمس جاني حووض بمقااس

120طول × 50عرض × 40أرتفااع

بشنووو تنصح أربي فيه لاني محتااار

وتقدر تفيدني بمسألة الغطأ والاضاءة

لان الحوض تفصااال وأنا كل أحواضي جاهز



تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

انت وش تفضل ! من السيكلد الامريكي !!


اختر نوع واحد !! عشان مع مرور الايام والنمو السريع ما تواجه اي مشاكل وتتوجه للعزل و البهذله ..الخ

وانا اعطيك باقي المجموعه !

[bu_mohd]

هلا انجل مان هل يجب عليي ان اغطي الحوض اذا باضة الانثى مباشرة ؟

[*حامي الحيوان*]

المفرووض تغطية طوول فترة التزااوج

يعني وأنت تجهزهم للتزاااوج يكوون الحووض مغطأ



تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[*حامي الحيوان*]

هلا أنجل مثل ما قلت

أنا أبي الاوسكاار من المجموعة



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

اخوي ابو محمد ..

مثل ما قالك حامي المفروض تغطيه طوول فترة التزاوج .. عشان الانثى ما تخاف




وبالنسبه لسؤالك يا حامي ..

حوض 120 ..

تاخذ لك 2 او 4 اوسكارات .. لسياده الحوض

اما السكان عندك ( التنفويل بارب + الاروانا + نايف فيش + اسماك الـEel + باكو + كات فيش )

اما الرمامه وهو ضروري لحوض الاوسكار بسبب كثره بقايا الاطعمه اللي يخلفها ..

( كلاريس كات فيش + بلاكستوماكس + ربيان كبير جدا عشان الاوسكار ما يبتلعه )

وبس كا تكون كونت احلى بيئه .. .طبعا مو تحطهم كلهم لان الحوض راح يكون مليان اختر اللي يعجبك من الانواع المذكورة وربيها ..

واهم شي الديكور كل ما كان مائل للطبيعه كان اجمل ..

[*حامي الحيوان*]

بالنسبة للأسمااك الرمامة الكات فيش تعتبر منهم صح

وبصرااحة البلاكستوماس ما أحسة ينضف فضلاته كثيرة ومزعجة

مجربة أنا من قبل

[النمر الأبيض]

مشكورين والله يعطيكم العافية
مشاركات كبيرة وجميلة من اعضاء كبار

[bu_mohd]

انا راح اسفر 18 يوم هل يحتاج اني اغطي الحوض طالما ما راح اشوفون احد امر عليهم الا اخوي وقت الاكل فقط وانا سمعت انه ما اشغل اضاءة الحوض واخليهم على اضاءة المكان فقط

[انجل مان]

انا راح اسفر 18 يوم هل يحتاج اني اغطي الحوض طالما ما راح اشوفون احد امر عليهم الا اخوي وقت الاكل فقط وانا سمعت انه ما اشغل اضاءة الحوض واخليهم على اضاءة المكان فقط



لا ان شاء الله ماعليهم .. رووح وانت متطمن ..

والاضائه زين ما سويت اضائه المكان كافيه ..

[انجل مان]

بالنسبة للأسمااك الرمامة الكات فيش تعتبر منهم صح

وبصرااحة البلاكستوماس ما أحسة ينضف فضلاته كثيرة ومزعجة

مجربة أنا من قبل



صحيح .. مثلي انا ما اتعامل مع البلاكستوماكس ..


لان الممسحه المغانطيسيه قايمه بالواجب ويا الحلزونات ..

[برنسيسه..]

هلا هلا..

إيش رايكم في الفلاور للمبتدئين؟

[*حامي الحيوان*]

والله ما أشوووف أي مشكلة

عموما السيكلد سهل التربية للمحترفين وللمبتدئين

وأنا شخصيا بدايتي كان بالاوسكااار

ولالحين أنا مبتدىء وتعمقت فيهم شوي

وماني شاايف أي مشكلة

السيكلد سمك جميل ومناعته قوية




تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[برنسيسه..]

