المساعد الشخصي الرقمي

مشاهدة النسخة كاملة : ياشباب الرياض ابي احد يوصفلي مكان سوق الحمام في الرياض

11هاوي11
15-01-2007, 12:12 AM
انا من مكه ورايح الرياض بعد الاختبارات عند نسيبي.
ابي اعرف مكان سوق الحمام ومتى يكون
والمحلات اللي تبيع الببغاءات بسعر معقول


وراح اون شاكر له
TIGER
15-01-2007, 04:52 AM
حياك الله اخوي .......
اول مره اركب تكسي وخله يوصلك وبعدين اعرف الطريق :)
او اذا حبيت قلي وين ساكن ونا اوصف لك عشان تعرف لانه في اكثر من طريق يوصل له
وعلى العموم افضل ايام الربوع والخميس والجمعه ومشالله السوق هاليومين مليان طيور ولله يوفقك ....
تراني جديدة
15-01-2007, 08:25 AM
انا بعد ابي اعرف العنوان .. يعني اذا امكن وصفه من طريق الملك فهد .. وهل يوجد كروان اصفر وصحتهم كويسه وكيف اسعارهم ..
مــراح
15-01-2007, 06:55 PM
لعيووونكم وهذا العنوان :)

عن طريق الملك فهد;)

وانت راجع من شمال الرياض على طريق الملك فهد رايح للجنوب وخلك ماسك سيدة على طريق الملك فهد ثمن في نهاية طريق الملك فهد بتجيك ثلاث مخارج

اللي على اليمين حي السويدي واللي في الوسط ديراب واللي على اليسار الخرج

رح مع الخرج ثمن بتل سيدة بجيك كوبري الاول اطلع فوقه وبتل سيدة

بعدما تنزل من الكوبري امسك المسار الايمن وبيقابلك كوبري ثاني لاتطلع معه اطلع من المخرج يمين واكررهاااعلى اليمين انتبه تطلع فوق الكوبري

ثمن اذا طلعت من المخرج لا تبتل مع العالم لف مع اليمين وبتل بتشوف محل خضروات

وبتشوف بعد جسر مشات وقف عنده وانزل وامشي عليه ورح للشارع الثاني و وصلت للسوق

والحمد لله

تحياتي
تراني جديدة
15-01-2007, 07:27 PM
شكرا على الوصف .. طيب كيف نرجع :D :D
مــراح
15-01-2007, 09:34 PM
اما كيف نرجع اختي تراني جديدة عيدي الشريط وترجعين هههههههههههههههههههههه

اللي بيجبك بيرجعك ان شاء الله

تحياتي
Naja
17-01-2007, 06:11 AM
مشكور أخوي مراح :) ،لأني آخر مرة رحت الرياض كنت ابي أروح محلات الحيوانات بالملز و ضعت !! :D
من الاحباط اللي صابني وقفت السيارة وطلعت الخريطة :D أدور على على طريق الدمام أبي أرجع !!


واكررهاااعلى اليمين انتبه تطلع فوق الكوبري


حسيت اني لو بأطلع فوق الكبري بألاقي نفسي برا السعودية :eek: ، ولا مين يدري يمكن يطلع لي
Game Over

شكرا مرة أخرى:)
الجااارح
19-01-2007, 02:48 AM
السلام عليكم ورحمة الله وبركاته .............


أخوي 11 هاوي 11
أولا : أحب أرحب فيك وأقول لك الله يحيك و أهلاً ومرحبا بك وبأهل مكه كلهم وحيابك مليون .....:)
ثانياً : أعتذر على ردي البايت المنتهي تاريخه تقريياً :o
ثالثا : أحب أوضح وصف الأخ مراح ولو إنه ماقصر وصف الوصف الشافي ولكن أعتذر بعد منه بس حبيت أوضح أكثر على عشان توصل أسرع ;)
أقول وبالله التوفيق

المخرج اللي يوصفه لك أخوي الكريم مراح هو شارع البطحاء قبل ما تلف من عنده يمين بتحصل حراج بن قاسم علي يسارك وشارع البطحاء على اليمين خش على شارع البطحاء يمين وطول بتلاقي جسر مشاه أمشي عليه وروح للشارع الثاني ونقي طيرك أو الشئ اللي تبغاه

وإذا كنت تبغى محلات غير سوق الحمام كل ما عليك إنك تعطيني خبر وأبشر بما يرضيك يا صاحبي 11هاوي11
والله يوفقك ويوفق الجميع إنشاء الله

والسلام عليكم ورحمة الله وبركاته ،،،،،،،،،،،
فارس مجهول
19-01-2007, 02:17 PM
أظن
أخوي مراح مقصر
معاد تفرق
20-01-2007, 11:28 AM
سوق الحمام في العزيزيه

اي سواق لموزين قله سوق الحمام العزيزيه

يوديك له .. احيانا يمكن توقف سواق ويقول لك مايعرف يمكن يكون جديد اتركه وشف غيره