قطتي توها والده وما بقى غير ولد واحد

[milk cat]

السلام عليكم

قطتي توها والده يوم الاثنين ولدت 4 واحد مشوه واكلته وواحد ما نزل الا متاخر امس مات واحد و اليوم واحد و الام توها تحس فيهم شمتهم بعدين قامت تحركهم بيدها بس عرفت انهم ماتوا

و قل اهتمامها بالاخير قمت لقيتها تدور بالغرفه و الكتن يماوي رحت وديتها له راحت رضعته بعدين جت عندي يوم رحت و الكتن يماوي بعدين قررت امسكه اخليه يرضع لا يموت و اول ما مسكته و طلعته من تحت السرير بــشبر واحد بس عند امه مسكته و رجعته بسرعه بعدين قامت تدور تدوّر مكان لقت دولاب كله جزم و رجعت تاخذه و انا على طول سكرت الدولاب راحت جابته و لقته مسكر و رجعته طيران

بعدين قامت تدور و تدور فرحت فضيت دولاب الجزم و حطيت فوطه على طول و و هي بسرعه دخلته و طلعت اخذت ولدها و حطته هناك بعد ما حطته هناك باقل من 5 دقايق سكت و صار هدوووء و مو قاعد يرضع الحين بس نايم لحسته و تحرك شوي معناه ما مات

و امه مره تقهر ما ترضعه ولا تخليني اساعدها عشان يرضع بس يمكن الكتن كان يماوي عشان محتاج مكان ملموم زي الدولاب ضيق شوي و فيه فوطه و سهله ينام بالزوايا تتوقعون عشان كذا يماوي

و امه تحبني مره و حتى اذا قربت من عندها اسمع صوت الراحه

الحين ما ادري اذا الكتن بخير ولا لا لان اشوفه قدامها و ساكت بدون اي حركه يمكن نايم و يمكن ميت :(

المهم ايش اسوي مع امه هذا الكتن بس يماوي و الام مطنشه ابوه و يوم نام قامت تلحسه و بدا يماوي شوي يمكن ساكت عشانه جوعان و يمكن عشان يبغا ينام فايش اسوي الحين :( :( :(

[vdrl]

اخوي السباب اكال القطه عياله

1: ازاعج الشوارع وا البيت

2: لمس الرضيع من الاولد غير مربي القطها

3:لتشغل المكايف ولا الصحروي حطهما بمكان امن وا مو بارد ولا حر

4: اكاله ويسكاس على شان ما تالك عيالها


اخوي انا مربي قطتي وثاني مررره تولد ولا وحد ماة وسويتا زي الي فوق


اخوك: mr.cat

[milk cat]

بس اخوي الويسكاس مضر للقطط !

و ايه اخوي هي اكلته عشانه كان مشوه لان الثلاثه ما اكلتهم ولا شي بس 2 ماتوا يا ناس ولا حست فيهم الا قبل شوي قاعده تدفهم و لا تحركوا و عرفت انهم ماتوا

والحين هي مهتمه فيه بالدولاب تروح رح تلحسه و ترجع عندي و هو نايم بعدين الحين يماوي بعد ما قومته بس ما تعطيه وجه الا اذا انا نزلت من السرير تلحقني و بعدين اروح للدولاب احطها قدامه عاد هي تشوف ولدها يتقلب و مدري وشو و تروح ترضعه

بس صعبه كل ما يبغا يرضع او كان يماوي اروح اوديها عنده ليش هي مو مهتمه فيه !!؟؟

[milk cat]

اخواني ابغا انزل الكتن و القط بالحوش كيف ؟؟

المشكلة يوم شلته عشان اطلعه من تحت السرير جت امه و اخذته و طيران رجعته هناك

فكيف اشيله من فوق للحوش فكرت احطه بقفص و انزله بعدين انزل امه للحوش بس ينفع كذا اخاف تاكله من الخوف ولا عدت هالمرحله ؟

[mooooode]

الله يكون في عونك اخوي والله

والله انك عورت قلبي غليك وعلى الكتن

[king zoo]

