ساعدوني بلييز

[قطقوطه]

مرحبا
واخيرا جبت كلب بت بول
وعمره شهر وما اعرف شلون اهتم فيه؟؟
حاليا قاعده اكله اكل الكلاب المعلب بس لاحظت ان برازه(تكرمون) شوي لين كانه بدايه اسهال وغير كذا مره يرجف الكلب وما غير قاعد بالزاويه وملفوف على نفسه

ياليت تعلموني شلون اهتم فيه؟؟ وايش سبب الاسهال مع العلم انه بالحديقه حاطينه

[جرمن شبرد]

انا عندي المشكله نفسه:(

[فايز]

السلام عليكم ورحمت الله تعالى وبركاته

هلا والله فيك اختي .. أولاً: مبروك على الجرو يتربا بعزك وصراحه البول دوق من الكلاب كنت مربين لها ومعجب فيها .. ثانياً : يشرفنا انك تنظمين حق القروب حقنا ( مربين الكلاب ) وعقبال ماتشترين ( بت بول ) وتنظمين حق القروب مالنا لوووووووووووووووووول:p ...

ياليت تعلموني شلون اهتم فيه؟؟

اختي يبيلك تظبطين له غرفه صغير او قفص وتحطين في داخلها دفايه لان لو استمر على هل حال ممكن يموت من البرد وحلياً اختي حطي له بطانيه على الاقل تدفيه...

وايش سبب الاسهال مع العلم انه بالحديقه حاطينه

اختي السبب ان المكان المحطوط فيه سبب له الاسهال ( وانتو بكرامه ) يعني المكان ممكن يكون مو نظيف وفيه بعض من الجراثيم .. يبيلك اختي تعرضينه على طبيب بيطري وهو ان شاء الله بيتكفل بـ الدواء والجرعه المطلوبه...

بنسبه حق الكل

اختي حطي له حليب لان الجراوه تحتاج للحليب وفيه فاايده كبيره للعظم وبناء الجسم...

نصيحه اختي: اهتمي فيه زين ودفيه واكليه لان سلالات البول دوق راااااااائعه جدا جدا وحرام يظيع منك واحد منها...
ان شاء الله اني افتك:) ...

مع السلامه تحياتي لك

[قطقوطه]

هلا اخوي فايز معليش كنت انواع الحوسه الكلب بت بول مو بول دوغ انا كاتبه الموضوع عالسريع ولخطبت
انا عموما جبت له بيت من بيوت الكلاب وغلفته بنايلون علشان المطر
ايش نوع الحليب اللي احطه له؟؟ وفي فيتامينات له؟؟ ومتى اول تطعيمه له؟؟

وهو عموما زي هذا
http://www.swahl.com/up/m62/swahlcom_245c.jpg

وممكن اخليه اليف مع القطط لان عندي قطين بالحديقة مربيتهم وخايفه عليهم ولو ما الكلب هديه ولا رجعته لاني خايفه عليهم
واسفه اني طولت عليك

[قطقوطه]

اي صح عطوني اسم لها هي انثى

[فايز]

السلام عليكم ورحمة الله وبركاتة

أولاً : اهنيك على ذوقك الرفيع في اختيار الكلب المناسب وكلاب البت بول جمله جداً جداً ووفيه وقويه:):) ...

بنسبه لسؤالك..

ايش نوع الحليب اللي احطه له؟؟ وفي فيتامينات له؟؟ ومتى اول تطعيمه له؟؟
غالبا الجرو عند ولادته يفضل ان يرضع من الام وذالك لوجود ((الكلستريديوم)) التي تساعد في قوة مناعة الجسم والنمو لدى الجرو حديث الولاده..

اما من خبرتي العمليه في حالة شراء جرو ولا موت الام عند الولاده ولم يرضع من الام يفضل الذهاب لاحد الصيدليات البيطريه وسؤال الطبيب البيطري عن توفر بعض انواع الحليب التي يمكن توفرها لديه للجرو حديث الولاده...