والله ما أشوووف أي مشكلة

عموما السيكلد سهل التربية للمحترفين وللمبتدئين

وأنا شخصيا بدايتي كان بالاوسكااار

ولالحين أنا مبتدىء وتعمقت فيهم شوي

وماني شاايف أي مشكلة

السيكلد سمك جميل ومناعته قوية




تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي


ماشاء الله عليك ما عندك وقت..

انا عاجبني الأوسكار بس أخاف منهـ..

أما الفلاور احسسهـ نعووووم..

بس كمم توصل اسعارهـ؟

[انجل مان]

هلا هلا..

إيش رايكم في الفلاور للمبتدئين؟


تربيه او تفريخ !

[برنسيسه..]

تربيه او تفريخ !


تربيهـ وبعدين تفريخ..

[*حامي الحيوان*]

والله الاسعااار على حسب الحجم

أنا حصلت مره فلور بحجم 10 الى 15 سم

نفس ألي بتوقيع أنجل بـ 60 ريااال

ولاحقيين على التفرريخ

بالاول تمكني من التربية

ومثل ما قلت السيكلد حلو وسهل



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[برنسيسه..]

والله الاسعااار على حسب الحجم

أنا حصلت مره فلور بحجم 10 الى 15 سم

نفس ألي بتوقيع أنجل بـ 60 ريااال

ولاحقيين على التفرريخ

بالاول تمكني من التربية

ومثل ما قلت السيكلد حلو وسهل



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااتي

اووهـ متوقعهـ اسعارها فوق 100..

ليهـ طيب غاليهـ اللي بصـوورهـ انجل؟

[انجل مان]

60 ريال !! .. :D

الله يديم الرخص .. وين لاقيها فيه هذي !!

ولا نفس توقيعي !

يا سلام سلم !!


برنسيسه .. اذا تربيه .. تربينها لوحدها بحوض فقط !! يعني حوض 80 الى 100 سم ..

وتعتنين فيها .. مثل الثطط والطير والكلاب ! اعزكم الله .. تكون صديقه لك !

اما اذا جا وقت التفريخ يبيلها جلسه .. ههههههههه

[برنسيسه..]

60 ريال !! .. :D

الله يديم الرخص .. وين لاقيها فيه هذي !!

ولا نفس توقيعي !

يا سلام سلم !!


برنسيسه .. اذا تربيه .. تربينها لوحدها بحوض فقط !! يعني حوض 80 الى 100 سم ..

وتعتنين فيها .. مثل الثطط والطير والكلاب ! اعزكم الله .. تكون صديقه لك !

اما اذا جا وقت التفريخ يبيلها جلسه .. ههههههههه

تصدق من زيادهـ التفكير اللي فيني شريت حوضين!

انا بالله إيش ابي بالحوضين!

فكرت اربي فيهـ فلاور بس احسهـ صغير مرهـ..

هذي مقاساتهـ..

60 × 35 × 35..

وفكرت ابدلهـ واشتري بدالهـ ( 120 × 45 × 40 )..

ان شاء الله اليوم اروح واشوف..

شريتهـ يقطع بليسهم بـ 40 دولار أتووقع..

بس ارررخص من السعوديهـ و الرياض تحديداً..:12:

وهذا اررررخص شئ..

[*حامي الحيوان*]

هلا أنجل

محصلها عند وااحد من فتره أتعامل معاه

وهم شفت عندة فلور بأحجاام 7سم تقريبا

الوحدة بـ 30 رياال

أدري بتقووول لا ما أصدق هالرخص

بس هذا الواااااقع




تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

هلا أنجل

محصلها عند وااحد من فتره أتعامل معاه

وهم شفت عندة فلور بأحجاام 7سم تقريبا

الوحدة بـ 30 رياال

أدري بتقووول لا ما أصدق هالرخص

بس هذا الواااااقع




تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااتي




حاامي .. وين حصلتها ابرووح اخذ منه !؟؟ :D

وعلى فكرة .. 7 سم مررة كويسه !! ان اادور الصغار .. عشان اقدر غذيهم واكبر الهيد فيهم !!