ليش تنزلينه خليه بمكان الي الأم مرتاحه فيه
اذا ما حست بالراحه راح تاكل ولده
شوفي انتي اي مكان ترتاح فيه الأم وما في ازعاج
عليه ول احد يجيه وحطيه فيها عشان ترتاح نفسيا..وشكرا

[milk cat]

ايه هي نقلت ولدها للدولاب الثاني بس الحين مدري وش قاعده تسوي تدور شي و تتعلق تدور مكان اعتقد ودها تنقل ولدها

وش اسوي فيها بهذلتني

[راعي القطاوه]

خلها على راحتها لا تنقل ولدها لن حتى لو نقلته هي بتاخذه مره ثانيه

[دلوعةقطوتي]

خليها على راحتها وهي مانقلتهم تحت السرير او الدلاب الا تبي الراحه يمكن احد كل شوي يجي يتفرج عليهم هي تخاف على عيالها انتي اتركيها ولاتجوعينها وخليها على راحتها والله يعوضك خير عن اللي ماتوا بس لاتطلعينها بالحوش خليها بمكانها ويمكن هي تستقر بالدولاب

[HaiDy]

لاحول ولاقوة الا بالله الله يعوضكم خير


خليها ياقلبي عندك بالغرفة واذا على اهلك اصري على موقفك الحق معك هذي غرفتك وهذي كائن حي محتاج

دفء مكان آمن وتكون حولك لاتطلعينها مهما كانت الظروف .. والاهل اقنعيهم بكلمة الحق .. الحق معك

بالنسبة للكتن اللي باقي الحقي رضعيه انتي لايجيه شي .. رضعيه حليب السعوديه دافي مخفف بماء وبعدها

حطيه بحضن امه ودامها تحبك مارح ترفضه حاولي تلبسين قفاز للاحتياط بس .. لازم تتحركين رضعيه انتي مرة

وهي مرة .. واول شي حاولي فيها

ترضعه ماقدرتي فيها .. رضعيه انتي وبعدين حطيه بحضن امه ..

علمينا وش سويتي

[milk cat]

مشكووووووووورين

لاحول ولاقوة الا بالله الله يعوضكم خير


خليها ياقلبي عندك بالغرفة واذا على اهلك اصري على موقفك الحق معك هذي غرفتك وهذي كائن حي محتاج

دفء مكان آمن وتكون حولك لاتطلعينها مهما كانت الظروف .. والاهل اقنعيهم بكلمة الحق .. الحق معك

بالنسبة للكتن اللي باقي الحقي رضعيه انتي لايجيه شي .. رضعيه حليب السعوديه دافي مخفف بماء وبعدها

حطيه بحضن امه ودامها تحبك مارح ترفضه حاولي تلبسين قفاز للاحتياط بس .. لازم تتحركين رضعيه انتي مرة

وهي مرة .. واول شي حاولي فيها

ترضعه ماقدرتي فيها .. رضعيه انتي وبعدين حطيه بحضن امه ..

علمينا وش سويتي

اييه الحين نقلته مره ثانيه للدولاب نظيف و ما فيه ريحه و فيه فوطه بس هي تبعد الفوطه و تقعد على الارض مادري ليه تحب

المهم الحين الحمدلله صار لي فترة و هي بالدولاب معاه تنظفه و تنام معه و ترضعه و الكتنز الباقين شلتهم و الاهل ابشركم قررت اقولهم اليوم اذا طلعوا اخلي اخوي الصغير يكلم و يقولهم انها ولدت كتن واحد عشان ما اقولهم مات و يقولون امراض و ما امراض و الثاني بيموت طلعيه

فبقول كتن واحد ما راح يسوي شي و القطه كانت بغرفتي من ايام الاختبارات و محد درا عنها و للحين محد داري عنها شي و الكل يدخل و يطلع و لا يشم ريحة حمام ولا ريحتها ولا شي

و الكيتن ايش رايكم اقولهم انها ولدته من زمان ولا توها تولده ؟؟

و بعد جبت صوره للكتن مو واضحه مره بس ياليت تعلموني هو ذكر ولا انثى

[milk cat]

http://www.gmrup.com/gmrup-07-2010/gmrup12779916791.jpg (http://www.gmrup.com/)

[HaiDy]

انتبهتي له هو يرضع او لا ..؟


ياليت صورة ثانيه اذا تقدرين ..

