كاسكو عمره سنتين ولا يتكلم !!

[مـحـمـد]

السلام عليكم

عندي كاسكو عمره سنتين ونص وتقريبا عندي من سنتين في البيت

وفي الصاله .. يعني يسمع كلامنا طول الوقت

وفترة الصباح يكون لحاله وبعض المرات امر جنبه ارمي عليه كلام وانا ماشي

لكن للأسف ما تكلم للحين

له اكثر من شهرين يقول كلام مو مفهوم

جميع انواع التصفير يسوييه .. حتى اننا نخترع تصفير من عندنا ونكرره عليه اربع مرات في اليوم .. من بكره نلقاه يصفر مثلنا

قال لي واحد حطه عند ناس ثانين .. وفعلا وديته بيت صديق لي وجلس عندهم اسبوعين .. وبعد ما رجعته تغير من ناحية ان فيه اصوات جديده .. بس ما تكلم

اسف على الاطاله .. بس قلت اكتب الموضوع بالتفصيل افضل .. قبل ما اوديه للسوق :64:

[الاثلة]

وعليكم السلام ورحمة الله وبركاته

اعتقد ان ترك الطير في مكان جلوسكم غير كافي تماما بمعنى انك لا بد تلقن الطير الكلام وتبدأ بالكلمات

البسيطة وبإذن الله تسمع منه ما يسرك

دمتم سالمين

[fawzi]

السلام عليكم

عندي كاسكو عمره سنتين ونص وتقريبا عندي من سنتين في البيت

وفي الصاله .. يعني يسمع كلامنا طول الوقت

وفترة الصباح يكون لحاله وبعض المرات امر جنبه ارمي عليه كلام وانا ماشي

لكن للأسف ما تكلم للحين

له اكثر من شهرين يقول كلام مو مفهوم

جميع انواع التصفير يسوييه .. حتى اننا نخترع تصفير من عندنا ونكرره عليه اربع مرات في اليوم .. من بكره نلقاه يصفر مثلنا

قال لي واحد حطه عند ناس ثانين .. وفعلا وديته بيت صديق لي وجلس عندهم اسبوعين .. وبعد ما رجعته تغير من ناحية ان فيه اصوات جديده .. بس ما تكلم

اسف على الاطاله .. بس قلت اكتب الموضوع بالتفصيل افضل .. قبل ما اوديه للسوق :64:

هلا اخوي اذا الطير يتكلم بكلام غير مفهوم يعني بشاره طيبه والحمدلله الطير في محاوله الكلام انت اصبر عليه وانا اخوك الصبر مفتاح الفرج انت قلت الطير عندك سنتين والافريقي يعيش ماشاء الله فوق الخمسين سنه اذا الله كتبله عمر وحصله الاهتمام والعنايه انت الحين وش تسوي غير الكلام الي انت دايما تلقنه اياه لقنه كلام اسهل وان شاء الله بتكلم الله يوفقك ان شاء الله تحياتي لك

[كاسكـــو]

الطير اليف ولا وحشي ؟

لأنه كذا تفرق الاليفه تتقبل اكثر من الوحشيه

لكن مدري عن طيرك على العموم انتظر ردك ولي رجعه يالغالي

[يوفاوي الكويت]

اخوي لا تبيع الطير

اتمنا انك تقعد من الطير باليوم لو ربع ساعه بس وتعطيه كلمه سهله يعني بالكثير اربع حروووف

بالنسبه انك تخليه عند ناس ثانين هذي صح بس يكون عندهم طير يتكلم لان الطيور تتعلم مع بعضها بسرعه

ومن غير تلقين بالكلام

اهتم بالطير شوي واقعد معاه وان شالله تسمعه يتكلم

[كاسكووووو]

دامه كلامه مو مفهوم المشكله بالتلقين

[مـحـمـد]

شكرا لكم يا جماعه

وبالنسبه للطير فهو أليف مع الجميع

تنصحوني ابعده عن مكان اجتماع العائله او اخليه لحاله ؟ و اسمعه كلام واتركه لوحده ؟

[fawzi]

والله يااخوي الي انا اعرفه اذا بقيت تلقن الطير الكلام الواضح لازم يكون انت معاه بس علشان يركز معاك لانه اذا فيه ازعاز تركيز البغبغاء راح يتشتت

[كاسكـــو]

شكرا لكم يا جماعه

وبالنسبه للطير فهو أليف مع الجميع

تنصحوني ابعده عن مكان اجتماع العائله او اخليه لحاله ؟ و اسمعه كلام واتركه لوحده ؟

قلت لك اني راح ارجع بعد الاجابه

بما انه اليف شي طيب وانت اتركه بمكانه عادي

لكن لازم تلقنه كلام واحد بدون تغيير على الاقل لمده ربع ساعه وفي اليوم اكثر من مره
وبكره نفس الشي واللي بعده نفس الشي وهكذا

المهم تحرص على نوووم الطير بالليل على الاقل 8 ساعات بالظلام عشان يكون مفتح ومستوعب معك
وتوفر له الهدوووء اثناء النوم عشان تحصله فتره النهار نشيط ويتقبل اي شي

[د. إحتـراف]

تفضل هذا الموضوع ان شاءالله يفيدك


http://www.2zoo.com/vb/showthread.php?t=170230

تقبل مروري

[عاشق الكاسكو2030]

يمكن طيرك يسمع كلام وايد فيتراكم عليه فما يقدر يتكلم وبعد حرام تبيعة تم معاك سنتين

[مـحـمـد]

بارك الله فيكم ونفع بكم


شكرا لكم واستفدت كثير منكم

كثر الله من امثالكم