أحبابي الحلوين افتقدكم كثيرا ، لكن سامحوني الأشغال منعتني

[كاسكاوي هاوي]

أتمنى تكونوا بكامل الصحة و السعادة
انشغلت كثيرا عنكم ، و اليوم أعود ، ماشاء الله شايف أخبار جديده و حلوه في المنتدى
الله يبارك للجميع ، و في نشاط ملحوظ من أعضاء متميزين على رأسهم حبيبي غسان الأشقر ، و طبعا العسول فوفو و ما أريد أذكر على سبيل الحصر و لكن اللي رأيت مشاركاتهم بوضوح اليوم ، بالإضافة لمداخلات يوفاوي الكويت الي ما توقف ماشاء الله عليه

طبعا هايبر لو تذكرونه !! هايبر الببغاء المتخلف عقليا

راح لحال سبيله الله يوفقه ، بعد ما صار ياكل من الإيد ، لكن كانت فيه الجعره و رحت بعته علشان أجيب فرخ صغيرو ، و الحمد لله جبت فرخ صغيور ، و صراحة فرق السما من الأرض ترويض الفرخ عن الكبير

و الحمد لله تروض و تعلم على الكليكر و التارجت في عشر أيام ، و صار تمسح على راسه و يطلع على الإيد بعد 15 يوم ، بس باقي شوية حركات لكن انشغلت جدا عنه

لكن صراحة حاسس بالذنب اني وديته بيطري أول ما خذيته علشان الأجنحة و الأظافر و المنقار ، انا مو ندمان على الأجنحة و الأظافر لأنها ساعدت على الترويض ، لكن زعلان على المنقار لأنه صار يلعب كثير جدا و كسر منقاره ، و ما أردي كم تاخذ وقت علشان يكبر منقاره مرة ثانية ، هو مكسور حولي 3-4 ملي من الطرف المدبب ، يعني ما صار مدبب بعد

لو أحد عنده معلومه يا ليت يفيدنا بيها ، و بالتوفيق للجميع

[S7R]

اهلن اهلن .. برجعتك اخونا .. ومعذووور .. لو مالك عذر :D

يسعدني اكون اول من يرد على موضوعك ...

بالنسبه للمنقار .. ياليت تورينا صوره له

وهل تحس الطير متضايق من هالشي ؟؟؟؟ او انه عادي وماتحطم نفسيا ؟؟

[كاسكاوي هاوي]

اهلن اهلن .. برجعتك اخونا .. ومعذووور .. لو مالك عذر :D

يسعدني اكون اول من يرد على موضوعك ...

بالنسبه للمنقار .. ياليت تورينا صوره له

وهل تحس الطير متضايق من هالشي ؟؟؟؟ او انه عادي وماتحطم نفسيا ؟؟

ههههههههه و هذا من دواعي سروري كمان

بالنسبة للمنقار عااااااااااااااااااااااادي ولا على باله ان منقاره مكسور أصلا ، و يلعب و يكسر في ألعابه و انا خايف انه ينكسر أكثر بسبب لعبه الكثير

لا هو نفسيته الحمد لله ممتازة و يصفر على الإيد و يلعب و مافي مشاكل ، بس يكره الأطفال علشان الأطفال متوحشين صراحة ، تجيه حالة نفسيه من يجينا أطفال للبيت

[S7R]

طيب اخوي ... نصايحي لك هي كالتالي

يبيلك تمر اي محل يبيع سمك وتسألهم عن عظمة الحبار وتعطي الطير

او تمر صيدلية بيطريه تطلبهم نقط كالسيوم تضيفها بالمشربيه

مع اني افضّل النقط افضل بما ان المنقار مكسور .. واحرص على عدم اعطاءه اكل يحتاج تكسير
زي الفول السوداني وحت الحب الشمسي

وأيضــــا .. عرضه للشمس الدافئه ... عشان فيها فيتامين د

لك مني الف الف تحيه ..

والله يجبر خاطر ومنقار طيرك

ولا عاد تفكر تقص له منقاره نهائيا

[S7R]

وعلى فكره .. برضه عظمة الحبار يبيعونها .. ببعضــ محلات الطيور

وهاذي صوره لها ..

http://www.2zoo.org/get-6-2010-2zoo_org_0q3bpfkj.jpg (http://www.2zoo.org)


واتمنى اكون افدتك ... تقبل تحياتي
وتمنياتي لطيرك بالشفاء العاجل

[كاسكاوي هاوي]

مشكوووووووووور على النصيحة الطيبة و إن شاء الله بشوف حل لموضوع المنقار و أبد أبد ما أكررها ، بس اللي قبله هو اللي خلاني أفكر في سالفة المنقار ، لأن هايبر الببغاء المتخلف عقليا سوالي عاهة مستديمة بأصابعي كلها خروم و الله يعين


شكرا مرة أخرى و ننتظر نقرأ باقي ردود الحبايب

[ابو محمــد]

حياك الله اخوي برجعتك,,

بصراحه S7R ما قصرت ,,

بالنسبه للمنقار ما راح ياثر على الطائر غير الشكل فقط...

