طيري مزاجي وشو الحل

[((فهد))]

بسم الله الرحمن الرحيم


طيري مزاجي يعني يوم اول ما أجي لمه احط يدي ويرقا عليها وامسح عليه وعلى راسه

ويوم اول ما أقرب لمه يجي يبي يعضني وينحاش عني وشو الحل

[lovely]

حياك الله اخوي فهد

طيرك مشاء الله عليه فطين عل قولتهم

الحل انك تجلس مع وتسولف مع وتأكله من يدك

وهو مع الوقت راح يتعو د عليك اكثر واكثر

يعني المسئله مسئلة وقت لا غير

[fawzi]

بسم الله الرحمن الرحيم


طيري مزاجي يعني يوم اول ما أجي لمه احط يدي ويرقا عليها وامسح عليه وعلى راسه

ويوم اول ما أقرب لمه يجي يبي يعضني وينحاش عني وشو الحل

اخوي وضح انت البغبغاء الي عندك وش نوعها واذ كنت بتمسح عليه وين يكون داخل او خارج القفص والبغبغاء من متى وهو عندك لازم توضح علشان الكل يساعدك

[كاسكـــو]

بسم الله الرحمن الرحيم


طيري مزاجي يعني يوم اول ما أجي لمه احط يدي ويرقا عليها وامسح عليه وعلى راسه

ويوم اول ما أقرب لمه يجي يبي يعضني وينحاش عني وشو الحل

هذا لسه يحتاج تكثف التدريب له بالنسبه للطلوع على اليد

لانه باقي في راسه عناد مابعد انكسر

واذا ماخاب ضني طيرك الافريقي لانه هذي حركاته لأنك قلت مزاجي والافريقي ابو المزاجيات كلها :D

[((فهد))]

طيري افريقي شريته فرخ والحين معي له حوالي 11 شهر لكن ما جاه العناد الا من اسبوع وكان قبل اول ما احط يدي يرقا عليها وامسح عليه وعلى راسه وهو برا القفص لاني ماجربت امسح عليه وهو داخل

[fawzi]

طيري افريقي شريته فرخ والحين معي له حوالي 11 شهر لكن ما جاه العناد الا من اسبوع وكان قبل اول ما احط يدي يرقا عليها وامسح عليه وعلى راسه وهو برا القفص لاني ماجربت امسح عليه وهو داخل

اخوي اذا داخل الفقص ترى طبيعي البغبغاء بيصير شرس لانه بيعتبر القفص نفس مملكتة في الطبيعه لاكن مع مرور الوقت الطير راح يهدى والامور بتيسر ان شاء الله انت الي عليك كثر القعدات معاه الله :freind:يوفقك ان شاء الله تحياتي لك وتقبل مروري

[((فهد))]

اخوي اذا داخل الفقص ترى طبيعي البغبغاء بيصير شرس لانه بيعتبر القفص نفس مملكتة في الطبيعه لاكن مع مرور الوقت الطير راح يهدى والامور بتيسر ان شاء الله انت الي عليك كثر القعدات معاه الله :freind:يوفقك ان شاء الله تحياتي لك وتقبل مروري

مشكور
لكن انا امسح عليه وهو برا القفص مب داخل

[كاسكووووو]

ممكن الطير خايف من شي ساعه مثلا او مزاجه تعبان او بمرحله تبديل ريش انا عندي طير اليف مره ومره رفض يطلع علا يدي وطلعته بالقوه عضني طلع دم اول مره يسويها

[((فهد))]

انا اذا صارت نفسيته تعبانه ياما عضني ولعب بي لعب

[كاسكووووو]

تعاله بوقت ثاني يمكن مشغول بترتيب الريش او زي ماقلت مزاجه متعكر

[no0La]

اخوي لازم تكسر عنادهـ ..

اذا سوى نفس الحركه لاتستلم ويتعلم الحركه منك مره على مره
اذا صارت الحركه منه امسح على راسه وكلمه حبيبي وبمجرد ماتحس
انه الوضع موب عاجبه ورفع راسه على قولك مزاجه مو تمام قوله لا او عيب
او اي كلمه تربطها مع الوقت راح يرجع ..

تقول له اسبوع وهذا يعني انه متملل حاول اخوي تحط له العاب
بالقفص وع الاستاند حتى وهو برا القفص حط له العاب كوره مثلا ودفها عليه وهكذا

وان شاء الله نفسيته راح تتعدل

[((فهد))]

مشكووووووووووووووووووووووووووووووووور

[مجنون بالببغاء الرمادي]

هههههههههههههههههههههههههههههههه يالبيه عليه !

انت حاول تعطيه اهتمام اكبر من متى الببغاء عندك !؟

المهم انت قرب لمه بشويش وقله اطلع وذا عضك حاول تكمل لانك اذا وقفت راح يعرف نقطة ضعفك..
ويصير كل ماجيت يعضك المهم وذا صار كل شوي يعضك احبسه وحطه في غرفه او حط فوقه فوطه بحيث انه مايقدر يشوف شي ومع الوقت راح يعرف انه هذا عقاب =يعني اذا عضيت راح انحبس !

ان شاالله اني اكون افدتك !
تحياتي :
مجنون بالببغاء الرمادي

[اسير القلم]

مثل ماقالو الاخوان لكن حاول تعلمه الصح و الخطا ترى الطير يفهم لغة العيون و نبرة الصوت

انا كذا معود الطيور عندي لا جى يعض اقوله لا ما يعض لا صعد على يدي او عمل شي زين اقوله شاطر ويستانس مره يوم اقوله شاطر فانت عوده على كلمه لا و كلمه شاطر مثلا او اي كلمه ثانيه تشوفها مناسبه وصدقني كذا يتعود

بالنسبه للعض مثل ماقالو الاخوان لا كان بالقفص بيصير متوحش لكن شوي شوي عليه و بالهداوه بيصير طير حبوب

بالتوفيق

[((فهد))]

أنا مروضه بس مدري وش جاه