اخر كلام عن الببغاء

[فكتوري]

السلام عليكم اخوتي اخواتي هذا اخر كلام بقوله بعدها انشالله ماراح ادش هالمنتدى لانه فعلا اتضحلي انه الكلام الي يود المشرف على هالقسم وضعه يوضعه والكلام الي يبغي يغلق يغلق حتا لو كان كلام عادي ومافيه تجريح او اي اسائه لاي شخص بس مع الاسف انا كتبت موضوع عادي واعتقد انه بالعكس كان موضوع يفرفش ويروح عن الاعضاء الموجودين اتفاجاء انه يغلق بعكس بعض المواضيع الي مابغي اني اقول عنها تافهه لاني اترفع عن هالكلمه والقاها تتم عليها الردود دون الاغلاق صحيح والله حبيت الي بالمنتدى الكل لاكن الواحد اذا بخاطره شي يقوله وادري انه بتحذف مشاركتي هذي بس حبيت اوضح شي بخاطري لاني مارتحت وللاسف طلبت من الاخ اذا الموضوع مو عاجبه يحذفه واصر على انه يخليه وذكرتله المشاركات الي اسواء من مشاركتي وليش ماتم حذفها مالقيت جواب وارجو من الاخ المشرف يخلي هالمشاركه وداعيه ولا يحذفها اذا كان محايد على الاقل تكون وداعيه وتقبلو تحياتي

[حب استطلاع]

وعليكم السلام

بالبداية كنت أتوقع كلامي معك على الخاص
يكفي بإيضاح سبب إغلاق موضوعك إللي بسببه كتبت هذا الموضوع

وللإيضاح لأعضاءنا هذا هو السبب وراء طرح موضوع أخونا

اغاني عن الببغاء (http://www.2zoo.com/vb/showthread.php?t=168170)

عزيزي قبل كل شي تأكد أن هناك إدارة لا تحابي المشرف على حساب الأعضاء
ولن تتهاون معي أو مع إي إداري
في حال رأت أي خطأ منه في إدارته لقسمه
أو سوء لإستخدام صلاحياته

وللعلم المنتدى هو مختص بهواية معينه ألا وهي تربية الحيوانات والطيور
وهذا بند من قوانين المنتدى

المنتدى مختص بهواية تربية الحيوانات والطيور والأحياء المائية والزواحف والحشرات . . بالتالي هنا يتصف منتدانا انه منتدى متخصص بموضوع معين أي أنه ليس منتدى عام . . فلا ينفع عرض صور وطرح مواضيع ليس لها علاقة بتخصص المنتدى وان كان هناك موضوع ليس له علاقة بتخصص المنتدى فيمكنك طرحه في قسم استراحة الهواة وهو قسم عام .


ما هو زي ما قلت في الخاص إنه منتدى عام
اعتقد المنتدى اسمه منتدى عام عن الببغوات مب خاص وممكن تطرح اي شي عن الببغاء مب اقول شي له فائده

لذلك يجب أن يحتوي كل ما يطرح في أقسامه على فائدة يستفيد منها أعضاءنا

وموضوعك عاري عن أي فائدة أو معلومة مثل ما ذكرت لك
ولكنك تصر على هذا

وللاسف طلبت من الاخ اذا الموضوع مو عاجبه يحذفه واصر على انه يخليه

وضحت لك أن هذه هي إدارتي في القسم وجميع إخواني وأخواتي الإداريين والإداريات في منتديات تو زوو في مثل موضوعك المغلق أو الأفكار المكرره

بترك الموضوع 24 ساعة وبعدها ينقل للقسم المختص وهو قسم المحذوفات
لأني لو حذفته على طول مثل ما ذكرت بالخاص
بتجي تنزل موضوع (( وين راح موضوعي ))

وذكرتله المشاركات الي اسواء من مشاركتي وليش ماتم حذفها مالقيت جواب

هذا جزء من رسالتك على الخاص

واعتقد انه يوم يسيء احد لمشاركاتي ماشوفك تتدخل مثل امس الي قالي مشكور على الموضوع الي يفيد الغير وسوا نفسه خبير بس مومشكله لاحبتك عيني ماضامك الدهر مقيوله من زمان

