عاااااااااااااجل بسرررررررررعه اللببغاء بيموت الحقو

[جبل عمر]

الحقو علينا عندي ببغاء له يوم ونص خااامل ولا ياكل وعضم صدر باين وبرازه اللله يكرمكم اخضر مع اصفر سائل بسرررررررعه ردو علي وش فيه اسهال ولا ايش ووش افضل بيطري في الرياض حث ببغاوات

[جوسلين]

اتمنى الاخوان يفيدوك و كام لازم الموضوع يكون في قسم سؤال و جواب و اظن اتحط صورة للبراز و الف سلامة

[جبل عمر]

الله يرحم والديكم علموني وش اسوي الحيييييييين وبعدين انقلوه للي تبووووووون حراااام والله 4000 تروح في دقايق

اهو خاااااااااامل وجمه نحيييييييف هل هو اسهال؟؟مع انه قبل يومين كان نشيط ويصفر بس صار له يوم ونص خامل وساكت ولا يوقف على العصا

[خصيم اليأس]

مساء الخير للجميع
وتقبل الله صيامكم وقيامكم
اخوي الله يشفي طيرك ويبارك لك فيه
هذا مضاد حيوي ممتاز للطيور من عند حقين الطيور اسمه ampicilin_t لون الحبة ابيض
طبعا تفكها وتحلها في مويا وتعطيه بالشفاط او ابرة عادية مباشرة للحلق
ايضا حاول تضع شوي زنجبيل في المويا

اكرر دعائي للببغاء بالشفاء وعسى ربي يهنيك فيه

[جبل عمر]

بس سمعت انه مايصلح فيتامين وبكتيريا واخاف فيه بكتيريا او اسهال والله مدري

[امازون بلو فرونتد]

اخوي سوي له شاي وبرده له وخليه يشربه بالابره وحطه له بدل الماي ويكون الشاي بدون سكر


بس كيس الشاي مع مويه

[المألوف]

.



مدري انا اشوف رح ليم اكثر من بيطري
والله يعين لا تحتري احد القطه و رح فيه خلهم يشوفونه و يعطونك علاج

[جبل عمر]

انا تقريبا عرفت وش السبب

هو اظن اسهال لان برازه الله يكرمكم سائل اخضر مع سائر اصفر,, واشتريت باي تريل 5%

وش فيه بعد علاجات غيره للاسهال؟؟؟؟؟؟؟

[كاسكـــو]

ما انصحك بمحلات البياطره اللي تكون عباره عن عياده بالطريق

نصيحتي تروح لبياطره عياداتهم داخل محلات مخصصه لبيع الطيور والحيوانات هم اكثر تخصص

[جبل عمر]

اعطيته باي تريل 5 % مقدار 2 ملم و1 ملم ماء وش رايكم

[abdelrazak]

اخي دواء الاسهال هو يكون نهايته كلمو sulfa
ان عندي دواء الاسهال اسمه trisulfa وجربته على ببغائي ومن اليوم الاول طاب وضع له الان الشاي بعد غليه جيدا واتركه ليبرد ثم اعطيه للبغاء بان ما جبت له الدواء واعطه فقط دوار الشمس
وان شالله الف سلامة

[جبل عمر]

الان وضعت له شاي ويشرب بس ابغى شي فعال واكثر جوده

[الكاسيكو]

مرحبا

اخي العزيز يوجد حبوب ممتازه جدا وجربه لدى البيطريين تسمى roni plus والثانيه اسمها aroni tablet ذوب الحبتين مع بعض واعطيهم الطير مرتين في اليوم الاول وبعد ذلك كل يوم حبه من كل نوع.

[جبل عمر]

اخ الكاسيكو هذا وش علاجه؟

[الكاسيكو]

مرحبا

اخي العزيز هذا الدواء عباره عن مضاد حيوي للكثير من الفيروسات والثاني للكوسيديا والكنكر وهذا هو السبب في الاسهال وسبب الضعف لدى الطائر.

[ابوعبدالمجيد]

اااااالله يشفيه ويعاافيه

طمنى على طيرك وش صار عليه

[جبل عمر]

الطير ماعاد يتحمل ادويه وكل يوم يزداد سوء ..مافي طبيب في الرياض فاهم في الطيور معقوله!!!!!!

[omar5412]

السلام عليكم
الله يشفي طيرك

فيه عياده ذكرها لي احد الاخوان بالرياض على طريق الملك عبدالله قريب من مخرج 10 وانا ماني متأكد من موقعها بس هذا اللي اذكره من وصفه

يقول ان عندهم دكتور جنوب افريقي ممتاز بس العياده غاليه شوي على كلامه

[جبل عمر]

تصدقون اليوم قلت خلني بودي طيري لدكتور يمكن اكون حتى مايلحقني ملامه مع اني متابعه بالببيت واعطيه اكل وكل العلااجات..المهم وديته لواحه الحيوان(الكذاب والله) المهم سوداني غبي اخذ الطير وجلس يناضر فيه قال عنده اسهال قلت عارف ولازم تعطيه اكل قلت كل هذا عارفه في شي جديد قال بعطيك دواء في ابره تعطيه مع المويه وبكتب لك علاج باي تريل 10% قلت هذا عارفه وعندي واعطيه منه قال اوكي وخلص في الاخير عطاني فاتوره ب 40 ريال !!! على ايش مااادري لاهو عطاني علاج صح ولا قال لي شفيه ولا حتى حاول يعالجه يمكن في خمس دقايق شافه وعطاني ابره فيها علاج!!وباربعين ريال نصب عيني عينك..رجعت البيت حطيت لع دواء رحت جيت الساعه 2 لقيت الطير ميت قضا وقدر ومكتوب بس والله ماعندنا اطباء صح كلهم بقر وغنم وقطاوه..

انا طالب ازواج طيور منوعه من برا والظاهر باجل الطلب حتى يفتحون عندنا عيادات زي الناس

[هاااايز]

الله يعوض عليك اخوي وصادق مافيه عيادات بيطريه تهتم بالطيور ياحقت حلال (ابل-وغنم-بقر) ولا كلاب (وانتم بكرامه) وقطاوه