صور تاريخ قطاوتي

[kitty cat]

السلام عليكم

في الحقيقة من يوم وأنا صغيرة وأنا ودي في قطوة ..

لكن سبحان الله أول قطوة ربيتها كانت عن طريق الصدفة وكانت قطوة شارع

كان ذكر وأسمه مشمش حتى ما صورته .. جعد عندي سنتين بعدين راح تزوج وما رد...

http://www.arb-up.com/get-1-2007-3rpcvi6j.gif

أليسا

الجنس : أنثى
العمر : أسبوع - سنتين

بعدها ربيت قطوة همن عن طريق الصدفة قصتها طويلة جدا وسميتها أليسا ..

هدتها أمها وعمرها أسبوع على باب بيتنا .. شافتها الوالدة ... اكسرت خاطرها

ربينها ليمة صارت شابة ... عندي لها صور وايد بس هذي وحدة من الصور

http://www.arb-up.com/get-1-2007-d3o1jvou.jpg

راحت تلعب بالحوش خذتها جارتنا الله يسامحها ورمتها

http://www.arb-up.com/get-1-2007-3rpcvi6j.gif

توتا

الجنس : أنثى
العمر : أسبوع - شهر

القطوة الثانية كانت في نفس وقت أليسا ... كانت قطوة فيجتي والدة

وماتت وهدت اليهال كلهم .. فرضعناها بالممية مالت

القطوة وربينها ليمة صار ها بين البينين وماتت بدون اي أسباب

صورتها وأهي جام ترضع

http://www.arb-up.com/get-1-2007-zmtbeyfo.jpg

http://www.arb-up.com/get-1-2007-3rpcvi6j.gif

كيتي

الجنس : أنثى
العمر : ثلاث شهور - تسع شهور

صاحبت الحظ الأكبر ... قطوة شيرازي شريتها من سوق الحمام بالكويت

قطوة جدا راقية وناعمة وهادية ودمها خفيف .... وضيفي جميلة

كانت أفضل قطاوتي ... لما ييت أسافر عطيتها لرفيجتي .. تعلقت فيها ..

والحين تعيش حياة مرفة جدا ^^

صورتها

http://www.arb-up.com/get-1-2007-gz1kbvqq.jpg

http://www.arb-up.com/get-1-2007-3rpcvi6j.gif

ستسو

العمر : ثلاث شهور - سنتين
الجنس :أنثى

قطوة أمورة وحلوة ربيتها مودة طويلة بعدين أهربت من البيتوما أدري عنها شي

صورتها

http://www.arb-up.com/get-1-2007-borkph44.jpg

http://www.arb-up.com/get-1-2007-3rpcvi6j.gif

لولو

العمر : شهر - سنة
الجنس : أنثى

القطوة اللي حبيتها من قلب .... لقينها في نص الشارع رح تدوسها السيارات

في الدئري الخامس .. ربيتها ليما صارت شباب ... صار عمرها سنة ... بعدين .

أبي أسافر ومحد راضي ياخذها ليما أرد ... أضطريت أعطيها حق لجنة للحيوانات .

http://www.arb-up.com/get-1-2007-wpb56awj.jpg

http://www.arb-up.com/get-1-2007-3rpcvi6j.gif

توتا رزة

الجنس :أنثى
العمر :شهر ونص

وهاذي قطوتي الحين اللي صورتها في التوقيع ... شيطانة جدا ... وعفريتة

على قولتهم ... ما تحب السردين أبدا ... تموت في وسكاس لامب ( لحم الغنم )

أعتقد أنها لها مستقبل باهر ^^ ... لأنها قطوة نظيفة جدا

صورتها

http://www.arb-up.com/get-1-2007-1gr8wej4.jpg


http://www.arb-up.com/get-1-2007-3rpcvi6j.gif



أتمنى يكون الموضوع عجبكم ^^
وقولولي رايكم منو أحلى ؟

[fawaz01]

السلام عليكم

ماشاء الله تبارك الله ، كل ذولي قطاوة ، هذولي لو يجون عندي البيت راح يرتاحون آخر راحة . :D
الله يخليكي لهم ( تلقين الأجر بإذن الله بتربيتهم ) ، ( الله يجزاك كل الخير ).

بالتوفيق أخوكم
أبوفيصل

[kitty_q8]

ماشاءاللة عليج :)

ستسو ويها غرييييب ! شنو نوعها ؟

[قطو_Q8te]

السلام عليكم والرحمه
هلا والله اختي كتي كات عضوه يديده بينا ,,
ماشالله عيله كامله كانت عندج .. اكيد لج معاهم ذكريات :)
اليسا ذكرتني بقطوتي اتواد .. قبل لاياخذها ابوي ويحطها بالدوام تحتـ :(
ماشالله والشيرازيه روعه بعدـ ..
والله يحفظلج توتا امبين عليها شيطونه وذكيهـ ,, عقبال عيالها ااذا تمت عندج

[Withered Rose]

ما شاء الله تبارك الرحمن بصراحه القطط كلها حلوة ..
و الله يخلي لج توتا تتربى بعزج :)

[قطو_Q8te]

ولاتنسين زيارة ديوانية القطاوهـ
http://www.2zoo.com/vb/showthread.php?t=12005

[aMoOoNah]

ماشاء الله
الله يخليهم لك يارب
قطاوتك مرة حـلووووين
ربي يحفظهم
وعقبال ما تشوفين عيالهم :)

[*عاشقة القطط*]

ماشاء الله عليهم كلهم حلويوووووويييييييين

[ksa]

ماشا الله كلهم حلويين

[kitty cat]

fawaz01

تسلم أخي على الرد والمرور الطيب

kitty_q8

ستسو نوع عادي بس كانت متينة شوية

قطو_Q8te

أي والله ذكريات ما تنسي .. وبذات أليسا... رغم إن شكلها ماكان يعجب أحد
وكما أليسا أخذتها جارتنا ورمتها في دوامها -_-
وتسلم على الرد وإن شاء الله أزور الديوانية

aMoOoNah

تسلمي يا حياتي على الرد الحلو ^^
ويارب أشوف عيال توتا

Withered Rose

تسلمي حبيبتي على الرد الطيب وعلى ذوق ^^

*عاشقة القطط*

إنتي أحلى وتسلمي على المرور

ksa

مشكورة على الرد وسوسو تينن

[cute mara]

بصراحه كلهم حلوي بس كيتي احلى وحده ماشاء الله الله يخليهم كلهم

[تمره يابسه]

احلى وحده هي ستستووتتربا بعزك انشاء الله توتا

[الوردة الحمراء222]

كلهم حلوين ماشالله .. بس توتا رزه .. تشبه القطو مالي (جواد)

[فنان قطر]

مشالله عليهم اشكالهم حلوه واحلاهم الشييرازيه وبتوفيق انشالله