ياجماعة الخير الحقو .. شئ غريب طلع في الببغاء(يوجد صور)

[Walter505]

مساء الخير توو زوو ... عساكم بخير ان شالله

محتاج لفزعتكم يا شباب .. فيه شئ غريب طلع في الببغاء .. زي الانفاخ تحت المنقار زي ما هو واضح في الصور تحت

يا شباب هل هذا مرض .. هل هو خطير .. وش علاجه .. علما ان توني اليوم الاحظه .. ولا حظت برضو ان اللعاب طلع من منقار الببغاء .. خفيف جدا .. بس اول مره الاحظه

http://www.2zoo.org/thumb-7-2010-2zoo_org_73gev5k8.jpg

http://www.2zoo.org/thumb-7-2010-2zoo_org_whbi7xpp.JPG

http://www.2zoo.org/thumb-7-2010-2zoo_org_ndrukjm2.jpg

[أحبك توتو]

والله ما أدري أصلا أول مرة أشوف شي جذي أقـوول الحق رووح البيطري بسـرعه

[m.o.j]

يمكن يكون ورم
وديه للبيطري افضل حل

[Walter505]

والله شئ غريب ... مدري ليه صار له كذا .. مع اني ما أكلته اي شئ غريب .. بس مو هذه الحوصله الي منتفخه ؟
يا خبراء النادي .. ياليت تشوفون هالحاله

[vipaltear]

يا أخي لاتخف هذا المرض ليس خطير
ولكن اذهب الى البيطري و الافضل ان تذهب الى المحلات التي يبيعون منها طيور الكاسيكو يعني
متخصصين في الكاسيكو ، وقول لهم مرض الكاسيكو الذي عندك واطلب منهم الدواء وخلهم يشرحون
لك كيفية أستخدام الدواء


وما يشوف شر والله يشافيه

[كاسكـــو]

السلام عليكم

لاتقلق هذا بسيط جداً

هذا المرض يحتاج عمليه جراحيه للأستصاله وان شاء الله خير

كثير حالات نعرفها زي كذا وتشافت بعد العمليات الأهم تشوف لك دكتور ممتاز

[Mr. MeMo]

اخي الكريم


هذا ورم بكتيري

في بعض الاحيان له تأثير سلبي على الطائر و يفضل
استأصله من قبل البيطري بشكل سريع

و في احيان اخرى لا يضر و يعطى مضادات خاصه

انصحك بمراجعه البيطري بشكل سريع

و اتمنى لطائرك الشفاء العاجل

[مسك]

ادعوا الله انها يشفيه

أهم شيء لازم توديه لبيطري في اقرب فرصة ويكون شاطر

[Walter505]

مشكورين جميعا على توضيحكم

السالفه فيها عمليه !! .. الله يعين ... بوديه للبيطري .. و أعطيكم أخر الأخبار

ملاحظة : شباب اذا أحد يعرف بيطري ممتاز في الشرقية .. يرسلي معلوماته على الخاص .. و بكون شاكر له جداً

مشكورين مره ثانيه

[ولد مشيرف]

اذكر واحد من الاهل كان عنده كاسكو و كان طالع له شيء تحت المنقار و الحبيب ما اهتم و بعد مدة وداه للبيطري و قاله انه ورم و انت جايبه متأخر و بعد كم يوم مات الطير.

فأنصحك اخوي وده بأسرع وقت للبيطري.

[fawzi]

وده البيطيري احسن لك الله يشفيه

[ابو محمــد]

اسأل الله العظيم رب العرش العظيم اي يشفيه
اسأل الله العظيم رب العرش العظيم اي يشفيه
اسأل الله العظيم رب العرش العظيم اي يشفيه
اسأل الله العظيم رب العرش العظيم اي يشفيه
اسأل الله العظيم رب العرش العظيم اي يشفيه
اسأل الله العظيم رب العرش العظيم اي يشفيه
اسأل الله العظيم رب العرش العظيم اي يشفيه

هذا الله يسلمك ورم بسيط مثل ما افادوك الاخوان واذكر قريت عنه في منتدى اماراتي واستأصله عن طريق عمليه جراحيه وان شاء الله بسيطه.

اخوك/ابو محمــد

[امير دبي]

الله يشفيه اول مره اشوف مثل هذي الحاله

بس انا انصحك انك توديه ع البيطري بسرعه وتحاول يعطيه دواء احسن من العمليه
لان على قدام من الممكن انه يأثر ع الطائر وماتخليه يصفراو يتكلم لانه بيواجد صعوبه او الم
وهو ادرى


والله ولي التوفيق

[Walter505]

مشكورين على مشاعركم و اهتمامكم يا أخوان
أنا ان شاء الله بوديه بكره البيطري .. و اتمنى بس انه ما يزيد الطين بله

و مثل ما قلت الي يعرف بيطري متحرم و مجرب في الشرقيه .. يراسلني على الخاص و بكون شاكر له

تحياتي

[عشق الكاسيكو]

الله يشفيه وفرحك فيه
بس لا تاجل وديه باقرب فرصه

[مجنون فلته]