ولاكن من تجاربي يمكن اخذ الحليب من بعض الحيوانات على سبيل المثال الخراف ولا الاغنام
وارضاع الجرو منها وفي حالة صعوبة الحصول على حليب من هذه الحيوانات يمكن لك ان تستعمل حليب الابقار المتوفر في الاسواق ولاكن يجب ان تعتني بلجرو لان معرض للاصابه المرضيه
اكثر...

اما بنسبه للتطعيمات ((الفاكسينات)) يجب ان تراجع الطبيب البيطري لاجراء جدول للتطعيم
بدايه من الشهر الرابع وتدريجيا وخاصه بعد اجتياز السنه الاولى بتطعيمه من بعض الفايروسات والبكتيريا التي تشكلل خطر على حياته وعلى الكلاب التي حوله وعلى صاحبه انت في بعض الاحيان..

وبنسبه للاسم ((روزا)) او ((دايموند))

ان شاء الله اني افتك:):) ...

مع السلامه تحياتي لك

[قطقوطه]

مشكور اخوي فايز مره مره افدتني وبروح بكره لصيدليه بيطريه واشوف وش عندهم خرابيط للبوبي
الاسماء حلوه بدخلها اللسته

الله يجزاك خير اخوي

[فايز]

هلا فيك اختي افا عليك هذا الواجب ومنحط هذا القسم إلا عشان نجاوب على أسألت الاعضاء:):) ويعطيك أألف عافيه...

[ميزو (ابو كنعان)]

مبروك على الكلبه اذا بدك الكلبه تكون منيحه مع القطط خليها من هلئ وهي صغيره تجلس معهم وانا ما احبذ انو تشوفهم ولا يشوفوها اما عن الاسماء
ريسكي يعني الخطيره
او مونيكا
نوشكا
زوديك
او
روز
لازم تعتني فيها لأنها يعدها طفله :) :)

[فايز]

وممكن اخليه اليف مع القطط
إي ممكن اختي شوفي هذا الموضوع===>(http://www.2zoo.com/vb/showthread.php?t=1212)...

ان شاء تستفيدين...

مع السلامه تحياتي لك

[TIGER]

الف مبروك قطقوطه ومشالله من قطط الى بت بول :rolleyes:
وتقدرين تمرين الحياة والطبيعه او عياده امان للكلاب راح يفيدونك ومنها بعد تتطمين على صحه الكلب الصغيرون الجديد ......

[كلاسيك]

يتربى بعزس أختي ..

[بو خالد]

الله يعطيكم العافيه يا شباب على الافاده

فايز

تحيه خاصه لك يالحبيب والله يعطيك العافيه ;)

[فايز]

حبيب يا بو خالد ويعطيك أأأأأألف عافيه على ردك في الموضوع:):)

[قطقوطه]

تسلموووووووووووووووووووووون الكل مره مره شكرا
وانا اليوم وديته للدكتور قال لي كويس انه ياكل معلب ولا تشربينه حليب لانه راح يسبب له اسهال مع المعلب وش رايكم بهالكلام وقال لي اول تطعيمه له بعد 15 يوم
وعندي استفسار كيف اعوده يقضى حاجته بالرمل مو على البلاط لانه وسخ لنا الحوش؟؟
واسفه غثيتكم بس انا من زمان عن الكلاب ومو انا اللي كنت اهتم فيهم :)

[بو خالد]

حياج الله اختي ..........