وراح يمارس حياته الطبيعيه سواء في الاكل او الشرب.

اخوك/ابو محمــد

[أبو راشد]

شكلك انت اللي بتتعب نفسيا مو هو ههههههههههه


الله يشفي طيرك يارب ويكبر منقاره

[كاسكاوي هاوي]

شكلك انت اللي بتتعب نفسيا مو هو ههههههههههه


الله يشفي طيرك يارب ويكبر منقاره

ههههههههههههه والله صدقت ، أحس بالذنب

[كاسكاوي هاوي]

حياك الله اخوي برجعتك,,

بصراحه S7R ما قصرت ,,

بالنسبه للمنقار ما راح ياثر على الطائر غير الشكل فقط...

وراح يمارس حياته الطبيعيه سواء في الاكل او الشرب.

اخوك/ابو محمــد

يعني المنقار كم يبيله علشان يرجع يكبر مرة ثانية ؟

[أحبك توتو]

والله ما أدري اصبــر ما في حل

[غسان الاشقر]

هلا وغلا والحمد لله على السلامه

والف الف الف مبروك على الطير الجديد ويتربي يعزك يارب

بالنسبه لوضع طيرك فالشباب ما قصروا صراحه ومنقار طيرك اذا توفر له الى قالت عنه الاخت سحر راح ينمو من جديد فى حدود شهرين الى اربه شهور.

الحمد لله على سلامتك وولكم باك

تقبل مروري

[يوفاوي الكويت]

ولكمووو منوووو اخوي والحمدالله علي السلامه

بصراحه مبرووووك الفرخ اليديد اهم شي اخذ بالك من تيارات الهواء والتكييف البارد

بالنسبه للمنقار اخذ له كالسيوم ( عظمة الخثاق )

وفيه نوع يديد من الكالسيوم وايد مفيد وقوي

[كاسكاوي هاوي]

هلا وغلا والحمد لله على السلامه

والف الف الف مبروك على الطير الجديد ويتربي يعزك يارب

بالنسبه لوضع طيرك فالشباب ما قصروا صراحه ومنقار طيرك اذا توفر له الى قالت عنه الاخت سحر راح ينمو من جديد فى حدود شهرين الى اربه شهور.

الحمد لله على سلامتك وولكم باك

تقبل مروري

ولكمووو منوووو اخوي والحمدالله علي السلامه

بصراحه مبرووووك الفرخ اليديد اهم شي اخذ بالك من تيارات الهواء والتكييف البارد

بالنسبه للمنقار اخذ له كالسيوم ( عظمة الخثاق )

وفيه نوع يديد من الكالسيوم وايد مفيد وقوي

مشكورين على المرووووووووووور الطيب و الله يباركلكم كلكم ، ترى هو عندي صار له شهر و نص الآن بس انا انشغلت عن الدخول ، و إن شاء الله أرفع لكم صور و فيديوهات مع نهاية الأسبوع ، يكون الوضع رايق ان شاء الله

دعواتكم

[fawzi]

اخي بالنسبه للمنقار اذا انكسر من الجهه الاماميه الي صايره كانها راس الظفر شيء بسيط مايضر البغبغاء ومع مرور الزمن راح يرجع اما اذا كان الكسر من وراء الجزء المسنن ممكن مايطلع لاني شفت كذا افريقي منقاره مكسور وصارلهم فتره ماطلع اي شيء لهم .تقبل مروري

[راينو]

اولا
علموك الاخوان و ما قصروا
لكن انا انصحك
انك تصبر و تسوي مثل ما قالو الاخوان
و بالنسبة لرجوع المنقار الى شكله الطبيعي
يعتمد على
على الشروط اللي علموك الاخوان
انا كان عندي دره منقارها تعبان
و ديتها لبيطري يعالجها
و عالجها لكن صار فيه فتحه بالمنقار
و قعدت اربع شعور و رجع المنقار بطيعي بنسبة 70%
يعني يبي لك تصبر و تحمل
و بالتوفيق