حمامة لم ترقد على فرخها الثاني

[أم أحمـدي]

السلام عليكم ورحمة الله وبركاته

على نافذة بيتنا حمامه كان في عشها بيضتين ، لاحظنا بعد ما فقست البيضه الاولى ان البيضه الثانيه بعيده عن العش..

وبعد مافقست الثانيه ، الحمامه الام ما اهتمت الا بالاول. هو اللي ترقد عليه وتطعمه..

هل ياترى بتترك الثاني عشان يموت؟ :(

ولا بتطعمه بعدين؟

اخاف عليه يموت ، قولو لي عشان اربيه . كسر خاطري مسكين

[بوزايد]

يا ام احمد ي يمكن طرد الحمامه عن العش وترجيع الفرخ المعزول بسرعه الى العش مع الفرخ الثاني علشان الحمامه ممكن ترجع بعد وقت قصير احتمال كبير جدا تهتم في واحتمال يهتم في ابوه في فترة حضانته --على حسب تربيتي في الحمام والله اعلم

[أم أحمـدي]

اخاف ارجعه بعدين ما تبيه امه اذا شمت فيه ريحتنا

[أم أحمـدي]

رجعته حاليا .. وانتظرها ترجع لهم واشوف شنو بتسوي

[بوزايد]

ام احمدي الله يعطيك العافيه من كم يوم حصل الشي هذ

[أم أحمـدي]

الحمد لله رجعت لهم الام بعد ما حطيته مع اخوه

وقعدت امهم فوقهم، وكانت حريصه انها تدخلهم تحتها

شكرا لك اخوي بوزايد ، ماقصرت :)

[بوزايد]

هل نافذة البيت من نوع الزجاج عاكس

[أم أحمـدي]

الزجاج لونه داكن . و الحمامه ماتشوفنا الا اذا صارت الدنيا مظلمه برا ومن داخل نور

[بوزايد]

الحمدلله-- الله يثيبك ياام احمدي على ذلك انشاالله

[أم أحمـدي]

الصبح لقيت الفرخ بعيد عن العش

المشكله ان الفرخ حركي ويتقلب وايد، كأن فيه شي..

[أم أحمـدي]

كاسر خاطري الصراحه .. شكلي باخذه وبربيه

[كاسكـــو]

الله يجزاك الجنه يأم أحمدي شايله هم الفرخ كأنه ولدك

اشكرك على شعورك النبيل اتجاه هذي الفروخ الضعيفه

[كاسكـــو]

كاسر خاطري الصراحه .. شكلي باخذه وبربيه

مره حصلت فرخ حمامه طايح بالارض ولا اعرف العش حقه

اخذته اربيه ابي اكسب الاجر لكن للأسف عاش معاي ايام احسن مايكون

فجأه يوم من الايام حصلته ميت مدري ايش السبب :(

[فطووم22]

الله يثيبك لأنك اهتميتي فيه

:-)