تربية اكثر من ببغاء في نفس المكان؟

[السيفين]

السلام عليكم ورحمة الله وبركاته..
سوالي اليوم لاهل الخبرة والعلم في حياة الطيور, واكون شاكر ومقدر لردودكم.
هل ممكن تربية اكثر من ببغاء من نفس الفصيلة (افريقي) في نفس المكان يعني كل طير في قفص؟ السوال اذا سمحتو هل ياثر على الطير من ناحية الولف والكلام مع العلم ان الطيور لسه صغيرة اعمارها تحت السنة وما تتكلم. ياريت اللي عنده تجربة سابقة يوضح لنا. ويفيدنا ايش الايجابيات والسلبيات.

شكرا وتحياتي للجميع
السيفين

[عازف الكيبورد]

السلام عليكم


أخوى أنا أربي أكثر من 100 ببغاء بنفس المكان ولكنها أجواز للأنتاج ولا توجد مشاكل


أذا كان هدفك التدريب والكلام فهناك من يفضل فصل كل طائر لوحده حتى لا يأخذون من بعض

التصفير والازعاج وغيره ويكون كل طائر كلعجينه بيدك تشكله زى ما تحب لأن طبيعة الطير

يميل للطير الاخر أكثر من الانسان ويحاول تقليده وهناك من يميل لتربيت طيرين مع بعض

أو ثلاثه مع بعض وتدريبهم مع بعض

أنا أنصحك بلفصل وتدريب كل طير لوحده حتى يتعلق بك أكثر ويتلقي منك أسرع

وجود طائر أخر يشغله عنك وعن تدريبه ولو تعلقو في بعض وفارقتهم مستقبلا

قد يؤثر على الطير ويبدأ بنتف ريشه لن الكاسيكو حساس

[السيفين]

سلمت ياغالي على التوضيح...
هل تقصد بالفصل يعني كل طير اخليه بمكان في نفس البيت او افصلهم نهائيا واسويله خروج نهائي من البيت..بصراحة الحل الثاني صعب ولازم اخلي الطيرين في نفس المكان..

ياريت اللي ربى ودرب اكثر من كاسكو في نفس المكان يفيدنا

مرة ثانيه اشكرك ويعطيكم العافية

[no0La]

أإخوي اذا شايف الطيرين متأقلمين
يعني مثلا الاول مايعلم الثاني التجعير او التصفير فقط
اذا فيه ايجابيات خليهم ويا بعض واذا العكس يفضل فصلهم
لفتره فقط حتى يتعلمون من بعض الاشياء الحلوهـ كلمات حركات . . الخ


موفق اخوي

[كاسكوكيه]

السلام عليكم و الرحمه

:)

من واقع تجربتي.. ربّيت طيرين كاسكو.. مع بعض.. بس فالفتره الاخيره.. قررت اني افصلهم.. كل واحد في غرفه.. و اكتشتف ان هالشي احسن..

مثل ما قال اخوي عازف الكيبورد.. ابعاد الطيور عن بعضها.. ما تعطيها فرصه انها تركز على اللعب مع الطير الثاني.. بالعكس.. بتركز عليك انته.. و كلامك..

انا بخبرك شو سويت..

شلت طير واحد و حطيته في غرفه ثانيه.. و الباقيين في غرفتي .. :D ما استغني.. لمدة اسبوعين.. كل يوم اروح اول ما افتح الباب.. اقول له.. السلام عليكم.. و اطلع اقول له يالله باي.. هذا الطير عمره سنتين.. و لقيته بعد فتره .. يقول... يالله باااي.. اول ما يشوفني اطلع من الغرفه..

قبل.. كان يقلدني.. بس صوته مش واضح.. و كان دايمن يزعق مع الباقيين هههههههه و كان ازعاج .. الحين قاعد يركز على كلامي.. مش على الزعيق..

و صرت بالدّور.. كل واحد فيهم يقعد له اسبوع في المنفى هههههه :D بس هالشي خلاّهم يركزون على صوتي و نبرته و الكلمات.. اكثر من انهم يتواصلون مع بعض

وناويه استمر.. لغاية ما ينسون الزعيق.. و يتعودون على الهدوء.. :)

حتى الأمزوني.. اجدد ببغاواتي.. صار يحاول يتكلم.. لانه صارت له فرصه يسمع الكلام.. بعيد عن الازعاج السابق.. ^_^

الفكره مش انك تتخلص منهم نهائي.. او من واحد فيهم.. اتوقع اخوي عازف الكيبورد يقصد نفس الكلام الي شرحته لك.. لو ناوي تعلمهم الكلام.. :)

[عازف الكيبورد]

نعم مثل ما تفضلت أختى كاسيكوكيه فصل كل واحد بغرفه

[السيفين]

الله يعطيكم العافية جميعا على التوضيح
..
أنا راح اتوكل على الله و ابدا التجربة وان شاء الله افيدكم بالنتائج في هذا المنتدي القيم,,
مرة ثانية أشكركم وتحياتي للجميع
السيفين

[كاسكـــو]

انا اعطيك من واقع تجربه

جربت ان ادرب طيرين بمكان واحد

بصراحه لاقيت صعوبه منهم وهي :

عدم التركيز مايركزون معاي

يقعدون يصفرون لبعض ويطلعون بعض الاصوات ومشغولين عني

اذا واحد طلعته من القفص على طول ينزل ويروح للطير الثاني

عشان كذا اقول لك افصلهم عند التدريب

[السيفين]

مشكورين على الردود الوافية....

تحياتي
السيفين