قطة عمرها تقريبا اسبوعين

[o9Liii]

السلام عليكم و رحمة الله و بركاته انا عندي قطة عمرها اقل من اسبوعين و من اللف و الدوران في المواقع عرفت لازم اكملها حليب بالرضعه افضل بس مو عارف ايش احط فيها ( المكونات يعني )

2/ الماء كيف اعطيها ولا مو لازم ؟؟:confused:

بعدين بطنها شوي شوي منفوخ عادي الوضع ؟؟

و مشكورين مقدمن:88:

[BodyBoss]

على حسب خبراتي جيب لها جونتي قص اصبع منو اسقب رأس الاصبع ركب الاصبع على سرنج بعد ما تكون قمت الابرة من السرنج و حطفيها حليب قليل و كثير ماء
لأنو مرا جرب صديقي يرضع قطة بهاذهي الطريقة لكنه لم يكثف الحليب بالماء ماتت القطة للأسف:(
اسمع أراء العضاء الاكثر إحترافاً مني قبل كل شيء
مع تحياتي
:88:

[كهوف الألم]

حليب قليل الدسم او خالي الدسم

وفي هذي الوصفتين



الوصفة الأولى

المكونات:
85 جرام من الحليب المكثف (condensed milk)
85 جرام من الماء
113.4 جرام من الزبادي العادي
صفار 3 بيضات كبار او صفار 4 بيضات صغار

طريقة العمل:
نضع جميع المكونات في الخلاط الكهربائي ونخلطهم.
نضح كميه من الحليب في زجاجه الرضاعة الخاصة بالقطط ونسخنها بوضعها في وعاء كبير مملوء بالماء الساخن.
نعصر القليل من الحليب على اليد لاختبار الحرارة.
يتم تخزين الحليب المتبقي في وعاء ويجمد حتى نحتاجه.

........................




الوصفة الثانية

المكونات:
370 جرام من محلول الـ pedialyte المضاد للجفاف (بدون نكهة)
341.5 جرام من الحليب المبخر (evaporated milk)

"الحليب المبخر: يحضر بتبخير حوالي 60% من الماء عن طريق البسترة ولا يحلى ويحفظ بشكل سائل في علب محكمة القفل من الصفيح, وعملية التبخير تخدم تركيز المكونات الغذائية وطول فترة حفظة التي قد تصل إلى عام."

227.7 جرام من الزبادي العادي
71 جرام من طعام الأطفال (lamb baby food)
ملعقتين طعام من عصير الذرة البيضاء (Karo)
صفار بيضتين


طريقه العمل:
نضع جميع المكونات في الخلاط الكهربائي ونخلطهم.
نضح كميه من الحليب في زجاجه الرضاعة الخاصة بالقطط ونسخنها بوضعها في وعاء كبير مملوء بالماء الساخن.
نعصر القليل من الحليب على اليد لاختبار الحرارة.
يتم تخزين الحليب المتبقي في وعاء ويجمد حتى نحتاجه.

[دلوعةقطوتي]

تفضل هنا ضروري تقرا الموضووع وربي يجزاك خير لرعايتك للقطوه

http://www.2zoo.com/vb/showthread.php?t=98294

[o9Liii]

كثر خيركم شباب عالتفاعل و شغلة الرضعة الخاصة تتوقعون القاها عند البيطري
و القطوة ممن امس الله يكرمكم ما تيرزت او تبولت و بطنها منتفخ شوي ؟؟؟؟

تعبتكم معي .....