ذكرت لي إن فيه أحد أساء لك
ما هو زي ما ذكرت بأن فيه أسوء من مشاركاتك

وهذا ردي لك

وموضوعك ياعزيزي خالي من أي معلومه أو فائده

بعدين العضو إللي أساء لك ليش ما بلغتني؟

يعني أنا من ينتظر جواب منك بالتبليغ


أخيراً أتمنى منك مراجعة نفسك
لأنه يحز في نفسي أن تغادرنا أو يغادرنا أي عضو كان
وأنك تتقبل الموضوع بكل صدر رحب

وتعرف أن ما أقوم به أنا وإخواني وأخواتي الإداريين هو لخدمة هذا المنتدى
الذي أحببناه
ونحاول أن نقدم له لو الشيء اليسير
وتخفيف العبئ عن إدارتنا الكريمة

أتمنى التوفيق لك وللجميع

[عبدالعزيز1]

ياسميي من دون الياء

الله لايجيب الزعل

عااااااااااااااادي ياخي مافيها شي ... انا اتوقع اللي زعلك اكثر شي الجمله هذي

(( الموضوع لا يحتوي على فائدة أو معلومه تهم للأعضاء ))

اخوي فكتوري لاتكدر خاطرك

ومعليش اخوي حب استطلاع انا عندي وجهة نظر واسمحلي اكتبها على العام بما انك ذكرن سبب الاغلاق على العام

بعض الاعضاء يزعلون وياخذون الامر بحساسيه ويسببلهم ذكر سبب الاغلاق احراج
فلو تم الاغلاق واكتفيتوا بذكر (( يغلق وتم ارسال السبب على الخاص ))

احتمال تقول انك ذكرت السبب عشان ياخذ فكره غيره من الاعضاء ومايكررون نفس الخطأ لكن مثل ماقلت بعضهم ياخذه بحساسيه وانت ابخص مني اكيد مر عليك كثير



بالنهايه حنّا اعضاء وقلوبنا وحده ياخوي فكتوري وان شاء الله منت تارك المنتدى وعن نفسي احب مشاركاتك وروحك الطيبه

ولامنتدى بدون اعضاء ولا يجمعهم غير المنتدى :) <<<<< وش عنده الفرزدق


صافي يالبن



اقول حب استطلاع
هالمزايين ماشاء الله اللي بتوقيعك عندك ولاّ مجرد توقيع !!

[احمد 14]

يــإخوان كلها موضوع وفكتوري عضو جدا نقدره ونحترمه وحب الاستطلاع مشرف مخلص وغير محابي ابدا اتمنىا تحلون سوء التفاهم ومانبي نخسر احد وكلكم عزيزين وغالين

[فكتوري]

السلام عليكم تنتظر مني اجابه اجاوبك افا عليك قولي ليش ماحذفت موضوع ابغي ببغائي يرقص قول هذا من احد المواضيع الي على قولتك مفيده وبنائه ولا عشان الي حطت الموضوع بنت يمكن نحرجت تكسر بخاطرها واتحطم ماذكرته تحط المشاركات قدام العامه يعني بنحرج بالعكس انت من يومين متحامل اوال تحاملك عشان رديت على شخص محذوف في نفس اليوم اعتقد هذا سبب المشكله

[S7R]

فكتــــــــــــــــوري

لا تروح :(:(:(:(:(:(

[S7R]

يغلق بعكس بعض المواضيع الي مابغي اني اقول عنها تافهه لاني اترفع عن هالكلمه والقاها تتم عليها الردود دون الاغلاق

انا اتوقع زعلــ فكتوري وتحامله

هو

ان كثير من الأعضاء حفظهم الله ورعاهم .. :D

يحطون موضوع مثل كذا .. ترفيهي ولاكن يخص الطيور .. ولم تحذف
والمشاركات فيها توصل كم وكم

وبمجرد ما اخونا فتح موضوع .. حب يشارك فيه اراء الأخرين .. أغلق

وهاذا اللي زعله :(

بس محد فاهم عليه :(

[فكتوري]

صح لسانك سحوره وهذا الي انا قصدته يعني لما تعاقب عاقب على نفس السستم مو مواضيع تمشي ومواضيع الي مابغي تدخل راسي اشيلها عيل لو نروح حق بعض المنتديات شبيقول اخينا والله لاتشوف العجب بس في حدود الادب انا ماعرف على اي شي يغلق يحذف شي غريب يعني مع انه انا الي اشوفه الكل ملتزم بالادب والاخلاق ولا عمري شفت احد غلط بهالمنتدى الحمدلله مواضيع مكرره هذي شبعت وانا اسمعها يغلق لعدم الفائده هذي اول مره اسمعها وتقبلو تحياتي