[لولي11]

ذكر
يتربى بعزك انشاء الله ويحفظه ربي

[milk cat]

ايه الا يرضع لاحظت الصوت و لاحظت انه اذا قعد يرضع يسكت

و اختي متاكده انه ذكر لان الصوره مو مره واضحه

ياليت الباقين تقولون لي ايش نوعه انا شكيت انه يكون ذكر بس الفتحه ما لاحظت المسافه بين الثنتين

اتمنى رد الباقين رد الجميع مهم لي

[دلوعةقطوتي]

شكله ذكر بس استني عليه اسبوع وشوفي يبين اكثر والله يخليه لك

[لولي11]

باين زي عين الشمس ذكر صدقيني

[آنـــــو]

::

الله يعوض عليك .. حالياً خلي القطوه تختار المكان اللي ترتاح له لأن باين قطوتك عنيده
حتى يقوى الكتين شوي وبعدين تصرفي معاها لأن الخوف لو غيرتي مكانهم الحين تترك ولدها وعمره حساس
محتاج لعنايتها والرضاعه

وبالنسبه لجنسه زي ماقالولك ذكر ولو حابه تتأكدين آكثر جيبي صوره ثانيه

::

[milk cat]

اوكي ان شاء الله اذا بدا يفتح عينه اصوره لكم

و الانثى مره تقهر مزاجيه احيانا اول ما يماوي على طول تركض و تطول معه يعني ترضعه و تنظفه و احيانا يماوي موا يقطع القلب و هي متسدحه جنبي فتكتفي بالنظر عالدولاب بس اذا دفيتها شوي قدام من السرير تروح تنط و تقعد معه

عجزت معها صراحة

بس الحين الحمدلله قاعده معه بس انا لاحظت انه الصباح هم بس يماوون الام تدور و القى كتن مصاب او ميت او شوي و يموت جوع و تقريبا الليل هدووووء نايمين

و بعد اذا دخل احد الغرفه تركض قدام الباب بمترين كانها تقول لا تقرب للغرفه

........................................................................

طيب السؤال الحين:

غرفتي ريحتها راحت فيها احسني بديت امرض منها عطرتها و وديت الميتين و كله تمام بس هالريحه طبيعي والله افكر انام بغرفه ثانيه اليوم صرت اكره غرفتي ازعاج و ريحه و ما اقدر اتحرك على راحتي لان اذا تحركت و حست فيني بدت تتلصق و تنام جنبي و تخلي الكتن

[تروكي]

والله مشكلة ذا الولاده الله يعيني انا بعد علي قطوتي ههههههههههه الدعوه حوامل ومافي دكتور توليد خخخخخخخخخخخخخخ

[دلوعةقطوتي]

الله يعينك على الريحه امسحي الارض بديتول وفتحي الشبابيك تتهوى الغرفه واحسنلك نامي بغرفه ثانيه عشان هي تهتم بعيالها بس حطي لها اكل ومويه وبين فتره وفتره شوفيها

[milk cat]

بس اخاف انام بغرفة ثانيه بعدين هي تدور بالغرفة زي دايم و تطنش ولدها الى ما ارجع لان دايم انا اقوم من الازعاج و امسك الام احطها قدام الدولاب عشان تروح له

لان اليوم يماوي يحاول يروح عند حلماات امه بس ما يقدر يمشي زين ابد بالارض لازم فوطه و هي وخرت الفوطه و تشوفه يماوي جنبها و مطنشه و اخاف امسكه و تروح تنقله مكان ثاني زي اول

[طلال سعود]

الله يعينك بس كم الفتره عشان يزول خطر ان الام تاكل اولادها؟

[milk cat]

اميين يارب

ما ادري بس اعتقد الى ما يتم عمره شهر و يصير يمشي كويس و يشوف كويس و يقل الحليب اللي يشربه

و الحين بعد لاحظت عليها خفت يعني صرت اقرب منها عادي و صارت تتركه و تطلع شوي مدري وش تدور برا الغرفة بعدين ترجع

فان شاء الله الحين زال الخطر عليه

[دلوعةقطوتي]

