مساعده من خبراء الكوكاتو

[رحماك ربي]

السلام عليكم ورحمة الله وبركاته

شباب اليوم رحت السوق وحصلت كوكاتو (مالكون) سوبر جامبو عمره 8 شهور معاه جواز واليف جدا يقول السلام عليكم وهلو وهاور يو ويصفر.

سعره نهائي 9000 درهم شو رايكم فالسعر ؟

[كاسكـــو]

انا ما افهم في الدرهم للأسف

لكن لو كان هذا الببغاء بنفس مواصفاتك المذكوره بالسعوديه وبـ 9000 الاف ريال

اقول سعره حلو ومناسب ومعقول

كوكاتو مولوكان +سوبر جامبو + صغير بالعمر + اليف + متكلم + يحمل جواز

[رحماك ربي]

اخوي (كاسكو) مشكور عالرد

الدرهم نفس الريال السعودي ما في فرق.

[رحماك ربي]

شباب آرائكم جزاكم الله خير!

[أحبك توتو]

أنا أقوول السعر غالي بس المواصفات هـذي تستاهل !لسعـر و الله يوفقـك إن شاء الله أنا أقوول إخذه و توكل على اللـََ

[كاسكـــو]

اخوي (كاسكو) مشكور عالرد

الدرهم نفس الريال السعودي ما في فرق.

بما ان العمله نفس الشي

احب اقول لك السعر حلوو ومناسب

تعال شوفها عندنا بالرياض مولوكان أقل مواصفات من المذكور

على 8000 و 9000

[شاهيـن]

السعر مناسب
بالتوفيق

[امير دبي]

الكوكاتو طير روعه خبال

بس مو بارع بالكلام اذا انت كنت تبا تاخذ الكوكاتو حق الكلام والتصفير بهذا السعر ماينفع انا تاخذه لكونك تب الكوكاتو وحركاته البارعه باللعب والرقص انا اشوف السعر لا بأس فيه بس تأكد من انه يتكلم قدامك ولاتاخذ بكلام صاحب البيع لين ماتسمعه
والي ياخذ طير بهذا السعر لازم يفحصه فحص جيد انا انصحك تفحصه فحص شامل تعرف السوق كيف الامراض والفايروسات منتشره فيه

والله يوفقك

[رحماك ربي]

مشكوره اختي (احبك توتو) عالرد.

بس ما زلت متردد اشوي

[رحماك ربي]

مشكور اخوي (كاسكو) عالردود والمساعده جزاك الله خير

[رحماك ربي]

اخوي (شاهين) تسلم عالرد

[رحماك ربي]

اخوي (امير دبي) هيه انا اباه حق لعب ووناسه ادريبه فالكلام مب لين وين.

مشكور عالرد الظيب

[بندولة حب]

السعرمناسب

بس لو تبي نصيحتي

طيور الكوكاتو كلها مرحه ومزعجه وبقوه ماعدى الجالا

وانا من الناس اللي يحبها بس مشكلتي الازعاج وجربتهم

واهدا نوع الكوكاتو جالا واشتريته والحمدلله اهدا من غيره

انت لاتتسرع قبل لاتصلي استخاره وتجرب صوته واذا انت راعي حساسيه لاتشتريه

[رحماك ربي]

مشكوره اختي (بندولة حب) عالرد الجميل

بس شو الازعاج اللي يسببه الكوكاتو؟ افيديني جزاك الله خير!

واكيد بستخير إن شاء الله قبل ما اشتريه ومشكوره عالتذكير.

[fawzi]

هلا اخوي ابي اقولك معلومه عن الكوكاتو وخاصه المالكون ترى مزعج جدا وخاصه في الليل حساس لاي حسس صوت انت اذا تبي تشتري بغبغاء لازم تعرف حسنات الطير وسياته الكوكاتو مو ماستر في الكلام بس في تعلم الخدع بارع وتعلم الرقص مافيه بغبغاء احسن منه طائر حبوب يعشق راعيه لدرجه الجنون حنون يلعب مع الكل بس من ناحيه السعر انت وراحتك انا بالنسبه لي صراحه مااشتري كوكاتو بالسعر لانه غالي انت فكر قبل ماتشتري الصبر زين .تحياتي لك وتقبل مروري

[كاسكـــو]

الصراخ لبعض الكوكاتو هي عاده سيئه ولا يفضلها المربين << لاحظ قلت لبعض وليس الكل

لدرجه انك ممكن تصاب بالملل من صراخه وتعرضه للبيع

وهي يطلق اصوات مزعجه مثل قققققققق قققققققققق او عععععععع عععععععععع مقاربه لكذا :D

وهي اسبابها كثيره احيانا عند اللعب يصارخ اذا جلس بروحه يصارخ في الظلام يصارخ اذا مسكر عليه القفص يصارخ

