سؤال عن تزاوج الروسي

[westlife]

قبل كم يوم خذيت هامستر روسي والصراحه فظيع وحلو وصج تربيته احلى واسهل من السوري
هذي اول مره اربي روسي
المهم خذيت ذكر ونثيه وانا كل يوم يوم احطهم مع بعض ويوم افلصلهم والنتيجه:
1) الذكر احاااول
2) والنثيه مب راااضيه
3) وينتهي كلشي بالشجاار

الأسئله

ليش النثيه رافظه مع ان صار 4 مرات وادخل النثيه على الذكر؟
اذا تهاوشو افصلهم ولا اخليهم؟
ولمن ادخل النثيه على الذكر كم المده الي اخلي النثيه عند الذكر؟

ارجووكم خلو الاجابات من واقع تجربه لان ودي اشووف الصغااار ويعطيييكم الف عافيه

[Withered Rose]

مرحبا westlife و مبرووووكـ عليكـ الهامسترات :)

أول ما شريتهم كانوا يتهاوشون ؟
أحياناً يغلط البائع بجنس الهامستر فيعطيك مثلا ذكر و كر أو أنثى و أنثى و خصوصاً إذا كانوا بعمر صغير فيجب التأكد .. :)


ليش النثيه رافظه مع ان صار 4 مرات وادخل النثيه على الذكر؟

الإحتمالات وايد .. مثلاً : النثيه أصغر من الذكر أو أكبر منه بوايد أو متزوجه ذكر غيرة و هالحالة خصوصاً بالروسي القزم ..
أو ممكن يكونون من من نفس نوع الروسي مثلا واحد ونتر وايت و الثانيه كامبلس ..



اذا تهاوشو افصلهم ولا اخليهم؟


إذا كانوا كبار إعزلهم و لما تردهم ظل مراقبهم لأن ممكن تصير إصابات خطرة و خصوصا إذا صارت بالرأس أو العين ..
أما إذا كانوا صغار خلهم لأن دايما عضتهم مو خطره و يتهاوشون بدون صوت او بالاحرى يعتبر هذا لعبهم ..



ولمن ادخل النثيه على الذكر كم المده الي اخلي النثيه عند الذكر؟

إذا كانوا قاعدين بسلام خلهم على طول بس عند الشجارات إعزلهم أو راقبهم ..
عموماً هذا النوع من الهامستر إجتماعي و من الأفضل وضعهم مع بعض و يجب التكافؤ بالعمر أو أن يكونوا من عائلة واحدة .

[westlife]

مشكوووره على الرد السريع
انا اول ما يبتهم ما كانو يتهاوشوف ومن بديت بالفصل بدا الهواش
ونوعهم الروسي القزم العادي الي على ظهرهم الخط الاسود (نورمال)
والذكر في الحجم اشوي اكبر من النثيه

والهواش بينهم متقطع ومب قوي وايد ولمن اصير اهواش لاحظت ان الذكر يلحس النثيه وخصوصا منطقة التزاوج والنثيه تظربه اكيد هالشي له معنى ؟

[Luis]

السلام عليكم...

مبروكين عليك يا ويست لايف..:)

وانا حصل معي اكثر من مرة هالشي...

بس لما اعزل الام وصغارها...واذا بجمعهم اشوف الذكر

يسوي نفس اللي يسويه ذكرك...مادري شو معناته بالضبط...

بس اتوقع انه يتعرف عليها من ريحتها بعدين يصير بينهم تزاوج...

والاحظ النثيه تضرب الذكر...لكن ضرباتها ماتأثر فيه فيجلس يلاحقه

بالقفص ليمن تخضع له...وهالشي صار يمكن معاي مرتين او ثلاث..

فأنت خليهم مع بعض حتى لو تهاوشو...وان شاء الله مايحصل الا الخير..;)

وكنت امس مصور كم مقطع فيديو لتزاوج همستراتي وان شاء الله بحطه قريب

واتمنى الكل يستفيد منه...;)

تحياتي لكم...