هي اول مره تولد؟
انتي اذا شفتيه يماوي كثير امسكيها وخليها ترضعه انا اول كنت اسوي بالقطاوه اللي برى اذا تركوا عيالهم
والله يعينك تحملي ان شاء الله فترة وتعدي

[milk cat]

ايه اول مره

لالا هي تجي عندي بالسرير و اذا ماوى و انا طنشتها ولا حتى اشوفها تروح له احيانا بس اذا جت عندي و ماوى اخليها تناظر الدولاب بعدين هي تروح له بلحالها

اليوم كذا كل ما ماوى و انا نايمه و لوسي عندي امسكها و اخليها تشوف الدولاب و هي تروح له بلحالها

[HaiDy]

بالنسبة للريحه .. افتحي الدريشه دايم لاتسكرينه ابد لو جزء بسيط منها عشان التهويه

واذا كنتي تشيلين البراز من الليتر بوكس بشكل يومي معناته ان نوعية التراب زفت زيي اول كنت استخدم ثوماس

ومهما انظف فيه وابخ معطر الريحه يعععع نفس نوعيته زفت .. وشريت واحد صيني سيليكا حلوو ولينغ يان احلى

مع الدريشه والتنظيف اليومي ماشم ريحه ابد مع ان غرفتي فيها ست قطط الام والكيتنز صحيح تكلفته عاليه بس الله يعين


وبالنسبة للازعاج والصوت راح تتعودين وبالعكس ماتقدرين تنامين الا وهي معك .. لاتطلعينها عنك واعتبريها

طفلتك ومحتاجتك

[milk cat]

الحمدلله قضيت على الريحه امس فتحت الشباك و عطرت الغرفة و رجعت زي اول

اما عن الليتر بوكس الحمدلله انا ما قد عانيت من رائحة الليتر بوكس

مع اني اغير الرمل كل 3 ايام و احيانا اغيره اذا صارت ما تدخله كثير يعني صارت تضايقها الريحه بس الحمدلله حتى الاهل يدخلون الغرفة ولا قد اشتكوا على ريحة الليتر بوكس

و اما عن الازعاج الحمدلله اليوم احس اني تعودت شوي يمكن لان غيرت مكان ولدها و صرت كل ما اوجه وجهها للدولاب و هو يماوي تروح له و ما تخليه الا اذا نام

و الحين بس حبيت انزل لكم صورة كتن مات :(

http://www.gmrup.com/gmrup-07-2010/gmrup12780690631.jpg (http://www.gmrup.com/)


و الحين فيه شي ببطنهم هذا متى يروح اذا صار عمرهم كم !؟

[دلوعةقطوتي]

اللي بطنهم اللي باقي من الحبل السري فتره بسيطه ويروح
والله يعووضك خير عن اللي مات وان شاءالله المره الجايه تجيب لك احلا كيتزلايضيق صدرك

[HaiDy]

الله يعوضها ويعوضك خير ..


اذا الريحة مو من الليتر بوكس اجل منين كانت تطلع ..؟

عموما انتي اذا نظفتي الغرفه وعقمتيها بمخفف كلوركس كل اسبوع الى عشر ايام والدريشه على طول مفتوحه

وتربة الليتر بوكس نوعيته زينه وتشيلين الفضلات يوميا ان شاءالله مارح تشمين ريحة كريهه بالعكس تدخلين

تطلعين نظافه

[milk cat]

امين يا رب مشكوورين

الريحه اكتشفت انها كانت من الكتنز اللي ماتوا لان ما قد شميت زيها قبل .. بس الحمدلله راحت الريحه بعد ما فتحت الشباك و طلعت الميتين و بخيت الغرفة عطر

هايدي ايه صادقه المفروض اغيره كل يوم بس ما يمديني عشان اهلي ما يعرفون

انا ارسلت مسج لامي ان بستي ولدت عشان اذا قلت لها وجها لوجه بتعصب اكثر

بعدين هي شافت لوسي تنزل تحت بعدين رقت قالت لي روحي نزليها بس انا قلت لها ما قريتي المسج !؟