[انجل مان]

تصدق من زيادهـ التفكير اللي فيني شريت حوضين!

انا بالله إيش ابي بالحوضين!

فكرت اربي فيهـ فلاور بس احسهـ صغير مرهـ..

هذي مقاساتهـ..

60 × 35 × 35..

وفكرت ابدلهـ واشتري بدالهـ ( 120 × 45 × 40 )..

ان شاء الله اليوم اروح واشوف..

شريتهـ يقطع بليسهم بـ 40 دولار أتووقع..

بس ارررخص من السعوديهـ و الرياض تحديداً..:12:

وهذا اررررخص شئ..



اول شي الف الف الف مبرووك !!

وبعدين 60 ! اذا بتربين فلاور بسّ! لحاله !! ترى كويس السايز ..

ومن نايحه ارخص .. وريني صورة الحوض وانا اقولك غالي او رخيص ..

[*حامي الحيوان*]

ههههههههههههههههههههههههههههههههههه

ما يوووصل الرياااض !!

.
.
.

[انجل مان]

هههههههههههههههههههههاااي

حاامي .. والله نفس تفكيري .. هههههههههههههاااي

وشرايك بس نستورد انا ويااك .. وصدقني الصناعه الامريكيه .. ما مثلها !! :D

[برنسيسه..]

هههههههههههههههههههههاااي

حاامي .. والله نفس تفكيري .. هههههههههههههاااي

وشرايك بس نستورد انا ويااك .. وصدقني الصناعه الامريكيه .. ما مثلها !! :D

أنـا أعطـيكم مـن أمريـكا..:D

بس تـشاوروا وردووا لـي خـبر..:12:

< مـصدقهـ..

[برنسيسه..]

اول شي الف الف الف مبرووك !!

وبعدين 60 ! اذا بتربين فلاور بسّ! لحاله !! ترى كويس السايز ..


ومن نايحه ارخص .. وريني صورة الحوض وانا اقولك غالي او رخيص ..


والله هالأيام مـشغولهـ شوي..

تونـا مرتبين الأثاث..

ومابعد ركبت الحوض ولا شئ..

وان شاء الله اصورهـ لكم..

[*حامي الحيوان*]

هههههههههههههههههههه ليش لا

تصدق كل شيء يبدأ صغير

بالنهااايه يصير كبير

أنا أعرف وااحد كان يستورد حشرات من الخاارج

هو يربي زوواحف وهالشغلااات

المهم بعد فترة فتح مزرعة حشراات

ومشااء الله السووق ماشي عنده

يعني منو كاان يتووقع أنه الحشراات تصير مشرووع



عموما أنا قبل فترة فكرت بس مدري متردد

أني أستورد أحوااض وفلاتر ومستلزماات الهوااية

من الخااارج أظمن لي من السمك

وأبيعهم بالنت لين أفتح محل انشااء الله



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[برنسيسه..]

هههههههههههههههههههه ليش لا

تصدق كل شيء يبدأ صغير

بالنهااايه يصير كبير

أنا أعرف وااحد كان يستورد حشرات من الخاارج

هو يربي زوواحف وهالشغلااات

المهم بعد فترة فتح مزرعة حشراات

ومشااء الله السووق ماشي عنده

يعني منو كاان يتووقع أنه الحشراات تصير مشرووع



عموما أنا قبل فترة فكرت بس مدري متردد

أني أستورد أحوااض وفلاتر ومستلزماات الهوااية

من الخااارج أظمن لي من السمك

وأبيعهم بالنت لين أفتح محل انشااء الله



تحيااااااااااااااااااااااااااااااااااااااااااااااااااااااااااااااااااااااااااااااااااااااااااااااتي
ايي والله ممكن..

ولا وبعد لا تنسى تعلمني إيش اسم المحل..

تصدق لقيت محل يبيع جملهـ للسمك..

