طيري الكاسكو غريب كسووووول اليوم

[A 7]

السلام عليكم ورحمة الله وبركاته


اخواني الاعزاء

عندي طير كاسكو عمره تقريباً مابين 5 - 7 شهور

عيونه سود بالكامل

اول كان نشيط مرررره


اليوم اشوفه كسول ونافش ريشه على طول و اذا قربت له عطاني راسه يبيني احكه وماطلع صوت ابد اليوم

الطير الله يكرمكم ماعنده اسهال ولله الحمد

حطيت له اكل مو راضي ياكل الحب الشمري وباقي الحبوب
عطيته بسكويت شاي اكله بس مو كثير يعني شي بسيط

انا اليوم شريت فيتماين وحطيته له قبل شوي

صار يلعب باللعبة شي بسيط و ويقف

ما ادري وش البب

هل هذه اعراض مرض او ماذا

افيدوني افادكم الله

[no0La]

وعليكم السلآم

اأإخوي ان شاء الله طيركـ مافيه الا العافيه

بس أإحرص انه ينام عدد ساعات كافيه من 8 الى 10 او 12 ساعه
وغالباً ياخذ فتره الليل للنوم والصباح للعب والتدريب
ومكان النوم يكون هادئ ومظلم تماماً
وان شاء الله بتشوفه انشط شي ..

شكل له بالاكل الحبوب ماتكون نوع واحد والكميه مو كثير
وجو المكان خليه معتدل لا حراره ولا برودهـ

واذا مااكل اطحن له كورنفليكس وبسكوت الشاي بدون سكر
مع شوية مويه وااكله وان شاء الله يتقبل الاكل

موفق أإخوي

[A 7]

شكراً لك اختي

[كاسكـــو]

يعني اذا ماطلع اسهال خلاص ماعنده مرض ؟؟!! مو صحيح

الامراض كثيره وانا ماقول طيرك مريض ولا اقول مو مريض

لأنه مو عندي عشان احكم بس الواضح من كلامك هذي بالغالب علامات مرض

ياليت تراقب طيرك اكثر واكثر

[A 7]

يعطيكم العافية

http://www.2zoo.org/get-8-2010-2zoo_org_dtkfujz0.jpg


هذا اعزكم الله صورة برازه
هل يعتبر اسهال ؟؟؟؟؟؟

[كاسكـــو]

http://www.2zoo.com/vb/showthread.php?t=118558

http://www.2zoo.com/vb/showthread.php?t=87359

[كاسكووووو]

اول شي طيرك خامل ونافش الريش وعنده اسهال هاذي علامات المرض وده لبيطري كويس ترا مناعة الفرخ ضعيفه واهتم بالتدفئه واذا مااكل زي ماقالت لك نولا غره بالابره

[اسير القلم]

معافى ان شاء الله

[fawzi]

اخوي نصيحه ود طيرك للبيطيري احسن واضمن ترى ماحد راح يفيدك هنا اسمع الكلام وانا اخوك البيطيري هو الاخبر علشان تتطمن وتقطع الشك باليقين

[A 7]

اخواني وديت الطير للبيطري و قال لي ان الطير تعبان بسبب البسكوت الشاهي

قال لي ما يصلح تعطي الطير وهو لسى صغير

وعطاني مضاد حيوي وشرب الطير من الماء اللي فيه المضاد الحيوي

بس مو راضي ياكل حاولت اغره بسريلاك برضوه مو راضي يمكن ما اكل الى اقل من 5 مل

متى يبين مفعول المضاد الحيوي ؟؟

والطير اشوف عيونه خامله ؟؟

هل معناه ان الطير تعبان مررره ؟؟

افيدوني الله يخليكم