قالت لا ما قريت مسجات روحي نزليها .. عاد انا عرفت انها قرته لانها ما سالت ايش مكتوب و اليوم الصبح تقولي من امس ما نزلتي البسه قلت لها لا بس ما عصبت مرره .. تقعد تقول يلا حبوبه نزلي البسه و مدري وشو

عاد هالكتن لازم اهتم فيه زين خاصة يوم قلت لاخوي اليوم ان الكتن الاخير مات (انصب عليه بس عشان اشوف ردة فعله) مرررره زعل بس يوم قلت له امزح فرح

و اليوم بقول لامي اذا كانت بلحالها ان القطه ولدت او اخلي اخوي الصغير يقول لها و ان شاء الله ما يصير الا كل خير

مشكوووووووووووورين اخواني والله جد مره شكرررا ما قصرتوا .. و اذا عندكم اي نصايح لا تبخلون علي سواء نصيحه بسيطه او كبيره كله مهم لي :)

[HaiDy]

الله يهديك الكتن مات على طول طلعيه ارميه خلاص مات الشكوى لله ليش تحتفظين فيه كم يوم


بالنسبة للاهل الله يعين انا جلست سنيييين سنييين حتى اقتنع ابوي بتربيتهم كنت اجيب وهو يرمي بعد ماتعلق بالبسة

وشوفي عاد وش يصير لي بعدها ولا احد يحس فيني .. مع ذلك بعد فترة قصيره ماتحمل اخلي اخوي يجيب غيرها وكل بسة ربيتها مانساها

ابد ولا انسى حركاتها بس كانو بسس شوارع ولما اقتنع ابوي اني خلاص مامني فايده ههه شريت امريكي

وبعده شيرازيه والحمدلله الحين مره مرتاحه ..

[milk cat]

الحمدلله انا زيك جبت اول قط و دخلته للبيت و فاجات الاهل قلت انه هديه و الحمدلله تقبلوه

بس مره طاح من الدرج و رحت له على طول للبيطري قال مافيه شي عادي انا ارتحت رجعته و صار يمشي كويس شوي و بعد كم يوم صار يعرج بقوه و يطلع برا الليتر بوكس بعدها اهلي عيوا يدخل مره ثانيه او اي قطه ثانيه

بس اليوم ان شاء الله برجع اقنعهم اني اخليها جوا البيت

اما عن الكتنز انا ما كنت اعرف انهم ميتين لان قعدوا نص يوم بعدين قلت اكيد نايم فخليته و يوم قمت الصبح لقيته نفس مكانه

[HaiDy]

ياقلبي انتي باين اللي مات واللي حي .. كويس اخذتي خبره هالمره


وان شاءالله اهلك يتقبلونها وترتاحين .. بس دايماً تكلمي وانتي واثقه انه معك حق دامك تهتمين بنظافتها وتتقين

الله فيها وهي كائن حي وفيه اجر كثير ان شاءالله

[milk cat]

الحمدلله الاهل وافقوا دخول القطتين هالفترة لان ما كان عندهم خيار ثاني غير انها تدخل و ترضع الصغير

و الام الحمدلله تاقلمت مع الوضع و صارت ما تخاف عليه زي اول لان اول كانت تحت السرير و بس يماوي و اول ما طلعته من السرير بشوي ركضت له و رجعته للسرير و راحت تدور مخبا ثاني

بس اليوم نقلته مره ثانيه تحت السرير و كان قريب مره من الحافه و يوم قربت منهم ما بعدته حتى كنت المسه قدامها و هي بس تتفرج

الحمدلله صارت تهتم فيه هالايام اكثر من اول مع انها اليووم كانت تحاول تطلع للحوش و يوم طلعتها خلت ولدها و راحت و اذا قربت منها تتجنبني و تحاول اني ما امسكها و الذكر كان يبغا يتزاوجها بس هي رافضه طبعا فدخلتها جوا البيت عشان الاهل ما يهونون اني ادخلها و صارت بس تحب تطلع من الغرفه و ممخشه الفرشه قدام الباب تمخيش و انا رايحه لانها كانت تبي تطلع

بس والله استغربت ليش تبي تطلع و عندها كل شي حتى اني اذا فتحت الشباك عشان اشوف ردة فعلها تركض تنط و كانها تبي تطلع

