ساعدووووني يا نااس

[milk cat]

انا نزلت موضوع قبل كم يوم بعدين قررت اخلي قطتي تولد بغرفتي بدون علم الاهل

بس الحين صارت تطلع نص الرمل بره لان قبل كانت بالحوش و الرمل موجود اما الحين ليتر بوكس صعبه عليها

بالذات هي تتبول كل شوي و تطلع رمل كثير بعدين تسوي حمام و على طول تروح تماوي عند الباب عشان اطلعها للحوش تسوي حمام ثاني و انتوا بالكرامة بعدين ما اعهطيها وجه و تروح لليتر بوكس و تطلع نص الرمل بره

وش الحل ساعدوني بهالمصيبه اخاف اخليها تولد الحوش و يصير لهم شي لا قدر الله

و اذا جوا البيت طلعت الرمل نصه بره الليتر بوكس مع اني جهزت مكان الولادة و الاكل و المويه و ما بقى لها الا ايام معدوده

حتى انها ما تشوف لون الليتر بوكس كويس و تدفن الرمل عن فضلاتها بعدين تسوي نفس الحركة عالموكيت صارت الغرفة كلها خربانه بس تسوي كذا

تكفون ابي الحل اخليها تولد الحوش ولا جوا و ايش الحل

و الحين قاعده تماوي تبي تطلع من الغرفه والله مشكله اي احد عنده حل يقولي

بعدين انا سمعت ان الكتنز يبغون الحر ما يبون برد يعني اخليهم يولدون بالحوش رايكم ؟؟

و ايش اسوي عشان يكون مكانها دافي ممكن احط مويه بارده شوي عالمنشفه اللي بتولد فيها ؟؟

او احطها بالثلاجه عشان تبرد بعدين تولد فيها

بس ما راح اقدر اسوي كذا كل يوم

لان المنشفه تكون وضخه و بيكونون الاولاد عليها و صعب انقلهم كل يوم

[milk cat]

الحين انا طلعتها لاني بس نزلت شوي سمعتها تماوي على طول رقيت قبل محد يسمع لان كلن مسكر باب الغرفة و طلعتها و يوم طلعتها على طول راحت

و حتى بسس الشوارع كيف تولد بالشارع اكيد البسس مثل بعض و زي ما بسس الشوارع تولد بلحالها و بالحوش بالبرد او الحر بسس البيوت تقدر

بسسي بالحوش تعيش من نص سنه او اكثر و احيانا ادخلهم ينامون عندي بعدين اطلعهم

بس البسس الصغيره اذا صار عمرها شهر و نص بدخلها للبيت ما اتوقع ينثرون الرمل زي امهم .. و امهم بدخلها زي قبل بس الليل و الصبح تروح طبعا هذا بعد ما ينفطمون

و الحمدلله مافيه اي بسس شوارع ببيتنا يعني امان و اكيد ما راح تختار بستي الا المكان المناسب للجو و الامان

فاتمنى الحين مين يقولي اخليها تولد بالحوش و مين يقول اخليها تولد بالبيت بدون محد يعرف زي ما قررت قبل بس تبدا تنثر رمل و لازم اغير رملها يوميا و بدون محد يعرف

[meow kitten]

الله اعلم يمكنها متوترة عشان هذه اول مرة تولد كيتنز بس شوف موضوعي هذا ان شاء الله يفيدك

http://www.2zoo.com/vb/showthread.php?t=165329

ارجو اني افدتك

[الخبيرة ناديا]

لا انتبهي تبللين منشفه وتحطيها تحتهم اكبـــــر غلط لانك بكذا راح تجيهم فطريات

وتنتشر فيهم وفيك ..وعلاجها طويل جدا وممكن يرجع للقطه ..انتبهي

افضل طريقه للرمل انك تشترين الليتر بوكس المسكر يعني لو حفرت فيه ماراح يطلع شي برا الليتر

وكمان اتركيها على راحتها يعني خليها تدخل عندك وتطلع لاتجبرينها على شي معين.