ولاحظ انا قلت احياناً يعني مو شرط

وفي الحقيقه انا عندي كوكاتوو يصرخ نادر جداً جداً يعني بالاسبوع احياناً وليس دايم اسمع صرخه او صرختين بس

يعني ليس كل الكوكاتو مزعجه انما البعض منها فهذي مسأله حظ انت وحظك

لابد عند الشراء تسأل صاحب الطير عن طيره هل هو يصارخ ومزعج او لا

[المسافر777]

بالنسبة للسعر ما ادري بس مثل ماقالوا الاخوان تأكد منه

وتاكد انه فعلاً يتكلم انا اخذت كوكاتو من واحد من المنتدى قال انه يتكلم ولما اخذته طلع اطرم وارسل للي شريته منه قال انا ماقلت انه يتكلم !!!

اذا الطير في محل عسكر في المحل حتى لو 4 ساعات شوف الطير وحركته وكلامه وتأكد من اكرمك الله البراز حقه ...

[رحماك ربي]

اخوي (فوزي) مشكور عالرد.

صراحه انا ما احب البغبغا يكون مزعج وعندي( (الوالده)) ما تحب الازعاج كان عندي امازون قبل فتره وكان مزعج وبعته والسبه (الازعاج)

شكلي صراحه بهون 9000 درهم مب اشويه المبلغ!!!

[رحماك ربي]

اخوي (كاسكو) صراحه انا ما احب الازعاج من الطائر... لعب ووناسه وخدع اوكي بس ازعاج ععععع و قققققق صراحه ما بتحمل هههه.

وعن سؤال صاحب الطير عن الازعاج للاسف اغلبية الباعه لا يصدقون.

[رحماك ربي]

اخوي (المسافر777 ) مشكور عالرد.

صراحه كلامك صح. انا يلست عنده تقريبن نص ساعه ما شاء الله الطير نشيط. بس ما تكلم ولا كلمه بس كان يصفر.

[سنايديه]

السلام عليكم

والله ياخوي من ناحية ازعاج الطير او صراخه فهي فعلا مشكله كبييره وللاسف بعض الاهل

متعودين على الهدوء ومايبون ازعاج

شريت امزوني من شهر ويدي على قلبي لا يطربنا بصراخه لان ليلحين الاخ

ما اخذ راحته في المكان وعلى قولتك الوالده عندي لو تسمع نص صرخه بنصير

انا وياه في قارعة الطريق :D

من ناحية السعر اللي ذكرته للكوكاتو مدري بس احسه غالي شوي

ومدري هل يوجد فرق كبير مابين المليكون والسلفر لاني سبق وشريت سلفر

باربع الاف ريال

[ابوخاالد]

معليش اخوي 9000 درهم مبالغ فيه جدا

لو بتدفعها بالكوكاتو صدقني بكرا لو الطير يعطس بيمغصك بطنك

[رحماك ربي]

اخوي (سنايديه) صراحه لازم نسير نشتكي في جمعية حقوق الانسان ما يخلونا نمارس هوايتنا لازم ضوابط وشروط. هههه

وعن الفرق بين المالوكن والسلفر فرق كبير فالسعر. لان المالوكن نادر.

ليش بعت السلفر مالك؟

[رحماك ربي]

اخوي (ابوخالد) مشكور عالرد

صراحه كلامه صح خاصه مغص البطن ههههه

[بندولة حب]

مشكوره اختي (بندولة حب) عالرد الجميل

بس شو الازعاج اللي يسببه الكوكاتو؟ افيديني جزاك الله خير!

واكيد بستخير إن شاء الله قبل ما اشتريه ومشكوره عالتذكير.

الازعاج قصدي الصراخ اللي اذا راق الطير او شاف احد غريب طلعه وربي الصوت اجرام

صراخ يصم الاذن وربي مجربته اشترية كوكاتو وربي رجعته على طول من صراخه

[رحماك ربي]

تسلمين اختي (بندولة حب) هذا شيء مزعج صراحه. سبحان الله كل شيء فيه حسنات وسيئات والكامل (الله سبحانه وتعالى)

[امير دبي]

صح بخصوص الصراخ ياخوي تراه انا عندي واحد وصراخه فضيع فضيع والله اذكر يوم اشتريته واول مره اسمعه يصرخ
قلبي قام يدق بسرعه لان صراخه ثاقب بس بصراحه الي عندي مايصرخ وايد عاد على حسب انت وتدريبك له واذا تبي تعرف كيف صراخه هذا فيديو شوفه وانت احكم وع فكره هو يصارخ بأي وقت مش من الخوف او شي مرات من الملل مرات يبا حد عنده مرات هو يلعب اخيلك مع الفيديو


FxUo2YZorNY

[سنايديه]

