وش نوع هالقطوة

[أبو راشد]

السلام عليكم


وش نوع هالقطوة ؟



الصور:

http://www.2zoo.org/get-7-2010-2zoo_org_an6sa4jv.jpg


http://www.2zoo.org/get-7-2010-2zoo_org_krvqftnt.jpg

[صخر87]

مادري والله


بس ابي اسألج من وين اشتري الطوق الي على رقبتها

[أبو راشد]

اي محل حيوانات

[pomme]

السلام عليكم أخوي بو راشد
حبيت أسأل معاها شهادة ميلاد ولا لأ؟
والقطوة تشبه إلي باينه عندك بالصورة ..؟
إذا تشبها فهي سيامي هجين
http://www.2zoo.org/get-7-2010-2zoo_org_xv95xcrw.jpg (http://www.2zoo.org)

[أبو راشد]

والله ياختي اني لقيتها بالشارع ودورت على اهلها في حارتنا ومالقيت احد

وجوعانه مسيكينه قمت وعطيتها اكل وموية

وهذاها نايمة جنبي


المشكلة شكلها لها فترة مشرده لانها نحيفة مسيكينه




وماظن تشبه اللي بالصورة اغلب الظن لا

[pomme]

الله يجزاك خير يا أخوي لك الأجر إن شاء الله
إنزين شوف الطوق مو مكتوب عليه عنوان أو أي شي ممكن رقم تلفون

[صخر87]

ماشاءالله لك الأجر



:)

[أبو راشد]

بحثت من قبل عن رقم وللأسف ماحصلت شي

والقطوة من كم يوم شفتها عند بيت جيراننا وكنت اتوقع انها حقتهم

لكن للأسف مو حقتهم

هي الآن ولفت معي ماشاء الله عليها وتلعب

بس ماودي راعيها او راعيتها يضيق صدرهم عليها




بس سؤااال .. حلماتها شوي بارزة على خفيف

هل معناته حامل أو توها والده !!!


بكرة بوديها بيطري اتاكد من صحتها

[عاشقة البلابل]

سيامي مهجنة على شيرازي

[pomme]

السلام عليكم أخوي مرة ثانية
من ناحية أنه القطوة حامل فما أعتقد
ليش باين من الصورة أنها ضعيفة حييل أو مثل ما قلت توها والدة
والأفضل تاخذ براي الطبيب ليش أنها قدام مو عندي علشان أفتي
أنزين أبي أقولك على شي لين تروح البيطري إن شاء الله باجر شوف لوحة الإعلانات ممكن تحصل
إعلان قطة مفقودة تشبه مواصفات إلي عندك
أما إذا أنت تبيها فخلها عندك
والتوفيق إن شاء الله

[أبو راشد]

طيب اختي

انا عندي كروان وعندي كاسكو

هل هالقطوة تسوي لهم شيء !!

هذا خوفي الوحيد

ومن ناحية اني اخذها مارح اخذها لي الا لمن اتاكد ان مالها صاحب ذيك الساعة ماقول لا
لان سبق وربيت قطوة من قبل وعاجبتني الفكرة

[أبو راشد]

وسؤال أخير من بعد اذنك

اول مرة اروح بيطري عشان قطوة

وش الاشياء المهمة لها مثلا تطعيمات وايش

وهل اقدر اطلع لها شهادة او لا

[pomme]

هلا أخوي أنا عندي اثنين لوف بيرد ما يأذيهم إلي يهجم على القفص على العكس
بس يتأملهم وهما بصحن
لووووووول
لا تخاف قطوة البيت ما تأذي مثل قطوة الشارع ليش أنها في البيت تكون شبعانه من الأكل والدلع
وبالنسبة للبيطري
في للقطوة تطعيمات الدكتور كل مرة يعطيك موعد لها وبالنسبة لشهادة الميلاد من الطبيب بعد
ممكن ليش أنها كبيرة راح يعطيك عمر افتراضي وراح يحدد لك نوعها والفصيلة وكل هذا بشهادة الميلاد
والله يوفقك

[أبو راشد]

يعطيك الف عافيه اختي

لو انك بالرياض كان رسلتها لك

لونها وشكلها جدا جميل سبحان خالقها

وان شاء الله عقب ماتزين صحتها بصورها واحط صورها لكم

[pomme]

ولو أخوي عادي
دام أعرف شي ليش أبخل
ومن غير ما ترسلها الله يخلي النت
مثل ما قلت صورها وحط صورها في موضوع
ومن ألحين أقول كييييييييوت
بالتوفيق إن شاء الله

[أبو راشد]

يعطيك العافيه وشكرا لك مرة اخرى

[اخت امل]

جزاك اللة خير على انك اخذتها ورحمتها من الشارع وقسوة البزارين
اللي فية. وعن النوع مالي خبرة فيها بس ماشاللة حلوة ولمن تسمن بتحلو اكثر

[أبو راشد]

الله يسعدك شكرا لك اخت امل

[Octopus]

بنسبة لنوعها اضني نوعها رومية يعني قصدي بلدي طويل الشعر لانها تكون احتمال امها بلدية وابوها شيرازي:)