لولو صايره متوحشه

[القط ميمو]

السلام عليكم ورحمة الله وبركاته
شلونكم ؟؟ شخباركم

انا عندي قطه شريتها قبل ثلاث شهور تقريبا ويوم شريتها كان عمرها اسبوع
وكانت عاديه بس بعد شهر تقريبا صارت متوحشه وتشمخ ويوم قصينا اضافرها صارت
تعض وذابحتنا ما نقدر نشلها كل ما تشلها تعض
ما ادري شسوي فيها
بلييييييز قولولي شسوي؟؟

[دلوعةقطوتي]

وشلون عمرها اسبوع ويبيعونها امها كانت معها؟والاترضعها بالرضاعه
العض لازم بهالعمر جيبي لها العاب وخليها تلعب وتعضهم والله يعينك على عضها لحد ماتكبر شوي تترك العض

[*Meme Love*]

عااااادى

القطط الصغيره لعبهم بالعض واكيد عضتها ما بتوجعك ;)
هات لها العاب تلعب وتتلهى فيهم

ولما تكبر شوى راح تترك العض

[القط ميمو]

ثانكس على ردودكم
وترى انا بنت
وانا شرتها من ولد صغير كان بالسوق يبي يبيعها

[دلوعةقطوتي]

طيب كيف وعمرها اسبوع يعني مافتحت عيونها لسه
تتربى بعزك وان شاءالله عقبال ماتشوفيها صايره عروس

[الخبيرة ناديا]

مااعتقد ان عمرها اسبوع..

اذا ماعندك خبره بالقطط ماراح تعرفين عمرها بالضبط

لاكن اذا كانت اول يوم اشتريتيها فيه وهي تاكل لوحدها وتروح لليتر بوكس لوحدها

بيكون عمرها شهر وفوق.

اما اذا كانت اسبوع على كلامك فمعناته اول يوم اشتريتيها كنتي ترضعيها برضاعه وحليب للقطط؟

ايهم الصح؟

[القط ميمو]

كانت تشرب حليب

[يــنــآآس على الارانـــب]

آمـــاَ عـمرهــآآ آسبوووع مــآآيمدي

اذا كاان ولد صغييير يمكن مايعرفففَ عمرهــآآ

انتي الحييينن حطيي صورهــَآ هنننــآآ واحرصي ان اسنانهــآآ تبييين

اووو وديهاا عند البيطري وهوو يشووفففَ
و1ذ1 ع موضووع العض هذ1 عااادي بسنهم وبعدييين عضهم ما يعوورر عشاانهم صغاااارر

ياللله تحياتي لكممم

[دلوعةقطوتي]

يمكن قصده شهر واسبوع لان اسبوع لسه مافتحت عيونها ولاتمشي زين
ولازم ترضعينها برضاعه
عالعموم الله يخليها لك ان شاءالله