هدي نتيجة نصايحكم

[Dr.MHM]

السلام عليكم


كيف حالكم يا حلوين

و يا طعمين

اتمنى تكوني بالف صحه و عافيه

بعد استشارتكم و نصايحكم الحمدلله اشتريت ببغاء افريقي رمادي

و الوالده الحمدلله مبسووووووووووطه منه

و حبيت اديكم خبر و اخد رايكم في بعض الامور

اول شي الطير يتكلم و يقول " يواد " " يا هوو " و كمان يقول كدا كلام ماني فاهمو الين دحين

و تاني شي الطير ياكل من يدي

و جناحو كامل

************

سؤالي هو

1- ايش اسوي عشان اخلي يطلع على يدي و يولف عليه ؟؟

2- هل اقص جناحه او ريشه ولا لا ؟؟

و شكرن لكم


و اسف لازعاجكم

:) :) :)

[صويب الرمش]

ألف مبروك ...

اتمنى انك تنبسط مع الطير الجديد الافريقي رائع الصراحة ...


بس أول شي اتمنى انك تخلي احد يقص لك جناحة لانه ممكن يطير عليك بعد ما تطلعه من القفص و يروح برا البيت و انسى يرجع لك لو طار لان الببغاء في العادة لا يتمتع بحاسة تمييز البيت أو منزل مالكه يعني مو زي الحمام . و احسن شي انك ما تقص انته جناحة لانه لو انته قصيته و شافك راح ياخذ منك موقف .



يخصوص الوقوف فوق اليد المسألة بسيطة جداً ولازم قبل لا تبداء تتأكد انها أبسط من ما تتصور ... بمجرد انك تقول ان الببغاء ياكل من يدك فمن المؤكد راح يطلع على يدك بسهولة انته بس حاول انك تطلعه برا القفص أما على ستاند أو حتى لو فوق القفص تبعه و تمد يدك جهة صدرة من تحت يعني المنطقة اللي قريبة من رجولة و تتكلم معاه بطريقة تحفزة على الطلوع (أطلع أطلع ,,,, شااااطر شااااطر) و ان شاء الله راح يطلع على يدك بكل سلاسة ...


وحاول انك تعطيه فول سوداني كامل أو الاكل اللي يحبه "من خلال مشاهدتك له" كل مرة يطلع فيها على يدك أو يسوي شيء انته تبغاه يستمر فيه ...



اتمنى انك تستمتع بأقتناء الببغاء الأفريقي و ان شاء الله يكون طير مميز و راح يفاجئك بأشياء جديدة كل فترة وفترة بإذن الله ... بس حاول انك تبني علاقة قوية معاه أكثر الوقت وحاول إنك ما تخلي الأولاد الصغار أو أي شخص آخر لايجيد معاملة الطيور يؤذيه أو يحاول ينرفزة لان ها الاشياء عند اكثر الناس بالنسبة للطائر ما يعتبها شيء مؤثر ولكن هي في الواقع تؤثر تأثير قوي في سلوك الطائر و في حالته الصحية والنفسية.


بالتوفيق ...,,,

[Dr.MHM]

يعطيك العافيه حبيبي و مشكورعلى المعلومات الي زي العسل هدي


و ما نستغناش يا ريس

[تاكو]

اخي الكريم مبروك اولاً على الطير
ثانياً اريدك ان تطلع على مواضيع مثبته بخصوص التدريب
واذا كان هناك نقطه غير واضحه في هذه المواضيع
اسأل وستجد الإجابه بأذن الله

[الجااارح]

يا أخوي الكريم
أحب أبارك لك على الطير
والله يهنيك به :)
وما شاء الله تبارك الله لا حول ولا قوة إلا بالله الطير على وصفك 100% وحاول تحافظ عليه بكل ما تقدر
وبالنسبة على شان يطلع على يدك من خلال كلامك المفروض أنه قد طلع على يدك لا وأزيدك من الشعر بيت المفروض إنه الحين على كتفك ولكن كل اللي عليك تسويه أنك تحاول أنك تلاعبه وتمسك منقاره وراسة وتمسح على جسمه وبكذا على طول هوى تلقاه يتجاوب معاك ويتسلق حتى يوصل لكتفك مو بس يدك .....

