لخبراء الحمام

[Nasy]

السلام عليكم

شلوونكم

ابي كم تساعدوني

انا ابي اشتري حمام زاجل

وابي منكم تعلموني كل شي عنهم

مثل شلون اعودهم على بيتهم

اشتريهم كبار ولا صغار

وبيتهم برج ولا محكر

[فايز]

السلام عليكم ورحمت الله تعالى وبركاته

هلا والله اخوي .. اخوي لين تشتري حمام زاجل هدهم وهم لحالهم بياخذون البيت المناسب لهم يعني لازم هم ألي يختارون .. اخوي إذا انت تبي تفرخ عندك الحمام فقولك اشترهم كبار يعني يقدرون ينتجون .. إما إذا بتاخذهم عشان خاطرك فيهم وماتبي تنتج منهم فقولك خذهم واعمارهم شهرين يقدرون يطيرون ويعتمدون على نفسهم يقدرون ياكلون لحالهم .. وعن البرج والمحكر: اخوي البرج اريح لهم يعني يقدرون يطيرون ويتحركون اما المحكر مايقدرون يطيرون وهذا الشي يسبب عندم بعض من الظعف في الجناح .. لاكن إذا انت تقصد يكون لهم محكر ويكون المحكر داخل قفص وتتركهم كل يوم يطلعون من المحكر ويطرون بل قفص ووقت النوم يردون المحكر وتيجي تسكر عليهم هذا شي زين لهم وانا أأيد هذه الفكره :):):) ...

ان شاء الله اني افتك:) ...

مع السلامه تحياتي لك

[البدبخت]

وعليكم السلام ..

كلام الاخ " فايز " صحيح .. وحبيت اضيف واقول ..

الحمام الزاجل معروف بقوة ذاكرته .. واذا اتعلم على مكان مستحيل ينساه .. يعني اذا شريت لك زوج من الزاجل وخليتهم عندك في القفص ثلاث سنوات وبعدين طيرتهم راح يرجعون لراعيهم القبلي .. وبما انك حاب اتربي لك حمام للتحويم و ليس للانتاج .. انصحك تشتري لك فروخ حمام الزاجل بس بعمر متوسط يعني توهم في بداية عمرهم ويعتمدون على روحهم واهم شي انهم ما قط طارو مكان .. ولازم اتسوي برج للتحويم .. (( المحكر للانتاج فقط ))

وبالتوفيــق ..