الكاسكو ينتف ريشه ساعدوني بليز ( مدعم بصورة)

[aziz89]

السلام عليكم


انا عندي كاسكو و صار ينتف ريشه بالكامل اخذته ل الطبيط و عطاني بخاخ ارشه مره في الاسبوع و عطاني دواء سائل ل الماء المهم اخذت الدواء و خبرت الخدم و بعد اسبوع سافرت ( الاجازه الصيفيه ) و هذه الصور المرفقه و للعلم انا من سكان دبي اذا في مكان تنصحوني اروح ازوره لانه العياده البيطريه في دبي (التابعه لبلدية دبي في الخوانيج) ما عندهم علاج و قال لي الدكتور اذهب الى سوق الشارقه و اشتر طوق بلاستك حتى ما يستطيع الحك لانه صارت عنده عاده ارجو المساعده بلييييز

http://www.2zoo.org/get-8-2010-2zoo_org_rnqcptlr.jpg (http://www.2zoo.org)

[الهايسنث]

الله يعينك اهتم بالطائر وحاول تشمسه في العصر وان شاء الله تزول مع الوقت.

[hgpvfd]

ادهنه بازيت زيتون الاصلي لتكثر اذا كثرت ما يروح حط شويه وخله نص ساعه وروشه

وان شاء الله يطلع ريش

شوف توقيعي كان ببغائي الي في التوقيع ينتف ريشه ودهنته بزيت زيتون وشوف الفرق

[mr . bahman]

الظاهر من لون الجلد إنه هذي الحالة ماهي حساسية أو فطريات بالجلد

وواضح انه حالة نفسية إما بسبب سوء معاملة أو لابتعاده عن صاحبه لمدة طويلة أو حتى إدخال طائر أو حيوان جديد


والعلاج يكون علاج نفسي
مثلا ملء القفص بالألعاب لإلهائه عن النتف وواضح من الصورة انه القفص كبير ومناسب لكنه خالي من الألعاب تقريبا
زيادة وقت خروجه من القفص
زيادة وقت الجلوس مع الطائر والتحدث معه

ولابد من استخدام الفيتامينات والأملاح المعدنية وأهمها عظمة الحبار
لأنه الطائر فقد كل ريشه تقريبا
ومحتاج فيتامينات وأملاح معدنية لتعويض الريش

وبالنسبة للطوق يستخدم لمنع الطائر من الوصول للريش ( إن وجد :D )



أتمنى ياأخوي إنك تهتم بالطائر
لأنه الرمادي طائر حساس جدا وغيور وأقل سبب يسببله نتف الريش

[aziz89]

مشكورين و ما قصرتو

[fawzi]

السلام عليكم


انا عندي كاسكو و صار ينتف ريشه بالكامل اخذته ل الطبيط و عطاني بخاخ ارشه مره في الاسبوع و عطاني دواء سائل ل الماء المهم اخذت الدواء و خبرت الخدم و بعد اسبوع سافرت ( الاجازه الصيفيه ) و هذه الصور المرفقه و للعلم انا من سكان دبي اذا في مكان تنصحوني اروح ازوره لانه العياده البيطريه في دبي (التابعه لبلدية دبي في الخوانيج) ما عندهم علاج و قال لي الدكتور اذهب الى سوق الشارقه و اشتر طوق بلاستك حتى ما يستطيع الحك لانه صارت عنده عاده ارجو المساعده بلييييز

http://www.2zoo.org/get-8-2010-2zoo_org_rnqcptlr.jpg (http://www.2zoo.org)

الله يعنك الحين لازمة تغير مكان القفص هذه حاله نفسيه اخوي الطير كم صارله عندك ؟
ضروري تشمسه وتعطيه فيتامينات غير نمط حياه الطير طلعه معاك بره وده البر خل نفسيته تتغير صدقني ان شاء الله بيرجع نفس قبل والطوق ترى ضروري تشتري له الله يشفيه ان شاء الله وحاول انك تستعمل زيت زيتون تدهن فيه كامل جسمه مع قليل من زيت الخروع نصيحه لك انك متهمله الله يعنيك ويسهل امورك

[كاسكـــو]

لابد من الطوق اول شي لمنع الطير من نتف نفسه

ثم تبدأ معاه حياة جديده وتتقرب لطير اكثر

[اباسلطان]

حالة نفسية لكن اذا تبين لك انو موحالة نفسية في حل وعلاج هذا طبعا من تجربتي الشخصية واسئل مجرب ولاتسئل طبيب تروح اقرب شاطئ بحر عندكم وتغطسه بالكامل املاح البحر تفيد في قتل الطفيلات اللي تسبب له الحساسية اللي بجلده وشهرين وتشوف طيرك طير ثاني

[الخيّال]

تفضل هذا الرابط و أن شاء اللة يتعافى الطير

http://www.2zoo.com/vb/showthread.php?t=167151

[المألوف]

نص فنجان زيت الصبار و نص فنجان زيت الزيتون
الله يعينك

[راينو]

نص فنجان زيت الصبار و نص فنجان زيت الزيتون و يصير ريشة طول شعر زينب العسكري
الله يعينك


اخوي عندي تعقيب على كلامك

اذكر مره واحد من الاخوان بالمنتدى كان طيره عنده حالة نتف ريش
و كانت اختنا كاسكوكيه ببغائها ينتف ريشه ( حالة نفسية )
استخدمت ماء مع صبار و صارت ترش الطير و الحمد لله تحسنت حالت طيرها

التعقيب على كلام الاخو ان اخونا الاول اللي كان طيره ينتف ريشه استخدم زيت الصبار و مات على الطير

يعني ما اقول كلام الاخو غلط
لكن اخونا الاول استخدم زيت الصبار و مات طيره
انا ما ابيك تخاطر و تستخدمه حتى لو كان القليل منه
ابيك تخش هالرابط :
http://www.2zoo.com/vb/showthread.php?t=135812

و بالتوفيق

[خيال البدو]

اخوي طبعا الاخوان ما قصروو

بس عندي لك حل بسيط جدا

اول شي طلعه من القفص و اشتر له استاند

ولا حطه فوق القفص وغير مكانه و حطه مكان غير معزول

و حاول تنوع له فالاكل مثل الفواكه وبالاخص التفاح وحاول تجلس معاه كثير

وان شاء الله فخلال 3 او 4 ايام رح يبطل ينتف ريشه

بس انتبه لحرارة المكان اللي هو فيه لا تحطه فالبرد وشمسه يوميا

و السمووحه

[lovestoy]

اخووي تقدر تصور البخاخ اشوووف ايت نوع الا اعطاك هوووو

[BOOY]

انا درتي سوت زي كده سار عندها في صدرها مافي شعر غير قليل بسس مو كل الصدر من ناحية القلب

نتف ريشو عشني سار لي تقريبا من 1 رمضان ما لعبت بس دحين لمن بديت العب معاه وي زي كده بطل وي سارلمن يشوفني يصفر وي يحرك اجنحتو بسرعه وي ينطنط الين ما اجيه يطلع على يدي يجلس يطالع فيها

[aziz89]

مشكوريى و ما قصرتو و انا الحين يالس اجرب طرقكم و انشالله يكون لي موضوع ثاني وياكم بعد شهر او شهرين