الإقوانا تعطس

[سمكه صغيره]

عندي إقوانا و حاليا تفسخ جلدها و مزاجها مو تمام ما تبي احد يمسكها
ولها اسبوعين على هالحال
و لها يومين و هذا الثالث ما تاكل زي اول و اليوم اسمعها تعطس
و هذا اكلها الي كل يوم اسويه لها من الصباح

http://i829.photobucket.com/albums/zz211/alriyana/Animals/IMG02201-20100704-1049.jpg

اقصص لها القرع و خس و ملفوف كل شي صغير زي الي شايفين بالصوره
احيان احط لها ملفوف احمر او خيار او جزر بس ما تحب الجزر
و طبعا لازم احط لها من الي في العلبه

و صاير نومها معتفس
تنام من الساعه 5 مساء الى الساعه 12صباحا
و تقعد تتمشى شوي
و ترجع تنام لييييييييين الساعه 1مساء و ترجع تتمشى
و هذا حالنا كل يوم
مو عاجبني حالها
وش الحل؟

و وين الاقي iguana light??? لان كنت اعتمد الشمس بس الحين ما اقدر اطلعها لان ما تبي احد يمسكها

[خالد414]

السلام عليكم
:)
اتوقع سبب ان الغوانا ما تبغى احد يمسكها

ممكن قل المسك يعني يبغى لها احد يمسكها علشان تتعود زي اول ان شاء الله

وبعدين انتظر لين تخلص من التقشير وحاول انك تخلي رطوبه عندها بـ ( بخاخ ماء ) او اي بديل وابدأ بمسكها .

والاكل ركز على التفاح (مهم) والخيار والخس وشكل من الفواكه موز على عنب على خوخ مشمش اي شي

بس الجزر اذا كانت الغوانا صغيره ما انصحك لانه يابس عليها وصعب ابتلاعه , ونفس الكلام للقرع حاول حاول تقلله واذا اعطيتها يكون مبشور وخفيف .
والاكل المعلب جيد بس احسن ترطبه بماء شوي .

والنوم حاول انك تغير من يومياتها شوي لان الغوانا بسرعه تطفش يعني حطلها اغصان شجر اذا كان ما فيه
وممكن شجر صناعي اذا كان المكان كبير بس انتبه لاتحط شي صغير تقدر تاكله .

وبالنسبه للـ (iguana light) اول مره اسمع فيه بس ممكن تقصد الـ (uv) او light تدفئه الزواحف
بس اليوفي هو بديل للشمس او يعطي مفعول الشمس وهو المناسب وتلاقيه بمحلات الحيوانات الكبيره

بالتوفيق ان شاء الله

:) اتمنى اني افدتك :)

[سمكه صغيره]

شكرا

القوانا يمكن عمرها 3 او 4 سنوات
و مو مره تحب الفواكه
ولا الجزر
اكثر شي تحبه القرع و الخس

و انا اقصد الuv انا بالخبر و ما قد شفتهم في محلات الحيوانات عندنا
:)

طيب و مشكلة العطاس؟؟؟؟؟؟؟؟
ليه تعطس؟؟؟
هي بس تعطس اذا سبحتها اذا الماء دخل في انفها بس
بعدها تصير طبيعيه
بس الحين تعطس كثير ما اعرف وش السبب و تندعس بالظلام ما تبي تقعد بالنور

[خالد414]

العفو ... :)

وبالنسبه للعطاس

ممكن تكون توها شاربه ماء ولا متغير عليها الجو
اذا كان متغير عليها الجو ان شاء الله مع التشميس و دفاء الجو يروح العطاس

وشكلها تندس لانها مثل ما قلت متغير عليها الجو وتبي الدفا
وممكن تحطين لها اي نور اصفر لحد ما تجيبين الـ uv بي طبعاً مع التشميس

واي سؤال احنا حاضرين

:)

[|| PyTHoN ||]

مسكينه عندها كحه :P

المهم غير الي قاله خالد
سبب العطسه شي معلق بخشمها أو حلجها
ممكن نشارة الخشب ؟؟ انتي فارشه نشارة خشب للأرضيه ؟

أو مو شرط ممكن شي ثاني المهم شي بخشمها ولا بحلجها ^^"


و الله يكون في العون ~

[Almaha.K]

انا عندي اغوانا بس صغيره عمرها 8 شهور

بالنسبه للنفسيه الشينه ممكن يكون مثل ماقال الاخ خالد لقل المسك او انك ماتقعد معها بشكل متواصل

او ممكن يكون لسبب فترة تغيير الجلد<< ترا هذا الكلام من عندي يعني مدري اذا صح او لا