مشاء الله على ها المليكون يطلع منه طرب طرب ,يطرب اهل البيت والجيران والحاره

غرااب غرااااب

هذا مستانس وكذا اجل لو زعلان وش بيسوي :confused:

هذا لوبيعطوني اياه ببلاش ويعطوني معه كورفت مابغيته

9000 من زينه والله يا الدجاجه املح منه وافيد منه

هو وسيقانه سيقان سلوى :D


اما عن السلفر الي بعته بصراحه كان رااائع بكل معنى الكلمه لكن سبب البيع

اول حاجه المسحوق الابيض الي يطلع من اريشه كان مثل الطحين وللاسف عندي واحد من الاهل

فيه حساسيه قلت بعد لايموت علينا وينشبونا فيه

وفي نفس الوقت كانت جدا لعوبه وذكيه وكان لازم لها اهتمام خاص جدا فيها لانها تستاهل

الاهتمام الخاااص فيها لكن كان عندي امزوني وماقدرت اوفق بين الاثنين للاسف

ولا ابي اظلم واحد على حساب الثاني خصوصا انها قهرت الامزوني قهر جابتله الحاله النفسيه

صار يصارخ من قمة راسه كل ماشافها :D وهي ماقصرت فيه:88:

عشان كذا عطيتها للي ستاهلها ويدلعها ويعززها

واسفين طولنا عليك

[كاسكـــو]

[CENTER][COLOR="Blue"]صح بخصوص الصراخ ياخوي تراه انا عندي واحد وصراخه فضيع فضيع والله اذكر يوم اشتريته واول مره اسمعه يصرخ
قلبي قام يدق بسرعه لان صراخه ثاقب بس بصراحه الي عندي مايصرخ وايد عاد على حسب انت وتدريبك له واذا تبي تعرف كيف صراخه هذا فيديو شوفه وانت احكم وع فكره هو يصارخ بأي وقت مش من الخوف او شي مرات من الملل مرات يبا حد عنده مرات هو يلعب اخيلك مع الفيديو


FxUo2YZorNY

قسسسسسسسسم ازعاااج :eek:

هههههههههههه هذا الامبريلا ملك الازعاج معروف

على قولت سنايديه هذا وهو مستانس :confused:

حتى انا طيري سلفر هادي وحبوب ماعنده ازعاج

[سنايديه]

http://store2.up-00.com/Aug10/BTp02340.jpg (http://www.up-00.com/)

هذا المليكون الي تقصد مشاء الله شكله حلو فعلا النوع نادر

بس انا اختلط علي الامر بينه وبين الامبريلا:D

[ابوخاالد]

صح بخصوص الصراخ ياخوي تراه انا عندي واحد وصراخه فضيع فضيع والله اذكر يوم اشتريته واول مره اسمعه يصرخ
قلبي قام يدق بسرعه لان صراخه ثاقب بس بصراحه الي عندي مايصرخ وايد عاد على حسب انت وتدريبك له واذا تبي تعرف كيف صراخه هذا فيديو شوفه وانت احكم وع فكره هو يصارخ بأي وقت مش من الخوف او شي مرات من الملل مرات يبا حد عنده مرات هو يلعب اخيلك مع الفيديو


FxUo2YZorNY

ههههههههههه ذكرتني باللي كان عندي

شريته يوم اربعاء العصر وخبركم الخميس مافي دوام

قمت على صراخه الساعه 7 الصبح ههههههههه

قسم بالله بغيت اذبحه قاموا البيت على صراخي معه ..اسسسسسسسكت يااااااااااااا ..........

وماجا عصر الخميس الا انا مرجعه للي شريته منه

بس انا غشيم بالكوكاتو اللي عندي عرفه اصفر هل له اسم ؟؟؟

وشريته بـ 1200 قبل 16 سنه
ومستغرب من اسعارها الحين !!

[رحماك ربي]

هلا اخوي (امير دبي) صراحه مب طالع عندي الفيديو يمكن لاني اتصفح من البلاك بيري.

تسلم عالفبديو وعالتوضيح وافهم من كلامك اين اذا دربته واهتميت فيه ما راح يزعج؟

[رحماك ربي]

لا يا اختي (سنايديه) الماليكون طائر جميل جدا يجذبك يوم تشوفينه وهذا اللي شدني له (طائر نادر جميل جدا لعوب) ولكن على قولتج غراب هاهاهاهاها.

وزين سويتي انك تخليتي عنه عشان ما ينظلم ويطربج بصريخه المزعج.

بس هل مازال مزعج عند صاحبه الجديد ولا هدا بعد ما حصل اهتمام كافي؟

[رحماك ربي]

اخوي ( كاسكو) انا اتكلم عن الماليكون مب عن الامبريلا!