[عبدالعزيز1]

فكتوري ابيك تزودني بمقطع اغنية البيبيه لان ماعمري سمعتها

[فكتوري]

انشالله ابشر ادورها لك اليوم وارسلها لك على الخاص مب حاطها على العام حتا ليقولون بعد تخدش الحياء العام وتقبل تحياتي

[حب استطلاع]

السلام عليكم تنتظر مني اجابه اجاوبك افا عليك قولي ليش ماحذفت موضوع ابغي ببغائي يرقص قول هذا من احد المواضيع الي على قولتك مفيده وبنائه ولا عشان الي حطت الموضوع بنت يمكن نحرجت تكسر بخاطرها واتحطم ماذكرته تحط المشاركات قدام العامه يعني بنحرج بالعكس انت من يومين متحامل اوال تحاملك عشان رديت على شخص محذوف في نفس اليوم اعتقد هذا سبب المشكله

عطني رابط الموضوع

[مكاوي اصيل]

ياناس صلو على النبي

تراها ماتوصل كذا عشان موضوع انا ياماء انحذت موضيعي وتعبت لمن اكتبها وفي الاخير القاها يايغلق ياحذف وياما اتوقف بس ماازعل مثل الزعل هذه ... وفي الاخير اهم شي انى نتعارف على بعض اخوي فكتوري انت من قطر ونعم فيك وباهل قطر وانا من مكه واتشرف بمعرفتك ........؟ فلا تزعل وتكدلر نفسك على شي مايسوى اصلن

[fawzi]

انشالله ابشر ادورها لك اليوم وارسلها لك على الخاص مب حاطها على العام حتا ليقولون بعد تخدش الحياء العام وتقبل تحياتي

فكتوري شخبارك الله لايجيب الزعل ان شاء الله لك كل احترامي وتقديري وانا صراحه شخص معجب في مواضيعك ممكن حصل سوء فهم وان شاء الله الامور بصير احسن لاتحط في خاطرك اي شيء لانك اخو وعزيز علينا واتمنى انك ماتغادر المنتدى .تحياتي لك وللجميع :freind:

[فكتوري]

جزاك الله الف خير اخوي مكاوي اصيل ويا اخوي فواز انا مو مشكله راح انسى لانه ماحب احط بقلبي ضغينه لحد بس اتمنى من الاخ المشرف انه يحذف الموضوع لانه خلاص مابغي اشوف الشي الي سبب مشكله ونزولا عند رغبة الاعضاء الكرام الي ماقصرو صراحه بكلامهم الطيب راح اعتبر كانه شي ماصار وراح اتواجد رغم اني صراحه كنت رافض الرجعه نهائيا لاكن الاعضاء اخجلوني بكلامهم الطيب واندل ذالك يدل على طيب اصلهم ومعدنهم واشكر كل الاعضاء وانشالله ان الايام تبين كلامي اذا انا كنت على خطاء ام على صواب ولكم كل الحب ودمتم بعافيه وصحه انشالله

[حب استطلاع]

عزيزي فكتوري لا ترمي إتهامات وتجي تقول أنا خلاص نسيت

قولي ليش ماحذفت موضوع ابغي ببغائي يرقص

لا زلت بإنتظار رابط الموضوع

قول هذا من احد المواضيع الي على قولتك مفيده وبنائه ولا عشان الي حطت الموضوع بنت يمكن نحرجت تكسر بخاطرها واتحطم

وهذا إتهام لي بأني أحابي عضو على حساب أعضاء

لعلمك جميع الأعضاء عندي سواسيه
لا أفرق بين عضو جديد أو عضو محترف
أنا فقط أطبق القوانين للحفاظ على هذا الصرح شامخ

والموضوع سيبقى مفتوح حتى ترد على استفساراتي

ورجائي من الأعضاء عدم المشاركة في الموضوع

[فكتوري]