لاني لاحظت هالشي مع اغوانتي اذا بدى يتبدل جلدها

تصير ماتبيني امسكها كثير ونشاطها يقل

مع اني ارطبها واعرضها للشمس وحاطتلها كل شي

بس انصحك دامها بفترة تبديل الجلد سبحها كل يوم 3 دقايق وتكون المويه دافيه

وبعد كذا عرضها للشمس(فترة الصباح افضل شي)

وعادي حتى لو انها ماتبيك تمسكها حاول

ولو ضربتك بذيلها لاتروح وتتركها لان كذا بتتعود على هالشي وماراح توقف ضرب

حاول انك تشيلها وتسبحها بعدين تطلعها للشمس لانه مره ضروري لها

وبالنسبه للعطس اتوقع انه شي عادي انا اغوانتي تعطس كل يوم تقريبا بس مب كثير شوي بس

اتمنى اكون افدتك :)

[|| PyTHoN ||]

^

مثل ما قالت و هالكلام ينطق عالزواحف عموماً
حتى انا مره حيه عضتني عشاني مسكتها وقت تبديل اليلد ^^"

عالعموم ~
مو شرط تسبحينها ممكن انك ترشين مثل قالوا ببخاخ عليها
و طبعاً بقل نشاطها هالفتره صح ^^"

و لكن لا تهميلها كل مره شيليها و طلعي فيها بره شوي يعني
خليها تستانس ^^"

[سمكه صغيره]

وقف العطاس الحمد لله
و طلعت من المكان الي كانت متخبيه فيه
و اشوفها ما نامت على فترات متقطعه اليوم
بس باقي ما اكلت هذا ثالث يوم بدون اكل
انا طلعتها من الاكواريوم و خليت لها الغرفه بكبرها تسرح و تمرح فيها من 5 ايام
لان اول ما اجي امسكها تخبط راسها بالجدران خفت يجي لها ارتجاج بالدماغ ولا شي
و ما شغلت المكيف و درجة الحراره تاعلافه لا تقل عن ال30 ممكن توصل ال35 في النهار
اتمنى اني سويت شي كويس

[سمكه صغيره]

بس وين الاقي الاقوانا لايت uvb بالخبر؟؟؟؟
رحت المحل الي في جرير بلازا ما لقيت عندهم غير هيتر و مو عارف وش هو الاقوانا لايت
رحت الكروان قال ما عندنا لمبات ولا نعرف وش الي تبينه
و عالم البحار ما اتوقع الاقي عنده لان اختصاصه سمك و طيور

و هذا رابع يوم لها ما تاكل اكلت بس شويووونه
:(

[Almaha.K]

الاضائه هذي مب مهمه اذا عرضتيها للشمس

عرضيها للشمس وحتى لو ضربت راسها اوذيلها معليش

امسكيها بفوطه او اي شي عشان ماتعورك وشيليها وطلعيها عند اشعة الشمس

10 دقايق كل يوم او 20 دقيقه كل يومين كافي لها

وحاولي ماتخلينها بمكان فيه تكييف عالي لان ممكن يكون سبب لكسلها

[سمكه صغيره]

شوووووووووكرا المها
من شوي طلعتها السطح لان الحوش اخاف انها تطلع الشارع
و شلتها غصب و الحمد لله اول ما شلتها تبي تفلت مني بس بعدين استسلمت
بس مشكلة الاكل اليوم ان شاء الله تاكل لانه لها 4 ايام ما اكلت
و عن التكييف لا ما اخليها في مكان فيه تكييف لها اسبوع مستحله غرفتي و انا انام بالصاله علشان مخليتها برا الاكواريوم

[Almaha.K]

العفووو ماسوينا شي :)

بس لو وقت النوم تخلينها بالاكواريوم يكون احسن

وان شاءالله تنفتح نفسيتها للاكل :D

بس لاتنسين ترطبينها

[أحبك توتو]

ما شاء الله ما قصـر خالد414

[jeep_055]

انا غوانتي ماتبي نتمسك على طول ومع اني مقطع اظافرها لكن بعدها يجرح لما امسكها

بس مع هالنفسية والتعصب الي فيها إلا انها تاكل خس بشكل موطبيعي ..وفي حاجة ثانية تمووت فيها

البطيخ ... تنجن لما اعطيها بايدي ..شوية وبتعض صبعي بس اقطعة لها بشكل طولي زي الفرينش فرايس بالمطاعم

بالدمام والخبر مالقيت انوار الـUV لكن في واحد وعدني انة على دخول الشتاء راح يوفرلي وعموما جونا رطب وما اعتقد انك تحتاجي ترطبيها هاليومين ..مجرد انك خليها بغرفة غير مكيفة وجمبها نافذة تدخل منها الشمس