و امس شفت بسة شوارع .. مو شوارع احسها حقت بيوت لونها حلو و شعرها كثيف المهم يمكن طالعة عشانها !؟

[HaiDy]

لا هي كذا اي بسة ماتحب تحجرينه بمكان مسكر تحب تطلع تتمشى وترجع

هالايام لوسي صايره زي ماقلتي تمخش طرف الفرشه عند الباب وقطعته وفهمت انها تبي تطلع وصرت افتح له

الباب واخليها على راحتها تنزل تقعد شوي بعدين ترقى تشوف عيالها وترجع تنزل يعني كم ساعه وبعدين ادخلها

الغرفه واسكر الباب عشان مايجيها الذكر

حلوو وافقو اهلك على شوي شوي ان شاءالله لين يتعودون .. الله يهنيك يارب "

[milk cat]

الحمدلله انا كنت احسبه اهمال منها للذكر هذا بس الحمدلله طلع طبيعي خاصة تقومني بنص الليل على مواء الكتن و صوت تقطيع الفرشه


و اهلي ان شاء الله بنزل لوسي كل يوم عشان يتعودون على وجودها هالشهرين و لا يقولون لي اطلعهم

طيب الحين انا لمست الصغير و طلعته من تحت السرير عشان امه تغير مكانه بس هي ما خافت عليه زي قبل و مشت تلحسه مكانه بهدوء بعدين رجعته جوا
فهمت انها مو خايفة عليه من المكان و حاسه بامان بالمكان و قعدت المسه اليوم و الام تشوفني و نايمه يعني عادي

فتتوقعون اني اقدر ابدا اطلع الكتن و احطه عالسرير مثلا ولا الحين بس اكتفي باللمس

و بعمر كم اقدر اخليه ينام عندي بالسرير او يفارق امه شوي مثلا امشيه بالحديقة 10 دقايق ؟؟ اعتقد من عمر 3 اسابيع-شهر صح ؟

[دلوعةقطوتي]

حاليا اكتفي باللمس واستني عليه اسبوعين وخليه عالسرير وتقطع الفرشه مو عشان تطلع عشان تحك اظافرها وتقدرين تطلعين الكيتن برى بعمر شهر خليه يتمشى بس انتي معاه لايجي ذكر ويموته وربي يحفظه لك
سميته والا بعد؟؟

[milk cat]

اوكي مشكوووووووووره مررره و الذكر بوديه ان شاء الله

ايه سميته لكي Lucky :)

[HaiDy]

مشكلة حك الاظافر انا افكر اجيب لها قطعة فرشه والصقها بكرتونه طولها وبعدين الصقه على جدار غرفتي عشان يحكون اظافرهم ولا يخربون شي

بالنسبة للكتن بس تفرجي عليه والمسيه بشكل خفيف مو دايم لاتقلقين ابد بس اهتمي بنظافة الام واكلها

وغرفتك والباقي عليها وتدخلي بحدود ضيقه مو دايما .. والسرير لاتخافين هو بس يكبر شوي يجيك السرير وينام

عندك بعد زي كيتنزاتي ماشاءالله يمكن يوم بلغو شهر استغربت نطو على السرير يصحوني اعطيهم اكل والحين

ماينامون الا معي اذا صحيت اعدهم واحد واحد بسم الله عليهم .. ان شاءالله بشري لهم سراير خاصه يستاهلون ^_^

[milk cat]

ما شاء الله .. لا انا قطتي ما تمخش الا عند الباب عشان تطلع و احيانا اذا تبغا تحك اظافرها تحكها عالارض عادي بس ما يتقطع قسمين زي قدام الباب

يعني باين هي متعنية تقطعه عشان تطلع بس قررت انها اذا بدت تماوي عند الباب اطلعها 10 دقايق و ارجعها

بس الحمدلله اليوم كله كانت تحت السرير ما طلعت الا عشان تاكل بعدين جت تتلصق فيني تبي تلعب لعبتها شوي و رجعت عند ولدها

:)

[milk cat]