لانها في الاخير هي بتقرر مكان ولادتها سواء عندك او برا بالحوش.

والقطط اذا جبرتيها على مكان معين لتولد فيه وهي ماهي مقتنعه راح تنقل اولادها بعد الولاده لاي مكان تحس

فيه بالراحه والامان اكثر.

[دلوعةقطوتي]

الله يعينك
كيف تطلع الرمل برا الليتر بوكس والا انتي مكشوف؟؟
الله يسهل عليها ويقومها لك بالسلامه ولاتحطين منشفه مبلوله تضرهم

[genan]

الله يعينك

[milk cat]

تسلمووون كلكم

بس الليتر بوكس المسكر ما يحبونه عشان الريحه و ممكن يطلعون الفضلات برا ولا ؟؟

لا انتبهي تبللين منشفه وتحطيها تحتهم اكبـــــر غلط لانك بكذا راح تجيهم فطريات

وتنتشر فيهم وفيك ..وعلاجها طويل جدا وممكن يرجع للقطه ..انتبهي

افضل طريقه للرمل انك تشترين الليتر بوكس المسكر يعني لو حفرت فيه ماراح يطلع شي برا الليتر

وكمان اتركيها على راحتها يعني خليها تدخل عندك وتطلع لاتجبرينها على شي معين.

لانها في الاخير هي بتقرر مكان ولادتها سواء عندك او برا بالحوش.

والقطط اذا جبرتيها على مكان معين لتولد فيه وهي ماهي مقتنعه راح تنقل اولادها بعد الولاده لاي مكان تحس

فيه بالراحه والامان اكثر

الخبيرة ناديا اتعب و انا اقولك شكرا فعلا معلوماتك قيمه و تساعدين بالوقت حتى لو طول و هو يسال تجاوبين بكل شرحة صدر

ما اقدر اقولك غير مشكووووره و الله يخليلك قطاوتك ..

الله يعينك
كيف تطلع الرمل برا الليتر بوكس والا انتي مكشوف؟؟
الله يسهل عليها ويقومها لك بالسلامه ولاتحطين منشفه مبلوله تضرهم

امييين ياربي
ايوا عشانه مفتوح تطلع نص الرمل برا الليتر بوكس
اميين يارب و الف شكر اختي عالمساعده .. اوكي شكرا عالنصيحه :)

الله يعينك
اميين يارب شكرا على مرورك


..............................................................................

بالنسبة لسؤالي: الليتر بوكس المغلق سمعت انهم ما يحبونه عشان الريحه و ممكن يطلعون برا الليتر بوكس ؟

و فيه حل عشان ما اغير الرمل كل يوم ؟؟

عشان الحين اختبارات و صعبه كل يوم اغير رملها و اعبي اكلها من تحت عشان القط الثاني برا و الاكل تحت صعبه ارقي الاكل فوق بيحسون

طيب اقدر اغيره لها كل اسبوع و الفضلات اطلعها بمجرفة الرمل ؟؟

انا الحين ما اقدر اروح اشتري لها رمل ولا ليتر بوكس مسكر عشان الاختبارات و المشكله القفص حقها مفتح زي حق الطيور و اذا حطيت الرمل فيه بتطلعه زي الليتر بوكس المفتوح ..

و ياليت احد يقولي سعر الرمل حق thomas تقريبا بكم و كم يقعد يومـ تقريبا ..

و فيه حل ثاني عشان الليتر بوكس ؟؟ انا فكرت احط تحته شي زي الشرشف بس حتى يطلع لان هي تدفن بقوه و يطلع بره

وش رايكم اسوي انا ليتر بوكس مسكر يعني اسكره من الكرتون و احط الكرتون على الليتر بوكس المفتوح بس ياليت احد مر بنفس المشكلة يقولي ايش سوا ؟؟ و القطه لو سويت طريقة الكرتون ما راح تطلع الرمل من فتحة باب الليتر بوكس ؟؟؟؟


الف الف شكر ياليت تجاوبوني اليوم عشان اسوي كل شي قبل ما تولد بالحر

[الخبيرة ناديا]

الليتر بوكس تقدرين تحطين تحته سفره او جريده بحيث اذا انكب عليه الرمل تشيليه بسهوله

والليتر بوكس المسكر انا افضله لانه يعزل الروائح وفيه قطط تحبه ومو كل القطط واحد يختلفون.

