ســؤال عن القوارض الذكيه

[مااحوبك]

السلام عليكم


انا انسانه اعاني من الحساسيه فجربت قطاوه ومانفع معاي ومرضت :(

جربت همستر صيني الصغير طلع جربان او ماادري وش قصتو وعضني وتعبت :eek:

نفسي بالشانشيلا او نوع يشبهله بس يكون ذكي

فالسؤال الحين ابي حيوان قارض ذكي يتفاعل معي يعرف اني صاحبته ويجي يلعب معي ياليت فهمتو علي :shy:

واتقبل اي اقتراح بس لاحد يقولي طيور ولا سمك ابي شي امسكه العب معاه زي القطوه تقريباً

سؤالي يمكن غريب سويت سيرش بس ماحصلت الشي الي ابيه فقلت اسأل الي عندهم خبره :shy:




بأنتظار ارائكم :cool:

[ziir]

فية نوع جربوع صيني او انجليزي يسبه الشانشيلا
http://www.youtube.com/watch?v=MAoy3LWqcoc
http://www.youtube.com/watch?v=AnPKIc9lWiY
وانا ادورة
وفية الوبر حلو
وباالتوفيق

[مااحوبك]

اذا بالرياض تلقاه بسوق الحمام الي بغرب الرياض ماادري جنوبها بعيد عني هذي المشكله

بس هل هو ذكي..؟ ولايخاف من صاحبه..؟ ويعرفني انو اذا صاحبته ولالا.؟

[ziir]

مـاداري عن الي عدنـا اذ مستوردينه مثل الامريكي حلو شكلة
ويتروض مثل اي كان ولزم تفوفير له بيـئة مثل بيتئة ولا انه راح يقتل عيالة ويحوال الانتحار
مثل بنا انفاق تحت الارض يعني زي نفق الهامستر ندفنه باالارض وكذا
واكيد ذكي ابحثي عنه با لانجليزي
ومتأكد انه بسوق الحمام ؟ اي محل وش أسـمة ؟ وكم سعرة !

[مااحوبك]

بالنسبه للسعر والتفاصيل ماادري
بس عيب هناك انهم يخلطون الحيوانات مع بعض انواع الامراض والكذب والنصب بعد
يعني اقعد فوق راسهم وكاسرهم لين مايقولون امين
لان الحيوانات كلها يبيعونها حتى الصقور والقرود على ايامي انا يمكن رحت قبل خمس سنين
ماادري الحين مايقصرون حتى الضبان تنباع اذا هو على خبري

[مااحوبك]

بس وشو الي ينتحر عسى الشنشيلا.؟؟
فاضيه انا اشتريه بملغ وقدره وينتحر !!

[ziir]

لا لا الجربوع اذ ماتوقر له البيئة ع حسب كلام موقع
امـا الشنشيلا مـادري
بس العيب في المحلات مافية محل مرتب ويجيب اشيـاء مضمونة
طبـعا غيـر المحلات الي ديكور X ضرب السعر
وفي الحقيقة انهم نفس منتاجات المحلات العادي بس شوي اهتمام ونظافة
ونصب!!

[مااحوبك]

صحيح انا معك فيها بس انت عارف الحر عندنا كيف يعني لو جبت حيوان من هناك ماتدري وش بيكون وضعه يمكن تعبان ويمكن متعادي بس مابانت عليه الاعراض
انا انسانه تعقدت من كثر ماجبت حيوانات وتعبت منهم يكفي شاريه همستر غالي وحالته حاله اخرتها جربان ماادري وش فيه يعض نفسه ويعض كل شي حتى عضني

[ziir]

طيب حاولي تفحصينة قبـل ماتشترينة ومراقبة سلوكة

[احلى ارنوبه]

ياعسل انتي شكلك مثلي بالحساسيه كانت امنية حياتي اجيب قطوه صعنونه وايام جالسه فوق راسي لحد ماوافقت ورحت جبت وحده تدنن لكن حتى قطرات العيون ماقدرت تخفي الحساسيه لحد انا ماقلت لهم شيلوها ووديتها عند وحده صاحبتي ولان كل الحيوانات اتحسس منها فقدت الامل بهم لحد ماجتني الارانب لدرجة لما اتعب اجلس عندهم على طول اشفى وهي ذكيه بقووووه بس يبي لها صبر اذا عندك جربيهم ومابتندمين لكن اذا ماعندك صبر من الحين اقول لاتفكرين تشتريهم لانك بتظلميهم
وربي ييسر لك وتختارين اللي تحبينه

[the master2010]

السلام عليكم ورحمة الله



الله يشفيكي يارب وللاسف اغلب المنتدى يعانون من هذي المشكله



وفي حيوانات كثير


عندك السلحفاة تربيته ممتعه وبإمكانك اللعب معها


اما الشانشيلا صراحة ماعندي ولا معلومه عنه

وبالنهايه القرار يعود لكي

[مااحوبك]

مشكوره يااحلا ارنوبه بس الارانب مهما كانت ذكيه تخاف وماابي حيوان يخاف وله ريحه :(

[مااحوبك]

السلام عليكم ورحمة الله



الله يشفيكي يارب وللاسف اغلب المنتدى يعانون من هذي المشكله



وفي حيوانات كثير


عندك السلحفاة تربيته ممتعه وبإمكانك اللعب معها


اما الشانشيلا صراحة ماعندي ولا معلومه عنه

وبالنهايه القرار يعود لكي

اشكر لك مرورك بس احس السلحفاة كئيبه نوعا ما ابي حيوان يتفاعل معي :D