يعني مستحيل تشتري حبهـ..

اقل من 6 حبات مافي..

حتى السمك مثلهـ..

واسعارهـ من 150 دولار وفوق..

اعجبني..

وشدني اني اسوي محل..

بس والله صعبهـ التجارهـ برآ..

..

وش رايك اصير انا اللي أورد لكم؟:D

[*حامي الحيوان*]

ههههههههههه يعني هذا المحل

ألي يدشة يطلع مفلس هههههههه


ألا متى بترجعوون أنشااء الله

وأشلوون أمريكااا مع الهوااية في أقباال عليها

[برنسيسه..]

ههههههههههه يعني هذا المحل

ألي يدشة يطلع مفلس هههههههه


ألا متى بترجعوون أنشااء الله

وأشلوون أمريكااا مع الهوااية في أقباال عليها

لا والله ما يطلع مفلسس..

أرخص من اللي في السعوديهـ..

السعوديهـ هو اللي يطلع مفللسس حتى ريال ممزوع مافيهـ..

والله مدري بس ع كلام اخوي بعد سنتين..

والله هالأيام تعبانهـ ومالي خلق لأحد..

حتى اختي تعبانهـ..

وبنت اختي صارت الضحيهـ..

الآن كل شئ مجهزتهـ بس مافيا اسوويهـ..

[بو عبد الكريم]

اخوي أنجل مان موضوعك جميل جدآ وأستمتعت بالقراءة والمناقشات والآراء الموجودة من قبل الأخوان وبالنسبة للحل اللي تبيه برأي الشخصي ان النثية اللي حاطها على حسب كلامك 90% ذكر بدون راس وإذا كانت بايضة عندك من قبل فهي تحتاج ذكر أكبر منها بحيث يكسر غرورها المعروف أن بعض إناث الفلور مزاجيات , وسامحني على الإطالة وتقبل مروري :) :) :) .





( بو عبد الكريم ) لملوك أسماك الزينة فلور هورن

[*حامي الحيوان*]

أخوووي بو عبدالكريم

أنا معاااك بخصووص الذكر الاكبر

لان فعلا صاارت معااي الانثى ما تقبل التزااوج

الى أن جبت لها ذكر أكبر منهااا



تحياااااااااااااااااااااااااااااااااااااااااااااااااااااااااااااااااااااااااااااااااااااااااااااااتي

[انجل مان]

ما شاء الله .. فليتها سوالف .. :D

[برنسيسه..]

ما شاء الله .. فليتها سوالف .. :D

ههههههههههههههههههههههههاي..

كان فيهـ موضوع عن الفلاور..

ماتشوفني فتحت موضوع جديد..

هههههههههههههههاي..:D

[oO مشــعل Oo]

بو عبدالكريم هنا ياهلا وغلا

ملك الفلاور بالكويت واكبر منتج لأسماك الفلاور واسماكه ماشاء الله غاليه وتستاهل

واذكر من اشهر اسماكه بوصماخ

حياك الله بو عبدالكريم عزيز وغالي

[بو عبد الكريم]

الله يعزك ياخوي مشعل أسعدني التواجد معاك ومع الاخوان , وخصوصآ مثل ماتعرف أني من عشاق بل من المغرمين في هذه السمكة العالمية وأحب كل جديد يخص هذه السمكة الجميلة وأكرر سعادتي بالتواجد معاكم وإنشاء الله أكون ظيف خفيف عليكم وتقبلوا مروري وتقديري للجميع :) :) :) .




( بو عبد الكريم ) لملوك أسماك الزينة فلور هورن

[*حامي الحيوان*]

منووور القسم بو عبدالكريم

وشرف لنا تواااجدك بينا

وأنت صاااحب مكاان يا الغالي

ونبي نكسبك بينا ونستفيد من خبرك الوااسعه

.
.
.

[بو عبد الكريم]

يزيدني شرف بتواجدي معاكم وجزاك الله خير على الترحيب والكلام الحلو ياخوي حامي الحيوان :) :) :) .

