كرواني الجديد ..شريته امس :)

[سوليتيري]

بسم الله الرحمن الرحيم
مساكم الله بالخير اخواني
الحمد لله شريت امس من سوق الحمام ( العزيزيه) فرخ ذكر كروان :)
وعندي كم صوره له
بس يااخوان حسيت بشي غريب..!
اشوف الانثى تنقر الذكر الجديد ماادري ليش..؟ وعزلتهم امس عن بعض
وعودت ارجعهم اليوم ^__^
واشوف حتى طيري الجديد اصغر من الانثى واشوفه في حاله وماياكل ولا يشرب وخفت يموت علي >>تحسفت يوم شريته والله !
كنت اباخذ واحد لونه ابيض ويازينه ..بس قلت يمكن مايتوالفون لان الانثى لونها رمادي ..! وقلت خلني اخذ رمادي احسن :)
هذي كم صوره للطير الجديد
الي عاليسار هو الجديد واليمين الانثى :)
http://files.mothhelah.com/img/z1d44045.jpg (http://files.mothhelah.com/)

http://files.mothhelah.com/img/yRn44045.jpg (http://files.mothhelah.com/)

http://files.mothhelah.com/img/qXh44045.jpg (http://files.mothhelah.com/)

واحتمال اليوم ارجعه واخذ الابيض لاكن يبقى السؤال
يااخواني اهل المعرفه هل الامر عادي لو اخذ ابيض مع رمادي.. يتوالفون؟؟
حتى الي محيرني والله اشوف الطير الجديد ..الله يكرمكم احس معه( اسهال) !
وشكله يوحي بالمرض
عكس الانثى ماشاء الله تطامر وتاكل ومرحه الله يحفظها :)
تنصحوني ارجعه واخذ الابيض..؟ والا اخليه ..؟
ووش الحل معهم يتطاقون الله يهديهم :mad:

[جحا11]

اعذرني اخوي انا اشوف انو الاثنين اناثي ومفيهم ذكر وركز على الصوره الاوله
وانا اسف

[fotoo]

انشاء الله بيفيدوك الأخوان
ماراح يقصرون فيهم الخير

[0SSS0]

السلام عليكم أخوي


اشوف الانثى تنقر الذكر الجديد ماادري ليش..؟
أضن أنه أنثى أو يمكن ذكر وتنقرة عشانهم مو متوالفين
واشوف حتى طيري الجديد اصغر من الانثى واشوفه في حاله وماياكل ولا يشرب وخفت يموت علي >>تحسفت يوم شريته والله !
أخوي يمكن لأنه جديد على المكان ماتعود فيكون خايف
كنت اباخذ واحد لونه ابيض ويازينه ..بس قلت يمكن مايتوالفون لان الانثى لونها رمادي ..! وقلت خلني اخذ رمادي احسن :)
تتوالف الطيور مع بعضها والألوان مالها دخل في المسألة هذي
واحتمال اليوم ارجعه واخذ الابيض لاكن يبقى السؤال
يااخواني اهل المعرفه هل الامر عادي لو اخذ ابيض مع رمادي.. يتوالفون؟؟
عادي
عكس الانثى ماشاء الله تطامر وتاكل ومرحه الله يحفظها
على شان أنها متعودة على البيت
تنصحوني ارجعه واخذ الابيض..؟ والا اخليه ..؟
مادري
ووش الحل معهم يتطاقون الله يهديهم
:أصبر لين يتوالفون أعزلهم عن بعض زي تحط كل واحد في قفص وتقرب الأقفاص من بعض بشرط أنهم مايدخلون على بعض وأتركهم لمدة 2أسبوع على الأقل

[0SSS0]

حتى أنا قلت أنه أنثى عشان كذا تنقرة

[جحا11]

:أصبر لين يتوالفون أعزلهم عن بعض زي تحط كل واحد في قفص وتقرب الأقفاص من بعض بشرط أنهم مايدخلون على بعض وأتركهم لمدة 2أسبوع على الأقل
[/CENTER][/QUOTE]
اخوي الجوز الي عند اخونا اناثي ومفيها ذكر حتى لو عزلهم
طالع الصوره الاولى تلاحظ الذيل

[أحبك توتو]

ما قصروا الإخوان

[foo_fee]

انا اشوف انهم كولهم اناثي

[سوليتيري]

يعطيكم العاافيه اخواني على المرور العطر
باذن الله العصر بروح ارجعه وباخذ لي ابيض ذكر
مااهضمت الطير والله باين انه وجعان :(
بس انا امس جيت باخذ ذكر ابيض وش حلييله وياحلوه بعد بس شفت في راسه خلف التاج صلع وقلت شكله مريض خله بس ..! :(

[سوليتيري]

اخواني ياليت تجاوبوني لاني بمشي للسوق العصر وارجعه ان شاء الله
الصلع خلف التاج عادي؟ وكيف اعرف ان الطير مريض؟

[عاشقة الظلام]

مساك الله بنور

اخوي انت شكلك مو مقتنع بالفرخ فرجعة وخصوصاً انت شاك بوجود حالة مرضية واشتر الالبينو وراح يتوالف معى الانثى الرمادة ولازم اكون بالغ عشا ما تنتهز الانثا صغر سنة وتسيطر عليه وتظربة.
ويا :eek:اخوان على اي اساس تحددون انة الطير الجديد انثى يا اخواني الفرخ بعدة صغيييييييييير فاستحالة ااي واحد احدد جنسه اكيد

[عاشق~الحمام]

..~|| الله يوفقك وتشوف انتاجهم ||~..

[سوليتيري]

ابشركم توني الان جاي من سوق الحمام
ورجعته وارتحت :)
وشريت ذكر وش زييييييينه ياحبي له والله لونه رمادي وقريبا ان شاء الله انزل له صور
تصدقون من اول ماطلعته من القفص الا الانثى والذكر انواع واشكال من النغمات والصياح :)
ويعطيكم العافيه يالغاليين
والحمد لله الحين ارتحت :)
والذكر اكبر شوييي من الانثى بقلييل
تحيتي لكم
وانتظرونا في موضوع جديد :)

[عاشق الكوكتيييل]

زين سويت يوم رجعتة واخذت ذكر اكبر منة وانشاءالله تشووف احلى انتاج منهم ومنتضرين الصور على احر من الجمر

[RONALDO4EVER]

الله يبارك لك

[عندليب557]

ماشاءالله تبارك الله

[call of duty 6]

اخوي هذي انثى الصوره الاخيره انثى لان الصورتين الاوله ماطلعن

والي وراها ذكر وهي توها فرخ صغير عمرها ماتقدر تنتج الا لم بلغت ووصلت 11 شهر ,,

والله يحفضها ويحفضك

وبالتوفيق ,,

[love-karawan]

حلوو يحليله الله يخليه لك

[koko12]

غريب الاثنين اناث ..
من ناخحيةالاكل اتركة تنو يتعود على جو المكان فهو جديد علية

[لؤلؤه المحيط]

مشالله شو كيوووت ربي يخليه لك