في موضوع كاتبه المشرف بو عزوز عن التبرز في المكان المخصص
موضوع رائع ان شاء الله تستفيدين منه

ومبروك على الكلب وتربه ابعزج بالتوفيق اختي

[قطقوطه]

اوكي بروح ادوره يسلموو بو خالد
وبالنسبه للكلبه خلاص سميتها "ايفا نوفا" وبناديها ايفا

[بو خالد]

حياج الله اختي وشاكرلج على المرور :rolleyes:

[فايز]

هلا فيك اختي والله اختي البيطري غلطان 100% بتقولين كيف وليه!!؟؟ بقولك انا رايح لجامعة فيصل للبيطره وكان عندي مشكله مثل مشكلتك لاكن على اصعب ولهي ان كان عندي كلبه ماتت وجروتها عاشوو وكانت اعمارهم شهر وثلاثت ايام وإلي قلته لك هو ألي قالوه لي البيطرين المسؤولين والحمد لله نفذت كل كلامهم والحمد لله الجراوه عاشو ولاكن في واحد مات منهم مادري شسبب!!؟؟ لاكن اختي إذا انتي قلقه ماقولك إلا ( خير الامور اوسطها ) يعني عطيه يوم معلب ويوم حليب وصدقيني اختي ان البيطري غلطااااااااان لان الحليب يقوي المناعه للجسم ويقوي العظام وأخ...... يعني لو تاخذينها بلعقل اختي ان لو يستمر الجرو حقك بدون حليب يمكن يعيش وإذا عاش اخذيها قاعده ان مناعته غير عن الكلاب الأخرى السبب لان هم تغذو غذائهم الكامل اما الجرو حقك فا بس اخذ فتمينات من أكل المعلبات...

اما بنسبه حق التطعيمات والله اختي مشكوووووره وانا صرحه اول مره اعرف:):) ان يبتدي من هذا العمر :):) يعطيك أأألف عافيه على المعلومه:):)

اما بنسبه حق انه يوصخ والله اختي الكلب توه صغير على التدريب يعني توه هو بو شهر عمره خليه لما يصير عمره 4شهور او 5شهور هنا بيكون متفهم اكثر وبيفهم ألي انتي تعلمينه عليه :):):) ... وتقدرين اختي تدورين في قسم تدريب الكلاب وان شاء الله بتحصلين كيف ان مايوصخ:):):) ...

ان شاء الله اني افتك اختي...


مع السلامه تحياتي لك

[فايز]

والله خووووش اسم:) :) عاشت الاسامي:p

[بو راشد]

اسم جمييل :)

روسي كانه .. تحسه مال ممثله مشهوره هههه

انا مع كلام الاخ بيت ب ..:p الاخ العزيز فايز ;)

وعموما في حليب خاص للجراء ينباع كتعويض عن حليب الام .. وممكن تشربينه حليب قليل الدسم مع ملعقه زيت زيتون وصفار بيضه ان كبر شوي :)

وشكرا :)

[ميزو (ابو كنعان)]

انا مع الأخ فايز لازم الجرو ياخد حليب عشان لونه عند امه كان عم باخد حليب والحليب بقوي المناعه انا كلبتي جبتها شهرين مشيت معها على الحليب لحد سن 4 اشهر وبلنسبه للتطعيم انا طعمت كلبتي وهي عمرها شهرين :)

[CSI II]

السلام عليكم والرحمة

اول شي مبروك وتتربا بعزج وانشالله تكون من نصيب ريزر :p

و ماقصرو الاعضاء بالردود يعطيكم العافية وخصوصا فايز وبتبل لفر

و ثاني شي انا بقولج طريقة من التجارب اللي مريت فيها :p


بالنسبة للقطاوة انشالله ماعليهم خوف دام قلتي انه الجلب كله قاعد بالزاوية ..هذا يدل انه خايف ومو متعود على الوضع.. وماراح يكون شرس مع القطاوة الا اذا خليتيه بالقفص وايد ومنعتي حريته

واهم شي انج تعودين القطاوة على الجلب اول شي بعدين الجلب على القطاوة

واحب اضيف شغلة

يمكن قصده انه الاسبوع الياي يفتحله دفتر مو تطعيم http://www.2zoo.com/vb/images/smilies/confused.gif


تحياتي

[ThuGGY]

مبروك اختي على الجرو لول ممكن انج تسوين بحث بالقووقل وتكتبين puppy name وراح تطلع لج مواقع وايد فيها اسماء للكلاب للاناث والذكور :)