[انجل مان]

اخوي أنجل مان موضوعك جميل جدآ وأستمتعت بالقراءة والمناقشات والآراء الموجودة من قبل الأخوان وبالنسبة للحل اللي تبيه برأي الشخصي ان النثية اللي حاطها على حسب كلامك 90% ذكر بدون راس وإذا كانت بايضة عندك من قبل فهي تحتاج ذكر أكبر منها بحيث يكسر غرورها المعروف أن بعض إناث الفلور مزاجيات , وسامحني على الإطالة وتقبل مروري :) :) :) .





( بو عبد الكريم ) لملوك أسماك الزينة فلور هورن


صحيح اخوي بو عبد الكريم !

انا شاك بالموضوع .. لكن اللي كسر شكي ! ان الأنثى لما تكون مستعده للتزاوج يبدأ جسمها ياخذ خطوط سوداء واضحه .. !!

وهذا ما حدث عندي بالضبط .. وخلاني اشك من انها ذكر واعطيها انثى بنسبه 90 %

مع ان لها بروز بالرأس وااضح يوحيك بأنها ذكر !!

[ERIC]

متابع بصمت من أول ما تم فتح الموضوع لحديث الهواة والخبراء عن هذه السمكة لزيادة رصيدي من المعلومات عن هذه السمكة

:rolleyes:


تحياتي للجميع

[بو عبد الكريم]

أخوي أنجل مان , يوجد ذكور تتخطط مثل الإناث وهذه النوعية من الذكور تجعلك تعيش في وهم لفترة طويلة وضع في حساباتك أن الأنثى لا تتوالف مع الأنثى في الحوض والذكر كذالك :) :) :) .

[انجل مان]

يعني اللي عندي ذكر .. ؟؟؟

[بو عبد الكريم]

ممكن , ولكن هم الذكر في بعض الذكور لا تتزاوج مع الإناث لأنه في غاية الشراسة لا توجد عنده قابلية للتزاوج بس إفتراس وهذا النوع غير منتج ( مجـــــــــرد شــــــــــو )

:) :) :)







( بو عبد الكريم ) لملوك أسماك الزينة فلور هورن

[انجل مان]

ممكن , ولكن هم الذكر في بعض الذكور لا تتزاوج مع الإناث لأنه في غاية الشراسة لا توجد عنده قابلية للتزاوج بس إفتراس وهذا النوع غير منتج ( مجـــــــــرد شــــــــــو )

:) :) :)







( بو عبد الكريم ) لملوك أسماك الزينة فلور هورن










لا تقووول تكفى .. :(

يعني اللي عندي .. ذكر شرس غير منتج .. :wao:

[بو عبد الكريم]

أنا أقول البعض من الذكور وليسة الكل ولا أعرف شنو الذكر اللي عندك وكيف تعاملة مع النثية :) :) :)

[انجل مان]

والحل .. طيب !!

[بو عبد الكريم]

معنى كلامي أخوي أنجل :) مثل مافي نثية مزاجية هم في ذكر مزاجي ولكن حط في بالك الذكر المنتج حنين مع الإناث :) والنثية العكس :)


:rolleyes:

:rolleyes:

:rolleyes:

[انجل مان]

اهااااا ..

فهمت عليك ..

[*حامي الحيوان*]

بالتووفيق أنجل

وعقبااال التفريخ أنشااء الله


.
.
.

[انجل مان]

يو توو حاامي .. :D

[oO مشــعل Oo]

جمعه مباركه على الجميع

سؤالي الي عنده مضاد الفنجس anti fungus ومفعوله ممتاز ياليت يحط صورته خصوصن الي بالرياض

انجل هل استخدمت هذا العلاج خلال فترة التفريخ للفلاور .؟

اذا عندك بليز صوره لي

[انجل مان]

لا والله .. الحمدلله ..

ما استخدمته .. وتم التفريخ بنجااح .. وتم فقس البيض جميعا بدون فسااد ...


لكن غير شركه تترا لا تدوور .!!

