يأست من اليلوكروند

[ri940449]

السلام مرة اخرى

صراحة ابي افيد تجربتي الاولى بالامازون

صار لي اكثر من اربع اشهر من شريت اليلو كروند الحمد لله صحته طيبه صار اليف اكثر واكثر اللي الكلام مو راضي ينطق، يحاكي الكلام بس، اخذنا نصايح الخبراء كلها بس مو راضي يتكلم، رددنا عليه كلمة وحدة ترديد شخصي طول هالمدة وحطينا له مسجل وركبنا مرآة بس مو راضي ينطق.

هل انتو متاكدين انه اليلوكروند ينطق شباب؟
وهل اغير الكلمة لانه ضليت اردد الكلمة صار لي اربعة اشهر وماكو فيدة؟.
عمر الطير الحين عشرة اشهر ؟
الخبراء اذا ينصحون ابيعه او اصبر اشوي؟

[كاسكـــو]

السلام مرة اخرى

صراحة ابي افيد تجربتي الاولى بالامازون

صار لي اكثر من اربع اشهر من شريت اليلو كروند الحمد لله صحته طيبه صار اليف اكثر واكثر اللي الكلام مو راضي ينطق، يحاكي الكلام بس، اخذنا نصايح الخبراء كلها بس مو راضي يتكلم، رددنا عليه كلمة وحدة ترديد شخصي طول هالمدة وحطينا له مسجل وركبنا مرآة بس مو راضي ينطق.

هل انتو متاكدين انه اليلوكروند ينطق شباب؟
وهل اغير الكلمة لانه ضليت اردد الكلمة صار لي اربعة اشهر وماكو فيدة؟.
عمر الطير الحين عشرة اشهر ؟
الخبراء اذا ينصحون ابيعه او اصبر اشوي؟

طريقتك صحيحه بالتلقين وهي تكرير كلمه بدون تغييرها

وبالنسبه لسؤالك انه ينطق نعم اخوي طير ناطق ومعروض علي واحد مثله للبيع عنده كلام كثير

ولا انصحك تبيع اصبر لأن فيه شي احتمال يكون هو السبب

انت تقول عمره 10 شهور ممكن لصغر سنه لم يبدأ بالكلام

والمعروف انه الببغاء يبدأ يتعلم ويتكلم بعمر 7 شهور وطالع لكن هذا يعتمد على حسب ذكاء الطير

البعض منها يتكلم بسرعه والبعض يتأخر بالكلام لبلوغ سن معين

[ابو محمــد]

مشكلتنا عدم الصبر في تربيتنا للطيور,,

اليلوكروان يعتبر الدرجه الرابعه في تصنيف الامازونيات ومتحدث جيد,,

على فكره الطير الان يخزن الكلام اللي تلقنه ومجرد يتعدى السنه راح يبدع في الكلام,,

انا عندي بلو فرونتد اخذته عمره 6 شهور وتكلم بعد 6 شهور لكن الذكاء يتفاوت مثل ما قال اخوي كاسكو,,

اعتبر الطير هذا واحد من العائله واستمتع بوجوده معك سواء نطق او ما نطق واحتسب الاجر.

[ri940449]

اشكركم على الرد السريع الصراحة صار عندي تعلق بالطير وما ابي ابيعه بس ابيه ينطق خبركم شارنه اغلى من الكاسيكو وهذي اخرته.

على كل الف شكر

[fawzi]

اخوي الاخوان افادوك والصبر اهم شيء لانه هو مفتاح الفرج ونصيحتي لاتطنش للطير خلك على الكلام الي انت معلمه اياه وان شاء الله راح يتكلام الله يوفقك ان شاء الله .

[طيري وياكل من يد غيري]

السلام عليكم ولا يهونون الاخوان الي ردو بس اخوي اربع اشهر انا اشوفها مده طويله يعني معقوله ولا نطق حتا هلوووووو او السلام عليكم اي كلمه عاديه انا مستغرب صراحه وهي مستويات ذكاء يمكن انا عندي البلوفرنتد الان شهر ونص من خذيته طبعا خذيته وحش مو مروض لاكن الحين تعال اسمع السلام عليكم هلوووو ويضحك واعتقد انها فتره قياسيه وهو وحش لاكن انا مادري شلون طريقة تلقينك بس طول اكثر من اللازم انا اشوف نصيحتي تقعد عنده وتتكلم جنبه بصوت عالي وياليت تخلي حتا اذا عندك احد صغير يكرر عليه الكلمه لانه سبحان الله احيانا ياخذ بنبرة صوت الصغار وكثر من كلمة هلووووو بقوه وتقبل تحياتي

[ri940449]

طيري وياكل من يد غيري اشكرك صراحة انا بعد اقول واجد عليه اربعة اشهر الكلمة هي سلام لاغير ما ادري شالسالفة بس يمكن العمر على ما افادو الاخوان.

طريقة التلقين اثناء الاكل اكرر عليه وبعد لين اطلع من البيت حاط له مسجل يكرر نفس الكلمة سلام مع مراة في القفص.

يمكن انه صغير على ما ردوا

[ابو محمــد]

ردا على كلام الاخوان انه ما تكلم طبيعي جدا ,,

وممكن الطائر يتكلم لكن بعد ما تروح من عنده على العموم بعض الطيور تتأخر في الكلام لكن اللي متأكد منه الطير يخزن معلومات بالاخص الامازونيات وتأكد اذا انطلق لسانه راح يفاجئك بكلمات ممكن ما سمعها الا مره.

[fawzi]

اخوي كلام ابو محمد ترى صح بعض الاحيان البغبغاء مايتكلم اذا كان فيه احد وانا واحد صادني هذا الشيء واذا بقيت تتاكد حط مسجل من النوع الي يسجل لفترات طويله وخل الطير لوحده وان شاء الله النتيجه مرضيه