ساعدونيييي ، قطتي الصغيرة قد تموت

[shakabet]

السلام عليكم ورحمة الله وبركاته

عندي قطة صغيرة مولودة في البيت ( مو منزلية ، قطة شوارع ) ، أخذناها من أمها وهي عمرها يمكن أسبوع نصف أو أسبوعين ( تمشي بس بشكل مهزوز ، وعيونها مغلقه بدأت تفتح ، وأذنها عاديه مو ملاصقه لجسمها )
أخذناها لأن الجو برى حار مره مره ، وماتوا كل أخواتها أعتقد بسبب الحر

المهم سوينا كل شيء نسويه مع القطط الصغيره
شربناها حليب ، ومسحنا على منطقة التبول عشان تبول أو تتبرز
لكن من العصر أمس ما تبولت نهائي
وشكلها يقطع القلب ، تدور حول نفسها بشكل مهزوز ، وذيلها مره ملاصق لجسمها ، ثم تنوم

سمعت أن احتباس البول عند القطط خطير

وش لازم أسوي الحين معها ؟
إذا أعطيتها لأمها يمكن تموت من الحر
وإذا خليتها عندي أخاف تموت من احتباس البول

:(

[HaiDy]

كويس خطواتك الي تسوين لها صحيحة وجزاك الله خير على مبادرتك ..

لا خليها عندك حطيها بمكان معتدل الحرارة لابارد حيل ولا حار مره وحطي تحتها قماش قطني نظيف ولو امكن

تحطينها جوى كرتون وتفرشينه بفوطة او قماش خفيف

شربيها الحليب الدافي المخفف بالماء كل ثلاث ساعات تقريباً ومسحي المنطقة بقطنة مبلوله هذا كل المطلوب منك

بالنسبة لاحتباس البول يصيب القطط البالغة على ما اظن

بول الكيتنز بعمرها مجرد نقط لاتخافين ان شاءالله مافيها شي

وان شاءالله يفيدونك الخبراء اكثر

[صقر شجاع]

السسلام عليكمـ ,,

حطيها في غرفه دافيه بس يكون فيها حياه موب لحالها

في مكان امن , دافئ , مريح , نضيف

وفي كرتونه وجواها قطن لاننا بالصيف مثل منتي خابرهـ ^_*

وشربيها حليب دافئ بس لا يكون حليب ابقار باختصار حليب السعوديه واكليها تونه بس شويه

وتحياتيــ ,,,

[shakabet]

شكراً جزيلاً ^__^
أنا الحين سويت كل شيء
وبستمر كذا

بس أحسها للحين خاملة مره
يعني طبيعي للي في عمرها تكون خاملة كذا ؟
نايمه طول الوقت ، تمشي شوي بس ترجع تنوم ، وتهتز في مشيها
والبول ماشفنا شيء ولا ريحه @_@

يارب تكون طبيعية وبخير

[دلوعةقطوتي]

اذا عمرها اسبوع واسبوعين لاتعطينها تونه ولااكل لانها صغيرره
انتي عطيها حليب منزوع دسم اوقليل دسم وزوديه مويه وخليها بمكان حرارته كويسه وامسحي المنطقه يمكن تبولت بس انتي ماتدرين وربي يحفظها

[الخبير نايف]

يعني طبيعي للي في عمرها تكون خاملة كذا ؟

ايو طبيعي لانه صغير

عطيع حليب منزوع اوقليل الدسم و خففه في ماء

[shakabet]

مره شكراً ^________^
طمنتوني عليها

هي الحين أحسن بكثير ، بدأت تمشي زين ، وتموء ^_^
وشربت حليب كثير ، وتبولت

شكلها من الجفاف ما كانت تبول

شكراً ^_____^

[shakabet]

مره شكراً ^________^
طمنتوني عليها

هي الحين أحسن بكثير ، بدأت تمشي زين ، وتموء ^_^
وشربت حليب كثير ، وتبولت

شكلها من الجفاف ما كانت تبول

شكراً ^_____^

[HaiDy]

زين الحمدلله .. الله يحفظها .. ويعطيك العافيـه