ساعدوني ^_^

[أبومتعب]

بسم الله الرحمن الرحيم
السلام عليكم ورحمة الله وبركاته
هاذي اول مشاركه لي في هذا الموقع واتمنا ان ذوي الخبره يفيدوني
انا عندي شبك عرضه 2متر وارتفاعه متر ونصف وطوله 2متر وحطيت في جوزين من طيور البادجي
وحطيت كل الملتلزمات مثل العش والاكل والشرب الخ...

يعني هل يفرخن في هذا الشبك او لا وهل فيه متطلبات او اكل احطه لهن ويفرخن
وكم يستغرق من مده كي يتزاوج ويفرخ:confused::confused:

[Dr BESO]

لازم بياضة ايضا

والسلام ختام
أحبكم في الله

[لعبة الايام]

ارفع صورة الى السلاكة حتى الاعضاء يفيدوك اكثر بالاحتياجات الازمة

[نبع الوفا]

Dr BESO يقصد البياضه هذي ولاتحط فيها ولا شيءلانشارة خشب ولا يحزنون

http://i16.servimg.com/u/f16/11/28/55/74/1010.jpg

الاكل انا افضل هذا الاكل بصراحه


http://www.pet-bliss.com/acatalog/TrillBudgieSeedLargeImage.jpg

طبعا هذي الشركه حلوة وانا استخدمها
خذ لك كرتون وزن واحد كيلو بـ 17.5 ريال سبعة عشر ريال ونصف
تلاقيه فالسوبرماركت

بقولك تنبيهات لازم تبعد القفص عنها
العطورات البخور والدخان ابعده عن القفص
المكيف ابعده عنهم ترى يموتون من البرد لو تشغله لهم تغير جو الغرفه
لفتره بسيطه ثم تقفله بحيث مايكون هواء المكيف مباشر مسلط عليهم


تحتاج الى نور الشمس الخفيف يدخل على القفص
اعطيهم خس او جرجير مرتين في الاسبوع عشان يحفزهم للتزاوج

اشتري لهم من الصيدليه البيطريه فيتامينات تضع لهم بالمشربيه
نقطتين الى 4 نقاط حسب حجم المشربيه مرتين او 3 مرات في الاسبوع
او حط لهم فيتامين اطفال .

لازم يكون مكان القفص آمن مافيه ضجه كثير

يحتاج له كم يوم عشان يتوالف على المكان
والمهم انك ماتنقل القفص من مكان الى مكان كل فتره

اذا الجوزين متوالفين مع بعض ان شاء الله راح يتم التزاوج بينهم
عليك بالصبر ثم الصبر .

واتمنى اني افدتك وننتظر بقية الاخوان وتعليقاتهم.

[رعوود]

اخوي أبومتعب

حسب وصفك الموفر مناسب للانتاج

لكن كم عدد صناديق التعشيش ؟

وتاكد بانهم ازواج ايضا

وفر الطعام المنوع والمحفز

وباذن الله تشوف انتاجهم

موفق