ممكن مساعده

[مسافرللجفا]

السلام عيلكم اعضاء المنتدى الرائع
طبعا هاذي اول مشاركه لي في المنتدى لاني توني شاري طير جديد وحبيت اخذ رايكم وش اسوي معه لاني مستجد في الامور
باختصار هو هولندي عمره 7شهور وصحته كويسه الى حد ماء بس شافه احد الزملاء وقالي انه تعيبان تخريجه تكرمون مو طبيعي المهم وديته البيطري وعطاني له علاج بس ابي اعرف وش اعطيه اكل من فواكهه وخضروات وهالاشياء لان صاحبي قال لاتعطيه حب شمسي وعطه فول سوداني والبيطري قال لاتعطيه فول سوداني بصراحه ماعاد اعرف من اصدق وش رايكم
وش برايكم افضل اكل وافضل فواكه له
وشكراً

[كاسكـــو]

والله الفواكه تسبب اسهال للطير معروف

لذا عطه قطعه صغيره ولا تكثر له مره او مرتين بالأسبوع تكفي

ماعليك منهم خذ له من سوق الحمام حب مشكل شفه بالكيلو يباع على 15 قل عطني النوعيه الاصليه النظيفه

اللي يجي من برا

واذا كان مريض الله يساعدك ان شاء الله وتلقى له علاج

انا كان عندي فرخ تفريخ هولندي سليم طبعاً لكن ماشوف انه قوي ولا يتحمل بعته على طول

وشريت فرخ صيد ماشاء الله فرق 180 درجه يتحمل وقوي

[ملك الدرر]

اخوي كل الببغانات تاكل حب شمسي
وانا مع اخوي كاسكو اعطيهــ فواكه بقطع صغيره

[اسير القلم]

معافي ان شاء الله

وحاول ما تتعبه في الفترة هذي لين يتعافي خله يرتاح شوي وشوفله غرفه مناسبه بعيده عن الازعاج و الاطفال بشكل عام لين يصحصح وترد له عافيته

موفق اخوي