السلام عليكم

طيرك يحتاج عمليه ماتاخذ 5 دقائق للأستأصال هذه الغدة البيضاء

فهي كقطعة الجبن اليابس تحت الجلد روح للبيطري افضل لأن بروحك ماعتقد راح تقدر تشيلها

[بوجواد]

اخوي هذا ورم اكيد وياريت توديه البيطري وبنسبة للمكان البيطيرية يوجد بالدمام نهاية شارع الملك سعود محل اسمه جوزل البيطرية وقبلها بأربع او خمس محلات اسمه الغربية البيطرية

[Walter505]

مشكورين يا شباب على التعليقات و الإفادات

حبيت أقولكم أني اليوم وديته البيطري ... و وصف له مضاد اسمه (Ampicillin-t) أحطه لمدة سبعة أيام مع مويه الشرب .. وبعده راح يسوي له العمليه وهي بسيطة و تكلفتها 75 ريال سعودي

هذا الي صار معاي و أتمنى أن باقي الاعضاء يستفدون من التجربة و من تعليقات الخبراء .. و ان شالله طيوركم ما يشوفون اي شر

تحياتي

[anona]

السلام عليكم
انا كان عندي ببغاء طلع فيه نفس الشي ووديته الطبيب وقالي هذا ورم ولازم يصتاصلونه انا خفة اسوي له العملية وبعته وبعد فترة شفت راعية قالي ان سوا له العملية وصار تمام

[Walter505]

anona مشكور على تعليقك

بس أحب أضيف .. أن أكثر الشباب قالو ان هذا المرض ناتج عن تلوث الأكل و الشرب .. جلست أفكر فيها .. أنا كل يوم أغير أكله و شربه .. و أغسل أدوات الأكل زين .. أحيانا أكثر من مره ... ف من وين جا التلوث

تذكرت .. أن الببغاء صار له فتره .. ما يحب يجلس في داخل القفص .. 24 ساعه فوق القفص .. و اذا وسخ - أعزكم الله - الوسخ يطيح في المشرب و مكان الأكل ... أنا أنظف وراه .. بس أحيانا ما أكون موجود في البيت .. واذا رجعت أشوف بو الشباب جايب العيد .. ف أتوقع هذا سبب البكتيريا

تحياتي

[lll_o]

اخوي ياليت تصور العملية الجراحية

الانو نادر ما تصير هاذي الحالة و كثير ما يعرف طريقة العلاج سوي موضوع عن الي صار و اكتب طريقة العلاج

و فديو للعملية الجراحية

عشان نستفيد من تجربتك مع علاج المرض

[Walter505]

أهلين يا أخ "lll_o "

اقتراحك ممتاز .. ان شالله راح أحاول أني أصور العملية الجراحيه .. و أنزل فيها موضوع عشان الجميع يستفدون .. و يستاهلون اعضاء توو زوو
بس بيني وبينك .. كل ما رحت البيطري ..يعورني قلبي .. يعني طريقة معاملتهم مع الطيور ..فضيعه .. من ناحية كيف يمسكونه .. و يتعاملون معاه ... يعني ناس شرسين ما تحس ان عندهم احترافيه .. ف انشالله يسمح الوضع اني اصور

تحياتي

[fawzi]

الحمدلله على سلامة طيرك

[Walter505]

الله يسلمك :)

[راينو]

وش اقول بعد كلام الاخوان
ما اقول غير اللهم رب العرش العظيم ان تشفي طيره
تقي طيورنا من هذا المرض
صراحه شي مروع
يعني افهم ان سبب المرض
الوساخه ( و القراء بكرامه ) بشكل عام ؟
عشان نهتم بناظفة القفص و صحون الاكل و الشرب بشكل يومي ان شاء الله


أهلين يا أخ "lll_o "

اقتراحك ممتاز .. ان شالله راح أحاول أني أصور العملية الجراحيه .. و أنزل فيها موضوع عشان الجميع يستفدون .. و يستاهلون اعضاء توو زوو
بس بيني وبينك .. كل ما رحت البيطري ..يعورني قلبي .. يعني طريقة معاملتهم مع الطيور ..فضيعه .. من ناحية كيف يمسكونه .. و يتعاملون معاه ... يعني ناس شرسين ما تحس ان عندهم احترافيه .. ف انشالله يسمح الوضع اني اصور

تحياتي


ذكرتني بموقف
كان عندي دره
صار لها كسر بسطي بمنقارها
مع الوقت تضخم
و وديته لبيطري و قال لازم نشيله و شاله
والله بعد ما شاله
اني بغيت ادوخ
ماسك الدره و يحفر بمنقارها والله موقف مروع
والله يوم خلصت
حتي ان بغيت انسى الدره والله ما تحملت
لكن انصحك انك تكون شجاع مب مثلي ( خواف )
و تجلس تناظر العملية
و بالتوفيق و ان شاء الله يتعافى طيرك بأسرع وقت

[lll_o]

ما اوقع يسوي العمليه بدون تخدير

و اذا بدون تخدير اسحب عليه و شوف واحد ممتاز و يخدر قبل العمليه

و اكيد راح ترتاح انت و الطير اذا كان مخدر