[oO مشــعل Oo]

هو مهم في فتره حضن البيض

وان شاء الله القاه اليوم بالسوق عند محل واحة الحيوان

مشكور ياغالي وماقصرت

[شرشووور]

السلام عليكم اخواني الاعزاء
بصراحة تابعت حواراتكم وماشاءالله عليكم خبراتكم كبيره وانا استفد منكم كثير
وحاب تساعدوني في شغله لوتتكرمو
انا عندي ذكر وانثى فلور وطبعا الذكر حجمه اكبر من الانثى وهم حلوين مع بعض مافي شجار ولا شي وعايشين في رومنسيه :freind: والحمدلله
والانثى دوم يظهر عليها خطوط سوداء وتختفي
ومن ضمن حواراتكم لفت انتباهي لما كنتو تتكلموا ان حتى لو مافي شجار بينهم بس يفضل وضع حاجز لكي يشتاقوا لبعض فما اعرف انتو ايش الي تشوفو انسب
وهذي اول مرة لي في محاوله التفريخ وعسى الله ان يوفقني ويوفقكم
واذا تقدرون وما عليكم امر تفهموني خطوات اعملها او احتاجها مثلا(نـــصـــائــــــــــح)
وجزاكم الله خير
وسامحوني طولت عليكم...

[انجل مان]

اهلا وسهلا فيك اخوي شرشور ..

دامهم عايشين بسلام .. كويس ..

لكن غذيهم بالبروتين مرتين باليوم .. مثل الربيان المجفف او الدود .. الخ

وان شاء الله خير .. لكن اهم شي تراقب الاسماك جيداا

[شرشووور]

مشكور اخوي انجــــل
انا اغذيهم بس الذكر شهيته ما مثل قبل يعني ياكل شي بسيط وخلاص اما الانثى الحمدلله اكلها طبيعي بس مو مثل قبل وانا قريت في احد المنتديات ان وقت التزاوج تقل الشهية عندهم ويمكن ما ياكلو بالمرة وهذا شي طبيعي مثل ما قريت والله اعلم واذا تقدر تساعدني في هالمعلومه اكون شاكر لك عزيزي
---------
بالنسبه للبروتين والربيان الذكر قبل كان ياكل لكن الحين توقف وماياكل غير الدود المثلج فقط
تحياتي

[شرشووور]

:confused::confused::confused: محد رد علي!!!!

[انجل مان]

من ناحيه الاكل ..

لانك غيرت له النوعيه او عودته على الدود المجمد .. فحبه وما صار يغى غيره .. فتنويع الاكل جدا مفيد لشهيه السمك ..

تقدر تصوم السمكه يوم الى يومين .. وتحط لها الربيا بكميه قليله .. وشوي شوي .. يتعود عليه ..

اما بالنسبه للتفريخ اذا في تألف بين الذكر والانثى كويس .. وان شاء لله يفرخون .؟

[شرشووور]

مشكور اخوي انجل على تواصلك
وسكرا على المعلومه
بس عندي سؤال وتحملني شوي :) لان جديد في مجال التفريخ
صارلهم اسبوع تقريبا عايشين في رومنسيه بس ما بيبوسو بعض مجرد استعراضات وحركات وحنية
والانثى تحني جسمها والذكر يجي عندها وحركات كذ بس هل شرط يكون في بوس مثلا؟؟؟

[انجل مان]

كم مسااحه الحوض .. ؟؟

وهل فيه اسماك اخرى بالحوض غير الفلاور !؟

وكم درجه الحراره ونوع الغذاء !

[شرشووور]

[CENTER][SIZE="6"]العرض: 50 سم
الطول: 80 سم
العمق: 60سم
لا مافي غيرهم ذكر وانثى الفلور وبس
درجة الحراره 28 الى 29
نوع الغذاء:
1-bloody woorms
2-Arowana sticks
3-froozen woorms
4-dried shrimp

[انجل مان]

حلوو ..