اخواني اليوم يوم طلعت قطتي للحوش تتمشى شوي و انا معها لاحظت الذكر بس يلحقها بعدين كان بيتزاوج معها و هي ما سوت له شي بس انا خفت عليها و وخرت الذكر على طول بس بعده يقرب قمت شلتها و دخلتها داخل

بس الحين ليش ما رفضته الانثى ولا سوت له شي ؟؟ هي مو طالبه تزاوج ولا شي طبعا لانها توها والده بكرا بتتم اسبوع

فيه ضرر ؟؟ لان ابي اطلعها و الذكر مو مخليها و انا ما اقدر امسك الذكر بجهه و الانثى بجهه

و اللي بيقولي زوجيه .. انا شوي و اوديه ان شاء الله فما يمديني ازوجه قبل اسبوع

[دلوعةقطوتي]

انتبهي لاتزوجينها الا بعد شهرين عشان يرتاح رحمها واذا طلعتيها اجلسي معها عشان الذكر مايقرب

[milk cat]

اوكي بس شكل الصغير مااااااااااااااااات

اشوفه ما يتحرك من كم ساعة و اليوم ما حسيت بازعاج منه ابد و منسدح بنفس المكان اللي ماتوا فيه اخوانه

الحين ليش يموتون بذاك المكان !؟

ولا امهم هي توديهم هناك مع اني ما اتوقع لانه يوم كانت تحركهم ما كانت تعرف انهم ماتوا

و الحين خليتها تروح له بس ما سوت له شي بس شمته و راحت

[دلوعةقطوتي]

لاتقولين انه مات
شوفي يمكن يتنفس ان شاءالله مافيه شي

[milk cat]

الا مات حتى امه تلحسه و ما يتحرك له اكثر من 6 ساعات ما يتحرك ولا يتكلم

والله شي غريب حتى امه تلحسه ولا يتحرك بعدين استفرغت قبل شوي الله يكرمكم

طيب متى تختفي حلماتها و اقدر اروشها ؟؟

[دلوعةقطوتي]

ربي يعووضك خير لاتزعلين
لاتعطينها شور الابعد3 اسابيع من الولاده

[HaiDy]

ليييييييش مات ..؟

الي فهمت من سلوك قطتك انها مو مهتمه فيه وحنا قلنا لك رضعيه انتي وحطيه ينام بحضنها وماسويتي كذا ليش..؟

حتى لو سمعتيه يرضع انتي اول مره تولد عندك القطه معناته جديد عليك الوضع ولا تدرين هو رضع اكيد او لا

لذلك كان من الاولى انك ترضعيه انتي وتحطينه ينام عليها عشان ماترفضه واذا رفضته ان شاءالله مارح تطول المده

صحيح انه قضاء وقدر والحمدلله على اية حال .. لكن اتمنى مايكون مات بسبب كان ممكن تفاديه

[milk cat]

لا والله اخر ايام انا قلت لكم مره تهتم فيه كويس بالذات هذا احسها تحبه و يوم مات يا عمري بس تلحسه كانها مو راضيه بموته بس اللي فاجاني انه مات نفس مكان الاثنين اللي قبل

ما ادري ليش .. و الكتن كان يرضع يبين من الصوت انه يرضع و كان بس يماوي اذا فيه شي و الام تروح له تلحسه عشان يخرج الله يكرمكم و تنظفه بعدين تنسدح تخليه يرضع

بس والله كسرت خاطري و فكرت اوديها لان ما ودي اظلمها اكثر معي و لو بخليها و تزاوجت بوديها فندقة قبل بيومين الى ما يصير عمر الكتنز 3 اسابيع او شهر او اخليها تولد بالحوش لو ما قدرت اوديها

[HaiDy]

معوضين خير انتي وهي

لا القطه افضل لها تولد في بيتها الي عايشه فيه اريح لها وتتطمن اكثر وتحبك اكثر واكثر

وانتي تكونين معها وتساعديها وتقدمين لها اي شي تبيه

واذا تشوفين انك مو قادرة تهتمين فيها وبأولادها خوذي ذكر مثلاً فيه ذكور دلوعين وامامير وبس يطلب تزاوج

تودينه يتزاوج وترجعينه

يعني انتي شوفي ظروفك وقدراتك وعلى اساسها قرري القرار المناسب