[o9Liii]

حليب قليل الدسم او خالي الدسم

وفي هذي الوصفتين

يسلمو بس ايش قصدك بالحليب المكثفو شكرا :o

[سندريلا 2010]

عن تجربة
جارتي تركت لي 2قطة صغار بيرضعوا وراحت تصيف اسبوع
كانوا بيشربوا لبن حليب عادي جدا
من ببرونة الاطفال ( ببرونة لحديثي الولادة ) علشان حلمة الببرونة تبقي صغيرة
وكانوا ماشاء الله في كل رضعة يخدوها القي البطن منفوخة كأنها هاتنفجر
بس براحة عليهم وبلاش وانتي بترضعيهم تضغطي علي منطقة البطن
علشان هاتلاقي رد فعل مش هايعجبك ( هاتحسي ان فية مية سخنة نزلت علي ايدك)؟؟؟؟؟؟

[دلوعةقطوتي]

كثر خيركم شباب عالتفاعل و شغلة الرضعة الخاصة تتوقعون القاها عند البيطري
و القطوة ممن امس الله يكرمكم ما تيرزت او تبولت و بطنها منتفخ شوي ؟؟؟؟

تعبتكم معي .....

تلقى الرضاعه عند محلات الحيوانات واذا مالقيت استعمل سرينج وشيل الابره
انت قريت الموضوع؟؟ لانهم مايتبولون ولايسوون شي من نفسهم بلل منشفه ودلك المنطقه تبع الاخراج عشان يقدرون يسوون لانه بالطبيعه امهم تلحسهم لحد مايعملوها بس الحين مالهم الا الله ثم انت لازم تساعدهم

[milk cat]

جب سرنجه و حليب خاص بالقطط الصغيره من محل حيوانات

او حليب منزوع الدسم بس يكون دافي يعني مو من الثلاجة على طول خله بالسرنجه و اصبر عشان يكون دافي

اما عن انها ما تبرزت طبعا لازم انت تمسح بمنشفه عليها لانك جالس تحتل مكان امها الحين

اما عن البطن المتفوخ طبيعي جدا و اذا كان متفوخ يعني شبعانه

[o9Liii]

كثر خيركم شباب وفيتو و كفيتو بس انا قدلي من امس وانا امسح بمنديل مبلل بماي دافي و امسجها بس برضو مافي امل ؟؟؟

هل الزبادي ينفع اعطيها مخفف ؟؟؟؟

[دلوعةقطوتي]

الزبادي لا ثقيل عليها يادوووب حليب منزوع دسم ومخفف بمويه لانها صغنونه
ترى كميه البول قليله وممكن ماتبين معك في المنديل

[o9Liii]

كثر خيرك طيب الله يكرمك البراز لا يكون هو اللي نافخ لها بطنها ؟؟ ما طلع شي ابدا

[دلوعةقطوتي]

ممكن او بسبب الحليب
تقدر توديها للدكتور؟؟

[ala7med]

ممكن تشتري مرضاعة حيوانات تباع في المحلات وحط فيه حليب منزوع الدسم واذا غير موجود قليل الدسم وزيادة شوي ماي

[o9Liii]

ما اتوقع حولنا دكتور ابدن ممكن صيدلية اذا ساء الامر

لكن بحاول مع حليب منزوع الدسم مخفف ؟؟؟

[دلوعةقطوتي]

طيب حاليا خليك على حليب منزوع دسم مخفف ودلك المنطقه وان شاءالله يخف انتفاخ بطنها وانتبه من العلاجات بهالعمر خطر عليها
انت كيف وضعيتها لما ترضعها ؟؟مو تخليها على ظهرها خليها نايمه على بطنها وارفع راسها عشان مايدخل بطنها غازات
ولوتقدر تكلم دكتور الصباح واساله لو بالتلفون
وطمني

[o9Liii]

طب عندك رقم بيطري انا صراحة برضعها تمام التمام بس المشكلة في هالبطن الله يعينها

[دلوعةقطوتي]

اوكي برسلك عالخاص

[o9Liii]

كثر الله خيرك دلوعةقطوتي ما قصرت و الله انشالله اكلمهم و اقولك اش صار معي

تعبتك معي .......