تفضل يالي تقول عن نفسك محايد وماتحابي باين مشالله تبيني وياك لين الصبح انت ماتبي الموضوع يتسكر هذا بكيفيك بس شيفرق موضوعي عن هالموضوع قولي يعني ماراح بعيد بل يمكن موضوعي يذكر الاعضاء بماضي جميل تفضل


http://www.2zoo.com/vb/showthread.php?t=167681

[حب استطلاع]

تفضل يالي تقول عن نفسك محايد وماتحابي باين مشالله تبيني وياك لين الصبح انت ماتبي الموضوع يتسكر هذا بكيفيك بس شيفرق موضوعي عن هالموضوع قولي يعني ماراح بعيد بل يمكن موضوعي يذكر الاعضاء بماضي جميل تفضل


http://www.2zoo.com/vb/showthread.php?t=167681

عزيزي فكتوري لا تخلط الأمور
أنت طرحت موضوع في قسم الببغاوات
وتطلب فيه المناقشة حول عدم وجود أغاني في الببغاء

والعضوه طرحت موضوع في القسم الفرعي لقسم الببغاوات ( سؤال وجواب )
تطلب فيه المساعدة حول طريقة تعليم الببغاء الرقص

وإذا هذه نظرتك فيه غيرها من المواضيع

وشتان بين مواضيع القسمين

والقسم الفرعي يعتبر قسم خدمي
وضع لخدمة الأعضاء وحل مشاكلهم والإجابة على استفساراتهم

أنا هنا أكتفي بالرد عليك لأنه أتضح لي بطلان ما نسبته لي
من محاباة الجنس الناعم

والموضوع مفتوح للأعضاء للمشاركة

وسينقل بعدها لقسم الإقتراحات والشكاوي
لإطلاع الإدارة عليه

تحياتي للجميع

[فكتوري]

ههههههههههههه بالعكس بين كلامك انت على بطلان وانا على حقيقه لانك بغيت تتملص من الموضوع رحت قلت هذا في قسم كذا وهذا في قسم كذا خلاص عيل انا بحول موضوعي لسوال وده الله لايهينك قسم الاساله بس لاتكتب عليه لعدم وجود فائده الفائده في الرقص الله يسلمك مو اغاني وموضوع طرح عادي وانا اترك الراي للاخوه والاخوات الاعضاء

[احمد 14]

فكتوري والله اني اعزك وغليك ومانسيت يوم رديت علىا موضوع لي في سؤال وجواب بجد كان ردك اكثر من رائع واخوي لاتزعل بس انت موضوعك نقاش ماهو تسائل زي موضوع الاخت لان الاخت تبي تعلم طيرها الرقص ومو عارفه تبي طريقه يعني ومكان الموضوع سؤال وجواب اكيد اما موضوعك ماكان فيه سؤال كان موضوع لنقاش ولاتزعل مني وفكتوري يالغالي طلبتك تقعد وبدال الموضوع مليون ولاتزعل

[Parott]

اتعوذوا من ابليس وصلوا على رسوالله صلى الله عليه وسلم
وصفحة جديدة و ان شالله الكل راح ياخذ اللى بخاطره ويكون راضي
تقبلوا مروري

[المستشار]

تسلملي أ.(( فكتوري ))
وربي كبير ردك وماوضيعك جدا جدا رائعه بدون أي مجامل
ولو تكرمت ترسلي الاغنيه لااني ماسمعتها
آخر عباره أقولها لك (( لآ يهمونك العذآال ))
بس تكفى لآآآآآآآآآآآآآآترووح وربي أنك محــــــبـوب
تقبل مروري

[Jameel2006]

السلام عليكم ورحمة الله وبركاته

باختصار شديد جداً


انت يااخ فكتوري ارتكتب مخالفة صريحة

لاحد شروط التسجيل

بوضعك موضوع اعتراض على اجراء اداري على العام

وكان بامكانك التوجه لقسم الاقتراحات والشكاوي

لانه تمت المراسلةبين وبين المشرف

ولكنك للاسف لم تقتنع

واجدك في كل رد لك تصر على انك على حق وغيرك على باطل


وبما انك قررت ترك المنتدى وتراجعت عن قرارك

سيتم ايقاف عضويتك لمدة شهر

وتكون فرصة لك لتقرر الاستمرار في المنتدى او تركه

وسيتم اغلاق الموضوع

واي موضوع مشابه له يتم حذفه فوراً

وابلاغ الادارة

ليتم شطب العضوية فوراً