اذن ناقص صورة للذكر والانثى .. ممكن يكون الحوض صغير عليهم مقارنه بالحجم .؟

[شرشووور]

حاولت اصورهم بس ما قدرت يتحركوا كثير ماشاءالله
بس صورتهم فيديو وهذا الرابط
واسمحلي التصوير مولهناك مشي حالك

http://www.youtube.com/watch?v=zmLzooCWiqs

[انجل مان]

ما شاء الله تبارك الرحمن ..

الانثى مخططه وجاهزة .. والذكر ايضاا .. بس خفف الاضائه .. وراح يفرخون .. خلال يوم او يومين ..

لانهم جالسين ينضفون مكان التزاوج ..

لكن اهو شي بالمرحله هذي لا تغير المويه ولا تزيد او تنقص .!!

والف الف مبرووك مقدماا

[شرشووور]

الله يبارك فيك اخوي انجل
والله طمنتني وجزاك الله خير على تواصلك واهتمامك تسلم يالغالي
وزين انك وضحتلي نقطة اني ما اغير الماي لان انا يوميا اغير الماي بسبة 20 بالمئة
وان شاءالله ابتداء من اليوم ماراح اغير الماي
بس بخصوص الاوساخ الي في القاع مايسببلهم مرض او شي مثلا ؟؟

[انجل مان]

لا ان شاء الله ما يسبب لهم شي ..

اذا كان عندك فلتر .. ان شاء الله كل شي تماام ..

[شرشووور]

ان شاءالله اخوي انجل وانا راح ابلغك بكل جديد

[ابو علي اللورد]

السلام عليكم الفلور هرن عندي تنتفخ الاعين بشكل كبير+بقع وحفر بيضاء في الرأس

[شرشووور]

مرحبا ابو علي وعليكم السلام ورحمة الله وبركاته
اتوقع ان الشباب بيحتاجو صورة لسمكتك علشان يتأكدو ويحددو المشكله
فأحسن تصوره وتراويهم وان شاءالله مابيقصروا
تحياتي

[انجل مان]

ردينا عليك بموضوعك في قسم سؤال وجواب !

[شرشووور]

مرحبا اخوي انجــــل
للحين ماصار اي شي جديد !!!
ما ادري شنو السالفه!

[bu_mohd]

ابي نوع من الاكل يضهر الراس ابسرعه اي فعاليته سريعه

[انجل مان]

مرحبا اخوي انجــــل
للحين ماصار اي شي جديد !!!
ما ادري شنو السالفه!

انتظر كم يووم .. وحاول تغلق الاضائه .. وتخلي الجو حول الحوض يكون هاديء

ابي نوع من الاكل يضهر الراس ابسرعه اي فعاليته سريعه



اخوي ابو محمد ..

عندك نوعين .. واعتقد متوفره عندكم بالبحرين .. وعن تجربه وانا مجربها شخصيا !

الاول .. القراند سومو .. جدا ممتااز ..

والثاني .. تشيلي هومبي هيد ( chili humpy head )

برضوا ممتاز.. ولكن يفضل اطعامها اسماك الفلاور صغيره السن .. الى ان تكبر .. لضمان بروز الرأس !

لان اذا كبر الفلاور يكون صعب الظهور !

[Budgerigar]

مشكور

[*حامي الحيوان*]

صباااااااااااااح الورد

حبيبنا أنجل أخباارك أنشااء الله تمام

عموما حبيت أسألك عن حووضي

عندي حووض تفصاال للمره الاولى

ومتوهق بخصوص الطاولة

لو عندك فكرة أشلوون أسوي لها طاولة

يعني حديد خشب لان طولة 120 فا أظن أنه ثقيل

وهل أحتااج للفلين بين الحوض والطاولة

ولا ما يحتااج أنا كل أحواضي الجاهزة

أظن فيها فلين من نفسها



بالتوفيق,

[انجل مان]

120 ..

ممتاز وتحمله الخشب والحديد ..

واذا ناوي تفصل خشب يكون اهم شي الاساسات اخشاب مرباع . .يعني تكون مكعبه الشكل !

