كوجي(الفرخ الغيني)+صور له+ حالته الصحية..استفسارات لأهل الخبره

[بوبي الغيني]

السلام عليكم ورحمة الله وبركاته

أخـواني بالبداية أرحب بكم جميعاً خبيركم ومبتدئكم ومن اول عضـو لآخر عضـو....
ومن ثم أود البداية بشكركم على الجهد المبذول للرقي بالموقع لقمة المواقع في تربية الطيور

ثانياً أخواني انا للمره الأولى أشتري ببغاء واحـاول تربيته وللمعـلومية هو غيني ولازال فرخ صغير كما
سترون من خلال الصور القادمة وطبعا اكيد الـكل يعرف شدة عناد الغيني وصعوبة ترويضة
مما جعل البعض يقول ان الصبر هو أهم جزء في تربية الغيني وهذا ماجعلني اصبر عليه والى الان صار لي ثلاث اسابيع والآن توصلت لشيء مهم بالنسبة لي وهو الأكل من يدي..
والمعاناه تكمن في جعيره في سابق الوقت ولكن الان لا يجعر الا في حالة اقترابي اكثر من اللازم
كما انه لا يصفر ابداً الا نادراً صفره او صفرتين....
وطبعاً ياشباب كل ماحاولت اروضه بطريقة الحك على الراس يحقد علي بشكل كبير
ولا استطيع اعطاءه الاكل بيدي الا بعد يومين من حكي لرأسه مما يعني انه رافض الموضوع شكلاً وموضوعاً.. والسـؤال هنا الى متـى؟؟

كما ان السؤال الأهم بالنسبة لي هو عن حالته الصحية التي ربما ارى انها جيدة
بسبب حدة الذكاء التي يمتلكها لدرجة اني لو حركت أصبع فقط من اصابعي فانه يتنبه ويحذر,,
ولكن ربما يكون اعتقادي خاطئ,,,وكما ان السؤال الاهم هو عن جسمه لأني أشعر انه ذبلان ونحيـف بزيادة ولكم الصور كما هي
http://www.m5zn.com/uploads/2010/7/5/photo/070510060736j3h8a76s5kh7csvuw.jpg (http://www.m5zn.com)

http://www.m5zn.com/uploads/2010/7/5/photo/070510060737jd5foss19ko.jpg (http://www.m5zn.com)

http://www.m5zn.com/uploads/2010/7/5/photo/070510060737jd5foss19ko.jpg (http://www.m5zn.com)

http://www.m5zn.com/uploads/2010/7/5/photo/070510060737b3efsdt81i9.jpg (http://www.m5zn.com)

واخيراً ألخص استفساراتي على شكل نقاط..

1- ما رأيك بالببغاء بشكله ومرحلته العمريه..؟؟
2- هل لابد لي ان اروضه بالطرق المعروفه أو تركه للزمن حتى يتعود..؟؟
3- هل ترى ان الببغاء ينقصه تغذية وماهي الوجبات التي تنصحني بها؟؟
4- كيف أنتشله من وضع الصمت واجعله يصفر على الاقل.؟؟

وبعد ذلك لا يسعني الا قـول شكـراً مليون مـره ويعطيكم العافية

[بائع متجول]

االسلام عليكم والله الطير ي احسن عمر للتربيه والكل عارف هالشي والصحه والله ما ادري بس انصحك انك توديه لبيطري واذا تبيه يالفك حطه بمكان انت او غيرك يمر فيه لمدة من اسبوع وانت طالع واهم شي انكم ما تعطونه وجه وهو قاعد يعني تصرف طبيعي ولا حتا تناظرة وهو بيالف عليك مع الوقت
والطير ما يصفر الا اذا كان يبيك تجي ومب شرط الولافة عشان يصفر ولا تعذبه ببتجويع ولا شي تر يمكن ما يظبط معك موظوع انك تلفه بفوطة((التسميد)) ويبدا يكرهك اكثر
اسف علا الاطالة

[بائع متجول]

ما شاء الله ترا حجم الطير ممتاز

[بوبي الغيني]

بائع متجول شكراً على اطرائك
وان شاء الله بحط نصايحك بعين الاعتبار

[د. إحتـراف]

وعليكم السلام

ياهلا فيك يالغالي

1- ما رأيك بالببغاء بشكله ومرحلته العمريه..؟؟

عمر مناسب جدا , اهنيك على اختيارك وصيدتك له لانه يعتبر لؤطه ;)

2- هل لابد لي ان اروضه بالطرق المعروفه أو تركه للزمن حتى يتعود..؟؟

بالعكس استغل صغر عمره وروضه طبعا راح يكون اسهل لك بكثير من اذا كبر روضه بالطرق الي تصلح لك .