بس قلنا من وين شريته من مكة ولا جدة ولا من وين ؟؟؟؟؟؟؟؟؟ :rolleyes:

والسلام عليكم ورحمة الله وبركاته ،،،،،،،،،،،،،،

[Naja]

هدي نتيجة نصايحكم !!!

الله يسامحك على العنوان .. قلت الحين اكيد اكلك الببغاء ولا حاجة :D
اولا احب اهنئك بالاختيار الموفق وعلى فرحة ستي أم دوكتر مهم بالببغاء :)

وثانيا ليش مستعجل على قص الاجنحة ؟؟ هاوي غلب ؟؟:rolleyes: خليه كم يوم في القفص ولاحتى تطلعه .. حتى يتعود أكثر على القفص و على جو المكان ((راح تلاحظ بعدين انه لما يكون بعيد وانت تقرب من قفصه .. راح يرجع مباشرة للقفص لأنه يعرف انه هذا بيته)) ...

القاعدة الذهبية في كل التدريبات هي انه ((تبني الثقة مع طيرك+تصبر عليه)) .. لا تصيح عليه .. لا تفاجئه بحركات سريعة او غريبة ... كثير من الطيور المدربة تفهم شغلات صعبة .. مثلا اذا شافك قابض يدك وكانك مخبيها عنه راح تلاحظ انه يحاول يشوفها ويحاول يعرف ايش اللي معاك ... يعني ما يمنع احيانا انك تتعامل معاه كعاقل و توريه ان يدك مافيها شي عشان يتطمن وبعدين تسوي الشي اللي تبغاه ((تداعبه مثلا)) ... وفي أحيان ثانية طبعا تكون مخبي له نوع المكسرات المفضل عنده :)

عموما طيرك مهيأ لشغلات اكثر من مجرد انه يطلع على يدك .. اقرأ المشاركات القيمة بالمنتدى عن تدريب الببغاوات و حتعرف سر الصنعة ;) ... بس صبرك !! :)

[المعتصم باللة]

((تبني الثقة مع طيرك+تصبر عليه)) هى دية حل كل مشاكل التدريب مع الطيور و الحيوانات عامة

[Dr.MHM]

الله يبارك فيكم يارب

**************

مشرفنا العزيز تاكو انا قرأت كل المواضيع بخصوص التدريب لكن ما حصلت نقاط عمليه مفصله

يعني ما حصلت احد يقولي تعمل كدا في اليوم الاول و اعمل كدا في اليوم التاني لمدة و قدرها كذا

كل الي حصلته مجرد نصائح و بعض الارشادات
و هدا طبعا يدل على اني انا جاهل لانه انتو ما شاء الله خبرة في التدريب لكن انا دوبني مبتدئ فاحتاج بعض التفصيلات و شكرا لك

*****************


مرحبن بك يا جارح

و الله اشتريته من جده و كلفني 1400 ريال ؟؟؟

في رايك كتير ولا قليل ؟؟

******************

هلا باهل الدمام هلا بيك يا نجا

مشكور يا عسل على النصايح الحلوة

******************

شكرا على المرور يا معتصم و يعطيك العافيه

[النبض الجديد]

اهلاً باهل جده Dr.MHM سؤالك على سعر الطير الي اشتريته مناسب جداً خصوصاً انه يتكلم
كم عنده كلمه ؟ ومن فين من جده اشتريته ؟

[aimmh]

الفين مبروك حبيبي
وانشاء الله يوم الذي املك فيه رمادي

[بـــدر]

الف مبرووك اخي Dr.MHM واهتم في الطير وعقبال ماتشوفه يطلع على يدك ويرقص :D
بالتوفيق

[مدرب الأفريقي]

نسحتي لك توديه عند مدرب يدربا لك مع الشكر .

[Dr.MHM]

النبض الجديد

الله يبارك فيكم كلكم

انا اشتريته

من جده من كيلو 2

و ناسي اسم المحل والله

و اكتشفت كمان انه يقول

يواد

يا هو

محمد

سلطان

و كمان لو سمع صوت دق على الباب يقول " مين "

و يقلد صوت العصافير و الفراريج

و ربنا يطرح فيه البركه

**********

و اشكر الجميع للمرور الكريم

اسف للرد يا اخوان

لكن ظروفي منعتني اخش المنتدى بسرعه