يعني يمكن المليكون اهدا من الامبريلا وما يسوي ازعاج؟

طيرك سلفر كريستد؟

[سنايديه]

http://store2.up-00.com/Aug10/BTp02340.jpg (http://www.up-00.com/)

هذا المليكون الي تقصد مشاء الله شكله حلو فعلا النوع نادر

بس انا اختلط علي الامر بينه وبين الامبريلا:D


اخوي لاحظ اني سبق وقلت لقد التبس علي الامر مابين الماليكون والامبريلا

يعني انا يوم ذميت كنت اقصد الامبريلا الموجود في الفيديو الي وضعه اخونا امير دبي

اما الماليكون نعم طائر يستحق القيمه المذكوره فهو نادر وجميل

اما من ناحية كوكتي الي كانت عندي ما كانت تصارخ ولا كانت مزعجه وصاحبها الحين مدري عنه

هي وياه

اشكرلك سعت صدرك

[رحماك ربي]

اخوي (ابوخالد) الكوكاتو انواع واغلاها الملوكن ويليه البقيه وتبدا اسعار الكوكاتو عندنا فالامارات من 2500 للفرخ وتصل إلى 8000
وعن 1200 درهم هذا قبل 16 سنه الحين الحال غير يا اخوي.

الحين فرخ الكاسكو العادي ب1400 درهم

[رحماك ربي]

تسلمين يا اختي (سنايديه) على تفاعلج مع الموضوع وجزاش الله خير.

[كاسكـــو]

اخوي ( كاسكو) انا اتكلم عن الماليكون مب عن الامبريلا!

يعني يمكن المليكون اهدا من الامبريلا وما يسوي ازعاج؟

طيرك سلفر كريستد؟

انا علقت على صاحب مقطع الفيديو وقلت الامبريلا ملك الازعاج لانه فعلاً اكثر الكوكاتو ازعاج

ايه طيري سلفر

وبالنسبه للأزعاج صح فيه كوكاتوات تكون اهدأ من غيرها وبعضها ماعنده ازعاج من الاساس

[امير دبي]

انا علقت على صاحب مقطع الفيديو وقلت الامبريلا ملك الازعاج لانه فعلاً اكثر الكوكاتو ازعاج

ايه طيري سلفر

وبالنسبه للأزعاج صح فيه كوكاتوات تكون اهدأ من غيرها وبعضها ماعنده ازعاج من الاساس

مرحبا اخوي كاسكو الغالي

هيه الصراحه الكوكاتو ملك الازعاج الصراحه وصوته عالي جدا كثر ما احاول اوضح لكم غير عن الطبيعه بس يبقى حلو بشكله وبحركاته وتصرفاته

[امير دبي]

هلا اخوي (امير دبي) صراحه مب طالع عندي الفيديو يمكن لاني اتصفح من البلاك بيري.

تسلم عالفبديو وعالتوضيح وافهم من كلامك اين اذا دربته واهتميت فيه ما راح يزعج؟

مرحبا اخوي
اول شي احب اقولك الله يعينك شكلك متعود ع البلاك بيري والخدمه بتودع

اما بخصوص الصراخ والتدريب تراه هو عموما كل الكوكاتو تقريبا ونسبيا معدل الازعاج عالي

اتخيل انا عندي كوكيتل وطبعا هو من فصيلة الكوكاتو وصغير فصعوون من كثره حشرته وازعاج والله مرات اكون راقد اقوم اطلعه من قفصه واحطه بغرفه بروحه واسكر عليه الباب عشان يسكت

بس انا اعطيك ضمان انك اذا دربت طيرك وعلمته يترك عادت الصراخ يعني رح يتركها ولا رح يسمع لها حس والتجربه خير برهان ( انا عندي كوكاتو كان يصارخ بس مع التعويد ومع بعض التدريبات الي اتخذتها خليته مش يتركها نهائيا بس صارت يعني تحسن بنسبة 90 % ) وارجع واقول يالغالي على حسب التدريب والجو والبيئه الي عايش فيها

وربي يوفقك

[بندولة حب]

ههههههههههه ذكرتني باللي كان عندي

شريته يوم اربعاء العصر وخبركم الخميس مافي دوام

قمت على صراخه الساعه 7 الصبح ههههههههه

قسم بالله بغيت اذبحه قاموا البيت على صراخي معه ..اسسسسسسسكت يااااااااااااا ..........

وماجا عصر الخميس الا انا مرجعه للي شريته منه

بس انا غشيم بالكوكاتو اللي عندي عرفه اصفر هل له اسم ؟؟؟

وشريته بـ 1200 قبل 16 سنه
ومستغرب من اسعارها الحين !!

هههههههههههههههههههههههههههههه انا اشتريته وماكنت اعرف انه مزعج ولما وصل للبيت باالليل

من شد ماشفة بنفس الليله رجعته

الله لايعيد هذيك التجربه بعذر الاسترالين لما يذبحونها اثاريهم معانين الويل منها خراب وصراخ