ممكن استفسار الله لايهينكم

[عافك الخاطر]

السلام عليكم ورحمه الله

اولا:اانا ضيف جديد عليكم وان شالله اصير خفيف الضل بينك

انا ابي اسالكم وش احسن بغبغاء للمبتدين هل هو الافريقى او الامزونى او...الخ

وفى حدود كم اسعارها المعقوله فى الرياض



::
ارجو ان لا اكون اثقلت عليكم باسئلتى :>

:)

[fawaz01]

الأخ الكريم السلام عليكم

أهلا وسهلاً بك أخ عزيز.
نصيحتي أخوي الأفريقي لأنه حتحبه كثير عندما يبدأ بترديد الكلام ، وسعره في الرياض في حدود 3000 ريال ، بس إنزل سوق الحمام يوم الخميس العصر وبتلقاها للبيع من أصحابها مباشرة وإحذر الشريطية .

تحياتي لك وبالتوفيق

[فارس مجهول]

وين ب3000 أخوي ممكن هذا سعر اللي يتكلم وأليف ومحجل بعد سعر الرخ بحدود 1100 أو 1200
وبصراحه الأفريقي حلو للمبتدئين

[فارس مجهول]

وين ب3000 أخوي ممكن هذا سعر اللي يتكلم وأليف ومحجل بعد سعر الرخ بحدود 1100 أو 1200
وبصراحه الأفريقي حلو للمبتدئين

[الجااارح]

وعليكم السلام ورحمة الله وبركاته ...
يا أخوي عافك الخاطر
أحب أرحب فيك بإسمي وبإسم كافة الأخوة المشتركين وأقول الله يحييك على العين والراس يا خفيف الظل وأهنيك على إختيار هذا الموقع الممتاز بشهادة كل المشاركين فيه .. واللي راح تلقى فيه كل شيء راح يدور في راسك :rolleyes: ... وحياك الله ألف ومليون يا غالي ........:)
أما بالنسبة لسؤالك فأقول لك خذ الرمادي ولا تشاور وبدون تردد خاصة وإنك زي ما تفضلت جديد في هذا العالم وصدقني ما راح أبداً إنشاء الله تعالى إنك تندم
وأما يا صحابي عن أسعارها في الرياض فهي تتفاوت بحسب الطير ونوعه وعمره وهل هو يتكلم ولا لأ .... إلخ
ولكن أنا الأسبوع الماضي كنت هناك والله لقيت الأسعار مناسبة وحلوة ومعقولة بصراحة حصلت طير بـــ 730 ريال جوز ذكر وإنثى الواحد منها بــ 730 ريال ولقيت بــ 900 ريال طير يصفر ويشكل ووليف وحصلت صغار عمرها من 6 الشهور إلى 8 شهور بـ 1200 وبـ 1100 وهذا هو الأكثر بالسوق الحمام بالرياض وأنا رايح إنشاء الله تعالى بكرة هناك وراح أوفيك بالتسعيرة الجديدة إنشاء الله تعالى ..........


والآن أقدم لك تحياتي وأرحب فيك مرة أخرى وأقول حياك في عالم الهواة ........

[fawaz01]

الأخ فارس مجهول

يا ليتك رديت على الرجال ، بدون ماتتذاكى علي أو تعلق على كلامي ، وأنا لمن حطيت سعر تقريبي بحدود 3000 ريال للنظيف مررررررررة ، ياخي فيه ناس في هذا المنتدى عندهم واحد ويبون فيه 9000 ريال لأنه ينطق أيات قرآنية ، في حراج إبن قاسم لقيته بـ 300 ريال ، بس رايح فيها .
وإذا عندك كوكاتو كحلي بأسعارك الرخيصة دلني عليه الله لا يهينك.

تحياتي للجميع

[عافك الخاطر]

لاهنتو كلن باسمه

وانا رحت سوق الحمام بس اتمنى احد من وجيهكم الطيبه

يخاوينى لنى لقيت بسعار متفاوته بس ابي الطير الزين

ومب مريض ولاهنتو

اخوكم ابو سلطان

عافك الخاطر

وعز الله انكم على العين والراس

[الجااارح]

السلام عليكم ورحمة الله وبركاته .....
يا أخوي أبو سلطان
عافك الخاطر
لاهنت يا صاحبي
متى ما حبيت تروح سوق الحمام اللي بالرياض بس أعطني خبر وأفضل يوم الخميس لأنه إنشاء الله ما عندي ارتباطات وأبشر بمن يدلك على محل فيه الطير اللي يحبه قلبك;) ..................

أخوك أبو / جراح :)

[عافك الخاطر]

لاهنت يا الجارح مكفى وموفى

[مدمن حيوانات]

اسعارها من 800 وفوق

[كروان]

ما اعتقد فيه شي اسمه ببغاء للمبتدئين

لان تربيتها واحده سواء كان افريقي او امزوني

لاكن بالنسبه للأفريقي في سوق الحمام تختلف اسعارها حسب حجم الببغاء

عندك الجامبو حجم كبير .. والعادي حجمه وسط .... والتمنه حجم صغير .. وكلها تختلف اسعارها

وانا اخر مره لي بالسوق حصلت ببغاء افريقي جامبو اليف ويتكلم على الشرط صاحبه طالب فيه

2500 ريال يابلاااااااااااااااااااااااش

بس نصيحه ركز على هذا النوع الجامبو والله ماتخسر حجم كبير صوته قوي ومسموع وواضح مشاء الله عليه

واسعار الجامبو المدربه الاليفه وتتكلم من 2500 الى 2800 ريال حسب العمر وحسب حفضها للكلام

صدقني كلامي هذا من شوف عيني وسمع اذني بالسوق

[broodes]

حياك الله يا اخوي عافك الخاطر ....

بلأصاله عن نفسي و نيابه عن زملائي نرحب فيك بالمنتدى المميز واللي فيه النصائح و الارشادات لتربيه الببغوات


والله اذا بغيت رأيي ... طبعا الببغاء يبيله صبر و صبر ايوب علشان تقدر تحقق مبتغاك

والاخوان نصحوك بلأفريقي وفيه اللي بينصحك بالأمزوني وغيرها بس اذا انت بتشوف و تتعلم خذ الافريقي لان في حال اذا زهقت و طقيت منه تقدر تصرفه

طبعا اهم شي العمر حاول تاخذ واحد صغير على شان يتربى على يدك و يصير لحم كتافه من خيرك

هذي هي النصيحه بس ابعد عن المريض و كبير السن

واذا حصل لك تاخذ اللي لونه فاتح يكون افضل اللي يسمونه ثلجي

ودمتم ســـــــــــــــــــــالمين