الكاسكو مايتكلم كثير؟؟؟

[كاسكو 2011]

اخوي الكبير اشترى كاسكو قبل شهر تقريبا المهم هذا الكاسكو الييييييييييييف جدا فقام اخوي وحط القفص في الدرج الي يودي على السطوح طبعا احنا مانجي عنده دايم بس اذا مرينا عنده يصفر ويطلع اصوات خصوصا اذا كان القفص مقفل عليه ولما اجي عنده يجلس يتحرك ويلفلف يبغاني افتح القفص وإذا فتحته يطلع فوق ويقرب راسه من عندي يبغاني احط يدي عنده علشان يطلع وإذا طلع على يدي يتحرك لين يوصل عند الكتف وينزل راسه يبغاني احك راسه ولو احك راسه عشر دقايق مايطفش وإذا حطيته على الارض ينزل راسه ويبغاني احك راسه والمشكله إذا تركته برا القفص يجلس يلفلف في البيت يدور احد يحك راسه :D وإذا قفلت القفص عليه يتضايق ويجلس تحت المهم الكاسكو مايتكلم الا كلمه وحده والمشكله مايقولها دايم يعني يمكن يمر ثلاث ايام مايقولها وإذا قالها مايزيد عن مره وحده اليوم

[إتكيت طيور]

أعطيه ألعاب أعطيه أكلات غريبه
زي البسكوت والفواكه تسليه
ولا زم تكثرله ألعاب

[العوفي]

كثر له العاب او جيب له انثى

[كاسكـــو]

اللي فهمته بالموضوع تسأل ليه مايتكلم كثير

طيب انا اقول لك اذا كان الطير عنده كلام كثير ومع هذا مايتكلم غير مكانه انت تقول محد يمر من عنده دايم

والطير يحب الاصوات والضوضاء والرايحين والجايين يتفاعل ويتحمس ويبدع بالكلام والتصافير

اما اذا ماعنده الا كلام قليل فهذي الحاله لازم يلقن كلام اكثر عشان يعطي كلام اكثر

[كاسكـــو]

بالنسبه للي يقولون العاب طبعاً انا مو ضد الالعاب

بس ابي اضيف نقطه مهمه الالعاب مالها دخل بالكلام

العضو يشتكي ان الببغاء قليل الكلام ووضحت له الطريقه

[fawzi]

اخوي غير مكان الطير خله في الصاله احسن شيء

[كاسكو 2011]

اشكركم جميعا على المرور والمشاركة وبإذن الله راح اغير مكانه واشوف النتائج