ارجو المساعده (طير جديد)

[رحماك ربي]

السلام عليكم ورحمة الله وبركاته

شباب بغيت مساعدتكم باسرع وقت وخاصه اخواني اللي عندهم خبره واخوي غسان( ابوفيصل)
وكلكم فيكم الخير إن شاء الله.

حبيت اشتري هالطير وبغيت ارائكم قبل ما اشتريه

صاحبه يقول عمره 11 شهر تقريبن هل هذا صحيح؟؟

شو رايكم في حجمه ولونه؟؟

يقولي انه كميروني مب فريقي شو الفرق انا اشوف نفس الافريقي والكميرون في افريقيا ؟؟

مطلوب فيه سعر نهائي 2200 درهم هل السعر مناسب؟ مع العلم انه تو بادي يتكلم يقول كوكو وهلو ويطقطق ويصفر؟؟؟؟

انتظر ارائكم ونصايحكم جزاكم الله خير. :confused:

وهذي الصور :cool:


http://www.m5zn.com/uploads/2010/7/24/photo/072410120739mu01q9g8r3m.jpg (http://www.m5zn.com)

http://www.m5zn.com/uploads/2010/7/24/photo/072410120739fdvrs7etmmtd.jpg (http://www.m5zn.com)

http://www.m5zn.com/uploads/2010/7/24/photo/072410120740gzy2bi4gfurk9awxw10.jpg (http://www.m5zn.com)

[أحمد الهاملي]

ماشاء الله الطير حلو ويستاهل السعر وصدقني السعر رخيص وبالنسبه للعمر تقريبا سنه ونص اما بالنسبه للنوع كلهم نفس الشي سواء كان افريقي او كميروني والناس اتقول الكميروني يكون لونه فاتح

[كاسكـــو]

انا اشوف الطير محجل تقدر تعرف عمره من الحجل

على العموم يبدو لي من الصور ان عيونه رمادي هذا معناه لسه صغير مع ان الصور مب واضحه

اما بالنسبه للكميروني هذا اول مره اسمع به لكن هو على العموم افريقي

يمكن بس اختلاف البلدان يكون المسميات فيها تختلف واما بالنسبه اللون فاتح هذا عادي

بعض الببغاوات الافريقيه يجي لونها فاتح

بالنسبه للسعر 2200 درهم مادري كم تعادل بالسعودي اذا هي تعادل 2200 ريال او قريبه منها السعر حلو ومناسب

[رحماك ربي]

تسلم (يالظبياني) عالرد جزاك الله خير شجعتني عالطير.

[رحماك ربي]

اخوي (كاسكو) تسلم عالمرور والرد الطيب

بس كيف اعرف عمره من الحجل؟

وبالنسبه للسعر تقدر تقول 2200 ريال الفرق بسيط جدا بين الدرهم الاماراتي والريال السعودي.

[رحماك ربي]

منتظر اراء اخواني الباقين!!!

[كاسكـــو]

شوف الحجل اذا مثلاً مكتوب .. 09 .. معناه الطير جاي سنه 2009

[امير دبي]

السلام عليكم

اخوي الطير من الصور مبين انه بصحه جيده وزين ولونه رمادي فاتح هذا اللون المرغوب

بس بخصوص العمر انا اعتقد انه اكبر من 11 شهر بشوي

والسعر مبالغ فيه شوي خاصتا الحين صيف واسعارهم تنزل بعكس الشتاء

[رحماك ربي]

تسلم اخوي ( كاسكو) عالمعلومه ما قصرت

[رحماك ربي]

(امير دبي) تسلم عالرد

اخويه العمر بتأكد منه يوم بشوفه إن شاء الله.

والسعر اعرف انه مبالغ فيه بس صراحه نادر ما تحصل واحد نضيف ولونه فاتح شرات اللي فالصوره.

[ابوخاالد]

الطير جميل حسب الصوره على جنب

عموما

العمر !! العين ماني مثبت اللون زين مدري هذا صفار او رمادي

انت شوفها على الطبيعه .. اذا على بياض فعمره سنه الى سنه وشهرين تقريبا اما اذا صفار خفيف
والله اعلم مابين السنه ونص الى سنتين

ولو يخليه 2000 او 1800 اشوفها مناسبه بحكم قلة الكلام والعمر والصيف تنزل الاسعار

[مساعدبن محمد]

لاحلو الطير مره

خذه وسعره راهي عليه

بس وشو مواصفاته؟

[رحماك ربي]

تسلم يا (ابوخالد) عالرد الطيب

وإن شاء الله بشوف عينه شو لونها عالطبيعه

حاولت انزل فالسعر بس صاحبه ما طاع ينزل بشوفه وبقرر إن شاء الله.

