ملاحظاتي في تربية ببغاواتي..

[كاسكوكيه]

السلام عليكم و رحمة الله و بركاته.. :D

أخباركم؟! عساكم مرتاحين؟

اخبار ببغاواتكم؟؟ عساهم شبعانين؟ :12:


اليوم حبّيت اعرض لكم ملاحظاتي في تربية ببغااواتي.. باختصار.. شو الي سويته.. و استفدت منه.. وشو الي سويته .. و احاول اغيره..

اول شي.. تدريب الببغاء على القفّاز

هالشي جربته مع شامبيه.. و كان له تأثير طيّب.. :D.. بسسسس ... بعد فتره.. حبّيت انه يوقف على ايدي.. و هني انتبهت للغلط الي سويته..

لليوم شامبيه يعاني من صعوبة تقبله للمسح... بالايد.. لكن لو قربت القفاز على طوووووووووووول يرفع ريله يريد يركب.. :rolleyes:

احاول انسّيه القفّاز.. بس ملاقيه صعوبه.. و لكنّه يتقبّل ايدي مرات..

الي لاحظته.. ان شامبيه ما يتقبل مسح الايد بشكل كبير.. و مرات يوم امسحه بايدي.. يقعد ينتف ريشه.. و هالشي صعب اني اجوفه يسويه.. :(

...

بالنسبه لبوشهاب و ميسي.. يخااااااااااااافون من القفّاز.. :88: و الحمد لله.. هالشي مريحنّي.. لاني معلمتنهم على ايدي...

صح فبداياتي مع بوشهاب كان العض ببلاش.. :D و للحين علامات العض ماراحت.. بس اخرتها بوشهاب كل ما يجوفني قربت ايدي.. نزل راسه و ينتظرني احكّه.. و صاير دلوع درجه اولى.. و هذا حال ميسي

شامبيه و بوشهاب كاسكو.. و ميسي امزوني بلوفرونتد.. :rolleyes:


الحين نيّي لشي ثاني.. تربية الببغاوات مع بعض.. عندي 3 ببغااوت.. و الثلاثه عايشين معاي في غرفتي.. :D ما أقدر على فرقاهم شو أسوي.. :o

اول شي ما انتبهت للأزمه الي بسببها لنفسي.. و لكن.. انتبهت بعد مرور سنه على تربيتي للمفاعيص :D

اول شي.. الببغاوات كانت تصارخ.. و تصفر... لبعض!! و انا طول الوقت فرحانه.. اقول قاعدين يتسلّون و هاذي بشاير اول الكلام.. :88:

يت فترة هالصيف.. ونويت اني اغير موعد نومي.. :D سهره للصبح ونوم طول اليوم :( بس للأسف.. النور مش مسكّر << لزوم السهره.. :rolleyes: و الببغاوات تصدح و تصارخ و الأهل نايمين

قررت اني اشل اي واحد فيهم و احطه في غرفه لحاله.. بدون اي ببغاء ثاني

مر اسبوع.. وانا مرتاحه.. :D رحت للبغاء الثاني المعزول.. لقيته ساكت.. و هادي..

قررت اني اسوي هالحركه بس تبادليه.. مره شامبيه و مره بوشهاب

شامبيه كمّل سنتين.. :rolleyes: حبيب ألبي.. و كلماته كانت معدوده..

صرت كل ما ادخل عليه في العزل.. اقول له.. سلام. .. و اسأله: تريد حبّوه؟ << يعني حبوب :D

ويوم اطلع اقول يالله باي

ما شاء الله عليه يومين.. و يتني اختي.. قالت لي خوّفني شامبيه.. يقول لي يالله باي مثل صوتج ع بالي انتي مسويه فيني مقلب.. انا صرت >> :eek: <<

ساعتها فهمت ان الببغاوات يوم تكون مع بعض .. تتعلم من بعض.. و في حالتي تعلّموا الازعاج ع الفاضي..