ولازم تغيرين الرمل تشيلين البراز والبول المتكتل بالمجرفه مرتين باليوم.

حتى اذا بغت تروح القطه للصندوق ماتقرف منه ويكون نظيف ..لان القطط نظيفه جدا وممكن ماتعمل شي

اذا كان الليتر بوكس ماهو نظيف.

والرمل توماس الصغير 5 كيلو سعره 25 ريال..وممتاز .

الاحسن انك تجربين في البدايه وتسوين ليتر بوكس مغلق بالكرتونه وشوفي اذ عجبهم اشتري واحد

لهم من محلات الحيوانات واستخدامه سهل ومريحه.

[milk cat]

ايوا بسوي لهم واحد اليوم و اجرب و الرمل ان شاء الله بشتريه بالاجازة

طيب ابغا اسال هالسؤال جد محتاره .. الحين البسس تولد و هي ساكته ولا تماوي ولا كيف و غالبا القطط تولد الليل و لا نهار عشان النهار اكون في المدرسه اختبر و ابغا اساعدها

[milk cat]

خلاص شكرا عرفت الجواب

[الخبيرة ناديا]

لا ياقلبي القطط المولوده تماوي وفيه قطط تماوي بصوت عالي جدا وفيه تماوي بصوت منخفض على

حسب نوع القط..عاده القطط البلديه صوتها عالي جدا .وخاصه اذا كانت محتاجه رضاعه من امها

اما بعد ماترضع وتشبع ماتناوي وتظل نايمه على طول .

والله يقوم قطتك بالسلامه وتفرحين فيها

[milk cat]

مررره شكرا ناديا :)

جزاك الله خير

اميين يارب الله يسمع منك

[milk cat]

اخخخخخر سؤااال

الحين مكينة الكهرب كيف ؟؟

يعني كيف نكنس الغرفه هي تخاف منها شوي بعدين لما اهديها تهدا عادي و احس يبغالها يومين و تتعود و هي يمكن تولد قبل

و سويتلها الحمام و سكرته من فوق و صارت فيه فتحه من الاعلى عشان ما تنكتم كل الريحه جوا لان قبل كان مفتوح و الحمدلله ما فيه روائح فخليته مفتوح من فوق عشان ما تطلع برا شي

....

بس الحين كيف المكنسة عادي تتشغل بعد الولاده مو وقت الولاده ؟؟

لان حتى الليتر بوكس مفتوح من الباب و يمكن تطلع الرمل من فتحة الباب عشان كذا يحتاج مكنسة

و والله ادري اني ازعجتكم كثير بس هذي اعز بسة على قلبي و اول بسة تولد عندي و انا من زمان اتمنى اشوف بسس صغيره مولودة لي و جالسين يرضعون عند امهم

و لوسي القطه تهمني كثير عشان كذا

و بعد وش رايكم بجو الرياض الحر كم اخلي المكيف على كم ؟؟

اقدر اخليه على 18 و قوة التيار وسط ؟؟ ولا 18 كثير مع ان الغرفة كبيره و مكان الولاده بعيد عن المكيف و فيه فتحة الدخول بس

سامحووني

[milk cat]

؟؟؟؟؟؟؟؟؟؟؟؟؟؟

[milk cat]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[دلوعةقطوتي]

بما انها تخاف من صوت المكنسه ومو ناقصه توتر هالمسكينه اشتري مكنسه يدويه وبيدك اكنسي والله يعينك بس هذا شي مؤقت
والتكيف خليه على 18 بما ان غرفتك كبيره والله يقومها بالسلامه وبشرينا اذا ولدت

[milk cat]

الف شكر مشكووووره و ادعولها تولد بالسلامه ان شاء الله