وطبعا الفلين اهم ما في النقطه ! عشان يخفف الضغط ويوازن الميلان ويمنع الاحتكاك !

[*حامي الحيوان*]

الحمد لله على السلامة

وعيدك مباارك

حلو حلو

زين بخصوص الغطاء

أنا فكرت أني أعمل غطأ أكريليك وتكون سحب مو فتح

فهمت علي وحوضي أرتفاع 40 وعرض 50

ومافيه دعامات فا شراايك أحط لهم دعامات ولا ما يحتاج


خصوصا أنه الارتفااع قليل بس 40 مع الدعامات شنو بيصير



بالتوفيق,,,

[انجل مان]

شوف ..

الغطأ انا عامل نفس فكرتك بحوضي 150 .. وعملته عند محل الالمونيوم .. وثبته لي مثل عمل ثلاجات الجمعيات !

وبما انك رايح لتبع الالمونيوم خليه يعمل دعمات افضل ! لان 120 مو سهل !؟ انا عندي احواض 100 سم !؟ وحاط فيها دعامات !؟

[*حامي الحيوان*]

الدعامات تكون من كل الجوانب

يعني دار مدار الحوض

ولا أضع 3 فقط بالطووول



بالتوفيق,,,

[*حامي الحيوان*]

يعني قصدي مثل هالطريقة بالطول بس

http://www.2zoo.org/get-11-2010-2zoo_org_q968u3y4.jpg (http://www.2zoo.org)

http://www.2zoo.org/get-11-2010-2zoo_org_949f5yxp.jpg (http://www.2zoo.org)

[انجل مان]

شووف الدعامات العلويه ما تحتاجها !

اهم شي زي ما قلت دار ما دار على الحوض يعني في زواياه كلها ويكون متصل !

[*حامي الحيوان*]

أي معااك حق

لان أحوااض الاجانب كلهم يسوون نفس الطريقة

عموما مشكوووووووور يا الغالي

على الافاادة

وترقب المفااجئة عن قريب

وأحس أنه ضايق خلقك أو متكدر شوي

خير أنشااء الله شنو السبب

.
.
.

[انجل مان]

لا والله بالعكس ..

لا ضايق ولا شي .. والامور كلها تماام ولله الحمد !

[*حامي الحيوان*]

مساااااء الخير

أخبارك أنجل أنشاء الله بخير


حبيت أسألك بخصوص الفلتر الخارجي

أنا عندي حوض مركب له فلتر خارجي

ومفكر أشتري فلتر أقوى

فهل تبديل الفلتر يأثر على الحووض

يعني أنت شخصيا لو بتبدل فلترك الخارجي

بفلتر أخر شنو تسوي بالضبط

تركبة عادي ولا في أشياء لازم تهتم فيها

يعني أضع الميديا ألي بالفلتر القديم بالفلتر الجديد

ولا شنو بالضبط

أنشااء الله فهمت علي



بالتوفيق,,,

[انجل مان]

ايوة فهمت عليك !!

اولا ! ليه تبدل الفلتر ؟! كم سعته بالساعه !.؟ وكم عدد لترات حوضك !؟

واذا راح تبدل الفلاتر تقدر تاخذ من الميديا الداخليه شي بسيط مثلا سيراميك ! وتاخذ اسفنجه واحده ! واهي كفيله بأنتشار البكتيريا النافعه !

[*حامي الحيوان*]

ببدلة لاني بشتري فلتر أكبر

والفلتر ألي عندي بركبة على حوض أصغر

يعني تقدر تسميها عملة أستقلال المتاح

وحوضي سعته تقريبا 195 لتر

والفلتر 1000 لتر بالساعة

بس عموما غالبا ما تكون كافئة الفلتر أقل من الكفائة المكتوبة

[انجل مان]

صحيح كلامك ! وتفكيرك صائب !

توكل على الله .. واستبدلهم ! وخلي كل واحد بمكانه ! وبالتوفيق مقدما !