[دلوعةقطوتي]

لاتعبتني ولاشي

[o9Liii]

القطوة الله يكرمك تبولت بس البراز ما في و البيطري قال اعطيها حليب بوني مخفف/
مو تحسه ثقيل شوي عليها ؟؟
قال لازم اجيبها قلت انا مو موجود في الرياض
وخف الانتفاخ شويبعد ما تبولت بس برضه ما راح نهائيا
او يمكن عشانها صغيرة ما تبرزت دائما اسويلها مساج تتبول بس ما تتبرز ؟؟؟
اخاف يصير لها شي

[دلوعةقطوتي]

بوني ثقيل عليها
ان شاءالله مايصير لها شي بس انت خلك عالتدليك ويارب يروح الانتفاخ

[o9Liii]

يسلمو كثر الف خيرك بس البراز الله يكرمك ما اقدر اسوي له شي غير التدليك و لا اعطيها زبادي مخفف ؟؟؟

[دلوعةقطوتي]

الله يسلمك
الزبادي يوقف الاسهال يعني لو عطيتها ماراح تتبرز بس خليها عالحليب وممكن هو قالك بوني مخفف عشان تسهل القطوه
ودلكها لين الله يسهل عليها والله يجزاك خير لمساعدتها

[o9Liii]

يعني شورك اعطيها بوني ؟
طيب اشرايك ادهن لها زيت زيتون يمكن ؟؟؟

[دلوعةقطوتي]

قبل شوي كنت افكر بزيت الزيتون بس ماادري الصغار ياخذونه اولا؟ لانها اسبوعين مادري بس من شهرين تقدر تنقط بفمها زيت الزيتون
واذا قصدك دهن المنطقه جرب ماظن بيضر لانه خارجي
اتكل عالله وجرب بوني مخفف زي ماقال الدكتور
انا الحين ارضع عيال القطوه وامهم فيه ماتبي ترضع عمرهم يومين واعطيهم حليب منزوع دسم الله يعينك ويعينني

[o9Liii]

اوكي كثر خيرك الحين اروح احط لها زيت زيتون و ابشرك بطنها خف من يوم سارت تتبول ( الله يكرمك ) و شهيتها مفتوحة و لله الحمد بس مشكلة التبرز هذي ما عاد بقي لي الا حليب بوني و زيت زيتون اجربها

ان شا الله اخبرك اش يصير معي و الله يعينك اميييين

[دلوعةقطوتي]

الحمدلله وان شاءالله تتبرز ويطيب بطنها

[دلوعةقطوتي]

وش صار عليها صرت احلم بهالقطوه

[o9Liii]

الحمد لله صارت تتبول اليوم الوالدة جربت اعطيتها قطعة لحمه صغيره و خلتها تجرب تشرب من الصحن الحليب و صارت تحب الزبادي حيييييييييييل
وبطنها صار طبيعي بس ما تبرزت

الكيتن اللي عندك تتبرز ؟؟ و لا بول بس ؟؟

[دلوعةقطوتي]

شلون لحم وهي اسبوعين يمكن اكبر اسبوعين لسه اسنانها يادوب مبينه عندك لها صوره؟
الكيتن رجعتهم لامهم وصارت خالتهم بترضعهم وامهم اليوم شفتها ترضعهم وكيتز اختها صارت كل وحده مره
مادري تبرزوا اولا لاني رضعتهم ورجعتهم امهم تلحسهم

[:.:]

اعتقد افادوك الاعضاء
بالتوفيق

[o9Liii]

اليوم طلعت القطوة في الشمس و دخلت اجيب اغراض من برا يوم رجعت لقيت امها تحاول تسحبها و القطوة تلاحقني و امها عصبت اخر شي طلعتها برا و اخذتها امها و افتكيت من ذنبها بس ابشرك انحلت كل مشاكلها راح الانتفاخ و تبرزت طبيعي و تبولت الله يكرمك
يعني اديت وظيفتي .. و لله الحمد بس وحشتني و الله ههههههههههههه

[دلوعةقطوتي]

الله لايحرمك اجرها والحين صار عندك خبره