3- هل ترى ان الببغاء ينقصه تغذية وماهي الوجبات التي تنصحني بها؟؟

اولا احب اقولك طيرك جميل ماشاءالله , واكرمه في الاكل ونوع له الاكل بعد سن 5 شهور

4- كيف أنتشله من وضع الصمت واجعله يصفر على الاقل.؟؟

احبس الطير في القفص لمدت اسبوعين وبعدها تلقنه تعلمه كيف يصفر او تلقنه الكلام لكن هذ1 تسويه بعد الترويض

موفق يارب

[بوبي الغيني]

شكـر لك اخوي دكتور احتراف على مرورك الجميل
ولكـن وانا اخوك كل ماحاولت اروض الطير بأي طريقة سواء المسح على راس وهالامور يحقد علي الببغاء بشكل غير طبيعي يعني يصير ماعاد اقرب منه لمدة يومين الين يهدا

[qwqw1]

اخوي بنصحك انك تبيعه تاخذلك واحد صغير تربي على ايدك من وجهة نظري

[د. إحتـراف]

شكـر لك اخوي دكتور احتراف على مرورك الجميل
ولكـن وانا اخوك كل ماحاولت اروض الطير بأي طريقة سواء المسح على راس وهالامور يحقد علي الببغاء بشكل غير طبيعي يعني يصير ماعاد اقرب منه لمدة يومين الين يهدا

اخوي لازم انك تدربه في اليوم اكثر من 5 مرات لحد مايتعود عليك وطيرك غيني يبغاله زياده شغل

يعني انشب له لحد مايرضى بالامر الواقع .

وحاول انك تجلس معه قبل تبدأ الترويض حط الطير جنبك ولا تكلمه ولا شي كأنه غير موجود هذ1 يسهل عليك المهمه


تقبل مروري

[بوبي الغيني]

اخوي لازم انك تدربه في اليوم اكثر من 5 مرات لحد مايتعود عليك وطيرك غيني يبغاله زياده شغل

يعني انشب له لحد مايرضى بالامر الواقع .

وحاول انك تجلس معه قبل تبدأ الترويض حط الطير جنبك ولا تكلمه ولا شي كأنه غير موجود هذ1 يسهل عليك المهمه


تقبل مروري

هلاا بك ياعالمي
اولاً شوف انا بحاول معه لمدة اسبوع ادربه بشكل يومي وبخليه معي طول الوقت
حتى لو دخلت العالمي كلوب اتصفح أخبار الصحافة بخليه جنبي .. وان شاء الله انها تزبط معي
وموفق خير يابطل
وان شاااء الله يتوفق العالمي الموسم الجاي لا يروح تعب صياحنا بالصفقات على غير سنع
وشكرا اخوي

[الاثلة]

وعليكم السلام ورحمة الله وبركاته

ما شاء الله تبارك الله

طير جميل

دمتم سالمين

[راينو]

اولا اقولك ع البركة
و طيرك صراحه جميييل جدا و عمره مناسب

نادر جدا انك تحصل غيني فرخ

اختيار موفق

و بالنسبة للشكل و العمر
ممتازات
مثل ما قالو لك الاخوان
افضل وقت للتدريب انك تصبر عليه لما يتعود على اهل البيت
ثم تتوكل على الله


بالنسبة للتغذية
حاول تعتني فيه من ذي الناحية
لانه فرخ و يحتاج فيتامينات و اكل
انا انصحك تحط عظمة الحبار
فيها كالسيوم و تفيد ان شاء الله
و تعرضه للشمس أخر العصر (( تعرف الاجواء ما تسمع تطلعه الظهر والا الصبح ))


بالنسبة كيف تخليه يصفر و يلعب
مثل ما قلت لك
لازم يتعود على البيت و اهله
و حاول بالفترة هذي انك تتقرب منه و تتعلق فيه
تخليه يحبك بحيث انك تغير له الاكل و المويه
و تقعد عنده و تلعبه
و تعطيه الاكل اللي يحبه
اذا شفت ان الوضع تحسن
ان شاء الله راح تلاحظ انه راح يصفر
اذا ما صفر
حاول تشغله مقاطع صوت للببغاوات الغينية في البرية
يمكن يستجيب لها
او حاول انك تشغله اي مقاطع بحيث انك تلاحظ منه تجاوب

و بالتوفيق

[بوبي الغيني]

الله يعطيكم العافيه ع الردود والنصايح اللي راح اخذها بعين الاعتبار
وبصراحه ردودكم شجعتني واعطتني دافع اني اصبر عليه وادربه لأن من كلامكم الطير لؤطه
والله يكتب اللي فيه الخير