لانهم يتواصلون مع بعض.. وينسوني... :freind:

بس يوم يكون فحاله.. ما يشوف غيري.. يضطر يتعامل بلغتي.. :cool:


ملاحظه ثالثه و أخيره .. تغيير المدرّب.. ;)

اول شي انا كنت الكل فالكل بالنسبه لببغاواتي.. انا اطعمهم.. انا اعلمهم.. انا اسوي لهم كل شي..

بس لاحظت شي.. ان بوشهاب.. يوم يتكلم.. يتكلم مثل طريقة اخوي.. و حتى يلقط كلمات اخوي يستخدمها.. و بشكل سرييييييييييع.. يعني ممكن خلال يومين يتعلم كلمه من اخوي..

بخبركم.. من اول ما يبت بوشهاب وشامبيه وانا احاول اعلمهم كلمة حبيبي.. من سنه و كم شهر.. و لا رضوا يتعلمون.. و فجأه.. اسمع بوشهاب يقول صديقي.. انا صرت كذا.. :eek: .. صوت اخوي!! :confused:

ههههههه يبت اخوي.. و صورته فيديو.. و هو يقول حبيبي.. :rolleyes: يومين.. و نطق بوشهاب.. و قال حبيبي.. :88:

على فكره.. بوشهاب يكره اخوي.. :D بس سبحان الله.. مادري ليش يتعلم منه.. و مش مني.. لاحظوا الجو الي يتأثر فيه ببغاتكم.. و اغتنموا الفرصه..

لازم نعرف ببغاواتنا تميل لمن؟! لان هالشي بيأثر في طريقة تعلمها..


مجرد ملاحظات .. حبّيت اني افيدكم فيها..,, :rolleyes:

[ابو محمــد]

اشكرك على الطرح بدون اي تعليق

10/10

[عاشقة الظلام]

تسلمين على الملاحظات
والله يعطيك الف عافية
والله يحفظ لك ببغاواتك من كل شر

[fawzi]

الف شكر لكي اختي على المعلومات والتجربه

[ابو التواريخ]

شكرا لك على الملاحظات
بالتوفيق إن شاء الله

[يوفاوي الكويت]

في البدايه احب اشكرك علي الملاحظات

والعنوان كان موسيقي

ملاحظاتي في ببغاواتي

اخير نقطه كانت مهم

لازم نعرف ببغاواتنا تميل لمن؟! لان هالشي بيأثر في طريقة تعلمها..

[جوسلين]

تستاهلين الشكر و التقدير الف شكر

[no0La]

كاسكوكيه فديت قلبك تسلمين ع الطرح المفيد
فعلا وانا مجربه هـ الشي الطير اذا كان في عزله
ولو فتره يستقبل منك اسرع وتحسه متفاعل معك
اما لو فيه طير معاه بنفس المكان تحسه مفهي ^_^

وماشاء الله عندي مايميلون لأحد غيري بحكم انهم
يشوفوني انا اكثر شي 24 ساعه ^_^

الله يحفظ لك طيوركـ أإختي
وشاكره لك مره أإخرى الملاحظات

[احمد 14]

يعطيك العافيه علىا الموضوع الي قمه في الروعه جزاك الله خير

[yasser2ysh]

ما شاء الله موضوع مميز بالفعل

[كاجو]

مبدعه كاسكوكيه ملاحظات بسيطه لاكن مهمه ومفيده

يعطيك الف عافيه والله يخليلك الفرسان الثلاثه ..

سلامي ..

[فديت الكاسكو لو يدري]

ما شالله عللييييج .~.

كفيتي ووفيتي .~.

معلووومات من ذهب .~

تسلميييين اختي
وربي يعطيج الف عافيه ~

[كاسكووووو]

بارك الله فيك انتي نجمه من نجوم المنتدى

[امير دبي]

تسلمين ع المجهود الرائع
وفعلا مثل هذي المواضيع تكون مفيده كثير بالنسبه للكل لان التجربه خير برهان

وبخصوص عزل الببغاء احسن ماسويتي لان مع بعض ياخذو من بعضهم اما اذا يسمعوج انتي بس بيتعلموون

الله يحفظ لج طيورج

good luck

[الجناحي 10]

مشكوره على الملاحظات وممتازه الملاحظات

وتقبي مروري