[mohab3400]

http://www.donotclickonthislink.com/

[رحماك ربي]

اخوي (مساعد بن محمد) تسلم عالرد والمشاركه

مواصفاته تو بادي يتكلم يقول كوكو وهلو ويطقطق ويصفر ويركب عاليد وسلامتك

[fawzi]

[quote=رحماك ربي;1619590]السلام عليكم ورحمة الله وبركاته
,وعليكم السلام وحمه الله وبركاته

شباب بغيت مساعدتكم باسرع وقت وخاصه اخواني اللي عندهم خبره واخوي غسان( ابوفيصل)
وكلكم فيكم الخير إن شاء الله.
ان شاء الله الكل فيه خير

حبيت اشتري هالطير وبغيت ارائكم قبل ما اشتريه
الله يباركلك فيه وطير حلوه

صاحبه يقول عمره 11 شهر تقريبن هل هذا صحيح؟؟
نعم الطير فرخ واضح من قزحيه العين

شو رايكم في حجمه ولونه؟؟

حجمه جامبو ماشاء الله عليه
يقولي انه كميروني مب فريقي شو الفرق انا اشوف نفس الافريقي والكميرون في افريقيا ؟؟

نعم هو افريقي من منطقه الكيمرون والفرق الي بينهم ان الكيمرون لونه يجي افتح من النيجيري والكونجو والكيمرون رقبته تيجي اطول تقدر تشوف الفرخ اذا خليت الكونجو والكيمرون
مطلوب فيه سعر نهائي 2200 درهم هل السعر مناسب؟ مع العلم انه تو بادي يتكلم يقول كوكو وهلو ويطقطق ويصفر؟؟؟؟

سعره بالنسبه لي شوي غالي بس الطير يستاهل وطير ماشاء الله عليه مرتب ونظيف
واذا انت لك رغبه في الطير الله يباركلك فيه ويحفظه لك تحياتي لك وتقبل مروري .
انتظر ارائكم ونصايحكم جزاكم الله خير. :confused:






http://www.m5zn.com/uploads/2010/7/24/photo/072410120739mu01q9g8r3m.jpg (http://www.m5zn.com/)

http://www.m5zn.com/uploads/2010/7/24/photo/072410120739fdvrs7etmmtd.jpg (http://www.m5zn.com/)

http://www.m5zn.com/uploads/2010/7/24/photo/072410120740gzy2bi4gfurk9awxw10.jpg (http://www.m5zn.com/)

[رحماك ربي]

اخوي (فوزي) جزاك الله خير وما شاء الله عليك جواب كافي ووافي وانا خاطري فالطير وباخذه إن شاء الله

الله يزيدك من ويزيد اخوانا الاعضاء من فضله.

[fawzi]

اخوي (فوزي) جزاك الله خير وما شاء الله عليك جواب كافي ووافي وانا خاطري فالطير وباخذه إن شاء الله

الله يزيدك من ويزيد اخوانا الاعضاء من فضله.

الله يهنيك فيه ان شاء الله وهذه صوره توضح لون الكونجو ولون الكيمرون




هذا طبعا الكونجو وشوف الحجم ضخم بس الرقبه تجي قصيره ولونه غامق



http://www.2zoo.org/get-7-2010-2zoo_org_gbjpx07v.jpg (http://www.2zoo.org)





وهذ طبعا الكيمرون الافريقي وشوف الفرق في اللون والرقبه هو مشكلته انه لاف رقبته لاكن هي طويله



http://www.2zoo.org/get-7-2010-2zoo_org_mkt0m66r.jpg (http://www.2zoo.org)

[رحماك ربي]

تسلم اخوي (فوزي) عالتوضيح ما قصرت فعلن الفرق واضح ومعلومه جديده عن الافريقي.

[أحبك توتو]

ما شاء اللـه سعـره يعتبـر رخيـص على مواصفاته

[رحماك ربي]

مشكوره اختي عالرد (احبك توتو)

وإن شاء الله راح اشتريه والله يبارك لي فيه.
آمييييييييييين

[رحماك ربي]

اشكر جميع الاعضاء عالردود والمشاركات الطيبه اللي افادتني في موضوعي. :freind:

لكم فائق الاحترام والتقدير. :88:

[0SSS0]

الله يوفقك بالتوفيق

[لمسة احساس]

مرحبا بالنسبه للعمر اعتقد بأنه أكبر من 11 شهر من لون العين أما السعر اعتقد شوي غالي لأنه طيري كان عمره خمس شهور ومدرب ب1900 درهم

هذا بعد حلو ولازم تختار له اسم قبل كل شيء والله يوفقك